Baby Kingdom - 親子王國 香港 討論區 › 首頁 › 少年成長› 小朋友大脾氣,可以點教

少年成長

收藏本版
發帖
返回列表
跳至頁

首頁
3334353637...101

尾頁
   202
SandraLo


珍珠宮

積分: 33215


681#
發表於 07-8-10 12:14 |只看該作者
原文章由 ysnmama 於 07-8-6 12:29 發表
Sandralo,
我小朋友兩歲. 現已開始返學. 平日他愛跟小朋友玩. 也主動表示友愛. 但不知為何發覺陪他上學的幾天. 他變得常常想用手推小朋友. 又企途起脚及踏小朋友. 人家家長也在場. 我也跟他解釋. 但我 ...


ysnmama :

Sorry..... 睇漏咗.....:-( 有d 老人痴呆啦....睇完就當自已答咗....亂哂.....
好簡單，响佢見到小朋友但未出手時讚佢：你好乖喎，冇推冇踏小朋友！
我寫緊一篇「點解要讚同點讚」，快寫完了，呢兩日會放上嚟兼開新topic，你記得睇，睇完有問題再上嚟！
私人傳訊

Gracesywong


複式洋房

積分: 266


682#
發表於 07-8-11 00:48 |只看該作者
SandraLo,

還未有時間看完所有的 pp，我會努力睇。

多謝妳的提醒，最近已有些準備開學前恐懼症，求主賜我多些智慧去教導兒子。

這兩個月晚上沒有那麼多約會�事奉，所以可以多些陪兒子練琴，有一次他告訴我老師聽完他彈之後就拍手掌，讚他彈得好，於是他就問我如他彈得好可否拍手，我當然回答可以啦，現在每晚陪他練習時都要拍好多次手掌（每彈完一次就要拍一次），雖然有時覺得好煩，不過其實都好開心，因他實在有進步。今晚他還告訴爸爸，他喜歡我陪他彈琴，因為我常拍手讚他。我會繼續多稱讚他。

昨天請了一天假陪兒子，看到他做一些網上練習，發覺他幾科主科都有進步，特別是英文，所以又讚了他一輪，他好開心，現更比心機做而且也比以前做得快！

期望開學後，他能繼續有進步，因今年升三年級，要進行「全港性系統評估」。有些擔心。

我覺得妳能在網上幫助很多遇到困難或需要幫助的家長真好！祝福妳呀！
私人傳訊

ysnmama


男爵府

積分: 8003


683#
發表於 07-8-11 08:55 |只看該作者
SandraLo,

你唔好咁講啦 . 多謝你答覆至係. 我會去另一睇睇關於"讚"的文章. 希望好快有改善. :lol:


原文章由 SandraLo 於 07-8-10 12:14 發表


ysnmama :

Sorry..... 睇漏咗.....:-( 有d 老人痴呆啦....睇完就當自已答咗....亂哂.....
好簡單，响佢見到小朋友但未出手時讚佢：你好乖喎，冇推冇踏小朋友！
我寫緊一篇「點解要 ...
私人傳訊

SandraLo


珍珠宮

積分: 33215


684#
發表於 07-8-11 11:26 |只看該作者
各位：

多得個八号風球，終於寫好開咗 topic 啦！

「成日話「讚」可以改正小朋友壞行為，到底點解同點讚？」：

http://discuz.baby-kingdom.com//viewthread.php?tid=1094774&extra=page%3D1

私人傳訊

SandraLo


珍珠宮

積分: 33215


685#
發表於 07-8-11 18:51 |只看該作者
原文章由 lisatsoi 於 07-8-10 09:21 發表
SANDRALO:

早晨!我昨晚開始不罵他.可是叫他做事要叫十次.早上叫他刷牙也一樣要叫十次,他顧著跟我說另外的事.該怎麼辦.


一個簡單的timetable 可能會幫到，你可以睇番前兩三版，雖然那個case係講小學生搞功課，但意思一樣，俾佢知道幾時做d 乜，要讚要獎 ，容易好多....。
私人傳訊

SandraLo


珍珠宮

積分: 33215


686#
發表於 07-8-11 18:59 |只看該作者
原文章由 Gracesywong 於 07-8-11 00:48 發表
SandraLo,
還未有時間看完所有的 pp，我會努力睇。
多謝妳的提醒，最近已有些準備開學前恐懼症，求主賜我多些智慧去教導兒子。
這兩個月晚上沒有那麼多約會�事奉，所以可以多些陪兒子練琴，有一次他告 ...


