大仔大女媽媽會 今日: 0 | 主題: 177861

積分: 2476

701^#

發表於 06-10-16 11:13 |只看該作者

Re: 1103 媽媽會-小朋友開學啦-Part 15

cherrychung,
亨亨一落車都醒了, 最後要飲支奶先肯睡. 佢實在好鐘意玩, 我仲估佢玩完果架車, 第2日一定累都不得了. 好彩, , 對手無事咋! 星期日又再度出動去玩過, 佢真係鈇人耐力賽.

cherrychung, 我幾鐘意食你醃果種有香草的雞翼, 好好味!

littlepigpig,
我老公好鬼鐘意去你度, d 細路真係有好多地方走動. 你見亨亨自己玩住架車兜圈就知喇. 如果唔係, 我地兩公婆點可以坐低食野, 又唔駛點理佢.
多謝晒你, 打擾晒!

希望你唔駛執屋執太耐喇!

私人傳訊

sandylam

積分: 2640

702^#

發表於 06-10-16 11:35 |只看該作者

Re: 1103 媽媽會-小朋友開學啦-Part 15

littlepigpig, poonhui, cherrychung &serenacheung,

湋圖上車冇耐即瞓, 抱佢上床都唔醒, 但星期日7:00 就起身搵我玩, 而佢話要去long long度.

仲有話要去餵魚!!

littlepigpig, 多謝晒你招乎, 打攪晒, 仲要你借埋毛巾同廁所比湋圖沖埋涼先走.
而你屋企個花園真係好鬼正!!

私人傳訊

Littlepigpig

積分: 8211

703^#

發表於 06-10-16 11:36 |只看該作者

Re: 1103 媽媽會-小朋友開學啦-Part 15

cherrychung,
你d手勢真係唔錯, 好好味呀!

poonhui,
唔駛客氣, 當日招呼唔到呀!

sandylam,
瑋圍做左好榜樣, 我同long long講, 話佢要學瑋圍, 訓前刷牙呀, 佢就乖乖去刷牙. 之前佢唔肯架, 通常睇一個鐘頭書, 跟住飲完奶就訓, 我叫佢飲左奶, 刷完牙先睇書, 佢唔肯架!

事後我問返個女同long long, 知唔知人地叫咩名呀? 佢地唔知, 哈哈...... 我形容瑋圍叫"大車主"呀!!

serena,
你把交剪係我度呀! 希望我記得party比返你la!

私人傳訊

Littlepigpig

積分: 8211

704^#

發表於 06-10-16 11:38 |只看該作者

Re: 1103 媽媽會-小朋友開學啦-Part 15

sandylam,
仲有仲有, 唔該晒你老公做管理員, 我地先可以安安樂樂食野炸!

私人傳訊

sandylam

積分: 2640

705^#

發表於 06-10-16 12:00 |只看該作者

Re: 1103 媽媽會-小朋友開學啦-Part 15

Littlepigpig,

"大車主"<---

我老公話, 架車星期六死左都死而無憾, 因比左咁多小朋友玩, 仲估唔到玩咁耐都仲有電!

果晚我老公講左小朋友一段對話, 唔知你地知唔知, 小朋友好可愛

支營光棒未飛左上樹,攪左好耐都攞唔返既. 之後用個足球球掉上去, 都唔得.

老公: 亨亨, 個波唔識郁, 不如我拋你上去, 你撥落黎
亨亨: (望住營光棒-大既3樓高)....唔得
老公: 黠解唔得?
亨亨: 3歲先啦.
老公: 點解3歲? (因3歲都攞唔到架)
亨亨: 我就黎3歲, 3歲會攞到喇!
longlong家姐: 3歲唔夠高架
老公: 咁幾多歲先得?
longlong家姐: 7歲
老公 : 點解7歲?
longlong家姐: 因我就黎7歲會高d........

佢地個個都好可愛

私人傳訊

積分: 6150

706^#

發表於 06-10-16 12:28 |只看該作者

Re: 1103 媽媽會-小朋友開學啦-Part 15

[size=medium]CherryChung

又話公司好多人都開番MSN, 點解你係少數o個D人呀!

