少年成長 今日: 2 | 主題: 16123

積分: 635

681^#

發表於 10-3-1 00:30 |只看該作者

Sandra,
你好,我之前都請教過一些問題 (瞓地扭計,成日叫)...甘我都係採取 ignore 同讚既方法,都好左一排..但係最近我覺得情况又嚴重番,佢依家乜都叫一餐,陌生人行埋去撩吓佢,佢又 "丫"(叫聲), 呢樣吾鍾意又 "丫", 總之成日喺度"丫",有時叫佢食野,佢吾食又喺度叫... (he's 21 months old but still cant speak ) 唉.. 有時我都明白佢吾識講,只係識用叫去表達...好矛盾,究竟由得佢叫 until he can speak ?? 定係可有另外方法去教 ? pls help ~~~~ thx !

私人傳訊

ciao

積分: 927

682^#

發表於 10-3-1 13:27 |只看該作者

SandraLo,

請指教.

我想知除咗你講做功課時嘅問題之外, 重有冇其他呢？

他是一個很容易憂慮的孩子. 時常怕le 樣或個樣, d 樣畫得核突又話怕 . 為人幾執著
及
完美主義者.
不可迫佢,越迫佢, 越同你抗衡. 事例請參看pm給你的mail (因唔想太過公開, sorry).

你同佢關係如何？

好好的. 每晚都會有單獨的親子對話時間, 他好樂意及主動同我分享學校生活及他喜歡/不喜歡的東西.

有時我都會忍不住罵他, 他爸爸亦說我執到了, 因罵他他還很喜歡我. 因爸爸話他, 他會嬲爸爸, 把爸爸的位置放到好後. 但爸爸很庝他, 時常同佢玩的.

但, 我怕再為了學習問題而時常令場面弄至哭哭鬧鬧,最终令大家不開心而弄壞了大家的關係. 而他爸爸常對我說, 叫我不要理他了, 不讀書將來要做售貨員,就由得他. 其實, 我嬲的, 不是要他考到好成績, 將來要搵多錢. 我只是覺得, 明明識, 點解要同人作對, 個下我真係放過唔到佢 le種態度, 唔可以咁樣就放棄唔做功課, 容咩易將來遇到真正難題, 就試都唔試又放棄. 如果佢係唔識, 我會接受他能力未有所及和會想辦法教他.

玩唔玩到？

這條問題, 真係令我醒悟. 自上年暑假過後, 我真係好少同佢玩. 這點該是我的錯. 因我屬意為他選一所愉快學習的學校, 但真係怕大抽獎抽唔中, 要叩門, 而無意間開始train up 佢. (請別誤會,我想他入的小學是要老師有愛心, 有耐性,不會迫小孩學習的傳統小學或地區名校)有意無意間都灌輸知識給他. 以前，
而且, 我要返工, 放工同佢做完功課, 睇下書, 都好似無咩時間同佢玩,好多時都係daddy同佢玩. 我知這不是藉口..
前陣子, 我都有發覺自己無咩同佢玩, 所以專登同佢玩車車, 我記得佢好開心.. 我想, 我要調節一下, 同佢多d純粹係玩至得.

有冇細佬妹？
冇兄弟姊妹. 是家中之寶. 被老人家縱壞的現代小孩 (當然包括埋我同佢爸爸, 真失敗).

寫到ｌｅ度，真係好多謝你．你以上問我的問題，真係點醒了我少許．　現在回顧番之前發生的事及現在cool down左，　問題該不只是小朋友本身，　我同佢爸爸都有責任，因大家互相影響，才出現他這些反應．至於他的憂慮及怕的東西，我想他真係怕，但我是否要俾少些反應，令他不要用這技倆來引我注意．　

我想我又要溫習番如何讚，ｉｇｎｏｒｅ同不要罵ｏ既技巧，是嗎？　

私人傳訊

積分: 33215

683^#

發表於 10-3-1 23:08 |只看該作者

原帖由 Truffle 於 10-3-1 00:30 發表
Sandra,
你好,我之前都請教過一些問題 (瞓地扭計,成日叫)...甘我都係採取 ignore 同讚既方法,都好左一排..但係最近我覺得情况又嚴重番,佢依家乜都叫一餐,陌生人行埋去撩吓佢,佢又 "丫"(叫聲), 呢樣吾鍾意又 "丫", ...

