影視娛樂

跳至

首頁

尾頁
   144


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


661#
發表於 12-12-21 09:48 |只看該作者
關仁隱事:
「蚊蚊」涉毒信主贖罪

最近娛樂圈發生多單藝人涉吸毒案件,估唔到連「蚊蚊」都衰埋。蚊蚊雖然唔係乜嘢一線巨星,但勝在樣靚身材好,唔少宅男都嗒佢糖,有機會被大台捧上位。可惜蚊蚊自己唔爭氣,太貪玩,雖然佢口口聲聲話自己係神的兒女,但就晚晚夜蒲識埋班壞朋友,家衰咗又扮番乖女。聽講蚊蚊為咗贖罪,終日喺高層面前以淚洗面,希望大家伸出憐憫之手。有次仲約埋成班教友去「天真」屋企祈禱,求主寬恕、保佑冇事,但其實如果真係行得正企得正,根本唔使驚咁多。

「蚊蚊」= 張胃雯
「天真」= ??

點評

connielamyee  王君韾  發表於 12-12-21 11:35
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


662#
發表於 12-12-21 14:43 |只看該作者
thx connielamyee
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


663#
發表於 12-12-24 09:19 |只看該作者
關仁隱事:「巴閉」怕污糟唔掂快勞

近期富豪「巴閉」又添丁,據聞佢見到個仔笑晒,仲露出一副慈父相,完全同早年個惡樣差好遠。講開早年巴閉嘅大脾氣,關仁就記起啲嘢,話說巴閉其實係好怕污糟,所以佢身後長期有個助手負責拎紙巾,做乜?自然係任何嘢都要擦一擦兼抹一抹,都幾姿整。

戴手套揭文件
關仁聽講,巴閉返工時,原來最怕就係掂啲快勞,皆因佢覺得啲快勞傳來傳去,勁多閒雜人掂過,所以好憎掂到。咁佢最後點睇文件、簽文件?應該離不開兩樣,戴手套自然係一樣,第二樣咪用人哋對手,即係秘書代揭囉!

「巴閉」= 大劉
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


664#
發表於 12-12-24 09:25 |只看該作者
關仁隱事:「肥仔」人緣差被畫花面

「肥仔」其貌不揚,但憑住厚面皮勁撈嘅性格,佢又搵到條血路,家喺公仔箱做吓主持,之前仲公開喺網上向喜劇大導自薦喺人哋套新片中撈番一角。其實肥仔呢種咁鍾意博上位嘅性格都幾神憎鬼厭,好多人喺佢背後講佢壞話。唔知係咪唔討人歡心,話說肥仔之前去飲喜酒飲醉咗,之後瞓咗喺梳化度叫都唔醒,唔少人即刻衝埋去畫花佢塊面,就連一對去飲嘅小情人「瘦蜢蜢」同「草蜢仔」都玩埋一份,關仁就估計,其實唔少人都乘機報仇畫埋一份,如果係老友就唔會咁玩啦。

「肥仔」= bob
「瘦蜢蜢」= ??
「草蜢仔」= ??

很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


665#
發表於 12-12-24 09:25 |只看該作者
關仁隱事:「四圍企」爭視后呻票數低

喺三色台啱啱搞完嘅頒獎禮中,連演技麻麻嘅「四圍企」都可以入圍最佳女主角十強,冇法啦,蜀中無大將,搵佢都係湊夠數啫。三色台搞觀眾投票,最後只公開第一位嘅票數,雖然唔知係咪真係公正,但關仁同幕後人員傾開,佢哋話四圍企嘅票數好低,加埋其他傳媒搞嘅民間選舉,四圍企都係包尾,其實以佢咁嘅演技得分低有幾出奇?奈何當事人唔肯接受現實四圍呻,與其埋怨不如花時間努力檢討自己演技仲實際啦。

