Re: 未婚的,入黎傾傾呀!!!
哎呀....各位姐妹,我好煩呀..... :cry:
事緣我隻佬約左我老爺奶奶佢地今個星期日黎我地新屋開個大食會,慶祝入伙咁啦~我老爺奶奶未黎過既,我奶奶仲話幫我地買定野拜四角,又會同埋我隻佬d姨媽,亞姨黎...當然會帶埋我個肥妹黎啦,我好耐冇見佢喇 :lol: 本應我應該好開心,好期待星期日既來臨...~我老爺奶奶會帶埋肥妹個(哎呀家姐)黎都好正常,我都唔介意,因我都好錫(家姐)既~但我愈諗愈唔妥,上次中秋節同老爺奶奶食飯佢都接埋個"仔"出黎~如果佢地今次又帶埋黎咁點??
咁今晚食飯時我問個衰佬""星期日你老豆會唔會帶埋個隻(仔)出黎架??""佢話""唉...咁如果佢地真係帶埋(佢)黎,你會點呀??""我答""好坦白講我極唔願意見到(佢)囉,你預左我當(佢)透明,我唔會掂(佢),唔會理(佢),亦唔要見到肥妹同(佢)玩!!!""
難聽d講句,我真係接受唔到個(野仔)囉,次次一諗起(佢)我就想喊....~我覺得我已經好豁達,我接受到(家姐)已經好叻,仲要我點接受呢個所謂"我男友同人生既仔"呀??上次中秋,我聽到我老爺成日同個(野仔)講""噯,細佬乖呀,餵家姐(指肥妹)食完奶就到你呀""...哈哈~咩野細佬呀,我個女幾時多個細佬呀???shit!!勁礙耳呀~我唔介意肥妹有個(便宜家姐)喇,點解又要多個(便宜細佬) :evil:
你地可能會覺得我過份激動,但我一諗到我個女係佢地中間出世(註*佢地係同一個女人生既),咁算係點呀??咁代表o個個賤女人係我男友既大婆,我係二奶呀????我個女咁夾係中間出世係咪代表佢係私生女呀??!!!我好憎我隻佬,好憎個八婆,好憎個"野仔"呀 :evil:
我想喊呀,我唔要想佢地呀,成班衰人淨係識得烚我一個..我肥妹係獨生女,冇"家姐"冇"細佬"呀 :-x :-x
過去的留不住,
未來的難預測,
守住現在,當下即是~
佢父母又係好似唔係好理我咁,我又唔想故意搵話題喎....
哈哈...諗返都好好笑~
發表於 
L o v e P a r a d i s e
返回列表
