影視娛樂

跳至

首頁

尾頁
   144


大宅

積分: 4153


641#
發表於 12-12-5 03:59 |只看該作者

引用:關仁隱事:「圍牆」食檸檬𤓓爆「圍

原帖由 22May 於 12-12-03 發表
關仁隱事:
「圍牆」食檸檬𤓓爆
曠尾暈!?



點評

simple430  係著褲成呀  發表於 12-12-5 10:23


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


642#
發表於 12-12-5 09:33 |只看該作者
關仁隱事:「柒柒」酒後亂咀

「柒柒」早排去咗一個豪門婚宴,全晚酒到杯乾high到爆燈,睇佢咁樣隊酒法,梗係好快就飲大咗啦,女人飲醉酒好危險,何況仲係身為紅星嘅佢,即刻引晒班狂蜂浪蝶埋身,其中有個飲到面紅紅嘅妹,就膽粗粗走埋去同柒柒講:「你好靚呀,可唔可以俾我錫一啖?」估唔到柒柒竟然笑晒口話:「好呀!」兩個女人就咁嘴對嘴錫咗啖,呢排斷背咁hit,好在柒柒有個恩愛老公,唔怕俾人誤會性取向咋。

「柒柒」= 朱00

點評

wong2323  係+0呀  發表於 12-12-5 22:21
simple430  朱00唔係紅星喎  發表於 12-12-5 10:21
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


643#
發表於 12-12-5 14:18 |只看該作者
@ simple430 朱00唔係紅星喎


出席的有成龍、劉德華、鐘楚紅、胡慧中、趙雅芝、汪明荃、李雲迪、房祖名,etc
冇個似「柒柒」

零零柒 = 00

估估下

點評

wong2323  唔係00,係+0,劉+0呀  發表於 12-12-5 22:21
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


644#
發表於 12-12-6 09:30 |只看該作者
關仁隱事:
「扁平面」「三尖頭」低調愛

好多人都唔睇好「三尖頭」同「扁平面」呢一對,佢哋無論身份同年紀都差一截,成日都傳佢哋分手。不過照關仁所知,佢哋其實不知幾恩愛,只係公司唔想佢哋太高調,每次訪問都唔願講另一半,所以先搞到好似感情有問題咁。早前三尖頭有套新戲上畫,仲係擔正做男主角,扁平面雖然唔可以去戲院撐場。但首映當晚,關仁就見住三尖頭媽媽攞住件牛仔外套畀個仔,仲細細聲話:「女友怕你入戲院凍,叫我攞件衫畀你。」此情此景,真係sweet到爆。

「三尖頭」= 塵偉停
「扁平面」= 菜桌妍

很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


645#
發表於 12-12-7 09:39 |只看該作者
關仁隱事:
「燶晒」裸照放滿愛巢

拍電影出身、拍過好多系列片成績都好好嘅導演「矮佬」,近十年都唔再玩大場,跳咗出去玩細場,仲識咗新女「燶晒」,兩個搞埋一齊之後,矮佬就同老婆離婚,全力支持燶晒上位。中年男子遇到青春少艾,難怪矮佬會舉手投降。不過關仁收到風講燶晒年紀輕輕,其實非常識耍手段,一出道見矮佬幫到自己就漏晒電,未到手已經飛咗自己男朋友mark實矮佬,當然唔使好耐就水到渠成啦。事實上燶晒本身都係豪放女,每次同矮佬去旅行都鍾意裸泳,仲影晒相放喺兩個人嘅愛巢,好多去過佢屋企嘅人都見過啲相。

「矮佬」= 糕志森
「燶晒」= 焦蕉

點評

ringring214    發表於 12-12-7 15:10
styh    發表於 12-12-7 11:04
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


646#
發表於 12-12-10 09:58 |只看該作者
關仁隱事:「Lady」失魂犯眾憎

做得藝人自然緊張自己嘅報道,尤其係唔紅嗰啲,更加份外肉緊。女模「Lady」作料一向浮誇,咪以為佢對自己嘅演藝工作好上心,其實得把口。關仁聽過公關唔少有關Lady嘅失魂個案,唔係應承咗出席又話撞期唔到,就係嗰頭話去揀衫又冇影,人人都話要提佢幾十次。有次佢成功到公關幫佢安排做雜誌專訪,之後口輕輕話補相畀人,點知催十次都話唔記得,搞到截稿都冇相,公關勁唔好意思,最死火係到訪問出街,公關好心通知聲佢,佢居然話「係咩?冇睇喎!」搞到公關誓神劈願話唔再幫佢拉訪問。

「Lady」= ??