「四圍企」= 周麗奇
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


666#
發表於 12-12-24 09:29 |只看該作者
關仁隱事:「𡃁毛」迷失錢途

「霞姐」同「愉愉」憑驕人身材成功出位,賺到荷包腫脹,之後好多𡃁妹有樣學樣,恃住自己胸前偉大就攝位入行,關仁聽聞有位新入行嘅「𡃁毛」,就因為身材好俾導演揀中,喺部新戲裏面做一個閒角,點知第一日開工,佢個樣竟然迷吓迷吓咁,一睇就知唔多清醒,即刻俾導演鬧爆,仲馬上打電話畀佢經理人投訴,被急call到場嘅經理人拿拿聲拉走𡃁毛,最後電影公司決定換角,搞到𡃁毛出師未捷身先死,白白錯失出鏡機會,大好錢途就咁斷送。

「霞姐」= 周獸那
「愉愉」= 賤那 何佩魚
「𡃁毛」= ??

點評

IgnatiusWong   Merry Christmas  發表於 12-12-24 11:43
很想知道,追夢的人是如何踏出第一步?


洋房

積分: 47


667#
發表於 12-12-24 10:29 |只看該作者
No good, 娛樂圈小朋友。


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


668#
發表於 12-12-27 09:19 |只看該作者
關仁隱事:「乖乖女」濃妝遮瘡

「乖乖女」喺三色台真係出咗名乖女又有觀眾緣,所以公司都力捧佢,連歌星都做埋。但唔知係咪壓力大,乖乖女塊面成日爆瘡,令佢啲艷光打晒折扣。
記得有次乖乖女以歌星身份上音樂節目,有埋御用化妝師幫佢搞,嗰日佢下晝5點幾就入城化妝,準備錄9點鐘嘅節目,到7點幾記者見到化晒妝嘅乖乖女諗住做訪問啦,點知化妝師話要補妝,結果一直補到差唔多錄影,訪問都做唔成,記者忍唔住走埋去笑乖乖女,你仲化緊妝呀?連佢自己都笑住話:「有次仲耐呀!」其實佢都唔啱濃妝,但化妝師越化越濃,搞到乖乖女仲唔靚,皮膚又差。

「乖乖女」= 鍾+欣
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


669#
發表於 12-12-27 09:28 |只看該作者
關仁隱事:
「風風」疏忽累朱仔冇獎

「風風」同唱歌嘅「朱仔」一向都老友鬼鬼,好多人認為風風家做咗大聲台話事人,朱仔嚟緊一定可以喺大聲台嘅頒獎禮度撼低「大份」攞到個大獎,點知到頭來朱仔連五強都唔入,令好多人跌晒眼鏡。原來風風早排因為要應付自己單大鑊嘢,所以冇同公司啲人開會,結果佢班下屬就踢咗朱仔出局,風風知道之後都好愕然,好唔開心,但為免招人話柄,所以呢件事風風完全唔插手,咁咪惟有請朱仔食飯安慰吓佢囉。

「風風」= 大c
「朱仔」= 古sir


很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


670#
發表於 12-12-27 09:43 |只看該作者
關仁隱事:「Ivy」搭無禮寸親前輩

啲人成日話強國人冇禮貌,但好多土生土長嘅一樣係冇禮貌,就好似樂壇組合「濕碎」咁,同一個組合兩個人都有好有壞,靚啲高啲嘅「阿銀」,人緣好好,真係心地好人都靚啲,相反另一個「Ivy」,雖然有把靚聲,但原來好冇禮貌。話說有次Ivy入,咁啱門閂緊,有位樂壇前輩見佢行緊嚟就㩒住門畀佢,點知Ivy入到望一望個前輩,唔該都冇聲,個樣仲好似自己係巨星,人哋一定要等埋佢咁款,寸到呢,搞到前輩鬼咁嬲,佢嬲唔係Ivy唔認得佢,就算係普通人幫你㩒住門,都應該有句唔該囉!咁冇禮貌,真係幾乞人憎。

「濕碎」= ?
「阿銀」= ?
「Ivy」= ?

