大仔大女媽媽會 今日: 0 | 主題: 177861

積分: 391

661^#

發表於 08-10-22 16:55 |只看該作者

彥媽您好 !

很入迷地追你的學習交流, 精華篇等, 有你這位大專家坐鎮, 係我們媽咪的福氣, 既多謝, 右感激,
睇你的文章, 可以比我地的working mom, 又無時間8 的媽咪省回不少時間, 有小朋友才知做呀媽的不易, 除非你唔理佢, 但我右做唔出。

我得一個仔2歲半, 0603, ,
而家係將軍澳德寶讀國際N 班, 報考緊St Catherine, KV, Pre-school,及培正,

我希望他
二文三語, 英文為先, 注重德育, 將來轉區讀書比較有競爭力。
雖然小學唔睇幼稚園, 但我亦想佢底子打得好。

他NI之前曾參加playgroup, 但發覺佢坐唔定, 全部小朋友坐定定聽老師唱歌及講故事, 他可以自己在課室內跑來跑去,老師話佢專注力唔夠, 但我發覺他有興趣玩, 睇, 及讀的東西及事情, 亦可以坐到5-10分鐘, 現在我也不知他的性格如何, 程度如何, 適合讀何種幼稚園。

想請彥媽比比意見
1) 富康德寶讀的幼稚園程度如何? 它的程度是否比其它幼稚園深 ? 其K1主流是否值得考慮? (若果其它全部唔收, 唯一考慮係繼續係到比佢讀

2) 請問SC的除英文外, 其程度如何, 可否接到傳統小學 ? KV我覺得太辛苦。受就好, 唔受我驚有反效果。

3) 打算小學會搬到香港區, 考慮大坑至北角, 請問哪一區比較好的中小學校較多,機會較大, 最好係英文官小, 或政府津貼, 非必要唔想叩門要交學費。我會去大抽獎 (無信教, 得基本分) 但亦會去叩門做預備, 考到或抽到先算, 自問不是有錢人, 亦自量不會追求一線名校, 要睇個仔的能力, 校風好, 中上便可。請指教。

佢老豆係蘇淅畢業, 但是否小學得, 中學唔得, 但要交學費, 是否可以做後備, 請問我的策略如何, 怎樣部署中小學?

我對所有的中小學全無認識, 要比的時間睇下, 要縮窄地區範圍。

聽人講香港現在的學校, 無分中間, 一係好, 一係唔好, 都唔g 係唔係 ?

其實培正的課外活動都幾平, 不過要交學費, 請問你一個的學費, 活動費, 零用錢等,大概幾多錢 ?

4) 其實我亦可以搬到中西區, 但這邊中小學是否競爭很大 ?

先多謝你的回覆, 我真係唔識。

私人傳訊

積分: 12319

2024年龍年勳章

662^#

發表於 08-10-23 09:56 |只看該作者

PJC:

First of all...welcome to join us~ :loveliness:

很入迷地追你的學習交流, 精華篇等, 有你這位大專家坐鎮, 係我們媽咪的福氣, 既多謝, 右感激, ....
==>先多謝你支持, 但 join 得彥媽呢樹就請唔好忘記我小小規矩 here ar...i.e. 要定期溫書, 咁大家先傾得埋架..唔係彥媽又要成日重覆 old answers ga la...OK?? :lol:

我得一個仔2歲半, 0603, 而家係將軍澳德寶讀國際N 班, 報考緊St Catherine, KV, Pre-school,及培正, 我希望他二文三語, 英文為先, 注重德育, 將來轉區讀書比較有競爭力。雖然小學唔睇幼稚園, 但我亦想佢底子打得好。他NI之前曾參加playgroup, 但發覺佢坐唔定, 全部小朋友坐定定聽老師唱歌及講故事, 他可以自己在課室內跑來跑去,老師話佢專注力唔夠, 但我發覺他有興趣玩, 睇, 及讀的東西及事情, 亦可以坐到5-10分鐘, 現在我也不知他的性格如何, 程度如何, 適合讀何種幼稚園。
==> 就你呢樹講, 第間唔計...以彥媽 past experience 睇, 起碼我會知培正唔會 meet your requirement 因為一來佢地英語水平的確仲係同出面一般既幼稚園有差異, 幼稚園亦無普通話, 另, 佢係一間都幾傳統既學校, 若小朋友坐唔定, 專注力唔夠, 能包容呢d 行為既老師唔太多, 大部份都係 prefer 乖乖個停, 除非小朋友會改善到啦, 唔係的話, 上到小學就會更唔習慣, 呢點要留意.