,你都冇開MSN

Hee Hee 喉嚨唔舒服,錯過

私人傳訊

積分: 5505

707^#

發表於 06-10-16 13:48 |只看該作者

Re: 1103 媽媽會-小朋友開學啦-Part 15

[size=medium]nov03bb
嘩!

傑仔真係好勁喎, 成句睇住黎讀添, 希希豬真係有排都追唔到啦!

睇完傑仔段片, 就覺得自己好懶, 我就好似poonhui咁, 成日就只係識得帶希希豬去玩玩玩, 攪到希希豬咩都唔識添! :-(

私人傳訊

Littlepigpig

積分: 8211

708^#

發表於 06-10-16 14:01 |只看該作者

Re: 1103 媽媽會-小朋友開學啦-Part 15

sandy,
kakaka............笑死我, 物有d咁好笑既對白!!!不過對於佢地黎講, 又真係好認真架! 你老公真係好有童心, 又唔怕d小朋友煩到佢.

架車真係好正, 不過一班人一齊爭先好玩, 所以xx樂園咁受歡迎! 我唸下次可以整部機, 比佢地入埋金幣先有得玩, 仲正.

講開錢, 聽個friend講過, 有間教育工作者開既xx學校,唔係正統學校, 有好多興趣班之類, summer時有個camp, 比d小朋友玩, d小朋友要自己照顧自己 (當然唔係我地d小朋友咁細, 起碼都6歲), 有個小朋友見到人地有野食, 佢自己無錢買, 個導師問佢, 係咪好想食? 小朋友點頭,
導: 咁係要同我打工賺錢.
小: 我可以做d咩?
導: 你出勞力. 幫我手唸計promote佢d野食.
小朋友最後用d紙寫左d大字報, 話有靚糖水食, 好平, 好好味等.

又有一次, d小朋友爭住裝糖水, 導師無出聲, 只在旁觀察, 後來有個小朋友同導師投訴, 個導師話: 唔... 睇黎我地呢間餐廳要請個經理, 好la, 你地幫手貼街招, 登廣告... 結果解決左件事.

我覺得導師手法處理得好好. 唔駛鬧, 唔駛下下說教...

私人傳訊

poonhui

積分: 2476

709^#

發表於 06-10-16 14:38 |只看該作者

Re: 1103 媽媽會-小朋友開學啦-Part 15

sandy,
係咩, 亨亨咁答你老公呀!

哈哈...... 可能我地同佢搭親地鈇都話, 3歲亨亨大個要買票架喇, 到時有自己的8達通, 唔駛同爸爸媽媽一齊"嘟". 經過閘口時, 佢有時會指下量度尺個牌(有個小朋友同長頸鹿), 一到3歲夠高, 唔可以再"捐"過去. 所以, 佢同你老公講, 佢3歲會夠高拎番支螢光捧呢!

其實, 唔該晒你老公, 佢幾好周圍同小朋友玩又sociable 又識guide住佢地, 我地先可以抖抖燒下野食!

不過, 同d "靚ken"玩一日, 真係幾累

架 (無論體力同腦力)

, 佢地d 問題同答案真係出人意表!

一唔留神, 就被佢地殺個措手不及!

我見亨亨成日都煩住uncle Billy 同 serena 架!

私人傳訊

積分: 6150

710^#

發表於 06-10-16 23:34 |只看該作者

Re: 1103 媽媽會-小朋友開學啦-Part 15

[size=medium]VVbaby

o岩o岩上

私人傳訊

積分: 5505

711^#

發表於 06-10-16 23:43 |只看該作者

Re: 1103 媽媽會-小朋友開學啦-Part 15

[size=medium]cherrylung
hi!

唔急既, 聽日打都得, 佢想了解下你啫, 嘻嘻!

嘩! 去邊食野呀, 一來一回都好o徒時間喎!

我去到都差不多兩點啦, 到時call你, 睇下你係邊啦!

