影視娛樂 今日: 2 | 主題: 16133

積分: 18698

701^#

發表於 08-11-15 13:07 |只看該作者

忽然之間想起有套西片, 都係講逃獄, 真人真事改編, 超正, 可以作為warm up...
戲名叫<月黑風高>....我朋友介紹嫁, 真係無介紹錯... 同老公一齊睇..男人會幾鍾意..因為, 要用腦!

原文章由 SandyKL 於 08-11-15 10:23 發表
bng,

好吖，行開幫你問下，我唔多覺佢有西片。

呢齣《Prison break》真係咁好睇?以前係電視見有暴力片段預告片，我唔鍾意睇暴力片。

私人傳訊

積分: 167090

702^#

發表於 08-11-15 13:15 |只看該作者

你最後果段笑鬼死我!

我都有俾我大兩個老細學游水，不過係暑假班黎，冇長期學，大老細兩年暑假學左兩期，可以唔穿水泡游，肥二老細學左一期暑期班，都未得，要穿水袖游。唔會俾佢地長期學，我覺得識游就得勒，但見大部份小朋友都長期係咁學，我以為有咩著數，例如上中小學計分咋。

雖然我學既係正統自由式，但唔可以用自由式游塘，頂多只可以游到一個直池，以前用唔正統既蛙式游，可以游到20個塘都冇問題，我係岳起個頭游蛙式，頭唔浸入水，知道完全唔啱，所以特登去學正統蛙泳式，依家我攪啱左勒。但今年都冇落過水，屋企樓下係游泳池勒。越老越唔想游水，事後功夫太多。

以前游完水，我又係掃街食零食，最開心係果時。

原文章由 cheapbombom 於 08-11-15 12:42 發表
我個女係咁咋, 唔知其他小朋友係唔係...我啊女好鬼有主見 (直頭過份), 佢唔鐘意既活動, 點請佢都唔郁...相反, 佢鐘意既, 日日去都未夠, 佢既喜好好易模!

咁多樣野之中, 我反而同意讓小朋友盡早學游水, 一來無咁怕水, 二來, 佢地會掌握得好快..係真的!

一個小朋友, 由完全唔識游水, 去到四式, 我觀察一般要3-4年啦, 當然中間唔包停...游水係救生本能, 又可強身健體, 我唔反對!

我叫做係朋輩之間, 最遲比啊女去學游水既小撮啦, 反觀我既friend, 遲幾年至生, 佢地個小朋友未夠3歲, 都急住own佢地去上游水課....慌死執輸....我都有保留, 3歲係咪急進左di?

啊女自5歲起, 我盡量都親自帶佢去游水既, 因為要到實嘛....啊女有期"打媽"游, 即係一個禮拜游2度, YMCA加Standford, YMCA係操水, Standford係執姿勢 (3對1), 之後再番YMCA, 啊女有無窮精力, 反而我就想死...最後跟跟下, 唔係星期日上的話, 就由工人帶返..

喂, 你咪ling以前個套出黎啦, 我咪又係好似你咁, 小學邊有得學游水既唧...早上6點同家姐一齊去排公眾泳池之嘛....係個訓練池度, 睇人點游, 自己咪點游, 鬼整你又比我學到, 一個直池無難度, 後期仲膽生毛, 跟家姐過大人池添..唔到地好high嫁, 個個年代, 父母周身唔得閑, 唔會跟住去, 其實, 以前既係自生自滅, 其怪又唔死得人, 以前個代既好乖好獨立, 總之自己尋開心, 好少煩到父母...

游完之後, 就係泳池門口食炒麵, 豆漿, 涼粉, 總之, 餓到隻猫咁掃街囉...都唔知幾開心又興奮, 我既童年, 有唔少咁既歡樂記憶...有一期, 我地個個都游得咁上下, 爸爸媽媽一到周未就會車我地去大清, 真係一個月去足四次個隻, 每次就消磨了大半天...所以, 我皮膚叫班中最黑....家中成員幾乎懂游水 (除了我媽媽)

上中學時有游水課, 好開心嫁, 要坐旅遊車去到學校最近既公眾泳池, 老師話我既蛙式完全標準, 所以, 我游幾個池都唔覺辛苦, 反而, 自由式學極都唔曉, 真係因為年紀大了, 接受唔到蛙式以外既方法....

