國家地區媽媽會 今日: 0 | 主題: 20266

積分: 156

721^#

發表於 12-9-5 11:24 |只看該作者

引用：Quote:emmababy0615+發表於+12-9-4+12:46+

原帖由 puffer-fish 於 12-09-04 發表
我都有諗過俾佢讀台灣學校，但太貴啦,一年比一年貴,睇到個price list真係嚇一跳..所以算了大馬係有好多scho ...

閒日都ok! book左老公時間先，因為我老公自已做生意，要先講左我的時間等佢唔好約客，你地大多數係邊度gathering?KLCC 附近？

私人傳訊

積分: 156

722^#

發表於 12-9-5 11:30 |只看該作者

回覆：有冇香港人婚後住馬來西亞

我早幾日出門前老公俾我係門口揸左一圈車，差d撞到隔離屋大門，吓到我老公，哈哈哈…不過揸車都幾好，我叫老公得閒帶我去空地學揸，等識左基本揸車先去報名學車，但老公話考車果時講馬拉話？咁我咪會雞同鴨講!

私人傳訊

積分: 256

723^#

發表於 12-9-5 14:30 |只看該作者

emmababy0615 發表於 12-9-5 11:30
我早幾日出門前老公俾我係門口揸左一圈車，差d撞到隔離屋大門，吓到我老公，哈哈哈…不過揸車都幾好，我叫 ...

Hi Emmababy

我係住怡保附近的香港人，我喺怡保考左車牌，筆試可報英文，理論課一定係馬拉文，我話我唔識聽，可唔可以唔上，佢地話唔得，一定要出席，即係要照俾錢

教車司傅可要求華人師傅。考車當日個考官係講馬拉文，不過佢知我係香港黎佢就用簡單英文同我溝通，又問我做乜過黎，老公係邊度人。。。傾到我都唔記得條路點行囉。。。哈哈哈！！
不過呢其實路試同PARKING 都可以俾錢包一次就考到。。。都幾黑暗！

有個師傳同我講佢有個學生連車都無上就俾佢PASS哂

mouth:

私人傳訊

積分: 4346

畀面勳章

724^#

發表於 12-9-5 16:59 |只看該作者

emmababy0615 發表於 12-9-5 11:30
我早幾日出門前老公俾我係門口揸左一圈車，差d撞到隔離屋大門，吓到我老公，哈哈哈…不過揸車都幾好，我叫 ...

我地多數在sunway,puchong or mid valley見的,今次如我出就變左要大家就我在puchong了,因為我唔出得耐,腰酸背痛..老公講明只可在附近見人,見完佢即接我回家呀,否則唔可以出啊

你咁勇..我一定唔敢未學就揸...我驚我撞呀...@__@

我都聽講可用英文,唔知要馬拉文

私人傳訊

積分: 4346

畀面勳章

725^#

發表於 12-9-5 17:05 |只看該作者

mimimeme 發表於 12-9-5 14:30
Hi Emmababy

我係住怡保附近的香港人，我喺怡保考左車牌，筆試可報英文，理論課一定係馬拉文，我話我唔識 ...

師傳我都會找華人,但我唔知要上咩馬拉文理論課..咁唔識上左都唔知佢講咩囉???????????

考車當日反而唔擔心,呢處好多媽媽都係用英文就ok,但我都知好多要比$$,就算我老公個朋友係馬拉人,一樣要比$$.佢朋友開頭唔俾,個官次次都唔俾佢pass,幾賤,最後俾即pass...係呀,呢處可以唔識都俾佢PASS,只要你肯比$$...呢樣就係我最討厭大馬的地方...好似我老公開店,成日都有唔同部門來問佢拿$$,講就話係要你sponsor,超...咁多書出咩,個個月都有唔同書出ga,總之一定要比$,唔比就搞你間店,衰過黑社會

私人傳訊

積分: 256

726^#

發表於 12-9-5 20:34 |只看該作者

puffer-fish 發表於 12-9-5 17:05
師傳我都會找華人,但我唔知要上咩馬拉文理論課..咁唔識上左都唔知佢講咩囉???????????考車當日反而 ...

要去齋坐都好辛苦，又仲要坐足成個上下晝，佢見有人出去太耐未返佢又會再點名睇下邊個走開左，要個個人再報過！我唔識聽都要我去，我就覺得係為賺錢囉～

我都好唔鐘意大馬嘅社會咁唔廉潔，上次我老公喺KL渣車，因為唔太熟路需要U TURN，嗰度應該唔俾U TURN啦，最後俾交通警截左，係咁R錢。。。最後好似＄50搞掂左！之後聽到KL朋友講，話如果你銀包只得＄10，佢地都唔會放過，R得＄10得＄10

私人傳訊

積分: 156

727^#

發表於 12-9-5 23:58 |只看該作者

引用：Quote:emmababy0615+發表於+12-9-5+11:30+

原帖由 mimimeme 於 12-09-05 發表
Hi Emmababy

我係住怡保附近的香港人，我喺怡保考左車牌，筆試可報英文，理論課一定係馬拉文，我話我唔識 ...

