吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 少年成長› 小朋友大脾氣,可以點教 Part III

少年成長今日: 3|主題: 16096

收藏本版

發帖

返回列表

跳至頁

樓主: SandraLo

33 343536 37...171

積分: 33215

681^#

發表於 13-1-30 22:22 |只看該作者

klcn 發表於 13-1-29 23:21
我都想知有咩人可以幫到我
我... 就黎支持唔住...
頭先我都頂唔順喊 !

klcn :

佢依家多數乜嘢情況尖叫？

教仔心得：媽咪容易犯的錯誤
http://www.baby-kingdom.com/forum.php?mod=viewthread&tid=951856&extra=&page=1

成日話「讚」可以改正小朋友壞行為，到底點解同點讚？
http://forum.baby-kingdom.com//v ... page%3D1&page=1

私人傳訊

SandraLo

珍珠宮

積分: 33215

682^#

發表於 13-1-30 23:15 |只看該作者

stephenpang 發表於 13-1-30 17:37
多謝sandralo意見，我仔仔是外婆凑的，每朝約十一時半起床，晏覺亦是你所講，但我想問是不是要堅持到底不可 ...

stephenpang :

你都睇埋呢兩版先, 唔駛花你好多時間, 10 min 就夠 !!!
我估你都明玩電話 ipad 呢d 係會上癮同影響第二時學嘢嘅專注力..................... 兩歲都咁, 以後点算？
如你同意的話, 是不是應該幫他呢？如你作為家長想幫他, 難度你以為不堅持, 用其他方法他會聽？若佢扭就有, 你係教緊佢用扭嚟向你要求 !!!
先同婆婆講要調較他的瞓覺時間, 必須要狠心, 早些叫他起床, 早些瞓晏覺自然就早些眼瞓, 現在這個 pattern 真係連學都返唔到！

私人傳訊

klcn

子爵府

積分: 11582

683^#

發表於 13-1-30 23:48 |只看該作者

SandraLo 發表於 13-1-30 22:22
klcn :

佢依家多數乜嘢情況尖叫？

佢有小小唔滿意就會尖叫 !

總之, 發事都會叫...
只要係佢唔滿意 ..
仲有, 佢0既唔滿意係好無理

私人傳訊

rilakkuma_san

複式洋房

積分: 296

684^#

發表於 13-1-31 11:56 |只看該作者

回覆：小朋友大脾氣,可以點教 Part III

Sandra，係呀99個度我無機會教添既，不過佢發親脾氣或跌到都會話打人，見到6299就話手爺爺嫲嫲，起街就話打姨姨叔叔，我地講唔講得都照講，有時仲真打，係特登行過去打，點好呢？請指教

私人傳訊

mcmcmc

禁止訪問

積分: 821

685^#

發表於 13-1-31 13:46 |只看該作者

提示: 作者被禁止或刪除內容自動屏蔽

私人傳訊

SandraLo

珍珠宮

積分: 33215

686^#

發表於 13-1-31 22:18 |只看該作者

rilakkuma_san 發表於 13-1-31 11:56
Sandra，係呀99個度我無機會教添既，不過佢發親脾氣或跌到都會話打人，見到6299就話手爺爺嫲嫲，起街就話打 ...

rilakkuma_san :

用讚 ~~ 你睇咗點用讚個 topic 1st and 2nd posts 未呢？不過如佢大都份時間都唔係同你一齊, 凑佢嘅人又唔配合, 咁就有限作用...........
請睇埋post #665！

私人傳訊

SandraLo

珍珠宮

積分: 33215

687^#

發表於 13-1-31 22:39 |只看該作者

klcn 發表於 13-1-30 23:48
佢有小小唔滿意就會尖叫 !

klcn :

如你覺得已無法成功用得到 ignore, 即係用埋耳塞都頂唔住, 睇吓揾唔揾到社工或心理學家教你獎罸並用, 要你罸時可拍低當時情況俾佢睇的先好做！

私人傳訊

bbhappy2009

珍珠宮

積分: 37662

玩具勳章畀面勳章叻叻勳章 wyeth冷知識勳章爸B勳章

688^#

發表於 13-1-31 22:43 |只看該作者

回覆：小朋友大脾氣,可以點教 Part III

Um..hihi..今天第一次入依板，見到topic.令我入左想問下大家如何教導快4歲的男孩。

問題，我仔未k1之前好安靜，溫柔，唔吵唔博咀，會好容易控制到佢情緒。(識得我仔人都認為)。我話番學變哂，佢地都唔信。

(1)自番左k1之後，性情大變，容易跟班上某活潑d小朋友吵，人地講咩，我仔又跟住講，我叫左好多次唔好跟，解釋過，但好似唔多明，第2日又跟。(講過，一跟人講野，媽媽會自己打咀仔1下)

