其實我都唔明點解可以有咁好氣一而再，再而三覆你，不過又真係睇唔過眼，已經年過半百，你已享受咗半世公主皇后嘅生活，係時候要醒下，個世界唔會因為一個人而唔轉，你再一直去享受做受害人唔會令你覺得開心咗，亦都唔會令阿伯回心轉意。已經有好多好多JM講完又講又再講，家唔係講道理嘅地方，要講就講愛，道理係上法庭等律師講架。
愛情又好婚姻又好都係目標為本，你想最後點就用咩方法，要結得成婚就以要結婚為目標向果個方向行，而家你要唔離婚，就要唔好有嘢令到阿伯想同你離婚，記住：唔係你唔想離婚就唔會離到婚，有樣嘢叫單方面申請離婚，或者分居兩年就可以離婚，你唔走，阿伯可以走。你都識講，感情係兩個人嘅，要雙方面付出，你覺得你有幾好，做咗幾多都冇用，要阿伯有同感至有用。兩個人要同步至行得到落去，一個行另一個唔行，一係行果個停低等，一個唔行果個肯去行，人嘅感覺冇得逼，即使壓抑得一時，有可能壓得到一世嗎？以前舊一輩人就話唔興分開，好又一世，唔好又大半世，近年已經好多人唔會咁諗，身邊識嘅唔識嘅離婚人士由廿幾歲到六十幾七十歲都有，老人家更加捨得放手，有好多怨偶半世，仔大女大，不愁生活，反而豁達好多，換回十幾廿年自由身。
牛皮燈籠好難點得明，再花唇舌都似乎白費多，一日唔肯放低身段要繼續耍強的話，自求多福啦。
花旗太太生活在花旗國，留意時差，你問我未必即時答到。
發表於 
樓主係要我地提供方法，點樣搵阿伯出軌既證據，同埋點樣令阿伯知錯，以後做咩都聽晒樓主話，就係咁簡單咋!
唔駛等第日
返回列表