1) 富康德寶讀的幼稚園程度如何? 它的程度是否比其它幼稚園深 ? 其K1主流是否值得考慮? (若果其它全部唔收, 唯一考慮係繼續係到比佢讀
==> 呢d 係彥媽歸類做較商營既一類幼稚園, 唔係話商營唔得既, 只係因為佢係私營, 所以好多時有幾多資源可以投放響小朋友身上就好睇佢既收生情況 (即係收入 $$) , 在我係一個 "保守型投資者" 既角度, 我會認為非牟利團體辦既質素會較, 呢類學校因為要同好多 other 幼稚園競爭, 亦因為佢係私營, 冇非牟利團體呢類大水喉照住, 所以佢一定要提升佢既學術程度 (依家 HK 人咩都想學多d, 深d, 快d 嘛) 先可以吸引到家長報讀的, 因此, 佢教既野一定唔會好淺, 呢點你可以放心 (唔係佢實比家長們 complain 都似). 但講到好深, 我相信亦未至於既, 係較多英文咁啦 (家長們鍾意英文嘛), so if you got no other better choices around, then 因為佢近, budget OK 既話, 留響樹都無妨既.

2) 請問SC的除英文外, 其程度如何, 可否接到傳統小學 ? KV我覺得太辛苦。受就好, 唔受我驚有反效果。
==> SC 同 Kentville 都係傳統幼稚園, 接升小學冇問題, 只係 KV 既操練會比 SC 多少少添, 所以外界都會話 Kentville "深" d 就係咁..但彥媽常常講.... 大家唔好過份俾呢個字嚇親先得架....得個幾歲人仔, 所謂 "深"咪就係走動得少d , 早少少寫字咁啦, 咁...well...personally 我唔認為咁就好 "恐怖" to a kid, 又或 "佢會好慘", 好多時係家長自己 manage their own expectation 而己, 唔通學校見佢唔寫字就打佢咩? 咪又係用糖果呀, 顏色呀, 圖畫呀咁引佢做功課..?? 而小朋友既野, 有得玩, 有趣佢就做架喇..點會識分 "深" 同 "淺" 呢, 一切只係從家長既心態, 成人標準去出發 only la... so that's why 有人 OK 呢類 KG, 有人唔 OK lor~

3) 打算小學會搬到香港區, 考慮大坑至北角, 請問哪一區比較好的中小學校較多,機會較大, 最好係英文官小, 或政府津貼, 非必要唔想叩門要交學費。我會去大抽獎 (無信教, 得基本分) 但亦會去叩門做預備, 考到或抽到先算, 自問不是有錢人, 亦自量不會追求一線名校, 要睇個仔的能力, 校風好, 中上便可。請指教。
==> 先搞清楚 (1) 大坑 should be net 12, 北角就係 net 14, 唔同的 (2) HK 地嚴格黎講係冇 "英文小學" 的, 因為英文小學既定義就係 other than Chinese, 所有野都用英語, even the books, 而全港 so far 係得幾間係咁...e.g. DBSPD, SFA, St Jo, 多數係名校, I would say, even La Salle 都係 "中文小學", Wah Yan 都係, 因為佢地 even 用既書係英文 (e.g. maths) 只要教學語言都仲係母語, 唔係英語既話...in this case, 咁唔可以叫 "英文小學", 都係 "中文小學" only明未...so 你唔會揾到 "英文官小" 的...請搞清楚.

So far 港島區既學校 overall standard 較九龍新界區既平均, 咁講即係話佢地唔會話有一間特別特別好差 (which may happen in Kowloon/NT) 而係間間都咁上下, 所以 should fit what you said : "校風好, 中上便可" 呢點的.....and net 12 同 14 都係港島區唔錯既 school net...咁啦, 你問既問題咁闊, 你係唔係想我係咁 2 俾幾個名你就算呢...?? 咁未必岩你架 wor! 彥媽作風, suggest you 去下教統局個 web, check 下 net 12 同 14 有咩學校, 問下自己 decision criteria 係乜...再初步 shortlist D 你喜歡既我地先再 discuss in details la...咁既話彥媽可以打少好多幫唔到你既字.

佢老豆係蘇淅畢業, 但是否小學得, 中學唔得, 但要交學費, 是否可以做後備
==>可以先入佢 KG 以 secure 個小學位, then 再搏 other schools

請問我的策略如何, 怎樣部署中小學?
==>this is a long story here, did you know anything about the allocation system? 小學同中學派位機制有ｄ唔同, suggest you 先了解左個 system (小學個樹我精華篇有寫), 你應會大概有印象, 至於中學, 因為未有耐去到, 而中學係好簡單...成績論英雄, so in order to tell all moms, 我呢樹唔寫住, 遲d會響精華篇同我個 blog 發表...因呢d 亦涉及 personal preferences, 我只可以話你知個 system 係點同 what you need to pay attention to...而唔係教你部署, 因為每個人想追求既野都唔同的...e.g. 我根本就唔打算比阿仔響 HK 讀上去, 問照只在於 F3 就走 (去外國) 定係 F5 only, so for me, 我 may not need to 部署 so much about 中學 here, so you see the point here?

我對所有的中小學全無認識, 要比的時間睇下, 要縮窄地區範圍。
==> 你知就好啦,:cry: 所以何不先自己做下功課, get a brief idea about the allocation system in HK, info about all schools, etc...before we start discussing again? 你依家阿仔仲咁細, 有時間 wor...唔駛急丫...

