我有啲唔開心啊！話說今日我老公問我去唔去個飯局，我話當然唔得啦，一來又坐緊月，二來又要湊啊女！但我知佢好想去！起初我都想俾佢去，但係諗諗下，我媽咪今日又過唔到黎同啊女沖涼，我叫左我老公收工就返黎幫手！因為我怕我一個人搞唔掂！我仲氹佢，我話唔緊要啦，下次先再去啦！其實未生啊女之前我地成日都會去同朋友食飯，一個星期可能有成五日唔喺屋企食飯架！我都知近排佢無得去街佢都好悶！最後我估佢今晚都係暪住我去左食飯！因為平時星期五好少收咁夜！再加上成晚打俾佢都無聽電話！岩岩佢先打黎話返緊黎！仲要勁好死問我食唔食野，想飲啲咩，佢話買番黎俾我！（平時邊有咁好死吖）我喺電話同佢講野好冷淡，佢都問我做咩事好似唔開心！（平時佢邊有咁細心，擺明估到激嬲左我）但我都無話佢，我淨係話湊啊女好攰！之後我就話你返黎啦，唔傾電話喇，我話我想睇電視就打發左佢！我唔篤爆佢係我覺得有時佢想去街係正常，我日日喺屋企我都會覺得悶！但另一方面我又諗，點解佢唔可以諗下我！我每日湊啊女其實都好攰，成日都要擔心啊女，我亦無要求我老公要起身喂奶換片，因為我都覺得佢返工好辛苦！但點解佢都唔肯體諒下我？呻完！
發表於 
原來如此
返回列表
