身為肥仔的何遠東，都好明白演繹角色有局限，但9年來普通「死肥仔」演得多，當然有想過放棄，「好彩屋企人一直好支持，加上自己真係好鍾意做戲，自己都有搞劇社去推廣戲劇，亦有去教小朋友，點都唔會放棄戲劇。」
堅持咁耐，肥仔東終於遇到《心理追兇》的「文哥」，「好多謝監製同編審畀咗個咁大發揮機會我，可能拍之前自己嘅阿姨離開咗，佢同我好親，啲對白又好Touching，好自然演到呢個感覺出嚟。（嗰時網友已經推舉你得「飛躍進步獎」？）係呀！估唔到加埋《降魔的》，𠵱家好似升咗呢提名『最佳男配角』咁，成件事好夢幻。」兩次演出都被指派洋葱演繹好感人，肥仔東也承認容易攞到同情分，「好似《降魔的》嗰句『起碼我係個唔錯嘅肥仔』，我講係着數啲嘅。」不過他未有因提名飄飄然，「得獎真係無乜信心，有機會同啲咁勁嘅人一齊提名，已經當自己攞咗獎啦！如果當晚宣佈我入到5強，我一定開心到癲咗咁尖叫呀！反而最想馬明攞視帝，佢要對住空氣演戲真係要靠演技，仲要佢本身人品真係無得頂。」
近期胡鴻鈞（Hubert）憑電視劇《降魔的》爆紅，連小朋友在街上遇見他，也喊叫他劇中名字「石敢當」，此劇主題曲《到此一遊》唱到街知巷聞，於《2017年度勁歌金曲頒獎典禮》中，和《朋友身份》是其中兩首金曲，胡鴻鈞更奪了「最佳演繹男歌星」。
2017是豐收之年，踏進2018，胡鴻鈞說：「真係好多謝大家嘅厚愛，我本身都算有冒險精神，同埋有一個學習嘅心，未來一年，希望可以Explore多啲唔同嘅嘢，多番啲做音樂，希望喺音樂裏邊帶到正能量同啟發力畀大家。」
撰文：Carrie Yip（[email protected]）｜攝影：David ｜美術：Ronnie Cheung
冇諗過拍戲
今天飯局，胡鴻鈞送我最新的第4張個人音樂專輯《到此一遊》。「呢張對自己嚟講算係一個新突破，比較Cool一啲，可以喺台灣拍MV、第一次同台灣嘅工作人員合作，都係一個好好嘅經驗。裏面我最鍾意嘅歌一定係《情人自擾》同《朋友身份》，因為可以同一啲新嘅音樂人合作；我自己創作《今天之後》亦係一個新嘗試，希望大家鍾意！」胡鴻鈞新專輯的歌曲，有耳熟能詳的劇集歌，也有他的新創作，整體來說不俗，胡鴻鈞的確靚聲。
幾年前，和胡鴻鈞初相識，他害羞得有點木訥，那時他表示：「我就只係想唱好啲歌，至於唱歌以外嘅演藝工作，拍戲⋯⋯（停頓5秒），我冇諗過！」之後不久，他開始參與《殭》的演出，和關禮傑飾演兩父子，之後的某場合，關禮傑在我面前親口讚過胡鴻鈞的表現呢！胡鴻鈞開心地說：「今次嘅『石敢當』，令到多咗人認得我，而且多咗小朋友粉絲，真係估唔到！依家係開始鍾意多咗做戲，不過我覺得做演員，學習點樣投入角色係一門學問，同埋拍劇比較被動啲，喺呢方面，都希望自己有進步。」
走出Comfort Zone
話說回來，胡鴻鈞出道至今8年，今天終能夠走到較前位置。一路以來，都算不上是平坦康莊，胡鴻鈞回想：「出道時機會係有，但唔算好多，咪一直儲囉，一步一步慢慢行，穩打穩紮咁去發展都係件好事。」非常認同的。行得慢，未必等於是最後到達終點的一個，何況是身處變化多端的演藝圈。
努力不懈，胡鴻鈞默默的做好自己，他說：「要老闆去投資自己，都要佢覺得使得值先得㗎！做歌手有形象嘅考慮，但亦要學識點化危為機，要盡量去嘗試一下打開唔同嘅門、入去發掘一下！」看到《跨世代》當中，胡鴻鈞飾演的富二代，一幕易服癖男扮女裝，看得出胡鴻鈞真的已走出個人Comfort Zone，他鬼馬的笑問我：「係咪估唔到呢？好多朋友睇完都覺得幾出奇㗎。我想畀自己試多啲新嘢，以後每走新嘅一步，都唔會畀自己後悔，我覺得自己仲有好多進步空間，真係要努力啲。」
非常積極的胡鴻鈞，近兩年還開始學習做家中經濟支柱、開始供樓……日就月將，一個精進不止的大男孩。
發表於 
返回列表