聽人講香港現在的學校, 無分中間, 一係好, 一係唔好, 都唔g 係唔係 ?
==>can't say so...好唔好在於每個人既 definition, even 個個家長都話　”我唔介意學術水平唔夠高，但校風一定要好架”, 唉...鬼唔知咩, 人人都係咁講架喇...個個老婆夠講...我唔介意我老公揾得唔多唔靚仔架, 最緊要係顧家架咋"...嘩..呢句說話就真係可圈可點了, 何謂"顧家"呢? 有d 人覺得, 要日日噓寒問暖咁先叫顧家, 有d 太太可以話"要搏哂命揾錢" 先算...so same case here...校風好..how to define? 個個細路坐定定, 老師叫佢行佢唔敢走咁算唔算..??個個細路只愛讀書唔打機又算唔算..? 定係只要學到要學既野, 走下頑皮下, 老師都唔會因此就打罵 or e e or or 就叫校風好呢? Think about this...friend....so you better ask yourself, what is your definition here? I would say HK 既學校分別就係在於此 only (different behaviour preference) 而呢d 行為都可以出現響"校風好"既學校的. 唔同人對 behaviour 都有唔同既 interpretation ma...不過...somehow HK 地人多地少, "唔郁唔跑唔跳" 既小朋友一定比 "郁身郁勢, 多多咀" 既小朋友易受人接受的, so 你係唔係認為一間學校教到學生好好好聽話就 = 校風好, 定係可以接受學生有唔同意見去 challenge 番老師就都可以係一間校風好既學校呢...? I guess this point 好值得大家去諗諗.

其實培正的課外活動都幾平, 不過要交學費, 請問你一個的學費, 活動費, 零用錢等,大概幾多錢 ?
==> 睇黎你未溫哂書了, about PC , 我寫過唔少 already, please go and check it, but 見你係新人, ok...give you a quota...一次咁多...培小係私校, 依家係 $2,650 per month (10 instalments per year)...佢既課外活動大致係 two types, 一d 係 after lunch 老師辦既 (around 1pm-1:30pm) 個d 係 free, 另一d 係課後既, 個d 因為多係"外判" 比出面d 唔同教育團體搞 , e.g. swimming, 所以係要收錢的, 亦唔會有校車接送. 呢類 course 唔會好貴, 同出面上個d 差唔多咁啦. 要幾多錢 depends on 你想佢學幾多樣了....至於 pocket money , 我小一小二都唔俾的, 係依家大仔小三我就 give him $5 per day.

4) 其實我亦可以搬到中西區, 但這邊中小學是否競爭很大 ?
==> 我會話相對少過九龍新界, 因為新界既人多會出九龍抽, 但較少過 HK , 出生率計, 都係九龍新界既 BB 多過港島區啦, 所以唔可以咁講, 而且...大家都係抽, 運氣而已, 運氣好既, 人幾多都會抽得中的, right? 競爭大 mostly applied to private/DSS schools gum la...

先多謝你的回覆, 我真係唔識。
==> 唔識唔係問題, 凡事都係一個 learning process, 我都學緊做個好媽媽...so I suggest you 自己都一齊付出下, 睇多d唔同家長寫既野 (info) 再自己消化下, 諗下, 再問, 你會學得更快...:lol:

私人傳訊

PJC

積分: 391

663^#

發表於 08-10-23 12:36 |只看該作者

彥媽 : 好開心收到你的回覆,

多謝你指證我對小學的一知半解, 其實我想呀仔有多的機會接觸英文, 我有童年陰影, 小學時英文比中文好, 但派到一間中文中學, 英文讀返轉頭, 重一年比一年差, 而家當然唔會好得去邊, 我唔想呀仔步我後塵。

其實理想係只要係用英文書, 知多的terms, 英文課外用中文授課已可以。

我要求的校風是放學唔好有班飛仔係門口, 學生企企理理, 最好
係我地所分的band 1學生較多。而我考慮搬的區域, 是希望搏大
抽獎中的機會大, (個範圍多的抽到的好學校) 我都唔g net 12定

14好 ? 中西區都多數唔唸law。

想reconfirm, 若果中學以成績論英雄, 係唔係邊區都去得 ? 這樣小學真係好重要。真係依賴政府的allocation system, 以我的分來講 (一個小朋友及無宗教分), 抽獎真係睇好唔好彩及呀仔的做化。

請問你個blog點去 ? 你的精華及答問是否全部係0406?

Thanks again.