我都未去過怡保市，不過去過金馬崙，聽講怡保人都係講廣東話？咁你溝通咪無問題囉？我呢度大多數人講國語，我幾驚講下講下我會唔記得廣東話呀！所以我同老公一定要講廣東話，老爺奶奶就講國語，無法，人唔就你唯有你就人…所以我同老爺奶奶都好少講野！我都唔鍾意大馬d警察食錢，但老公話無法，呢個國家d警察大晒，你唔俾錢佢會玩死你，所以老公都話我到時考車牌要俾錢。

私人傳訊

cindy.lam

積分: 293

728^#

發表於 12-9-6 08:56 |只看該作者

回覆：emmababy0615 的帖子

冇錯，怡保人講講東話架！所以溝通好方便。我而家日日渣車返工，識揸車自己去邊都得，帶埋個女去下Tesco 同giant

不過我個車牌係喺香港考，呢邊convert,所以唔係好識呢邊嘅路牌

大馬差人好識搵$, 特別臨近大時大節，一定set road block搵食，highway咪話你超速，就算你冇。。。如果揸靚車如Benz,BMW , Lexus, Audi 必中！（除非你係dato, 有個章喺車牌度,不過有d章係假的)我老公次次中，仲要試過一日中兩次，同一個人問set唔settle ?五十大元！之後老公話:ah bang, 又係你？！今朝settle咗嘛，我已經俾晒你！之後個差人示意佢走

咁都有架

私人傳訊

積分: 4346

畀面勳章

729^#

發表於 12-9-6 12:20 |只看該作者

emmababy0615 發表於 12-9-5 23:58
我都未去過怡保市，不過去過金馬崙，聽講怡保人都係講廣東話？咁你溝通咪無問題囉？我呢度大多數人講國語， ...

呢樣野我9962一家算好了,一直以來都就我講廣東話,我99仲係為我而學講的,因為我唔識客家話...但現在聽多左都識唔少
做生意先最慘,以前無做生意都只係要小心駕駛,家下佢一有節日(馬拉新年,1 malaysia day etc)咩都要你比錢,police要完又到custom,我成日話賺來都唔夠比佢地啦

呢樣野由我嬲到想打人到現在已無哂感覺...住在大馬只好接受佢地係咁黑暗

私人傳訊

積分: 4346

畀面勳章

730^#

發表於 12-9-6 12:28 |只看該作者

cindy.lam 發表於 12-9-6 08:56
冇錯，怡保人講講東話架！所以溝通好方便。我而家日日渣車返工，識揸車自己去邊都得，帶埋個女去下Tesco 同 ...

係咪你老公成日揸快車??? 我大伯揸Benz,跑車都無中過啊,有一次佢揸快車,大伯叫佢照抄牌,個police唔敢抄tim r,即比佢走啊!!

不過你老公個case好好笑,一日2次,又係果個police,hahahhahaha

我都想在香港考,但唔可能留咁耐...當我同老公講起考車要上馬拉文班呢個問題,佢就話"車,你講左9年啦,都未考,真係考先講啦"

私人傳訊

積分: 256

731^#

發表於 12-9-6 16:58 |只看該作者

emmababy0615 發表於 12-9-5 23:58
我都未去過怡保市，不過去過金馬崙，聽講怡保人都係講廣東話？咁你溝通咪無問題囉？我呢度大多數人講國語， ...

我反而未去過金馬崙，上面有無特別野玩／睇呀？
怡保係講廣東話，不過我6299係安信人，佢地自己同我老公係講華語同福建話，我老公就同我講廣東話。62係廣東人，佢會同我講廣東話，99就同我講華語。不過一去到我99外家，佢地就成家講福建話，我完全唔識聽，又搭唔到咀，次次都喺度呆坐

你地之前提過嘅台灣學校，係咪即係獨中呀？我問我老公佢都唔係好知。

呢度真係好黑暗，有錢就易辦事好多～

私人傳訊

積分: 256

732^#

發表於 12-9-6 17:07 |只看該作者

cindy.lam 發表於 12-9-6 08:56
冇錯，怡保人講講東話架！所以溝通好方便。我而家日日渣車返工，識揸車自己去邊都得，帶埋個女去下Tesco 同 ...

Hi Cindy,
我FB add 左你喇！希望有機會同你喺怡保見下面！你住左怡保幾耐呀？我住左2年喇！
你老公單野又搞笑D，一日兩次

怡保有咩好野食介紹？我通常食親都係老黃，富山同金加利，食到好厭～

私人傳訊

積分: 256

733^#

發表於 12-9-6 17:19 |只看該作者

puffer-fish 發表於 12-9-6 12:28
係咪你老公成日揸快車??? 我大伯揸Benz,跑車都無中過啊,有一次佢揸快車,大伯叫佢照抄牌,個police唔敢抄tim ...