Truffle :

你試吓教佢講No, 然後帶佢離開, 即係俾佢走, "丫"就反為完全唔理, 睇吓會否改善......

教仔心得：媽咪容易犯的錯誤
http://www.baby-kingdom.com/forum.php?mod=viewthread&tid=951856&extra=&page=1

成日話「讚」可以改正小朋友壞行為，到底點解同點讚？
http://forum.baby-kingdom.com//v ... page%3D1&page=1

私人傳訊

積分: 33215

684^#

發表於 10-3-1 23:43 |只看該作者

原帖由 ciao 於 10-2-28 13:21 發表
SandraLo

你好! 很耐以前我都有在此請教過你一些教小朋友改壞行為及脾氣的問題, 而那些問題, 亦解決了. 真係好多謝你.

但因小朋友日漸長大, 又會有新問題, 做父母真係有很多challenges要我們面對. 呢個星期, 我真 ...

ciao :

很好, 你寫完後都明多了許多…….

你和他現在都很習慣糾纏, 他的attention seeking 是成功的, 好肯定若你對他的過激反應沒有反應, 他不會持續這樣做！

如你plan了多些時間和他玩, 就正好把這個玩的時間當作獎品(獎勵), 你應盡量抽身讓他自己做功課, 如有數樣功課可替他分成2-3段時間來完成, 完成一樣沒有糾纏的便和他玩, 若你處理不到, 便索性叫他不懂得做的功課就問老師, 這樣做可令他學懂自己完成功課, 只有好處沒有壞處！

私人傳訊

積分: 635

685^#

發表於 10-3-1 23:54 |只看該作者

Sandra,
明白...等我再試吓... 希望有改善喇 =.='

million thx again ~~

原帖由 SandraLo 於 10-3-1 23:08 發表

Truffle :

你試吓教佢講No, 然後帶佢離開, 即係俾佢走, "丫"就反為完全唔理, 睇吓會否改善......

私人傳訊

olimo

伯爵府

積分: 17842

好媽媽勳章

686^#

發表於 10-3-2 00:30 |只看該作者

原帖由 SandraLo 於 10-3-1 23:43 發表

肯定若你對他的過激反應沒有反應, 他不會持續這樣做！

.

是的
我亞仔 3-yr-old，有時候會試探我的底線
如果他 '死騾 '我會故意忽視
不消一會，如果是 attention seeking 或是無理要求的話
他就會停下來
當他不再訓地扭計，我就會馬上讚他，說他長大了，明白媽媽的說話

[ 本帖最後由 olimo 於 10-3-2 00:35 編輯 ]

私人傳訊

olimo

伯爵府

積分: 17842

好媽媽勳章

687^#

發表於 10-3-2 00:50 |只看該作者

原帖由 ciao 於 10-2-28 13:21 發表
他的問題係, 教佢做功課及溫書時, 係專登同人作對, 明明識, 又話唔識, 做小小事多多問題, 成日小小事就係我面前"菊"d眼淚出黎, 又話怕呢樣, 又話怕那樣,總之擾擾攘攘攪到你發脾氣, 才收場. 知你嬲, 就走黎叫你唔好唔開心, 嬲完未.. 唉, 天呀, 真係容忍度有限..

我覺得他是想你更關心他 (個人感覺，不要介意)
他本身無乜安全感和自信，可能因為你們對他照顧得太好，你們一對他 '不夠好' 他就會用好多方法去証明你們愛他。---見你發脾氣，嬲他，他才感到你好緊張他。

你們越照顧得好，他越覺得沒有你們在，他就甚麼都不能作。---問題只在家裡 (你面前)出現，在學校表現良好。

你忽略他的無理行為吧，不要被他牽著走
你開始慢慢放手吧，讓他為自己不做家課承擔後果
你用 '我的訊息' 跟他對話，說出自己的感覺
告訴他，你很愛他，希望他能成長，努力做好家課
你會在他不懂的時候來幫他

私人傳訊

積分: 33215

688^#

發表於 10-3-2 10:38 |只看該作者

原帖由 SandraLo 於 10-3-1 23:43 發表
ciao :

很好, 你寫完後都明多了許多…….