私人傳訊

積分: 12319

2024年龍年勳章

664^#

發表於 08-10-23 14:28 |只看該作者

PJC:

多謝你指證我對小學的一知半解, 其實我想呀仔有多的機會接觸英文, 我有童年陰影, 小學時英文比中文好, 但派到一間中文中學, 英文讀返轉頭, 重一年比一年差, 而家當然唔會好得去邊, 我唔想呀仔步我後塵。
==> 我同情你既遭遇 and in fact 好多家長既決定都係 based on past experience, 所以你依家想阿仔學好d 英文一d 都唔奇, 我亦諒解...但我亦想趁呢個機會指出 (你有冇溫書 at my 精華篇 about 我地語文學習既睇法呢..?) 學語文好定差, 學校只係 one of the media, 更重要既都重有個人本身既鬥心同興趣, 恕彥媽坦白, 你真係有心學好英文時, even 間 school 比唔夠你, 你都絕對可以有辦法 (尤其去到中學, 仲係大個d 人添了) 可以幫自己製造機會的, 有間英文中學無可厚非先天性係會有優勢, 但咁亦唔代表中文中學既英文一定唔得, 反之係睇 overall results la...若小學時整體成績係好, 就算最後係派去中文中學, 都會係一d band 1 既中文中學, 呢d 中學佢地英文水平一定唔會太差 (even though 同 top 英中係都仲有d 距離, 但應付日常溝通需要一定唔係問題), 語文亦需要持之以恆既練習咁個 skills 先可以 keep 到, 唔用就冇...so the point is: dun feel disappointed even though finally your kid goes to a CMI (中文中學), 反之係你要諗下你作為家長如何可以除左旨意學校之外, 如何去鞏固小朋友英語既能力同佢既興趣先真喇...FYI, 彥媽細個就好鍾意講野 (多咀..呵呵

), 亦喜歡搭訕, 因而造就我...e.g. 我會主動同外國人傾偈, 見有d鬼佬似 tourist 係街頭 ngok ngok 拎住張地圖我會唔抵得頸去問佢: what can I help you? 揾機會比自己, 慢慢英語就會得, 我既 PTH 都係咁...自細我喜歡睇國語片, 明珠台, 我又鍾意學人口音, 去到 U 都會主動同d 操 PTH or English 既人搭訕, 學佢地既野, 了解佢地 culture, etc...因此好多 vocabulary, conversational English, etc...都係咁學到返黎的, 依家可以用英語同 PTH 教書都面不改容, 因為習慣了...what I want to share with you is: 學語文, 學校係硬件, 學得到 =/= 學得好....若講學野要學得好呢瓣, 就好大部份係 attitude 了, i.e. determination, persistence, 呢d 係軟件而形成的, so what I would say is: 你在幫阿仔揾好學校之餘 better look at what you can do to influence him to learn languages and practice...咁會幫助更大...could I make myself clear here..??

我要求的校風是放學唔好有班飛仔係門口, 學生企企理理, 最好
係我地所分的band 1學生較多, 而我考慮搬的區域, 是希望搏大
抽獎中的機會大,, (個範圍多的抽到的好學校) 我都唔g net 12定
14好 ? 中西區都多數唔唸law。
==>先唔好自己嚇自己，係有飛仔企都企響中學門口多過小學啦, 細路咁細, 犯法都未夠秤嘛...so 要擔心都等中學青春期先啦, 依家d 小學程度上唔會差好遠, 不過我都同意有d 區份係爭d , 因為家長唔理仔 (要揾食), 咁d細路成日響街流離浪蕩, 自然梗係易學壞了, 咁你諗下 HK 地有邊d 區係有d 童黨型既物體最多丫..咁就避下個d 區啦.

For boys, net 12 may be better than net 14 as there are more choices.

你想知間學校有冇你講既情形, why dun you pay a visit there and see then? 自己親身感受 must be better than 道聽途說 ma...

想reconfirm, 若果中學以成績論英雄, 係唔係邊區都去得 ? 這樣小學真係好重要。
==> 你可以咁講...中學派位 1st round 係學校自行收生, 學生可以揀兩間任何區網既中學去考, 但因為考中學係計成績, so 一般d 勁既中學只會見d 響個間小學 (唔駛一定係名小學) 全級頭幾名個d ...so 你要有把握阿仔成績一定要名列前茅先會可以 1st round 搞得掂, otherwise 就要等 2nd round, 2nd round 就要分網的, 個網係跟小學個網而定, 即係小學響邊, 中學都會響附近的, 而 2nd round 係按成績派位的, ie. 阿公會將屬灣仔網既學生按各小學申報既成績 (P5 下學期+P6 上下學期) 去將小朋友分 banding, band 1 會派先, 餘此類推......你可以先上去 EDB 個 web 睇下中學點派位先啦, 明左個 system you will know how to choose 的了.

真係依賴政府的allocation system, 以我的分來講 (一個小朋友及無宗教分), 抽獎真係睇好唔好彩及呀仔的做化。
==> you may say so, but 你亦可以回心諗下 : 派得好唔好只係其中一環, soemhow 即使派得好又如何..?? 坐得暖個位先算喇, right? 學習係一個 process 唔係一個 result, 即係唔係可以單憑一件事一個結果就論英雄的, 一世人 80 歲 (in average) who knows who is the most successful at the end????? and ..who is to define what is "successful" ?? 一定要薪高糧準先算嗎..?? 能 enjoy what I could get, 仲有能力 get and appreciate 我相信對小朋友黎講會更有幫助. Well..不過 these are my values only and can't represent all la...我會尊重每個家長既睇法的, 因為我信每個家長都係為子女好的.

