好詳細ARmyapple 寫道:
各位媽咪,
我今日去左廣華做初檢啦。
今日9點去到
1) 驗尿
2) 量血壓, 磅重, 度身高
3) 照 u/s (我唔識睇bb心跳, 但問姑娘佢話有喎)
4) 見醫生之前有個姑娘好詳細咁問我過往病歷同屋企人有無咩病之類, 我同佢講有好多黃色分泌, 佢話其實念珠菌個個婦女本身都有, 不過懷孕荷爾蒙唔同會影響陰道酸醎度, 8成孕婦會念珠菌比平日多左好多, 不過唔痕既話可以唔洗理, 因對bb無影響。 咁我又問佢聽講好似有隻b型鍊球菌, 佢話如果真係有, 就要打抗生素。 之後佢問我做唔做子宫頸細胞抺片檢驗(check 下有無細胞變異, 有機會演變做子宮頸癌), 個test對bb無影響, 不過因為懷孕子宮頸會充血, 頭1-2日可能會有輕微血絲, 係屬於正常。
5) 之後見醫生(李楝強高級醫生), 都係問番類似既野, 由醫生檢查及做子宮頸抺片檢驗, 姑娘之前話可以check埋念珠菌, 但係無講話驗埋b型鍊球菌, check 完10點半左右, 但姑娘話要預11點半先走得。
6) o係大聴等梗預約下次覆診時間, 有個姑娘對大家就介紹/講解一般既檢查程序, 助產士小組, 產前講座等等....
除左 9/2初檢, 我一早book埋 14/2做產前診斷 (北翼10樓), 今次姑娘又幫我book左2個期, 2/3做糖尿測試 (OGTT ---- 東翼11樓), 到時要接受口服葡萄糖耐量測試, 及10/4返去覆診 (專科門診大樓4樓 = 徐展堂樓4樓????)
我都有問姑娘, 我有無得照結構性U/S? 佢話我14/2要做產前診斷, 到時會做多D野(CHECK唐氏綜合症), 但無肯定答我.... 而我亦都問埋, 我有無入助產士小組, 佢話醫生無REFER 喎...... 廣華比左幾本書仔, 產前護理手冊, 母乳餵哺手冊, D資料都好有用呀!
原本我用 LM 計預產期係 29/8, 照U/S時就問姑娘有無變, 因聽人講睇3次醫生, 3次都唔同日期, 佢話岩呀, 無變喎, 後尾我睇到U/S張相片, 果到SHOW左D資料, 係 27/8/2006加減5日, 4.72CM??等等.....
最後, 我BOOK左 6/5 & 20/5 既產前產後運動班, 每班名額得8位, 姑娘話原本FULL晒, 家下係加開。 如果想老公陪產, 要聽"分娩的認識", 6月開班要 1/4名報啦 (參加講座當日, 孕婦需懷孕27週以上)
仲有呀... 一出廣華門口, 就有好幾個女人走前黎問你係咪產檢, 叫你填表入會, 有惠氏, 美贊臣, PAMPLETS, NESTLE... 大部份都有小小GIFT送番比你, 我淨係填左惠氏同美贊臣, 攞左紗巾, 肚紋膏SAMPLE, 同BB手襪仔一對, 希望佢地真係會保密個人資料啦， 因有個女人話你唔介意佢就用你張FORM照抄, 我話唔得, 唔係我親自填, 即係盜用我資料啦。
發表於 
返回列表