家陣跌落海, 本能都一定用蛙式, 咁, 無謂學自由式啦...啊女笑番我, 人地學游水, 梗係由最容易既自由式學起, 你反而偏偏學我最後才學既蛙式....佢真係教過我嫁, 學極都唔識...

係海南島, 有一次啊女教緊我游自由式, 位救生員忽然之間衡埋黎, 問位女士係咪遇溺? 我老公答....我係度睇實佢, 學緊自由式唧...位救生員馬上話, 遠睇佢似係度爭紮多di...

私人傳訊

積分: 167090

703^#

發表於 08-11-15 13:23 |只看該作者

我好遺恨冇睇《白夜逃亡》，都係講逃獄，人地話好睇，我冇睇到，依家好難搵黎睇。

另外仲有一套講犯人都被扣上電子頸箍，但男主角一樣走得甩，呢套較近期，好似有「飛龍」兩個字，西片黎架。

原文章由 cheapbombom 於 08-11-15 13:07 發表
忽然之間想起有套西片, 都係講逃獄, 真人真事改編, 超正, 可以作為warm up...
戲名叫....我朋友介紹嫁, 真係無介紹錯... 同老公一齊睇..男人會幾鍾意..因為, 要用腦!

...

私人傳訊

積分: 167090

704^#

發表於 08-11-15 13:29 |只看該作者

你覺得男人睇片鍾意用腦咩?!

我一d都唔覺，我屋企果位及其他男人喜歡睇d唔用腦既片，好似周星馳及王晶既片，最啱佢地，周星馳果d都仲好d，王晶果d賤片根本係垃圾，但佢地可以睇到笑震屋企，話我老公，佢就話唔洗用腦笑下咪幾開心

，入到戲院，笑得最大聲都係男人。

原文章由 cheapbombom 於 08-11-15 13:07 發表
忽然之間想起有套西片, 都係講逃獄, 真人真事改編, 超正, 可以作為warm up...
戲名叫....我朋友介紹嫁, 真係無介紹錯... 同老公一齊睇..男人會幾鍾意..因為, 要用腦!

...

私人傳訊

積分: 167090

705^#

發表於 08-11-15 13:39 |只看該作者

我睇緊《神啊》第五集，都要透下入黎講，我與bng感覺一樣，唔同意女主角咁高調話自己有感染愛滋病，佢話唔講出黎自己好難受，但冇考慮到講出黎個嚴重後果，冇顧慮到家人及啟吾既感受，真係戥佢家人難過。呢個女主角由頭至尾俾我感覺係自私及衝動，好彩講佢得17歲，都正路d。

大約係9年前，有個愛滋病患者黎我公司，我同事一睇佢紀錄，連佢掂過支筆都突然扔開，唉!我都戥果位愛滋病患者難過，我覺得我呢位同事好無知，所以10年前，仲話要公開自己有愛滋既事實喎

......，不敢想像。

[ 本文章最後由 SandyKL 於 08-11-15 15:53 編輯 ]

私人傳訊

積分: 167090

706^#

發表於 08-11-15 15:51 |只看該作者

睇完第六集，終於捱到佢地兩個跳河果度，差d恰著左

。睇住深田恭子跑黎跑去，佢拍呢套劇都幾辛苦，成日要跑。

mouth:

成套劇最慘係啟吾，成粒天剎孤星，前女友為佢死、現任女友染上絕症、女友個妹又為佢自殺，好彩救得番。做人咁都好攰，身邊一個二個都要離開，第時死左落去可以開張檯打麻雀，自己、前女友、女友個bb及真生。

私人傳訊

積分: 18698

707^#

發表於 08-11-15 23:11 |只看該作者

你用"捱"字去形容睇<神啊>既心情...我同你好極端, 我覺得超正噃! 佢地既感情, 超浪漫啊...我唔管得咁多, 現實中佢地既行為有幾咁唔理智....

原文章由 SandyKL 於 08-11-15 15:51 發表
睇完第六集，終於捱到佢地兩個跳河果度，差d恰著左。睇住深田恭子跑黎跑去，佢拍呢套劇都幾辛苦，成日要跑。mouth:

成套劇最慘係啟吾，成粒天剎孤星，前女友為佢死、現任女友染上絕症、女友個妹又為佢自殺，好彩救 ...