點評

雪菜肉c  baby?  發表於 12-12-12 12:25
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


647#
發表於 12-12-10 10:00 |只看該作者
關仁隱事:「二五仔」詭計避講戀情

「二五仔」自從撬老友牆腳,公開宣佈同「晨女」拍拖後,即時成為新聞人物。不過佢知名度升呢後,連嘴臉都三級跳,試過要記者呆等做訪問,不過佢次次出嚟都俾人追問感情事,佢都唔多願意,估唔到佢連電話訪問都怕咗做,怕人哋又問佢嘅戀情,所以二五仔都防範咗先,佢仲醒目到自己錄埋音當做咗訪問,咁就唔怕被即場追問啦。

「二五仔」= 流浩朧
「晨女」= 蓉早2
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


648#
發表於 12-12-10 10:03 |只看該作者
關仁隱事:「喱士」被奶奶怨大食懶

「喱士」當年加入樂壇,可惜一直紅唔起,咁多年喺圈中最大得着,莫過於識咗有家底嘅「鐵人」。而喱士同鐵人日前終於拉埋天窗,不過關仁八到喱士同奶奶嘅關係一向麻麻,有指話因為奶奶覺得喱士恃住鐵人屋企有錢,索性唔做嘢做大食懶,一直對佢印象都唔好,無奈個仔鍾意惟有成全,好彩喱士同鐵人喺香港住,奶奶喺外國住,咁先可以相安無事。

「喱士」= 葉佩聞 Grace
「鐵人」= 角偉亮 Eric K
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


649#
發表於 12-12-10 10:05 |只看該作者
關仁隱事:「小J」唔衰得亂吹雞

好耐之前「大姐大」飲醉酒得罪社團大佬,好主要都係因為佢當時男友「小J」搞成咁,小J乜嘢事都鍾意吹雞解決。嗰次就吹大咗,因為人哋反吹仲要有槍,搞到要扮矮仔。經一事佢冇長一智,近日小J又冇端端喺大酒店吹雞,搞到件事小事化大。有同小J熟嘅朋友話,小J份人粗魯而且恃住自己練過拳,有人望吓佢啲女朋友都喊打喊殺。對朋友都冇面畀,好似飲酒玩骰仔猜枚贏輸都好平常,點知佢唔衰得,輸幾鋪就講晒粗口,搞到同佢出去玩嘅朋友都冇回頭,唔肯再同佢飲。

「大姐大」= 霉豔方
「小J」= 林角斌



很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


650#
發表於 12-12-11 09:41 |只看該作者
本帖最後由 22May 於 12-12-12 11:38 編輯

關仁隱事:「口擘擘」出賣拍檔

大婆台套重頭劇《仆去摘蕉》續集去咗歐洲拍外景,男女主角齊晒人,吸引咗啲狗仔隊跟住去,去到咁遠,啲演員見到啲狗仔隊都好友善,好似「外星人」仲同佢哋影合照放上網,證明相處愉快,因為佢哋知狗仔隊嚟做嘢,俾人影吓交差,當宣傳咪好囉。不過吓吓跟到實就令人討厭啦,話說狗仔隊連演員嘅私人活動都知得一清二楚跟到實,出到嚟嘅報道就亂咁嚟,令到受牽連嘅「惡人」、「跑車」同「啞妹」都好唔開心,決定揪出內奸,結果出人意表,竟然係「口擘擘」,聽聞成班演員都唔妥口擘擘,但都可以繼續拍埋啲戲,因為演員係專業嘛。

《仆去摘蕉》= 衝上雲宵
「外星人」= 張智淋
「惡人」= 唔震宇
「跑車」= 塵法拉
「啞妹」= 糊定欣
「口擘擘」= 胡??
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


651#
發表於 12-12-12 09:25 |只看該作者
本帖最後由 22May 於 12-12-12 09:26 編輯

關仁隱事:「高妹」發爛渣即炒

「高妹」最近俾公司叫佢執包袱走人,好多人以為佢公司由頭到尾借高妹過橋,但關仁聽聞真正原因係高妹唔掂。話說高妹約人做訪問,訪問錄咗幾粒鐘,但高妹嘅問題廢話連篇又離題,結果剪剪埋埋得幾分鐘勉強用到。佢阿頭曾經好言相勸,希望高妹有所改善,但高妹完全聽唔入耳,又經常畀面色阿頭睇,阿頭頂唔順,就諗住換「紫砂」頂上,諗住叫高妹做到今個月尾,大家好嚟好去。點知高妹發晒癲鬧人,公司見高妹咁癲,所以亦都不留情面即刻叫佢走囉。