謝謝你.... 其實每個人都要讚和鼓勵的, 我也一樣 :D ......
若不是久不久有媽咪上來報喜，我也堅持不到
私人傳訊

YolandaTam


侯爵府

積分: 23117


687#
發表於 07-8-12 22:21 |只看該作者
再post一次, 請賜教!

我十分認同讚嘅好處, 因為我之前因為個女戒唔到片搞到患上鬱躁症, 鬧咗個女好多次都搞唔掂. 之後用讚同奬終於令佢成功戒片, 大家關係仲好咗好多. 現有以下疑問想請教:

1) 淨係讚, 小朋友如何得知乜嘢係錯??? 我個女唔鍾意聽故事, 有冇其他辦法?

2) 佢喺出面俾人話嗰陣點處理???

例: 我趕唔切讚個女喺商場拖實我手(即係冇亂跑), 結果佢亂跑俾管理員話. 我惟有教佢講"對唔住". 之後我應該點善後?

3) 個女喺街上大吵大鬧, 我哋通常喺安全情況下由得佢, 當佢發洩情緒便是, 都有喺佢好地地, 笑笑口嗰陣讚佢 "好乖喎, 唔發脾氣, 你睇你笑得幾靚!" 唔知係咪我讚錯咗??? 佢都幾多時會大吵大鬧, 請問可以點改善?

4) 好多時個女大吵大鬧嗰陣, 啲路人會鬧我好唔stop佢, 跟住我個女就會再喊大聲啲, 請問我即場應該點反應? 係咪繼續ignore, 即使商場管理員出面干涉我都ignore (因為個女發脾氣嗰陣蠻力好大, 我一個人好難拖到佢返屋企)?
私人傳訊

SandraLo


珍珠宮

積分: 33215


688#
發表於 07-8-12 23:14 |只看該作者
原文章由 YolandaTam 於 07-8-12 22:21 發表
再post一次, 請賜教!
我十分認同讚嘅好處, 因為我之前因為個女戒唔到片搞到患上鬱躁症, 鬧咗個女好多次都搞唔掂. 之後用讚同奬終於令佢成功戒片, 大家關係仲好咗好多. 現 ...


Yolanda Tam：

1/
唔鍾意聽故事係少有啲，但你地總有傾計溝通嘅時間，只要氣氛係好嘅，嗰時教就啱！
2/
如果佢知唔啱，都冇乜嘢可以做，只能响佢亂跑前讚。

想問：點解佢會經常佢街大吵大鬧？扭啲乜？
要留意吓出街時會不會是對於他來說是太悶，如果係，試俾個break佢，例如你要shopping，但又一定要帶埋佢，咁先用讚，隔30 mins(视乎佢忍耐力)第二次讚時，話隔一陣同佢去tea (假如她鍾意)，tea完可能再買20mins嘢，再讚後即返屋企；此舉的目的，就係要她全程都得到你的讚許，開開心心。
3/
睇落你並冇讚錯，可否detail啲講你有嗰次讚完之後佢有冇再扭？扭乜？
4/
假如你捉唔到佢返屋企，ignore係唯一辦法，因為只有扭唔到至唔會扭，我明白啲路人俾你嘅壓力，但冇辦法，你家小姐當然亦明白個中道理，所以再喊大聲啲，試圖大走你，如果試得兩三次，佢睇到你不受旁人影響，甚至話番d 人，佢會收！
私人傳訊

awshan0610


別墅

積分: 566


689#
發表於 07-8-13 04:06 |只看該作者
阿女就黎22個月大~平時係好聽話好乖~但係唔知點解近排同佢出街,佢開始有無端端坐/訓落地下呢個習慣...今日同佢撘地鐵..勁多人(佢有少少睡意)...一上車佢唔比我抱...又唔肯企...起車卡裡面大喊大叫...我就好似抱住條要游走既大魚咁...開頭只係一個車卡d人望住...有個好心人就讓左個位比我...咁我就比阿b坐...點知佢坐底左仲尖叫tim...我一直只係企起阿b前面扶住佢..無出過一句聲.....其間分別有兩個太太都行埋黎幫口tum阿b叫佢唔好喊~到我落車既時候d人己經係靜晒..三個車卡既人望住我同阿b...(我由wts撘去太子)落左車之後我同佢行埋一邊...佢就直情放軟個人訓起地上面...一直都唔比我抱...有個太太走埋黎tum左佢幾句...請左一包糖比佢食...佢就收晒聲....佢一隻手拎住包糖一路拖住我行到返屋企...(路程15分鐘)...今次係第一次咁誇張....呢個情況我應該點做??我驚做得唔好下一次仲"金":-( :-( :-(