(2)個人又多咀左，咩都加d懶音，做咩嫁，點解ge...之前完全吾加懶音落去。

(3)依嫁情緒郁下就哭，郁下就放聲大吵，令我情緒更易炆，每次要惡的聲音下先收聲。

Plx help me thx..可能問題多左

私人傳訊

SandraLo

珍珠宮

積分: 33215

689^#

發表於 13-2-1 23:31 |只看該作者

bbhappy2009 發表於 13-1-31 22:43
Um..hihi..今天第一次入依板，見到topic.令我入左想問下大家如何教導快4歲的男孩。

問題，我仔未k1之前好 ...

bbhappy2009 :

入嚟呢個 topic 嘅都係揾我.................... 所以呢度得我答, 並冇其他人會答你...................
你囝囝係响學校嘅環境學/模仿咗一d 你覺得唔好嘅行為....... 而要矯正壞行為, 係要用讚, 你要先睇点用讚個 topic 1st and 2nd post, 唔明點做再問; 要提你唔好輕言「話」打, 唔痛係完全冇效用的, 有效都只係頭幾次, 佢好快會學埋打人, 你重頭痛！
懶音我估係模仿同學, 名符其實係 speak the same language, 冇影響人嘅暫時唔駛處理住.
所謂嘅情緒係「扭」, 你揀惡佢的話, 好快你會見到佢學咗你惡, 所以都係用讚 + ignore 嚟矯正, 你睇完點用讚個 topic 唔明點做再問！

私人傳訊

ChuS

別墅

積分: 800

690^#

發表於 13-2-6 14:13 |只看該作者

Hi Sandra,

我大仔3.5歲, 昨天早上, 我入房叫他起床返學, 他一起身就話吾返學, 我無回應,之後佢要我抱佢出廳, 咁我就抱佢出去, 出左廳之後, 我叫佢食早餐, 佢就話等一陣先食, 要坐我大脾, 咁我就抱左一陣, 之後叫佢自己坐低食早餐, 跟住佢就話吾食早餐吾返學, 然後我就話”咁媽咪吾理你, 我攪掂自己就返工”, 跟住阿仔就大喊大叫, 攬住我隻腳, 死都吾肯放手, 我同佢講 “即刻收聲, 換衫食早餐返學”, 佢依然繼續大喊大叫, 不停叫”要你,要你” , 我同佢糾纏左至少10mins, 跟住爸爸一手捉左佢入房強行幫佢換校服, 佢仍然繼續大喊大叫, 不停叫”要媽媽,要媽媽”, 之後爸爸叫佢食早餐, 佢喊住叫我坐低陪佢食, 我就坐係佢傍邊, 佢就收左聲眼濕濕食早餐, 食完早餐就去刷牙, 臨出門口之前, 佢話要食魚肝油糖, 但爸爸話佢今日太曳, 所以無得食, 佢聽到好吾開心但忍住吾喊, 之後我就如常送阿仔返學, 而阿仔就好似無發生事咁

1. 阿仔每次大喊大叫, 我已經吾理佢, 吾明佢為何仍然同我糾纏, 次次要爸爸出手先肯罷休, 或者喪喊喪叫一輪之後, 又叫我比紙巾抹眼淚或拖住佢之類既要求後, 又回復正常
2. 我老公話我做人無原則, 成日比藉口自己同個仔, 縱壞晒個仔, 遷就個仔太犀利, 令到個仔成日發脾氣, 越教越衰, 好傷心比我老公咁話我
3. 我老公叫我對住阿仔要做到”零”讓步, 要做話事人, 不要被阿仔牽住走, 但自問係一個心軟既人, 又怕人煩, 又不想家嘈屋閉

究竟要點教個仔? 而我既管教方法係咪真係好有問題呢? 好絕望,灰心,傷心…..

私人傳訊

SandraLo

珍珠宮

積分: 33215

691^#

發表於 13-2-6 22:45 |只看該作者

本帖最後由 SandraLo 於 13-2-6 22:46 編輯

ChuS 發表於 13-2-6 14:13
Hi Sandra,

我大仔3.5歲, 昨天早上, 我入房叫他起床返學, 他一起身就話吾返學, 我無回應,之後佢要我抱佢出 ...