「高妹」= 吳2利
「紫砂」= 黎紫珊

點評

simple430  佢以為自己係亞虫條女  發表於 12-12-12 12:14
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


652#
發表於 12-12-13 09:49 |只看該作者
本帖最後由 22May 於 12-12-13 12:17 編輯

關仁隱事:「唔貪」嬲娘家密謀過檔

今年大婆台玩民主,希望全民投票選帝后,但入唔入到圍依然係小圈子話事,難怪「嫻淑」之前發晒爛渣,話自己演得咁好,點解冇得入圍爭配角獎?其實唔高興又點止佢一個,關仁知道「唔貪」都曾經向幾位高層反映過,唔明點解自己身為親生仔,連入圍機會都冇,反而「老餅」戲份唔夠自己重,又唔喺香港做宣傳都有得入圍。唔貪話好冇癮,喺三色台撈咗咁多年,覺得自己冇功都有勞,從來冇諗過攞獎,只係想入圍高興吓。家心灰意冷下,唔貪咪諗住同對家斟斟,睇吓有冇更好路數。

「嫻淑」= 黃智賢
「唔貪」= 曹永廉
「老餅」= 岳華

點評

simple430  「老餅」=  劉 X 仁 ?  發表於 12-12-13 10:12
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


653#
發表於 12-12-14 09:29 |只看該作者
本帖最後由 22May 於 12-12-14 09:42 編輯

關仁隱事:「跑車」變臉拉票

大婆台今年走去搞一人一票選舉,會唔會搞到好似鬥靚咁出洋相仍有待分曉,不過拉票活動已經展開。原來除咗普通市民外,大婆台嘅員工每人都有一張投票表格,而且唔似公眾選舉只可以選三大獎項,而係可以投晒所有獎,仲要係硬性要投嗰種。呢輪好多幕後嘅工作人員同關仁講,近日佢哋受到阿姐阿哥嘅款待,好似平時對眼生喺額頭,冇句好口嘅大哥「阿皆老街」見到面都有打招呼叫早晨,同埋平時鬧人唔使本嘅阿姐「跑車」,近日都不知幾好笑容,你估佢哋真係轉死性呀?係睇中班工作人員嗰一票咋,所以你話直選幾緊要呢。


「阿皆老街」= 林瘋
「跑車」= 法拉
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


654#
發表於 12-12-17 09:34 |只看該作者
關仁隱事:「皇宮」報細數呃人

鬼模「皇宮」最近宣佈有喜,佢老公「高佬」好開心,但皇宮屬高齡產婦,樣樣自然要小心,不過關仁知皇宮唔止高齡,仲係幾高齡,皆因佢並唔係外間所知嘅歲數,而係仲要老多兩、三歲。
原來皇宮一出道就報細數。話說皇宮初嚟港時,因為面長長,個樣比較成熟,所以公司就提議佢報細兩、三歲,方便接job,久而久之,都冇人特別理會。高佬同佢拍拖初期都唔知,但兩個人去完非洲旅行一個月先知,好彩高佬覺得年齡唔係問題,所以照結婚!

「皇宮」= Lisa S
「高佬」= 吳現早
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


655#
發表於 12-12-17 09:41 |只看該作者
關仁隱事:「生電王」簽錯賣身契

「生電王」之前決定離棄一手捧紅佢嘅公司,大鑼大鼓簽由「獵人」負責嘅新公司,搞到係人都話佢只係睇錢冇義氣,冇計,因為屋企冇錢要孭起頭家。不過生電王簽咗新公司就意氣風發,人前人後不時晒命,真係以為自己升咗呢,點知近日公司被踢爆幕後大老細真實背景,生電王先知驚同後悔,但都冇計,都已經簽咗賣身契,惟有頂硬上。