P.s佢識揀地下黎扭...商場地下佢會扭到訓/趴起度...但係街邊佢只會"蹲"或坐..每次扭計都係起我自己一個人帶佢出街既時候!(多過一個人同阿b出街就會用手推車,所以佢無機會扭)

[ 本文章最後由 awshan0610 於 07-8-13 04:16 編輯 ]
私人傳訊

pandacat_bb


男爵府

積分: 7205


690#
發表於 07-8-13 05:24 |只看該作者
我囝囝都有鐘意訓地既問題, 依家佢得20個月, 家姐下個月就3yrs, 從來未試過發脾氣坐地下訓地下 :-|

其實幾個月前都開始係屋企訓地, 有時佢發脾氣就一路喊一路專登"鄧"落地坐, 我地會話佢, 叫佢起身, 話多兩句就訓埋落地, 試過ignore佢, 但發覺對佢唔work, 佢仲會打側身訓唔理我地, 自己繼續喊, 有時我會起身"禁"住佢個肚, 話"你訓啦, 訓耐啲啦, 唔好起身", 當佢嘗試起身又會"禁"番低佢, 之後就自己走開, 佢反而即刻彈起身走黎我度 (不過仲喊緊)

但係咁耐以黎, 佢唔敢係街度咁做, 直至上星期, 我去高登配眼鏡, 可能佢悶得滯, 走來走去, 又走出門口, 我叫家姐拖佢番入黎, 佢唔肯仲發脾氣係人地舖頭度訓係地, 叫極佢都唔起身, 連人地個驗光師 (唔係serve緊我嗰個, 另一個冇客得閒啲嗰個) tum佢佢都費時睬, 攪到我好尷尬, 結果要我起身走過去"的"佢起身, 好彩當時冇咩客咋, 唔係就真係左住人做生意

我依個囝我有時都唔知點教, 佢覺得我地唔錫佢佢就特別搗蛋, 專同你作對, 打都唔喊, 好硬頸; 到覺得我地錫佢佢就成日喊, 痴到你實, 小小野都喊餐死, 都唔知點攪 (我知佢係同家姐爭寵, 有時抱住佢, 佢唔比家姐過黎一齊抱)
私人傳訊

YolandaTam


侯爵府

積分: 23117


691#
發表於 07-8-13 10:51 |只看該作者
靚太SandraLo:

多謝回覆. 就你嘅跟進問題, 補充資料如下:

我個女10月就3歲, 唔知係咪呢個階段嘅小朋友都仲係比較自我中心, 佢好多嘢都好堅持要人就佢, 人哋一唔順佢意佢就大吵大鬧.

例如: 由我屋企去商場有兩條路, 一條有蓋, 一條冇蓋 (兩條路都距商場約5分鐘路程). 佢平時係行慣冇蓋嗰條. 呢排落雨, 佢担遮又担得唔好(佢咁細個, 都可以理解阿呵?), 著雨褸佢又唔肯戴連住雨褸嗰頂帽, 咁我咪建議行有蓋嗰條囉.

我: 咦, 今日落雨喎, 落雨行嗰邊(指住冇蓋嗰邊)會淋濕身嗰喎! 望望, 不如我哋行嗰邊(指住有蓋嗰邊)囉!

望望: 唔行啦, 算啦! (跟住大喊)

我:...... (無奈)

之後我等佢收聲就抱佢行有蓋嗰邊. 如是者發生咗無數次...:-(

唔知我邊度出咗錯???

[再補充, 因為我嘅情緒病, 我唔敢全日湊佢 (怕自己頂唔順, 鬱躁症發作會鬧佢甚至打佢), 每日有大約半日時間請佢公公婆婆睇住佢.

當佢有以上嘅情況, 佢公公會話佢, 佢婆婆會就範, 唔知係咪咁出事??? 但係我同c6從不就範, c6見佢發脾氣, 會同我一樣由得佢, 喺佢平靜咗之後會同佢講, "喊完嗱? 行啦"]

關於讚佢笑得靚, 件事係咁嘅. 我每去到公眾地方, 見到佢笑嘅話, 一記得就會讚佢. 佢好鍾意去圖書館, 可能佢未知乜嘢叫規矩啦, 入到圖書館講嘢都好似平時咁大聲, 咁我叫佢講嘢細聲啲. 跟住佢就大吵大鬧. 結果我好無奈咁抱番佢出去.