私人傳訊

積分: 6150

712^#

發表於 06-10-16 23:50 |只看該作者

Re: 1103 媽媽會-小朋友開學啦-Part 15

[size=medium]VVbaby

我都就

私人傳訊

積分: 5505

713^#

發表於 06-10-16 23:52 |只看該作者

Re: 1103 媽媽會-小朋友開學啦-Part 15

[size=medium]cherrylung
咁快唔岩既?

咁大個隻腳唔係冇大得咁快咩? 係咪你之前買得太細呀?

係呀, 依家入面多左個節目, 就係做手工, 記得去做呀!

(唔知有冇人好想知我地去邊呢? 嘻嘻!

)

私人傳訊

積分: 6150

714^#

發表於 06-10-16 23:56 |只看該作者

Re: 1103 媽媽會-小朋友開學啦-Part 15

[size=medium]VVbaby

唔係呀~~ 之前都買鬆

私人傳訊

積分: 5505

715^#

發表於 06-10-17 00:00 |只看該作者

Re: 1103 媽媽會-小朋友開學啦-Part 15

[size=medium]cherrylung
隻腳大d, 長得高d呀!

好少見你話咁早瞓, 你日頭真係好忙喎!

不過, 我近排都好攰, 有幾晚好早都瞓左, 所以少左上黎啦! :-|
goodnight!

私人傳訊

積分: 5443

716^#

發表於 06-10-17 00:13 |只看該作者

Re: 1103 媽媽會-小朋友開學啦-Part 15

剛剛兩公婆去完北海道自駕遊, 除左好掛住個女之外, 全程都好開心, 食買玩訓, 正!!!

不過一返理就要處理婆菲糾紛, 慘 :tongue:

私人傳訊

nov03bb

積分: 4095

717^#

發表於 06-10-17 05:42 |只看該作者

Re: 1103 媽媽會-小朋友開學啦-Part 15

cherrychung 寫道:
novbb03,
你成鬼日都話傑仔這樣唔得果樣唔好,話人地叻過佢,其實我話佢先係就叻果個,現今香港人人都要d仔女英文好,我地d中文講得好有嘜用,成日要為佢地d英文操心,但傑仔英文咁好你反而擔心都唔明你諗嘜!!?-(

Dear Cherrychung and all,
唔到我們唔擔心, 傑傑的成長進度一直大落後, 從幼兒學坐, 轉身, 爬行, 學行....甚至trouble 2 的進度都一直比大多數小朋友遲..., 見小亨亨, 希希豬, 頌恩, 愆霆, 愷然, 童童...等多位小朋友的對答如流, 但自己卻沒法與傑仔暢所欲言, 講中文佢唔識; 講英文, 自己是有限公司,只能用very simple sentences, 及好簡單的生字...

自己在公司的交談, 在寫email的時候, 求其溝通到都亂用, 人地知你講什麼就算數. 但同傑仔溝通, 好怕自己句子結構及用辭發音錯誤而教壞傑傑, 有時一些家庭用品及生果的英文都唔識,要問菲傭, 才可以同明傑講, 真係瘀爆, 好彩我向來習慣了不恥下問.

另外, 礙於語言障礙, 我們不能教到明傑好多細緻, 詳盡的知識; 不能向他講笑話; 不能教他德育及繪畫(因為好多細緻的動作, 行為, 唔知怎樣用英文講); 想講下太空有關的事物, 希望他日後有興趣帶領人類移民外太空星球, 但自己只識SUN, SPACE,Moon, PULTO...幾個字, 連太空穿梭機的英文都唔知, 如果照譯 Space Shuttle Bus/airplane 又唔知是否正確, 教壞了要斗正就麻煩... 我曾經帶明傑上playgroup, 其中一節自由活動有海星玩具, 有個媽咪見到, 就興高采烈的不停重複地向小朋友說: Sea Star, Sea Star, ...慌死小朋友唔記得, 又繼續講Sea Star, Sea Star... . 以前我都唔會識, 但傑仔教識我海星的英文應該是Star Fish, 所以, 好多時唔肯定都唔敢亂講 :-|

最後, 我們未必有錢送兩位小朋友負笈海外, 甚至原校升讀私校都唔掂, 在時不我與的情況下, 只是讀傳統學校, 如果中文唔好,根本生存唔到, 聽唔明老師授課, 默書寫字唔掂, 各科成績都受影響, 老師唔會鍾意這樣的小朋友, 之後就會放棄這小朋友(自己就是成績唔好的人板), 小朋友亦會受盡傷害和打擊, 失去自信及求學的動機.