很想知道,追夢的人是如何踏出第一步?


男爵府

積分: 6902


671#
發表於 12-12-27 23:10 |只看該作者
回覆 22May 的帖子

At17?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


672#
發表於 12-12-28 09:35 |只看該作者
關仁隱事:「暖笠笠」陪酒𢱑撈

模夏日上位,入冬佢哋就要去夜場打碟登台銀,今夏彈出嚟嘅暴乳女「暖笠笠」,佢每次出鏡都博到盡,谷爆咪搶鏡,就算家有戲拍,佢去夜場登台一樣好出位。關仁聽聞佢份人都幾爛飲,次次返內地登台都好主動同啲夜場老細暢飲,希望借醉黐實啲老細,博更多嘅工作機會,內地夜場老細對呢啲食得唔好嘥嘅慾女,梗係唔會拒絕。不過暖笠笠嘅酒量就唔係咁掂,次次都飲到爛醉要人抬返酒店,結果係點都唔使畫公仔畫出腸,所以工作人員背後都笑佢好隨便。

「暖笠笠」= 張暖呀
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


673#
發表於 13-1-1 23:18 |只看該作者
關仁隱事:
「褲穿窿」侍候「大隻妙」

「大隻妙」同「褲穿窿」唔經唔覺已經拍咗拖兩年,近日突然又話分手又話結婚,都唔知邊樣真,不過褲穿窿家全職做男朋友都咪話唔辛苦,關仁嘅朋友有次喺髮型屋見到佢哋,大隻妙由幾位師傅幫佢整靚個頭,閒閒哋都要搞成幾個鐘,咁褲穿窿做乜?咪就係乖乖坐喺女友後面貼身侍候,女友整幾耐就等幾耐,關仁嘅朋友話睇到當時情景就諗到《大太監》,所以話做富貴女嘅男友絕對唔容易。

「大隻妙」= 何超x
「褲穿窿 」= 陳山窿
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


674#
發表於 13-1-1 23:23 |只看該作者
關仁隱事:
「快啦」受訪要求多

本身好有米嘅「快啦」真係好鍾意做戲,其實以佢嘅身家真係唔使出嚟做,但係佢又唔怕辛苦,繼續喺公仔箱拍戲過日辰,好在有「鬥氣城」肯揼水開新電視台,搞到大婆台一班二線、三線、甘草演員都被挖角,而快啦亦被邀過檔,有咁好機會快啦當然即刻答應。一向愛見報嘅佢,之前難得接受記者訪問,竟然要求多多,為怕見報冇乜人睇,死都要人哋安排多人睇報紙嘅日子先見報,認真麻煩。

「快啦」= 曼那姐
「鬥氣城」= 魔童
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


675#
發表於 13-1-1 23:27 |只看該作者
關仁隱事:
「B君」甩底累街坊

鍾意亂貼相嘅「B君」,不時會搞亂檔同累街坊。關仁知有次有名牌想請同佢差唔多嘅「魚仔」、台灣「白白」去外埠影相兼睇波,B君知道即刻公關話要去。魚仔、白白明知B君唔係波友,佢只係博搶廣告,又知B君有鋪當晒自己係主角嘅巨星癮,最終講明有B君就唔去。B君出盡力狂吹,話自己號召力一個頂三個,成功爭到去,但出發前冇幾耐,又話有事甩底唔去,最終搞着品牌,而想睇波嘅魚仔同白白亦因為B君而冇得去,認真累街坊!

