睇完顧二同明蘭攤牌，聰明如明蘭都被俾佢種種心思嚇到，但同時見到明蘭其實都心動，當然啦，有人為自己花咁多心思，對比小公爺嘅小禮物小情話，顧二顯得更有擔當。
小公爺去找顧二悔氣，其實佢自己至係睇唔起明蘭，開口庶女埋口庶女，佢仲小家到話顧二一早睇中明蘭同佢爭，其實明蘭好唔係得佢一個見到，吳大娘子賀老太甚至係盛家老家嘅親戚都好多人睇中佢，明明自己之前放棄，又有咩資格話顧二捷足先登？顧二鬧得最應係話小公爺只排住自己嘅顏面，唔考慮明蘭嘅立場同環境，令佢名聲有損，自己拍下羅友去結婚，人家一個姑娘被指指點點，而家又話要有功名再去說親，如果佢一直考唔上，冇理由要人一直等你，世界上唔係得你一個男人啩，況且好男人都好多。
小桃鬧小公爺真係好爽，佢都有今日啦，矯情到不得了，平日小桃蠢吓蠢吓咁，但覆述盛老太嘅一番話頭頭是道，如果叫丹橘去講就唔得啦，丹橘太心軟，的確就算係小門戶庶女都要面，唔係得你貴人小公爺嘅面至係面，我都一直話明明明蘭已拒絕好多次，小公爺死要去撩人，但明明婚事自己做唔到主，咩承諾咩情意都係癈話，呼之則來，揮之則去，當人地姑娘係咩？
仲有佢請郡主去說親，敗軍而回，佢就發脾氣，咁沉唔得住氣，非大將之才，果然係縱壞咗。
花旗太太生活在花旗國，留意時差，你問我未必即時答到。
發表於 
明蘭出嫁果到真係睇到
可能我睇漏眼
返回列表
