Pulmma 發表於 13-8-27 17:35 
夠愛一個人， 就會患上選擇性失明同偶發性失聰。
我開始對若曦有少少唔同想法，佢唔會愛得4爺少，正如13都講，
4爺去到皇帝呢個位，對絕對權力高高在上會慢慢習慣，甚至會開始享受，
係若曦話4爺唔會，而事實上4爺做到皇上唔可以唔變，佢即使唔戀棧絕對皇權，
但為咗國家長治久安，點都要選擇要取捨，要明白佢除咗要智慧外，
仲要無比愛，呢兩樣若曦都有，但問題係若曦唔容得下改變，
佢嘅4爺係情深，但亦都要為治國下重典，若曦想見到係一個仁君，
但當時情勢唔得，4爺骨子裡唔係一個冷酷嘅人，只係在無可奈何下佢要選擇成為咁嘅人，
睇到康熙都係一樣，臣子敬佢之餘都有畏，雍正都係一樣，
只不過佢冷面時候較多，而當時國情唔可以俾佢做個面容慈祥嘅皇帝。
若曦同皇后唔同嘅係若曦想在平等地位上相愛，佢唔明立場改變，
4爺唔可以再好似以前一樣向佢事事坦白，唔通要女人管朝政？
而皇后係以臣子身份去愛皇上，佢要嘅係皇上敬佢，男人打江山嘅佢唔要理。
期望越大越恩切失望反差就越大，若曦都唔係完全自私，
電視版某程度上表現唔到若曦嘅想法，我諗法係愛一個人會想佢開心，
而若曦明白4爺對兄弟手段殘忍，到後來4爺會後悔會痛苦，
所以唔想4爺對親人去得太盡，奈何大家立場唔同，去到最後，
多重誤會之下大家難以走下去，我覺得如果若曦唔係咁快放棄，
4爺嬲過氣後一定會原諒佢，4爺根本唔係咁小器小家嘅人，
而家4爺因為若曦死更遷怒於其他人，呢個喺係若曦死後唔知道嘅。
花旗太太生活在花旗國，留意時差，你問我未必即時答到。
發表於 
講嚟聽吓
高大後生又靚仔
可以令到咁多人咁入戲，我諗為左佢而喊既眼淚足以成為水塘了
真係好難想像佢地點樣拍呀！所以之後cc都唔多願講戲內既野，因為一講就想喊呀
咁真係好吸引麻
返回列表