請問你個blog點去 ? 你的精華及答問是否全部係0406?
==>係, 依家我好少出去出面的, 只係呢樹, 同有個 blog. 出面好易有口角的, so better stay here quietly...hehehe...

[ 本文章最後由彥彥媽咪於 08-10-27 09:42 編輯 ]

私人傳訊

PJC

積分: 391

665^#

發表於 08-10-23 15:37 |只看該作者

彥媽 :

叮 !!!!! 我明左好多啦, 多謝你拉我行多一大步, 想多的, 行遠的, 做你學生我想都幾幸福, 講到真道理, 聽到有用的野。

幾時開個彥媽fans club, 有聚會, 記得通知聲, 女人行埋講仔經, 大吧野講。

可以的話, 我好想學你點樣分配時間, time management, 你有3個小朋友,唔算係大,
右要理學校, 功課, 課外活動, 你右有工作, 右要照顧老公, 家庭, 我雖然只得一個仔, 但係全屋上下都要理, 我都已經覺得無時間, 剪頭髮都唔得閒, 重想做facial, 簡直發夢。而家老細唔係到, 可以上下網, 如果唔係右要8點先返到屋企。

唔該晒, thanks so much.

私人傳訊

積分: 3986

666^#

發表於 08-10-24 15:30 |只看該作者

彥媽我又有野問啦....依家溫緊第2次書啊....贊下我啦...hehe...

您提過所有中學依家同佢小學有直屬, 或聯繫關係既, 都要在2013前宣佈結唔結龍, 結就要有足夠學額接收所有佢自己既P6學生+10%位比街外人, 如唔結龍就要2013後解除本來直屬or聯繫關係, 變成無關係....

我的小朋友2012讀小一, 如果選/抽到間可搏埋上心宜中學既官津小, 但間中學無啦啦係2013宣佈脫勾, 或結龍結唔正我仔讀個間小學, 咁P.6米得個吉, 升中時米要用街外人身份去報個10%既位? 我有無諗錯野?........

個d聯繫(包收25%)中學, if之前聯左3,4間, 何來有咁多地方同資源provide足夠學額, 要結得成就實要cut走一兩間原先聯繫的小學, 完全脫勾又連個25%chances都無埋??

私人傳訊

積分: 12319

2024年龍年勳章

667^#

發表於 08-10-27 09:36 |只看該作者

B1:

依家溫緊第2次書啊....贊下我啦...hehe...
==> of course 抵讚喇...彥媽最錫勤力既人架嘞~~

我的小朋友2012讀小一, 如果選/抽到間可搏埋上心宜中學既官津小, 但間中學無啦啦係2013宣佈脫勾, 或結龍結唔正我仔讀個間小學, 咁P.6米得個吉, 升中時米要用街外人身份去報個10%既位? 我有無諗錯野?........
==>又唔會既, 因為若小朋友入學個年本來都係結左龍既, even finally 要脫龍 (e.g. 早年聖馬可小學就係咁) 咁之前應承左個d 小學生都會冇問題, 可以直升, 但之後入個d 就唔得.

不過...你依家個問題係...."抽到間可搏埋上心宜中學既官津小學" 點搏埋先...搏極依家黎計頂多係直屬....so 收極都係 85% 小六生 only, 即係話都唔係 100% 直升格, so unless 依家你抽到個間本來就已係講明係一條龍學校, otherwise, 都係要唔包直升 ga wor...so 心理上唔應該咁老定一定有得升 ga wor, and 既然係咁, 結到龍就當開心d 中獎, 結唔到都唔會太有問題 ga wor...依家問題既 impact 係, 你抽到個間係有直屬, 但之後因為唔結龍就要連直屬關係都冇埋, open lucky draw...咁既話, 就要大家一齊爭 all the seats, 唔係 10% (因為唔結龍既話就要全數學位拎出黎俾阿公分的, 結左個d 先會要有 10% 學位俾街外人抽, 明冇..??)

個d聯繫(包收25%)中學, if之前聯左3,4間, 何來有咁多地方同資源provide足夠學額,
==> 聯繫既定義同直屬好唔同, 聯繫即係同 group only, 並不是一定收某小學的, 因為聯繫可以聯繫好多間, 只係個間中學可以優先預留俾佢個 group 既聯繫小學既小六生唔多過 25% 位 only, 亦唔代表佢要收足 25% 既小六生 from these 小學, 所以都係好講成績的, 一定要全級做到都幾 top 個d 去報人地先會吼你, 唔同直屬, 有 85%, 所以只要成績唔係最差個d 都會有機會直升.