去圖書館係好好嘅節目, 我好贊成, 我都超鍾意睇書. 但係佢次次都大吵大鬧, 攪到我唔敢帶佢去, 點算好? 好無力!

以上情況, 請賜教應付方法, 甚謝!

p.s. 除咗固執啲之外, 望望係一個好善解人意嘅女, 佢對我好好, 有乜嘢好食嘅都要霸一份俾我, 又好肯幫我做家務, 去toilet連紙巾都幫我準備埋. 佢真係神俾我哋一家人嘅小天使! 亦證明讚係好有效嘅(c6話佢係用"話"嗰套, 佢唔buy讚呢套, 結果佢咪享受唔到個女嘅"服務"囉, 唉!).

[ 本文章最後由 YolandaTam 於 07-8-13 11:06 編輯 ]
私人傳訊

SandraLo


珍珠宮

積分: 33215


692#
發表於 07-8-13 22:10 |只看該作者
原文章由 awshan0610 於 07-8-13 04:06 發表
阿女就黎22個月大~平時係好聽話好乖~但係唔知點解近排同佢出街,佢開始有無端端坐/訓落地下呢個習慣...今日同佢撘地鐵..勁多人(佢有少少睡意)...一上車佢唔比我抱...又唔肯企...起車卡裡面大喊大叫...我就好似抱 ...


awshan0610 ：

bb 扭眼瞓向來都好難搞，但你話「近排」，即係之前都有，真係無端端？抑或攰加有d 嘢想要但又未識表達？
按道理佢應該係有要求 (如冇就係眼瞓或唔舒服) 先至會扭…….
唔少bb都揀瞓地呢個方式嚟扭，因為知阿媽緊張污糟及其他人指指點點，你只要「畫」爛塊面 表現出「唔驚」「放馬過來」，佢地知扭唔到就唔會扭........
但依家問題係：佢扭乜？
私人傳訊

SandraLo


珍珠宮

積分: 33215


693#
發表於 07-8-13 22:24 |只看該作者
原文章由 pandacat_bb 於 07-8-13 05:24 發表
我囝囝都有鐘意訓地既問題, 依家佢得20個月, 家姐下個月就3yrs, 從來未試過發脾氣坐地下訓地下 :-|

其實幾個月前都開始係屋企訓地, 有時佢發脾氣就一路喊一路專登"鄧"落地坐, 我地會話佢, 叫佢起身, 話多兩 ...


pandacat_bb：

又係瞓地……
假如你有睇置咗頂嘅「媽咪常犯錯誤」，你會知你其實未「成功地」ignore 佢 (唔係 ignore冇用)，因為你對佢瞓地並非冇反應，或者咁講，佢瞓地係達到攞到你嘅attention同反應嘅目的！
我估計係同家姐爭寵所以 attention seeking, 破解方法亦是讚，讚個 topic 睇咗未？
私人傳訊

SandraLo


珍珠宮

積分: 33215


694#
發表於 07-8-13 23:04 |只看該作者
原文章由 YolandaTam 於 07-8-13 10:51 發表
靚太SandraLo:
多謝回覆. 就你嘅跟進問題, 補充資料如下:
我個女10月就3歲, 唔知係咪呢個階段嘅小朋友都仲係比較自我中心, 佢好多嘢都好堅持要人就佢, 人哋一唔順佢意佢就大吵大 ...


Yolanda Tam：

照計你同你C6 ignore 佢嘅扭，就算婆婆就範，佢都應該只會扭婆婆，因為依家啲小朋友好鬼醒，知道邊個可以扭！

佢話：「唔行啦, 算啦! 」(跟住大喊) 係表示乜嘢？情願唔去？
有冇試過真係唔去？
圖書館

[ 本文章最後由 SandraLo 於 07-8-13 23:09 編輯 ]
私人傳訊

YolandaTam


侯爵府

積分: 23117


695#
發表於 07-8-13 23:18 |只看該作者
SandraLo,

係囉, 我都好唔明, 點解佢明知扭我同c6冇用佢都仲係咁, 唔同佢信"精誠所至, 金石為開"???

通常佢話"唔行啦, 算啦!" 只係負氣說話, 只要我哋堅持(即等佢嗌攰咗照行), 佢會就範. 但係佢餐餐都係咁, 好煩架嘛!!!