私人傳訊

積分: 18698

708^#

發表於 08-11-15 23:45 |只看該作者

今晚去左屋企樓下既[滾得棧]....真係幾棧...

我一呼百應, call左老公細佬+自己家姐一起去, 一行5大2小...
家姐食野出名咀diu, 我點左幾味網友既推介, 包括牛瘠骨肉, 手打墨丸, 馳名生炒糯米飯, 酸梅湯, 豬潤....少量海鮮同加埋恆常既必食合共十幾樣野啦...我七點去到, 全場full晒, 由於坐臨時位, 所以環境僅稱得上尚可...至少乾淨既! (查實我尋晚預先打電話去book位, 點知話full晒, 只可以坐門口加位...唉, 照殺啦...)

我地一邊食, 一邊家姐話, 嘩, di肥牛好正...嘩, 未飲過咁好既酸梅湯...e, di豬潤非常掂....手打牛丸實至名歸係招牌...老公又話, 魚潤好爽口, 海鮮勁新鮮, 總之, di野好得...A++, 我啊女食左5粒墨魚丸, 佢話, 好彈牙啊...好似係個口入面玩彈彈跳咁..(有2粒最後彈左落地...)...連至普通既烏冬, 都靈捨彈牙過人....蝦丸係真材實料, 有成半隻係入面...

一切都幾滿意..不過, 心中有數, 埋單條數唔會平, 因為淨係碟牛, 都HK$168, 結果係, 同網友預算既HK$250一位差唔多, 我地埋單條數係HK$1,200幾.

再考慮埋個價錢, 口碑即時打了八折....講真, 8舊水就話抵食...不過, 佢比左張HK$120 coupon, 其實即係打個九折, 博你下次番單...

我有一樣野失望, 就係個湯底, 我地點左椰子豬骨湯底, 一打開個煲, 嘩, di椰子味香到撲出黎, 不過打完頭一round, 佢一加水, 開始淡左就唔掂啦, 越打越淡....感覺上影響了之後食物既味道! 仲有, 今既爆晒棚, 不過佢都有幾多waiters, 總之服務員既態度都好好, 叫咩有咩, 唔洗你追幾次先至有!

總括黎講, 平均分有90, 比起小肥羊同尖咀個間, 質素都係較高, 不過再考慮埋個價錢, 相信一定可以找到一間更好的...

埋單走個陣都九時, 外邊仲有幾十人等位....圍圍賺你一千幾百, 仲好做過酒樓...我家姐笑說, 老公, 你諗諗佢, 不如我地又開一間"日日去滾"....haha....

我家姐係好遠揸車入黎食, 我都有點擔心, 萬一唔掂, 佢真係會丙我嫁...好彩, 佢都話幾好, 佢提醒我, 啊妹妹, open rice既食評你都好信既, 你真係凡事都比我天真....我就陪下你啦, 不過, 下次唔好盡信啊.....最後, 我家姐請....

(佢好照顧我ni個妹妹嫁..)

原文章由 cheapbombom 於 08-11-15 23:11 發表
你用"捱"字去形容睇既心情...我同你好極端, 我覺得超正噃! 佢地既感情, 超浪漫啊...我唔管得咁多, 現實中佢地既行為有幾咁唔理智....

私人傳訊

積分: 18698

709^#

發表於 08-11-16 00:00 |只看該作者

今晚經過葵芳, 又忍唔住手入左2套新韓劇, 一套係<貝多芬病毒>, 另一套係<戀愛結婚>, 後者聽都未聽過, 不過啊叔勁推介, 佢話, 我知你口味, 以前推介過比你個di, 幾時死過係你手上?...同埋, 佢話十個客, 十一個返黎讚咁誇張喎!

我又真係信佢, 於是買埋...喂, 你地聽過未? 一下子手上又有好多貨, 花多眼亂添...