時代轉了, 334學制, 著重中,英,數及通識四方面, 單憑英語是唔夠. 亨亨及頌恩就叻叻,考到入甘桔園, 出名中文數學強, 兩位的家長背景強勁, 英文又唔使怕, 可以自己教, 又可送去補習英文; 希希豬及小亨亨經常能夠遊山玩水, 對通識的知識累積, 肯定比別人強, 所以, 我的擔心, 是明傑發展唔均衡, 直接影響他吸收其他知識的能力及進度; 我們的能力及財力都唔好, 已再沒有進一步的發展空間, 無錢搬去名校區玩大抽獎; 無錢去讀私校, 而入唔入到好官津又要睇彩數, 而我住呢區又唔係多, 可以話無什麼出名的官津, 直資就大把... :cry:

poonhui 寫道:
nov03bb,
明傑好犀利! 竟然可以讀句子, 你地點教架?! 最難得係可以坐咁耐, , 佢都好肯學喎!
唔好成日話明傑, 你地要求亦都唔好咁高喇, 佢巳經好叻仔相反, 我就只係同個囝玩玩玩. :lol:

我們無什麼方法, 只是從累積生字開始, 亦可能他中文唔好, 自少我們亦很少同佢講中文, 換句話說, 其他的小朋友能均衡發展, 而明傑就把用於學習中文的時間投放於學習英文上. 而且, 以希希豬及小亨亨的口齒伶俐, 我相信他們都能讀到句子, 只是你們沒有嘗試過比他們讀而已. 至少, 他們一定能讀到中文句子.

講到明傑的啟蒙恩人, 首推現在應該忙於工行上市的未來外母Mymavis. 他於明傑幾個月大的時候, 送了一本布書給他, 開啟了明傑對學習之門. 明傑很喜歡看書, 自己不時會從書架取書自己看, 看書是明傑最喜歡的活動之一, 所以他可以坐定定咁耐, 如果換轉係做功課及吃飯, 不到15秒就要起身去玩或去看電視了. 所以, 要安排一個容易給小朋友自己取得圖書的地方是很重要的

[size=xx-small] :

私人傳訊

cherrychung

積分: 3820

醒目開學勳章

718^#

發表於 06-10-17 09:55 |只看該作者

Re: 1103 媽媽會-小朋友開學啦-Part 15

vvbaby,

好耐唔見你喎,忙d嘜野呀?

cherrylung,

哈哈!你又知我第一個想知你地去邊度玩!

咁你地即係去邊呀?!

nov03bb,

其實都好明你既心態,但如你所講Matthew仔就更加冇用啦!因為佢中文認字唔得講又冇佢地咁叻,而英文就更加啦,返左咁耐學,人地果d已經可以講英文句子但佢一好小會同我地講英文(就叻近排同我地講"oh, no"),問佢d英文字一個都唔識,而我地又唔會同佢四圍去玩.
如果係咁Matthew仔比明傑就更差啦!

(但在我心目中佢已經好叻啦!)

＊歡迎參觀Matthew　blog＊

私人傳訊

積分: 6150

719^#

發表於 06-10-17 10:18 |只看該作者

Re: 1103 媽媽會-小朋友開學啦-Part 15

[size=medium]CherryChung

哈哈~~ 其實唔駛估都知o係邊樹啦

有邊樹係近青衣o家

[size=medium]nov03bb

我朋友個兒甥仔自細好鍾意睇書,就算出街,都要帶本書睇,佢而家11歲,係全級第一名,因為佢自小培養到閱讀興趣,所以比其他小朋友識更多知識, 其實小朋友鍾意閱讀,學業成績差極有限, 所以唔駛咁擔心

但係我發覺有一個奇怪o既問題,就係如果你怕傑傑中文唔好,點解你唔同佢講多D中文,而繼續同佢用英文溝通呢~~

私人傳訊

nov03bb