香港18區媽媽會 今日: 0 | 主題: 156994

積分: 1651

701^#

發表於 07-5-8 21:23 |只看該作者

Re: 孫方中小學家長集中地

唔駛啦 ~ b晴媽：
阿仔搵到"女朋友"問到啦！

啱啱見識到阿仔點同女仔溝通溝通，
依家先明點解上堂甘多嘢講

私人傳訊

積分: 506

702^#

發表於 07-5-8 22:05 |只看該作者

Re: 孫方中小學家長集中地

Marco-ma,

攪掂咗嗱！　仲有無野要幫忙呀，marco仔無返
幾日學．

Marco仔同女朋友傾咗幾耐，先傾到正題呢．

私人傳訊

積分: 1651

703^#

發表於 07-5-9 21:38 |只看該作者

Re: 孫方中小學家長集中地

B晴媽寫道:
Marco-ma,

攪掂咗嗱！　仲有無野要幫忙呀，marco仔無返
幾日學．

Marco仔同女朋友傾咗幾耐，先傾到正題呢．

唔該哂呀 ~ B晴媽。

阿仔好好笑，攞住個電話，打通咗就問：
"喂！中詞第一個係咩呀？"
"吓？中詞第一個係咩呀？？"
"哦 ~ 唔該搵黃 xx 呀！....... "

"喂，黃 xx，中詞第一個係咩呀？"
"哦！" (佢即刻圈係本書度) "甘，第二個呢？..."
媽咪 ~ 佢收咗線喎！

再打：
"喂，我都未問完 ~ 我全部都唔知呀 ~ 我無帶書呀
~ 我見到你有帶架 ~ 我返去問下 xxx就知你係有帶書啦
~ 我知你有圈架 ~ 我梗係未做啦，我都無圈到，點做啫 ~
係啦，你食咗飯未呀？" (我用眼"勵"住佢)
"快d啦 ~ 第二個係咩呀？"

你話

私人傳訊

積分: 506

704^#

發表於 07-5-9 22:42 |只看該作者

Re: 孫方中小學家長集中地

Marco-ma,

哦∼原marco仔係咁同女朋友溝通既，
我讀比亞囡聽，都話好攪笑．

亞囡問點解佢地既對話，咁多重覆又重覆既． ?-(

私人傳訊

積分: 506

705^#

發表於 07-5-15 21:09 |只看該作者

Re: 孫方中小學家長集中地

Marco-ma,

亞囡今日要全班罰企，佢話唔知點解鄧老師要罰佢
地喎？

攪到亞囡今日有投訴都唔敢講，今日亞囡又比人係
屜筒偷咗盒魚仔餅，亞囡發現唔見咗魚仔餅，但個吉盒
同包裝紙就係垃圾筒發現，魚仔餅已經比人食晒，
亞囡知係邊個同學食咗，但佢唔認都無辦法，我叫亞囡
都係去到邊都攬住盒魚仔餅

私人傳訊

積分: 1651

706^#

發表於 07-5-16 20:54 |只看該作者

Re: 孫方中小學家長集中地

B晴媽，

阿仔話琴日係因為全班好嘈，所以要全班罰企喎！ :lol:

點解依家d人仔會甘大膽，會攞咗(偷咗)人地包餅食！
我第一時間問阿仔，佢話唔知邊個 ~ 我即刻再同佢講一次，千祈唔可以自己攞人地d嘢 :evil:

私人傳訊

積分: 506

707^#

發表於 07-5-16 21:21 |只看該作者

Re: 孫方中小學家長集中地

Marco-ma,

亞囡知道係邊個同學食咗佢包紫菜魚仔餅，係因為
佢聞到個同學個口有魚仔餅味，同埋嘴角仲有紫菜粒，
唔知b晴女既推測有無錯呢．

亞囡話比我聽，有同學經常會摷佢個書包同屜筒，
不過可能亞囡有請過人食野，所以d同學見到有野食
咪自己攞． :-x

私人傳訊

積分: 1651

708^#

發表於 07-5-17 13:57 |只看該作者

Re: 孫方中小學家長集中地

B晴媽，

啱啱同阿仔傾完電話，我問佢今朝打針有無喊呀？

佢話：緊係無啦！我今朝見到 b晴排隊打針時，
用手指係自己手板度寫 : "勇敢" ，
跟住佢就 "咪" 實對眼行去打啦！

哈哈！果然好勇敢 ~ 呢招係你教架？
d字甘難寫佢都仲記得 ~ 應該唔係好驚啫

私人傳訊

積分: 506

709^#

發表於 07-5-17 22:41 |只看該作者

Re: 孫方中小學家長集中地

Marco-ma,

我問亞囡今日打針驚唔驚呀，佢牙擦擦咁
同我講　"都唔痛既"，不過依家隻手好痺啫！

佢話marco仔好勁，流咗好多血都話無事

私人傳訊

積分: 1651

710^#

發表於 07-5-19 14:43 |只看該作者

Re: 孫方中小學家長集中地

B晴媽寫道:
Marco-ma,

我問亞囡今日打針驚唔驚呀，佢牙擦擦咁
同我講　"都唔痛既"，不過依家隻手好痺啫！

佢話marco仔好勁，流咗好多血都話無事

阿仔唔痛啦 ~ 今次都痺咗成兩日喎 :cry:

講個笑話俾你聽，問下b晴記唔記得：

我問阿仔 : 聽講你果班有d小朋友，無論鄧老師講普通話定廣東話，佢都唔知鄧老師講嘜喎！
阿仔答：係呀！鄧老師講嘜，xxx都係望住老師唔出聲架！
媽咪呀，早兩日鄧老師問佢：你係咪外星人嚟架？　佢又唔答，跟住鄧老師叫佢：不如返火星啦，好唔好？

笑ｃ我　∼　不過再諗深一層，老師真係教到好嘔血！

今年已經係小班，你話下年升二年班時一班三十幾人點攪？

私人傳訊

積分: 506

711^#

發表於 07-5-19 20:56 |只看該作者

Re: 孫方中小學家長集中地

Marco-ma,

b晴女話記得，仲知道係邊個添！

過多幾個月就讀完一年班喇，班同學都仲係咁既，
佢地似係無反應多過聽唔明喎?-(

我諗鄧老師都教得好辛苦，班同學連自己唔明白，
聽唔明既反應，都唔識講比老師聽，叫老師點先
知道問題係邊度呢．

私人傳訊

積分: 1651

712^#

發表於 07-5-21 13:57 |只看該作者

Re: 孫方中小學家長集中地

B晴媽寫道:
Marco-ma,

過多幾個月就讀完一年班喇，班同學都仲係咁既，
佢地似係無反應多過聽唔明喎?-(

係呀 ~ 眨下眼就快讀完一年級啦！唔知下年仲會唔會同一班呢？

阿仔呢近個月真係乖咗d ~ 我上星期六又捉住常識科老師嚟問，(就快個個老師都怕咗我

) 佢話阿仔有d紀律啦，以前要傾起計上嚟嘜都唔理，依家老師用對眼望實佢，佢識得停啦！ He-He

上星期六你係咪好早走咗 ~ 無睇早會呀？

果朝全級一年級，早會之後唔俾上課室，係操場學排隊呀！
佢地應該係早操果陣玩到顛哂，cool down 唔到，
攪咗好耐，其他班都可以上課室 ~ 得番我地 1b 班一班，
排極都排唔好，幾醜怪

我遲d再講個阿仔嘅笑話俾你知 ~ 常識科老師話俾我知嘅。
依家要開工啦

私人傳訊

積分: 1651

713^#

發表於 07-5-21 21:56 |只看該作者

Re: 孫方中小學家長集中地

故事係發生係放完復活節假之後，阿仔再返學時，幾乎日日都失控！
有一日，常識科老師罰佢小息要上教員室門口企，
呢件事我都知，但原來果次係阿仔一個轉捩點 …

果日，佢企係教員室門口，首先見到鄧老師，
鄧老師隨便話佢兩句，就入咗去無理阿仔，
阿仔又若無其事甘企係度。
跟住佢就見到自己家姐，家姐當然又話咗佢兩句，
佢都無嘜反應甘企係度！
再跟住，見到教家姐嘅英文老師，其實呢位老師無教阿仔，
不過佢(貪玩)又走埋去同阿仔傾計：”你識唔識我呀？
我就識你呢！你係曾xx 細佬囉！家姐好乖架喎，
我知你都得架 ….” 呢個時候，英文老師話見到阿仔
已經眼眨淚光，諗住(唔玩啦) 想草草收場:
" 啦！記住以後乖d 啦 … " 但係已經太遲，阿仔竟然放聲
大哭，喊住大聲答："知道啦！"連眼淚鼻涕都出哂！

係教員室裡面嘅常識老師，聽到阿仔喊到嗚嗚聲，
即刻走出嚟睇，問英文老師究竟講過嘜，
攪到個學生喊得甘淒涼？！

最攪笑係，英文老師即刻舉高雙手："我無鬧佢喎，
唔關我事架！我見之前行過d人都同佢講番兩句架 ~
都唔好玩嘅！"

常識老師話平時點話阿仔，佢都唔喊架，果次之後，
佢收歛哂，叫我要多謝家姐個英文老師呀 ~

我諗起阿仔係甘樣乖咗就想笑

私人傳訊

積分: 506

714^#

發表於 07-5-21 22:16 |只看該作者

Re: 孫方中小學家長集中地

Marco-ma,

出年係咪真係轉全日，到時咪多咗下午班d同學，成三十幾
人一班，希望可同一班就好喇！

係呀∼星期六我好早走咗，因為我要返工，我老公又有野做
所以吹我走．

星期六早會咁醜呀，d細路係咁，玩開就停唔到，1b班
要最尾上課室添，b晴女有無份曵呀!

私人傳訊