要結得成就實要cut走一兩間原先聯繫的小學,
==>本來結龍就只可以結一間小學 only la...unless 中學有足夠學額收哂兩間小學既學生喇 (if they want to 結龍結兩間)

完全脫勾又連個25%chances都無埋??
==>按現行政策...答案係...一係就結, 一係就離..就係咁...唔準再存有中間線 after the deadline. 再唔係就轉直資, 阿公就唔理得你咁多...話知你點收法.

私人傳訊

積分: 3986

668^#

發表於 08-10-27 12:37 |只看該作者

多謝彥媽既資料....

...唔..舉個例...PLK第1張永慶中學, 依家聯繫左3間小學: 1) 陳南昌 2) 何壽南 3) 錦泰, 包收唔超過25%小學生, 假設小朋友抽到陳南昌&讀得唔錯, 但if one day PLK宣佈只跟何壽南&錦泰結龍, 到p.6時米要靠外人身份考PLK1中個10%既位??..say當初諗住選其中一間聯繫小學有多少少chances上PLK1中 (when compare to choosing other P in net 43 or 45), pick錯連少少jetso都無...or conversely pick啱結到龍既聯繫小學米定個台炸彈包收...

呢個情況放在現時其他聯繫group可以預計係好普遍.無論邊個net...

私人傳訊

積分: 12319

2024年龍年勳章

669^#

發表於 08-10-27 13:43 |只看該作者

B1

假設小朋友抽到陳南昌&讀得唔錯, 但if one day PLK宣佈只跟何壽南&錦泰結龍, 到p.6時米要靠外人身份考PLK1中個10%既位??
==> 又唔完全可以咁講, 結龍 deadline 本來就定係 2013, 即係suppose 最後最後要響 2013 宣佈結龍 or not, 而 even 宣佈左個間唔係依家小朋友讀緊個間, 佢地都多數都會俾讀緊個d 仲用番以前既關係去升的, 係之後宣佈左個d 先會有影響 (唔係真俾家長嘈), 所以....基本上唔駛太擔心呢個問題, 再者, 若用你個例子, 25% 上 PLK No. 1 仲要 from 3 間, 老老實實, 我會先當冇得直升好過, 因為聯繫個d 都係要鬥成績好先有人吼的.

不過..用回你所講, 最簡單地答既, 當然係 "真係結唔到你本身個間既話, 就係要以街外人身份考了" 呢點啦...

呢個情況放在現時其他聯繫group可以預計係好普遍.無論邊個net...
==> 純以街外人大家斷估計...我又睇唔到 why all 聯繫 group 既要轉哂做一條龍 wor, 因為, (1) 一條龍係要包收小六生, 好唔好都要殺, 呢點係所有一線 band 1 學校最唔想見到既野, 用聯繫 or even 直屬都仲可以 "西" 走d 最 bottom 個個 leve, 一旦結龍, 就唔可以咁, 到時佢地中學既成績仲可唔可以憑d 好成績既學生再維持到就係 ?? , 係咁既情況下, 真係要度度, 亦 that's why 好多一線中學依家死拖爛拖都唔宣佈結龍 or not la... (2) 要真正結龍, 你有溫書都知啦, 要 be able to accommodate ALL P6 students, 即係地方, 課室, 師資, 人手都要夠, 依家好多老牌一線中學就係面對 such problem, 唔一定係資源上可以做到, 既然係咁, 亦又要面對 (1) 既風險..所以俾我估, 我會估聯繫個d 就索性脫勾算數, 係結都係直屬個d 會做多d.

[ 本文章最後由彥彥媽咪於 08-10-27 13:51 編輯 ]

私人傳訊

doryee

王國長老

積分: 13013

好媽媽勳章王國長老

670^#

發表於 08-10-27 17:07 |只看該作者

彥媽多謝你上次既解答

我想問三間,馬頭涌官小(舊校)舊生同陳瑞祺(天主教)我都有20分,比你會點揀,但其實我比較鐘意聖三一,因班數同人數少,英小,普教中,同埋呢間我都係可以入梗,因小朋友讀聖三一中心幼稚園,但要比錢

官校比我感覺係做又36唔做又36,老師幾年轉一次校,歸屬感較少同埋驚一時一樣又或者政府無要求就唔做
陳瑞祺有中學雖然唔係收哂小學,但間中學都叫OK啦,但我又驚競爭同壓力大,大人同小朋友都辛苦

我都知我早左諗,家下小朋友先得2歲,其實我都會趁佢呢幾年幼稚園再觀察佢受唔受迫先再決定邊間小學,我所問既小學比較普通,希望你都有資料啦,謝謝

個性固執,熱情(愛結交朋友),愛和平(不喜爭執),頭腦靈活,做事欠勇氣及信心(所以較容易放棄機會),要學習加強主動性喺做事方面、加強表達力及疑心(易相信別人)。

私人傳訊

積分: 12319

2024年龍年勳章

671^#

發表於 08-10-27 17:56 |只看該作者

doryee:

我想問三間,馬頭涌官小(舊校)舊生同陳瑞祺(天主教)我都有20分,比你會點揀,但其實我比較鐘意聖三一,因班數同人數少,英小,普教中,同埋呢間我都係可以入梗,因小朋友讀聖三一中心幼稚園,但要比錢
==>你要先問你自己, budget 係你 first concern 定係學校, if 係前者既, 已經唔駛諗聖三一了, 但若你話都冇問題既, 咁你可以考慮埋一齊, 真係三間拍埋揀, 我會揀陳瑞祺 > 馬頭涌 > 聖三一, 但若你真係鍾意聖三一既 (尤其你地自己讀緊嘛, so you should have your own experience) , 咁亦可以直升丫, 唔駛太理人家點講架 wor, 自己 feel 到間學校冇問題就得啦...:)

官校比我感覺係做又36唔做又36,老師幾年轉一次校,歸屬感較少同埋驚一時一樣又或者政府無要求就唔做,
==> 依家d 官校雖則個別仲有你講既毛病, 但同以前比都真係改善左好多的了, 而且 MTC 算係官小之中都係 top 個幾間, 都唔錯架, 再者, 好唔好, 有冇歸屬感又唔可係 only 官小既, even 津小, 因為依家教師既工作量大, 自然流失率都高, so 都唔一定好架, 真係好個別 e.g. gum ge...

陳瑞祺有中學雖然唔係收哂小學,但間中學都叫OK啦,但我又驚競爭同壓力大,大人同小朋友都辛苦
==> 先講一樣野令你 feel less stressful 先啦, 就係你依家問呢三間我都收唔到 feedback 話好大壓力 bor, so no need to worry too much here ar...另, 你想冇壓力只有一個方法, 坦白講, 就係唔受 HK 既 education system 分配就得了, 一日 we are under the system 係人多, 中六學位少, 大學學位又再少d 既情況下, 有競爭係必然既事, 而個個都為左可以令子女, 學生可以上到大學, 好既中學, etc..自然要在學術上加多少少, 而我又唔認為以上你講呢三間會係 "好大壓力" 個種喇...除非係d super 名校, 5 班小六變 2 班中一個停就會既, otherwise 你依家係自己俾緊壓力自己 only, 唔係阿仔.

我都知我早左諗,家下小朋友先得2歲,其實我都會趁佢呢幾年幼稚園再觀察佢受唔受迫先再決定邊間小學,我所問既小學比較普通,希望你都有資料啦,謝謝
==> 唉...我唔係冇資料, 而係你問既資料我又係講左 N 次 only la...cos 98% net 34 既人都係問呢幾間咁解啦...想多口問句, 你今日溫左書未...?? :-(

私人傳訊

禁止訪問

積分: 1172

672^#

發表於 08-10-29 22:50 |只看該作者

提示: 作者被禁止或刪除內容自動屏蔽

私人傳訊

song0x0

積分: 1846

673^#

發表於 08-10-30 16:36 |只看該作者

HALO彥彥媽媽....
我都係你粉絲黎架~~~

我個女而家讀緊啓思N1...
原本都諗住會俾佢讀上去(K1-K3)

BUT睇睇下你講既野, 我驚到佢入讀傳統的小學會好辛苦及追唔到...同埋習慣唔到囉~~(你都知啓思係全活動教學架啦~~~)

問題1)
如果我繼續俾個女在啓思讀上去, 若然要應付將來入讀傳統小學的需要, 我而家應該要準備啲咩呀??? (例如額外俾佢上counse...)

問題2)
如果啓思幼稚園畢業, 可以選擇邊類型的小學 ??
(比較上銜接得到由活動教學升上黎的學生呀???)

P.S. 啓思小學太貴啦....我真係負擔唔起....
因為我屋企附近無咩心議的幼稚園 (葵涌區), 而個女又在啓思度讀到好開心...同埋真係學到野...(當然其他幼稚園都一樣學得到...)

請解答我呢個煩惱人的問題...謝謝~~

[ 本文章最後由 song0x0 於 08-10-30 16:37 編輯 ]

私人傳訊

jllx

積分: 175

674^#

發表於 08-10-30 16:51 |只看該作者

Hi 彥媽~好多謝你既分享~對幫BB選校清晰了很多

請問點分間學校係屬於咩網?我上網查過~沙田同馬鞍山既小學係一齊~唔係分開~之前有睇過你講係分開就知住MOS唔可以報沙田的小學~但不知其他地區是否也有類似情況~是否可提供網址我可以上去查看? ^^

另想問問你家二少同三少~報考過咩幼稚園~可以share嗎? ^^

歡迎各位BB黎我個Blog留個腳印仔
http://hk.myblog.yahoo.com/9161-5917

私人傳訊

積分: 12319

2024年龍年勳章

675^#

發表於 08-10-30 17:25 |只看該作者

yf:

請問net91, 呂明才, 沙呂, 聖小, 朱正賢, 沙官, 你會點排位呢?
==> 又問...