講番On Air, 我真係勁討厭個女主角, 一樣衰, 二個格衰, 唔係佢演得好, 而係佢面黑口黑扮串個樣, 我真係無咩心機睇下去....第三集講佢跟新既經理人及同事去食晚飯, 全程佢唔like無咩點出聲嫁啦, 點知食肆既老板娘見佢係大明星, 好熱情咁遞左張紙比佢想攞簽名, 點知佢望都無望人一眼, 當無事發生, 攪到個娑婆好embrase, 佢之後比人鬧衰格, 以為自己係邊個? 就可以唔理人感受? 我都有同感..明星唔係大晒, 總之我睇佢唔順眼...

睇我照睇, 希望佢打後唔好再係咁黑人憎...嘩, 你講女II就係情定大飯店個個女主角, 我完全認唔出啊...老左好多...跌晒眼鏡, 佢演技差左咁多?

原文章由 cheapbombom 於 08-11-15 23:45 發表
今晚去左屋企樓下既[滾得棧]....真係幾棧...

我一呼百應, call左老公細佬+自己家姐一起去, 一行5大2小...
家姐食野出名咀diu, 我點左幾味網友既推介, 包括牛瘠骨肉, 手打墨丸, 馳名生炒糯米飯, 酸梅湯, 豬潤....少 ...

私人傳訊

好姨

珍珠宮

積分: 48885

710^#

發表於 08-11-16 00:24 |只看該作者

原來你地係樹
我一人在我講開果邊叫喊又無人online

快黎呢邊叫先

整緊cake for tmw my hb and my 女

差d 玩爛

熱溶朱古力淋面差d淋溶個慕 c cake

好驚險呀

私人傳訊

積分: 167090

711^#

發表於 08-11-16 01:28 |只看該作者

係咁架勒，《咖啡》與《餅乾》你都睇得唔爽，呢兩套我都覺得正，口味嘛!我覺得悶係次次都係真生誤會啟吾某D野，跟住啟吾又去氹番佢。真生係有點煩，佢去啟吾間公司求情，及同果個記者講野，將事情越攪越禍。一時行出去火車軌意圖自殺，一時又跳上條橋作勢跳河，攪到啟吾好唔得閒。

基本戲軌似似地《美麗人生》，木村與常盤貴子做果套，好多人都話呢套正，而我一D都唔鍾意，因為常盤演到閃閃縮縮，唔得大方，加上我唔喜歡常盤，所以更加唔好睇。呢套仲好D，女主角本身令人煩，但由深田恭子黎演減低厭惡感，佢演技好自然，同埋討人可愛，所以仲可以睇落去。始終我覺得啟吾與前女友妹妹會合襯，而且亦冇咁辛苦，但佢偏要釘十字架，係佢個人選擇，總之啟吾係一個悲劇角色。

目前最期待係睇下啟吾決定與真生一齊之後會有咩發生，佢地面對問題唔算話好多，只要佢兩個肯正面面對，去美國都未嘗唔係一個好既解決方法。

原文章由 cheapbombom 於 08-11-15 23:11 發表
你用"捱"字去形容睇既心情...我同你好極端, 我覺得超正噃! 佢地既感情, 超浪漫啊...我唔管得咁多, 現實中佢地既行為有幾咁唔理智....

私人傳訊

積分: 167090

712^#

發表於 08-11-16 01:38 |只看該作者

5大2小$1200都唔算話好貴，如果你去九龍城果D咁既舖頭打邊爐唔得添，幾年前，我地5個大人(3男2女)去九龍城某出名打邊爐舖頭，佢地飲啤茶又開左支紅酒，都唔係食咩好野，埋單都成$3000。我通常咁計數，2個小朋友等如一個大人，即係6個人除開$1200，一人都係$200，係一般架勒。

我幾時都覺得打邊爐舖頭賺硬，買料番黎，係切及洗，與上菜餐廳功夫差得遠，但價錢又唔係話差好遠咋喎。如果唔好利錢，呢類舖頭就唔會越開越多啦。

原文章由 cheapbombom 於 08-11-15 23:45 發表
今晚去左屋企樓下既[滾得棧]....真係幾棧...

我一呼百應, call左老公細佬+自己家姐一起去, 一行5大2小...
家姐食野出名咀diu, 我點左幾味網友既推介, 包括牛瘠骨肉, 手打墨丸, 馳名生炒糯米飯, 酸梅湯, 豬潤....少 ...

私人傳訊