嘔完後成個人無晒力,我即刻再比退燒藥佢食執野同佢去廣華,去到再探已經退左(38.2),個姑娘同我地講話好多人要等4個鐘先有得睇,咁我咪同佢講話頭先細孖燒到40.8度仲有嘔潻,佢完全唔聽我講淨係叫我喺大堂等,我心諗個小朋友咁細個發咁高燒仲要等4個鐘有無搞錯,於是我同hubby講不如去私家睇,等得黎有咩事點算,跟住hubby同佢講話唔睇,叫佢地退錢,之後個姑娘比左d夜診資料我地,終於就同細孖去左油麻地一間通宵診所睇,好彩個醫生話細孖係感冒.擒日細孖唔肯食野,一食就叫痛痛,我開始覺得唔係好對路,就同hubby講不如同細孖睇返樓下個兒科醫生,佢話睇多日睇吓點先,到左今日細孖依然唔飲奶奶唔食粥粥,乜都唔肯食,之後我同佢落去睇醫生,原來細孖係口腔炎呀,成個口爛晒,見倒都覺得痛呀 醫生教我比奶奶佢食要雪小小凍凍地,總之食乜都要凍食,同煲d蘋果水比細孖飲,食左藥兩日後就會好返,而大孖擒晚都無乜點咳咳,好左好多喇,大家唔使擔心lu,希望病病嘅孖b一齊快d好返,聽日同媽咪一齊渡過一個開心嘅母親節.
發表於 
返回列表