ChuS :

你雖然唔算縱壞個仔, 但你確實係唔知個錯位响邊, 因此俾阿仔食住, 纒個不休,
你先睇我簽名位兩個 topic 頭一個 post 學識用讚, 我明晚再話你知個錯位你先再問！

私人傳訊

ChuS

別墅

積分: 800

692^#

發表於 13-2-7 16:40 |只看該作者

回覆 SandraLo 的帖子

Hi Sandra,

1.
我睇左你叫我睇既post, 但吾係太明白怎樣讚, 咁係咪若果我個仔當天吾發脾我就讚佢, 盡量搵機會讚佢呢? 我今日買了一些星星貼紙, 打算作為獎勵之用, 儲夠一定數量的星星貼紙就有禮物 (e.g. 20粒獎一架車仔), 吾知work吾work?

2.
阿仔次次發脾氣/吾高興就話”吾要爸爸/媽媽, 打你, 打你, 吾要你”, 之後爸爸就話”你吾聽話/收聲就趕你出門口”, 但阿仔之後仲嘈得更厲害, 又喪喊喪叫一大輪, 就回復正常, 每次都係咁, 究竟有無方法令到阿仔控制到自己情緒呢?

3.
你說會指出我的錯位, 究竟係邊度做錯左呢?

私人傳訊

SandraLo

珍珠宮

積分: 33215

693^#

發表於 13-2-7 23:23 |只看該作者

ChuS 發表於 13-2-7 16:40
回覆 SandraLo 的帖子

Hi Sandra, 1.

ChuS :

你先要明一樣嘢, 就係你仔想扭乜, 佢係扭你嘅attention, 只要佢扭、無理取鬧嗰陣你理佢, 俾attention佢, 佢就係成功, 呢個成功亦助長(reinforce)佢下次再扭, 因為佢知扭你就會俾於「牽」住走, 全部注意力都集中响佢身上 ! 於是, 你愈唔想家嘈屋閉, 佢就愈係家嘈屋閉！你愈係心軟、怕煩, 就愈要好好處理, 否則只會愈來愈嚴重 !

舉個例：每次阿仔講「唔要爸爸/媽媽, 打你吾要你」等等, 你地都好大反應, 查實呢d同佢控制自己情緒冇關係, 係你地俾足attention佢先會特登去發, 只要你地ignore佢呢d 扭、哭鬧嘅壞行為, 唔俾反應, 唔鬧唔打, 一切如常, 加埋佢冇扭嘅時候用讚 (一日約五、六次), 好快佢就唔會再扭！

讚嘅意思係：話佢知「唔發脾氣」就係好行為, 同時亦係俾緊attention佢, 當佢扭、發脾氣嗰陣係攞唔到你attention, 但唔扭就有, 你估佢要邊樣？呢個就係行為學上嘅行為矯正法！

我通常教媽咪用獎勵嚟加强口頭讚, 因好行為出現(冇扭) 先有得讚, 唔會獎錯, 但你唔用我教嘅 ignore + 讚, 淨用貼紙, 你個 case就應該唔 work, 因為佢係要扭你attention, 唔係有貼紙代替得到, 你咁怕家嘈屋閉, 送完一個貼紙笫二日冇佢咪又同你扭要貼紙囉！咁咪又係家嘈屋閉！另外一個原因係獎嘅準則唔容易訂, 冇喊過算冇扭？點先算冇發脾氣？唔肯返學但又冇喊又點？一句講哂, 只要你怕佢扭, 佢就會持續, 今日開始就面對吧！

私人傳訊

ChuS

別墅

積分: 800

694^#

發表於 13-2-8 16:41 |只看該作者

回覆 SandraLo 的帖子

Hi Sandra,
我會用ignor+讚去處理阿仔既哭閙，另我想阿仔自動自覺做嘢e.g.刷牙、執玩具、食飯等等，究竟用獎勵抑或用罸呢？如果用獎勵，怕吾怕佢變成有著數先做或樣樣事都講條件？咁算吾算溺愛？因我阿仔成日討價還價，叫佢做野就多多藉口.究竟點樣先建立權威但又不破壞親子關係？