你和他現在都很習慣糾纏, 他的attention seeking 是成功的, 好肯定若你對他的過激反應沒有反應, 他不會持續這樣做！
如你plan了多些時間和他玩, 就正好把這個玩的時間當 ...

ciao :

有些補充......
不少家長都被小朋友過多的功課和温習牽著鼻子走, 完全忘掉這是老師和小朋友自己的責任, 在沒有功課壓迫的日子, 和小朋友關係會好好多...... 大家都習慣了香港這個教育制度, 只担心功課做不完, 沒担心小朋友並不覺得做功課是他們的責任..... 學懂「自學」才是最重要.

私人傳訊

ciao

積分: 927

689^#

發表於 10-3-2 12:33 |只看該作者

SandraLo

好多謝你的幫忙及提點.

小兒的attention seeking技倆真係成功左. 我真的不該與他糾纏下去. 一日最衰係我自己想錯左, 以為咁樣會使他明白喊不是籍口去推卻要做的事情.

對於小朋友讀書的建議及提醒, 我會注意. 很多謝你. 有時自己太緊張而忘記左好多野, 其實親子關係好重要.

我會溫番"讚"同ignore o既技巧. 希望遲些有好消息俾你.

私人傳訊

ciao

積分: 927

690^#

發表於 10-3-2 12:36 |只看該作者

olimo

我唔會介意. 多謝你的意見.

有時, 自己鑽左牛角尖, 一時都唔記得係le度學左o既技巧.

好多時, 我都覺自己好失敗.

私人傳訊

積分: 635

691^#

發表於 10-3-4 06:37 |只看該作者

吾好意思呀 Sandra,
吾知瞓覺問題可否請教 ...

阿仔 21 個月大,習慣左同我地瞓,試過瞓着後抱番佢落 bb 床,但到半夜一定醒,喊一大餐,結果梗係得程瞓番上大床 (其實 bb 床已經喺大床側邊) 依家想 train 番佢瞓 bb 床,應該係 ..
1) 我瞓喺大床陪到佢自己喺bb 床瞓着 ?
2) 一下子放佢喺 bb 床,跟住熄燈走出房間好 ?

please help ~~
thx a lot !

私人傳訊

禮信媽媽

複式洋房

積分: 252

692^#

發表於 10-3-4 17:01 |只看該作者

呀仔25個月, 由佢9個月一直追你的post,
到13個月佢打人, 成功用讚+ignore改了打人,
扭放面, 我唔怕佢喊架, 可以話佢未成功咁扭到我一d嘢,
ignore佢, 喊一陣扭一陣, 要我抱返, 我無條件抱返佢, 大家完場架喇.
但喊到失左控果d, 我會要求佢收聲先, 佢都會馬上收, 我又馬上抱.
一路笑聲稱讚聲多過喊聲, 我一直好自信, 好有信心.
但自從佢足2歲(1月尾)返左n1(全日),
喊鬧多了, 唔如意即發爛, 很情緒化, 我理解可能適應問題.
初時無刻意讚佢無扭無喊, 只係ignore佢無理喊鬧.
當時只掛住讚佢返學無喊, 好叻同媽媽道別.
以為適應了, 情緒問題自然解決.
老師同我媽咪告知, 我唔在場, 佢係無咩扭嘅,
好可能目標係扭我同c6.
返左兩個星期學就放年假, 年假期間不停讚佢無扭無喊,
"bb好乖喎, 無扭計無喊, 我地一齊食芝士丫"
年初三四, 已好好多, 加上大家唔使返工返學,
一定心情靚啦.