:-( 呢幾間我答過好多次架喇...因為係沙田區家長來來去去都關心個幾間丫嘛..你有冇溫書架...要打...

嗱...見你幫襯開...to be simple: 若以各方面 factor 平衡地去考慮, 我會排...呂明才 = 沙呂 > 聖小 > 朱正賢 > 沙官.

另外, 你覺得幼稚園有冇外籍老師係咪要考慮既因素呢? 重要嗎?
==> 有當然係好d, 但都要睇 contact hours 有幾多先?...即係話有 NET, but once a week 先得個半個鐘...then somehow 冇都冇乜分別 lu...語言訓練在於 skills training, which needs to be done consistently ga , i.e. 時間有幾耐 will be a key factor more than the others.

私人傳訊

積分: 12319

2024年龍年勳章

676^#

發表於 08-10-30 17:31 |只看該作者

song0x0:

我都係你粉絲黎架~~~
==> thank you thank you ~~

問題1)
如果我繼續俾個女在啓思讀上去, 若然要應付將來入讀傳統小學的需要, 我而家應該要準備啲咩呀??? (例如額外俾佢上counse...)
==> 上d 英文, 數學, 寫作個類喇....呢d 可以 back up 佢上小學時要面對既野...英文係指文法上個d , not just only oral conversation, 因為一般小學上小一都好快教幾多生字呀, sentence structure ar gum ga la...starting from K2 2nd term 開始少少咁俾 (唔駛太多既) 都冇壞既

問題2)
如果啓思幼稚園畢業, 可以選擇邊類型的小學 ??
(比較上銜接得到由活動教學升上黎的學生呀???)
==> 多數啟思個d 係直上佢小學 ga wor..你想去番出面個d 一般小學, 就唔好揀d 太谷個d 啦, 因為個d 一起步都會幾快, 功課, 測驗都多...怕小朋友會一時間適應得唔好, 不過講到呢個問題, 都係個別人咁啦, 因為有d 小朋友鬥心強, 愛讀書, 紀律性高既都可以接受到架

私人傳訊

積分: 12319

2024年龍年勳章

677^#

發表於 08-10-30 17:48 |只看該作者

jillx:

請問點分間學校係屬於咩網?我上網查過~沙田同馬鞍山既小學係一齊~
==> 你有冇睇清楚d 細字呀...佢地放係放埋一齊, 但個 no. is different ga...MOS 係 89, Shatin 係 91...大圍係 88...睇到未...

http://chsc.edb.hkedcity.net/primary/

你咪見放埋一堆就當一齊先得架....

再睇你自己住址, 你係 MOS then 就係 89:

http://www.edb.gov.hk/index.aspx?langno=1&nodeID=1505

唔係分開~之前有睇過你講係分開就知住MOS唔可以報沙田的小學~但不知其他地區是否也有類似情況~是否可提供網址我可以上去查看? ^^
==> 睇完我上面答你既野就知你係一個冇溫清楚書既人喇...快快自己上去上面 D link 搞清楚先喇唔該~~

另想問問你家二少同三少~報考過咩幼稚園~可以share嗎?
==> 呢個唔答你...你有溫開書既一定知架 wor...

三少今年先岩岩開始報, 我同佢報左蘇浙, 衛理堂, 培理, 都係 all at HK island 既.

P.S. 彥媽小規矩 here, 要溫書先得架...

私人傳訊

song0x0

積分: 1846

678^#

發表於 08-10-30 17:55 |只看該作者

原文章由 彥彥媽咪 於 08-10-30 17:31 發表
song0x0:

多數啟思個d 係直上佢小學 ga wor...

吓...講緊每個月六千幾蚊學費喎~~~
(我印象中你有提及過, 到時實際收幾多就唔知啦~~)

真係有咁多家庭可以AFFORD得到既咩~~
死啦, 你咁講我咪即係揀錯幼稚園....
同埋佢咁多分校...就算我真係死慳死抵咁俾個女讀, 係咪可以直升上佢間小學架???

不過我諗若然讀得佢既小學, 都會預左中學俾佢去外國讀書 OR 讀國際學校, RIGHT????

私人傳訊

song0x0

積分: 1846

679^#

發表於 08-10-30 18:09 |只看該作者

原文章由 song0x0 於 08-10-30 17:55 發表

吓...講緊每個月六千幾蚊學費喎~~~
(我印象中你有提及過, 到時實際收幾多就唔知啦~~)
...

咦...但係我睇啓思幼稚園..佢話佢直屬小學係啓基喎~~~
咁應該唔同另外果間啟思小學暨幼稚園架喎????

請問兩者有咩分別呀???
問多句, 請問你知唔知啓基小學OK嗎???
是不是都是活動教學??? 學費大約係幾多呀???

謝謝你的解答~~

[ 本文章最後由 song0x0 於 08-10-30 18:12 編輯 ]

私人傳訊