私人傳訊

SandraLo

珍珠宮

積分: 33215

695^#

發表於 13-2-8 22:55 |只看該作者

ChuS 發表於 13-2-8 16:41
回覆 SandraLo 的帖子

Hi Sandra,

ChuS :

明天一早要出trip, 下星期五回來才答到你............... 或者你是但睇吓其他媽咪嘅問題, 其實大部份係大同小異, 會幫到你！

私人傳訊

SandraLo

珍珠宮

積分: 33215

696^#

發表於 13-2-14 23:38 |只看該作者

本帖最後由 SandraLo 於 13-2-14 23:42 編輯

ChuS 發表於 13-2-8 16:41
回覆 SandraLo 的帖子

Hi Sandra,
我會用ignor+讚去處理阿仔既哭閙，另我想阿仔自動自覺做嘢e.g.刷牙

ChuS :

獎勵如恰當地運用, 並不會發生你所担心的講條件、溺愛和討價還價, 但內裡亦有不少學問, 決不是買幾張貼紙便可解決, 你在設計獎勵計劃前先要注意下列數點：

1/ 成日咁長, 用一個貼紙代表個日表現, 是不太公平亦不實際, 小朋友較難掌握及明白到底点先至攞到個貼紙, 例如食飯乖, 換衫執玩具唔乖, 咁有定冇？点至可以準確量度整日？
2/ 点先算乖？比如食飯, 指定時間內食完你要佢食嘅算乖？抑或要埋乾淨？如一早講好, 幾耐食哂(或主動話食)就算乖, 咁就算佢打爛嘢或者搞到好汚糟都算達到你要求, 都要俾貼紙！即係話, 個別事項「標準」要一早定好！
3/ 獎品/小禮物方面, 你想佢有(如益智玩具/圖書等)嘅嘢, 千祈不要用來做獎品, 因你都唔想佢攞唔到, 如果佢真係唔得, 你返唔到轉頭買俾佢(因會變成言出不行), 擺咗自己上枱！
4/ Once定好獎勵計劃, 即使用錯獎品或任何原因吸引不到他, 也不能朝令夕改, 或者响佢表現唔好時不停提佢：好快d XX啦, 唔係就冇貼紙架啦！呢個係獎勵, 即係做到有獎, 而唔係做唔到就罸(無獎)！

至於話獎勵會令佢做事樣樣講條件, 呢個係完全視乎你獎佢時嘅態度！睇睇以下例子：

(a) 衰仔, 馬馬虎虎又當做完功課, 嗱！你部遊戲機呀, 打啦！日打夜打, 做功課唔見你咁留心, 睇吓幾時又要換眼鏡, 遲早眼都盲……
(b) 咦, 做好功課囉喎, 好好喎, 自己搞掂, 唔駛媽咪叫, 好啦, 依家打機, 打完30min就食飯啦！
解讀：相信你地都會睇得出(a)同(b)嘅分別. (a) 的小朋友雖然得到獎品 (打機), 但並沒有得到媽媽的讚許, 「自己完成功課」這個好行為亦未被正面認同, 他依然被阿媽鬧的, 只有「獎」沒有「勵」(鼓勵), 得到的真的純粹是打機. (b) 俾小朋友清楚知道媽媽會因佢做好自己的功課而開心, 得到讚許再獲得自己想要的獎品, 開心之外, 知道完成功課是好事, 大家都開心, 慢慢亦會習慣自己做功課, 而當大家氣氛和洽時, 你要教他什麼也容易得多.

我估囝囝討價還價係因為你未考慮清楚如何獎就先講出點獎, 佢去「講價」嗰陣你又出爾反爾 offer 另一d 更「好」嘢, 令佢覺得講吓價係多數有「甜頭」, 你會entertain佢, 有商量, 如是者當然唔會好「順灘」咁去做嘢, 拆解方法係你要考慮咗佢能力係做得到先好offer, 一出咗聲講就唔可以再變, 言出必行, 佢知冇得講價先至唔會講！

p.s. 你嘅問題可以具體d, 講番當時情况俾我知, 我會明多d, 教你亦會再「中」d , 咁先幫到你多d ! 實際上, 你呢幾個問題, 要詳細講真係出本書都得！

私人傳訊

tomato100hk

男爵府

積分: 9585

697^#

發表於 13-2-17 21:31 |只看該作者

回覆：小朋友大脾氣,可以點教 Part III

Sandra Lo :