「生電王」= 舌海琪
「獵人」= Paco


很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


656#
發表於 12-12-17 09:43 |只看該作者
關仁隱事:「西西」念舊重情義

「西西」當年靠靚仔樣大殺四方,家雖然年紀唔輕,但靚仔樣都keep得好好,佢家主力喺強國搵銀,即使香港唔多工作,佢都冇有怕,因為佢喺強國keep住唔停有嘢做,所以都唔恨返香港撈。反而關仁估唔到外表花弗嘅佢,竟然好念舊,每次返港都例必會同班老友敍舊,亦會約班識咗好多年嘅傳媒老朋友,話晒班傳媒老友由佢出道就關照到佢家,大家亦順理成章做埋好朋友。

「西西」= 塵曉東
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


657#
發表於 12-12-17 09:47 |只看該作者
關仁隱事:「小矮人」搞頒獎禮蝕本

「小矮人」一向喺呢個圈都好吃得開,孭咗好多公職名銜,事無大小好多人都鍾意搵佢幫手,佢亦樂於出頭,除咗威之外,最大推動力當然係搵錢啦,你估佢真係咁神心咩。最近小矮人學人接咗單大銀幕國際頒獎禮嚟搞,呢個頒獎禮之前好多年都係由一個協會搞開,好有經驗。今年小矮人攞咗嚟搞,仲懶醒搵埋啲撈賭嘅人合作,諗住大把錢搵啦。點知佢嘅如意算盤打唔響,外國明星睬你都儍,唔係你請就嚟,人哋開出條件多多,搞到佢入不敷支,應該要蝕錢離場。而且為咗慳錢佢請咗班完全未搞過電影嘅公關,搞到班記者想報名都唔知搵邊個。

「小矮人」= 曾至矮??
大銀幕國際頒獎禮 = 亞太影展頒獎禮??

點評

IgnatiusWong    發表於 12-12-17 15:20
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


658#
發表於 12-12-19 09:42 |只看該作者
關仁隱事:「高秀平」人工低恨過檔

好多有錢女打工都係賺錢買花戴,講就話唔計較賺幾多啫,但人工多少點都反映個人嘅價值,尤其係娛樂圈,個個都係海鮮價,即使係電視台,都可以相差好遠,好似選美出身嘅「高秀平」,真正有錢女出身,但喺大婆台拍劇做埋啲行行企企角色,人哋當紅花旦龍躉價,佢嘅人工直情係死魚價,都唔夠佢去媾仔,好冇面㗎嘛。
其實高秀平假假哋都有名銜,但佢嘅工作量仲少過佢家姐,所以前嗰排「神童」猛咁高薪挖角,高秀平流晒口水,佢講到明,完咗大婆台嘅約,只要有人搵即閃,點都要畀人知道自己係有價值嘅。

「高秀平」= 莊c明
「神童」= 王維機
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


659#
發表於 12-12-19 09:50 |只看該作者
關仁隱事:
「小安」「大份」衰埋一堆

中港台藝人有不良嗜好早已經唔係乜嘢新鮮事,關仁聽巨星個仔「小安」嘅朋友講,小安同歌星「大份」都有不良嗜好,大份周不時因為喺小安屋企喪玩,經常搞到暈陀陀咪索性喺佢屋企過夜。如果要同呢班人埋堆,就要衰埋一齊,唔係就俾佢哋當怪物,好難入到佢哋個核心圈子,香港娛樂圈就真係俾呢班人搞到烏煙瘴氣,完全畀唔到一個好榜樣年輕人學習。

「小安」= 房早明??
「大份」= e神??
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


660#
發表於 12-12-20 11:14 |只看該作者
關仁隱事:「顏色」拖糧激死桔仔

騎呢台老細「顏色」唔單止經常拖延出糧畀員工,佢連嘉賓藝人嘅錢都一樣照拖,甚至詐詐諦諦唔畀。話說騎呢台之前請咗帝后級嘅「花哥」同「得閒」做嘉賓,人哋講明要搵自己梳頭化妝,然後由騎呢台找數,騎呢台本來拍晒心口話冇問題,點知最後過橋抽板,節目出完街之後一直唔肯找數,花哥同得閒覺得騎呢台真係cheap到爆,話以後都唔會再幫手。最慘係幫騎呢台搵佢兩個做訪問嘅「桔仔」,佢碌晒人情卡搵人,點知騎呢台唔肯畀錢,激到桔仔死死吓。

「顏色」= 黃征
「花哥」= 任達華
「得閒」= 葉得閒
「桔仔」= 甘角亮
很想知道,追夢的人是如何踏出第一步?

首頁

尾頁

跳至
Presslogic Logo
Baby Kingdom Logo