但而家返左學一星期多, 又開始黎喇,
已keep住讚, 時好時壞.
有時唔知扭咩, 有時扭唔到, 又扭第樣,
沒完沒了, 通常係扭一樣扭唔到, 變左係扭我,
seeking attention似的, 唔知有無估錯,
仲有, 佢一向好怕我ignore佢, 實追住黎叫我.
唉, 佢突然嘅轉變, 令我有d亂,無哂方向.
我開始無信心, 開始懷疑自己, 唔知自己有無錯, 助長了佢"互動",
令佢突然有咁"不屈不朽"嘅精神, 我唔知係咪中佢計.

以下是我跟他今早的情況, 請指教.
成個過程我本著ignore行為, 非ignore小朋友, 一單還一單, 不no埋一齊,
"唔話唔惡"及心平氣和.
請見諒描述得好詳盡, 因我真係好想知問題所在, 唔想錯失.

續..

私人傳訊

禮信媽媽

複式洋房

積分: 252

693^#

發表於 10-3-4 17:03 |只看該作者

續..
朝早起床時間, 呀仔半夢半醒, 自己忟忟地喺度喊,
我起身拍下佢, 安撫下, 佢醒哂喇, 我話"我地出去喇(意思離開房間),
佢推開我隻手話"唔好呀".
咁我無出聲去換衫(平淡地), 佢係見到我嘅.
佢就大喊不停叫"媽媽抱抱, 媽媽抱抱"
我一分鐘內換好衫, (平淡地)回應佢"收聲先, 媽媽抱你"
即收左, 即抱, 行緊出廳, 又lur落地, 喊住"唔好呀, 唔好呀"<==唔知佢做咩會咁架.
我由佢, 我坐喺sofa,佢越喊越大聲, 佢又話"媽媽抱抱"
我無出聲即抱, 佢又lur落地, 喊住"唔好呀, 唔好呀"
佢又話"媽媽抱抱", 我又無出聲即抱, 佢今次話"媽媽企起身呀"
我話(平淡地)"唔企喇, 我坐緊架麻"
佢又lur落地, 越喊越大聲, 又跳哂, 又坐落地, 又擦腳, 好忟好忟.
其間, 我目無表情, 扮see tv. 約兩分鐘後,
佢喊住"媽媽, 媽媽"
我問(平淡地)"做咩事, 你喊住媽媽聽唔到你講咩, 收聲先"
即無大喊, 小小嗚嗚的"媽媽抱抱", 我又抱.
大家平靜左一兩分鐘, 佢可憐聲"媽媽飲水水"
我話"好呀" 我去"針"水期間佢又喊,
我若無其事出返去比水佢, 佢又無喊飲水了,
一邊飲一邊坐上我大腿上,
我話, 小心倒瀉呀.
當然即刻倒瀉了, 濕哂, 我當無嘢, 無話佢.
一路坐喺度抱住, 隔一陣佢話"媽媽想飲豆漿"
我話"好呀, 飲小小豆漿, 之後飲奶奶"
佢無特別回應, 我去到廚房醒起飲哂, 大鑊!!
一路開奶, 一路諗點收科!!
跟住帶佢去雪櫃睇, "原來飲哂, 媽媽唔記得左, 媽媽今晚再買過, 而家飲左奶奶先"
佢即時發顛大喊, 我放低杯奶, 若無其事成機去梳洗, 已經比佢玩左好耐喇.
佢追入黎toilet "媽媽抱抱, 媽媽出返去呀"
我一邊梳洗一邊話(平淡地)"媽媽梳洗完會出去抱你"
不停大喊重覆"媽媽抱抱, 媽媽出返去"
5-10分鐘後, 我梳洗完話"媽媽梳洗完喇" 正想抱佢,
佢又話"唔好呀, 唔好呀"
我又若無其事行返出去,
佢又追上黎大喊, 又越喊越大聲, 又跳哂, 又坐落地, 又擦腳, 好忟好忟.
我又坐返sofa目無表情, 扮see tv.
又約兩分鐘後,又係喊哂"媽媽,媽媽"
我又問(平淡地)"做咩事, 你喊住媽媽聽唔到你講咩, 收聲先"
即無大喊, 小小嗚嗚的"媽媽抱抱", 我又抱.
抱左又話"媽媽帶眼鏡呀"(因我梳洗已換左CON)
我平淡話"媽媽唔帶眼鏡喇"
又luk落地繼續喊, 我又目無表情, 扮see tv.
又約兩分鐘後,又係喊哂"媽媽,媽媽"
我又問(平淡地)"做咩事, 你喊住媽媽聽唔到你講咩, 收聲先"
繼續喊,又目無表情, 扮see tv.
隔左陣, 佢比一個tv廣告吸引左, 無喊,
我即刻入位, "BB無喊喇, 媽媽可以你聽到你講咩喇"
小小嗚嗚的"媽媽抱抱", 我即抱.
大家又平靜左一兩分鐘, 佢可憐聲"媽媽飲奶奶"
我話"好呀"即刻比頭先開左果杯奶佢, 佢好合作飲哂<==晨早溜溜扭咁耐, 唔餓就假!!
跟住仲無喊住咁REQUEST添飲, 飲完, 大家當無事發生, 如常幫佢換衫返學,
但出門口之際, 又攬住佢心愛的被子話"要帶被被返學"
我又平淡話"呢張被被喺屋企用架喎, 學校有被被啦, 放返低啦"
喊住"唔好呀, 唔好呀"
我若無其事咁開門"放返低啦, 夠鐘喇"
佢小小喊無奈放低.
出左門叫, 可憐聲"被被呀"
我若無其事咁"被被喺屋企, 今晚返黎先啦"
大家當無事發生, 如常上學. (起身到出門口玩左一個鐘)
學校門口交手比老師, 佢又"被被呀"
我若無其事咁"被被喺屋企, 今晚返黎先啦,BYE BYE"