你好！我好耐之前睇過你呢個post ！當時教大女！兩歲！而家都五歲了！可能女仔容易教！我都教到！
而家生了細仔！仔真係難教啲！好多時唔比佢攪嘅嘢或唔比佢玩嘅嘢佢都發脾氣！個樣嬲，喊，有好多時仲瞓地！如果喺屋企！我多數唔理佢！佢瞓喺到喊！有試過喊半小時之上！喊到攰！我氹番佢瞓！瞓醒又好似忘記之前嘅事！有時佢瞓喺到發脾氣！我唔理佢！隔一陣佢就無事去玩其他嘢！之後我都簡單講下頭先咁唔啱！
有時帶住兩個去街，佢又因為得唔到一啲想要嘅嘢發脾氣，例如一個汽球，我怕爆，唔比佢玩！佢就發脾氣坐街！我抱起佢佢又咬腰！因為喺街！又拖住個大！所以都唔知點好！因大女從來未試過咁！可否教下我點做？

私人傳訊

SandraLo

珍珠宮

積分: 33215

698^#

發表於 13-2-17 23:25 |只看該作者

tomato100hk 發表於 13-2-17 21:31
Sandra Lo :

你好！我好耐之前睇過你呢個post ！當時教大女！兩歲！而家都五歲了！可能女仔容易教！我都教 ...

tomato100hk :

先温熟點用讚..................
留意錯位：
「有試過喊半小時之上！喊到攰！我氹番佢瞓」~~ 喊到攰都唔可以氹番佢, 氹番佢表代佢嘅喊係有得着, 冇唔啱, 扭咗先都係有回報, 你應該當冇事發生, 但冇扭、發脾氣個陣就讚！
另外, 有關小朋友的處理：
「例如一個汽球，我怕爆，唔比佢玩」~~ 佢發脾氣係佢唔啱, 用「坐响街」嚟迫你就範亦係錯, 但因為你怕汽球爆而唔俾佢玩, 咁我估你重有好多嘢都唔俾, 你其實唔駛担心甘多, 小朋友要「經歷」才學得到, 咪由得佢爆囉！
襯佢重細, 佢响街發脾氣你可以捉佢返屋企, 或者由得佢坐响街都得, 到佢知呢d 坐街行為影響唔到你嗰陣, 佢先唔會做架！

私人傳訊

tomato100hk

男爵府

積分: 9585

699^#

發表於 13-2-17 23:38 |只看該作者

引用：Quote:tomato100hk+發表於+13-2-17+21:31+S

原帖由 SandraLo 於 13-02-17 發表
tomato100hk :

先温熟點用讚..................

多謝你解答！如果下次佢喺屋企發脾氣我唸我會唔理佢！如果喺街！佢又發脾氣！我唔可以立即回家！因為我又帶住大女！如果回家對大女有啲唔公平！咁我仲可以點做？如果佢發脾氣喺街坐喊！我都賞試唔理佢！但如果佢阻住其他人我係咪應該抱走佢再搵一個無人嘅地方比佢發到夠？

私人傳訊

SandraLo

珍珠宮

積分: 33215

700^#

發表於 13-2-18 22:52 |只看該作者

tomato100hk 發表於 13-2-17 23:38
多謝你解答！如果下次佢喺屋企發脾氣我唸我會唔理佢！如果喺街！佢又發脾氣！我唔可以立即回家！因為我又帶 ...

tomato100hk :

如你能正確地處理, 他再扭三數次後便不會再扭了, 若囡囡能配合你做這件事, 亦明白只是幾次, 便不須担心什麼「不公平」了！
佢响街扭, 你由得佢坐响街喊、扭, 同你即刻「的」佢返屋企兩者, 係前者較好, 因為那是告訴他哭鬧影響不到你, 就連嬲也不會, 因為他不會再扭！而「的」佢返屋企代表你罸佢冇街去, 你情緒上都有被影響, 同你都要陪佢返埋屋企................ 話雖如此, 如你決定用前者, 一定要預番一個半個鐘企响度, 亦慎防佢「升級」, 瞓落最汚糟嗰度, 咁你只要俾佢知你忍受唔到, 「驚」呢樣嘢, 佢就以後都會用呢招！你要量力而為先得！
另外每次出街前你要認真咁提佢唔可以哭鬧, 哭鬧就要即返屋企, 出咗街就keep 住每15min 就讚佢乖冇發脾氣, 到佢真係扭就 ignore, 你成功做到的話, 好快就會搞掂！