「B君」= edison
「魚仔」= 魚文樂
「白白」= 陳建周 黑人

很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


676#
發表於 13-1-2 00:06 |只看該作者
關仁隱事:
「妙妙」撮合「甜甜」做大嫂

「甜甜」同前男友「定國」最近傳復合,雖然定國唔生性又花心,但甜甜對佢鬼咁癡心,甘願畀多一次機會,不過甜甜好多朋友都唔贊成佢再踩入火坑,好似「妙妙」就睇唔過眼,諗住介紹男友嘅哥哥畀甜甜認識,關仁聽甜甜講,佢其實都想識多啲男仔,畀自己多啲選擇,事關女人最怕嫁錯郎,而且雖然佢仲未見過妙妙男友嘅哥哥,但喺機緣巧合下見過伯母一次,仲大讚伯母好人又有禮貌,見母如見子,相信佢個仔人品都唔錯,如果佢哋將來有機會認識,就算做唔成情侶,識多一個朋友都係好事,關仁都想佢揀清楚,唔好揀錯嘛。

「甜甜」= 糖詩詠
「定國」= 吹波波
「妙妙」= ??

點評

popocat  妙妙=豪嫂  發表於 13-1-2 00:15
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


677#
發表於 13-1-2 00:10 |只看該作者
關仁隱事:「多嘢講」逼「太子」送名牌

「太子道太子」同「多嘢講」因為拍劇而撻着咗,難得男嘅見過鬼唔怕黑甘心俾人利用做宣傳。由於佢太迷戀多嘢講,所以乜都有求必應。咁多嘢講最鍾意乜嘢?咪同好多時下妹妹仔一樣就係買名牌,三朝唔埋兩日就要太子買名牌手袋、飾物畀佢。又估唔到太子真係有求必應,前前後後都買咗大大小小成十幾樣嘢畀女友。另外,多嘢講出道嘅時候成日有意無意標榜自己係有錢女出身,不過有人爆料,其實佢只係屋邨妹,充大頭鬼嘅佢,行為都好MK吓,又貪慕虛榮,唔知太子鍾意佢乜嘢。

「太子道太子」= 林瘋
「多嘢講」= 唔千語
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


678#
發表於 13-1-2 09:51 |只看該作者
關仁隱事:
「牛佬」又𠱁男模影肉照

有錢人鍾意嘅癖好有時真係好刁鑽同另類,好似「牛佬」就專約大隻男星影相,最近佢又出動抄猛男牌,相約回家短敍兼影番輯靚相,關仁聽聞一班入行未深男模又上釣。
關仁同以前中過招嘅男模傾過偈,佢哋話牛佬成日吹捧話自己可以捧紅人做條件,男模除衫影相,牛佬親自操刀,佢最愛玩濕身誘惑,成日叫男模舔濕嘴唇,呢個甫士又真係幾頂癮,關仁覺得佢要人用口水濕唇畀佢影相都幾另類。

「牛佬」= 牛定成
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


679#
發表於 13-1-3 09:33 |只看該作者
關仁隱事:「咪咪姐」唔念舊飛男友

「大阿哥」同「大眼仔」嘅是是非非唔係局外人可以評論,但件事就睇到好多人情冷暖。大阿哥雖然把口衰,做選美司儀成日玩啲姐姐仔,但其實玩嘢只係想幫佢哋突出啲俾人留意到。大眼仔老婆「咪咪姐」都係選美出身,當年去外地拍外景都受過大阿哥照顧。不過聽聞咪咪姐喺呢件事上態度都幾寸,令人覺得佢唔念舊情。其實咪咪姐初出道有個大佢好多年嘅熟男男友,兩人鬼咁恩愛,但識咗大眼仔就同人講嫌熟男太老有代溝,所以飛咗佢,都係嗰句,唔念舊情囉!

「大阿哥」= 曾至矮
「大眼仔」= 黃hole
「咪咪姐」= 徐Suki
很想知道,追夢的人是如何踏出第一步?


伯爵府

積分: 19013

環保接龍勳章


680#
發表於 13-1-3 22:39 |只看該作者

引用:關仁隱事:「妙妙」撮合「甜甜」做大嫂「甜

原帖由 22May 於 13-01-02 發表
關仁隱事:
「妙妙」撮合「甜甜」做大嫂
妙妙應該係塵因尾


首頁

尾頁

跳至
Presslogic Logo
Baby Kingdom Logo