sandra 請提點.

私人傳訊

Twinboys08

大宅

積分: 1707

694^#

發表於 10-3-4 17:04 |只看該作者

Sandra, 好多謝你咁用心教我地點教小朋友, 我好俾心機咁追緊之前嘅POST, 但我想問一樣野, 我有對孖仔25個月喇, 距地成日講NO, 講咩問咩都NO, 一下子我都唔知點應對好...請指教 ~

私人傳訊

積分: 33215

695^#

發表於 10-3-4 22:49 |只看該作者

原帖由 Truffle 於 10-3-4 06:37 發表
吾好意思呀 Sandra,
吾知瞓覺問題可否請教 ...

阿仔 21 個月大,習慣左同我地瞓,試過瞓着後抱番佢落 bb 床,但到半夜一定醒,喊一大餐,結果梗係得程瞓番上大床 (其實 bb 床已經喺大床側邊) 依家想 train 番佢瞓 bb 床 ...

Truffle :

一步步嚟.... 如佢張床响你房, 你始終要入番去, 唔好諗離開房呢d 住, 如你目標係瞓自己張床, 可以一開始就放佢响bb床拍佢瞓先, 而之後, 就無論幾時, 夜晚定晏覺, 都唔好再瞓大床, 咁佢慢慢先會慣, 事前亦要用故事形式預告吓等佢知, 而第一、二晚最好揀唔駛返公的日子, 預咗佢會喊耐d ！

私人傳訊

積分: 33215

696^#

發表於 10-3-4 23:11 |只看該作者

原帖由 禮信媽媽 於 10-3-4 17:01 發表
呀仔25個月, 由佢9個月一直追你的post,
到13個月佢打人, 成功用讚+ignore改了打人,
扭放面, 我唔怕佢喊架, 可以話佢未成功咁扭到我一d嘢,
ignore佢, 喊一陣扭一陣, 要我抱返, 我無條件抱返佢, 大家完場架喇.
但喊 ...

禮信媽媽：

你嘅處理方法冇問題, 唔駛担心, 始終兩歲幾小朋友係探索階段, 言語又未完全配合到, 有少少情緒就扭咗先講, 我相信你堅持應可見到他改變！

私人傳訊