點算好? , 請幫忙!
私人傳訊

awshan0610


別墅

積分: 566


696#
發表於 07-8-14 01:30 |只看該作者
原文章由 SandraLo 於 07-8-13 10:10 PM 發表


awshan0610 ：

bb 扭眼瞓向來都好難搞，但你話「近排」，即係之前都有，真係無端端？抑或攰加有d 嘢想要但又未識表達？
按道理佢應該係有要求 (如冇就係眼瞓或唔舒服) 先至會 ...

我知道佢趴地係有次同佢出街比佢見到有個小朋友咁做...佢學返黎既!~佢之前只試過兩次訓/趴地...第一次佢起商場訓落地下唔比抱(佢扭想走)...我就即刻抱左佢返屋企...第二次都係商場(唔肯行但唔係累的)我捉左佢去個角位度罰企3分鐘...跟住佢就乖乖拖住我行...其他坐地個d我都暫時總算處理到佢....我會同佢一齊休息一陣跟住再行...如果休息完都唔肯行,我就會自己行,當我開始離開佢視線範圍...佢就會跟住行....(我同佢出街會隔一段時間抱佢一陣,所以佢應該唔會好累的)但起地鐵呢次,我開頭都估佢係扭眼訓..但係佢平時出街眼訓既話抱住就會慢慢訓著....唔會咁扭...加上佢眼訓既話就一定唔會同我由地鐵站行到返屋企...所以我都諗唔到佢扭乜....如果係唔鐘意車上人多...落車又應該會收聲....我都真係一頭霧水....會唔會係因為有糖食所以唔扭眼訓?(呢個可能性大d)
p.s..抱佢既時候又推開我...放佢落地又宿起對腳...所以先變左趴地....help!!

[ 本文章最後由 awshan0610 於 07-8-14 01:46 編輯 ]
私人傳訊

lisatsoi


大宅

積分: 1943


697#
發表於 07-8-14 09:44 |只看該作者
SandraLo:
早晨!我試著幾日讚都無效,阿仔直情說讚都無用佢唔鐘意食,我就來昏.怎麼辦?有時他直情說要做"小壞",因為他知道如果答我做小乖就要坐定定,我該怎麼辦?
私人傳訊

nicholaswc


複式洋房

積分: 235


698#
發表於 07-8-14 15:44 |只看該作者
我覺得係暈車浪，因為我細個過陣都係錦樣。好怕Daddy，mami帶我搭車。

原文章由 瑜媽 於 07-8-5 23:47 發表
Hi Sandraolo, 睇了你的文章都好耐, 有用你方法對囡囡讚或
ignore 她 (剛3歲), 但現有一個問題都困擾左我和先生好耐, 係關於囡囡乘車坐的問題 (如的士,小巴, 巴士, 私家車, 旅遊巴.......), MTR 係可以無野, 總 ...
私人傳訊

SandraLo


珍珠宮

積分: 33215


699#
發表於 07-8-14 17:55 |只看該作者
Yolanda Tam：
Sorry 尋晚按咗掣就關機走人，原來冇出哂，今晚揾番再post！
私人傳訊

Adrian_mom


大宅

積分: 1488


700#
發表於 07-8-14 18:22 |只看該作者
Hi Sandra,

我有事請教, 我個仔剛好4歲, 有以下問題 :

1. 食飯很慢, 又不肯自己吃, 常要人鍡.
2. 常發脾氣, 又小器, 常大聲駡人, 有時什至出手打人

總之心情不好時, 就算小事如其他小朋友經過不小心接觸到他, 佢都會好惡死地駡"你做嘜撞我呀?!!!!!"

我都儘量用讚的方法去鼓勵他 :
針對1.
在他肯自己畢飯時, 便讚他, "嘩, 阿B好叻喎, 自己畢飯吃喎" 但他的反應竟是 --- 很得戚地向我藐咀 (我估佢以為自己很勁) 但係繼續食得很慢, 當佢見到工人吃完飯, 便要求工人餵!

針對2.
我常對他說 "乖的小朋友係吾可以發脾氣的, 我都知你係一個乖的小朋友, 係未?" 佢自己都知. 但佢一嬲, 佢就會忘記這句說話. 我有試過ignore佢, 完全不理他, 但佢會繼續嬲爆爆, 直至我去tum佢, 有些場合很為難, 如有其他人或家長在場, 如我ignore 佢, 由得佢大聲駡人而吾stop佢, 別人會否誤會我"縱容"佢呢?

我是否有做得不對的地方? 煩請賜教.
?-(
私人傳訊


首頁
3334353637...101

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2025 Baby-Kingdom.com Limited. | Privacy Policy