我之前都有諗過喺香港學架，不過又係唔可能留咁耐，所以最後都係呢邊考。不過唔知香港考完係咪即刻可以convert, 我之前問就話要呢邊考到兩年之後先俾轉國際牌。不過考左真係方便好多～

咁你宜家點帶阿女返學架？學校好近你屋企架？

私人傳訊

積分: 4346

畀面勳章

734^#

發表於 12-9-6 18:42 |只看該作者

mimimeme 發表於 12-9-6 17:19
我之前都有諗過喺香港學架，不過又係唔可能留咁耐，所以最後都係呢邊考。不過唔知香港考完係咪即刻可以conv ...

係呀,阿女學校近到我直行5MINS就到了

,不過家下大肚係由我老公接送,因為我個肚好大,行路好辛苦,重點係下午太熱,老公唔想我曬到所以自己接,好在我地間店都係在puchong,接完佢就去番工囉

但遲下阿女讀華小就唔係近到行到去..我地報左間近我老公店的學校,但收唔收要等下年8月先知,唔收就頭暈了

我其實知唔考牌係好唔方便,咩都要老公做..但我真係一向對driving有恐懼感..加上我份人好神經質...成日聽到大馬咁多
壞人撞人車,打爆人車鏡(有香港媽媽經歷過),我一諗到就驚到腳軟>__<

金馬崙高原我去過一次已愛上,真係好正,你一定要去呀,d菜新鮮到暈,我地買來即時打邊邊,走時又買好多回家,strawberry又好好味,夜市d honey好好飲,好多花草睇同買,我同老公係超喜歡大自然的,所以真係好喜歡呢個地方,只係上去時d路令我勁想嘔,係真係好想嘔,轉到我暈

...好在一上到去就有勁香的茶香味飄來,即時醒哂,我打算等阿仔大少少就會一家上去玩,上次同9962佢地玩所以無咁正

我講果間台灣學校係international school來的,唔係獨中!只係佢由台灣人開的,所以台灣人讀係平好多,我地仔女讀就貴好多,仲要好似每半年要硬性捐款(我記得over RM2000),總之條數好恐怖,係一年比一年貴,我老公話小學同初中都仲oK,到上到去根本唔可能啦,同埋我地又唔係得一個,2個都讀真係唔駛諗了...

私人傳訊

積分: 256

735^#

發表於 12-9-10 00:42 |只看該作者

puffer-fish 發表於 12-9-6 18:42
係呀,阿女學校近到我直行5MINS就到了,不過家下大肚係由我老公接送,因為我個肚好大,行路好辛苦,重點 ...

5MINS WALK又真係好方便喎～呢度D學校要年幾前報定架？
KL又真係多車好多，同埋我見好附車手咁樣。爆車鏡我都有聽過，但撞人車？屈賠錢呀？

聽你咁講，等我都去下金馬崙先。你幾耐之前上去架？聽講宜家條路好上好多架喇～

KL d international school聽講貴呀，怡保就平d! 不過怡保嗰D係本地老師講英文，唔係外籍老師囉。KL呢？

私人傳訊

積分: 156

736^#

發表於 12-9-10 14:26 |只看該作者

引用：Quote:puffer-fish+發表於+12-9-6+18:42+係

原帖由 mimimeme 於 12-09-10 發表
5MINS WALK又真係好方便喎～呢度D學校要年幾前報定架？
KL又真係多車好多，同埋我見好附車手咁樣。爆車鏡我 ...

大馬d交通真係好亂，我平時坐老公車都驚驚地，而且老公話一個女人揸車好危險，會俾人搶手袋，但唔識揸車又真係好唔方便，以後阿仔大左要送佢返學或者出下街都要靠老公太麻煩！
金馬崙真係好正呀！風景好靚，而且氣温又比較低，得20度多d…仲有新鮮蔬菜食，又可以去摘士多啤梨，不過上次去阿仔得4個月，老公要揹住佢全程，而且因為假期怕好多人上去會塞車所以晨早4點半就開車上去，累死老公…以後等阿仔大個d我打算再去一次！我又想去馬六甲玩下…不過老公都係話要等阿仔識行先…如果唔係老公揹住會太辛苦…
我之前睇果間吉隆坡台灣學校係由幼兒園到高中一條龍的，但幼兒園一個月就要400蚊學費，小學中學仲貴，搞到我地縮沙，宜家可能俾佢讀華小獨中，不過獨中都唔平，我有個姑仔讀緊獨中都要幾百蚊一個月，住宿又要另計！

私人傳訊

積分: 4346

畀面勳章

737^#

發表於 12-9-10 19:50 |只看該作者

mimimeme 發表於 12-9-10 00:42
5MINS WALK又真係好方便喎～呢度D學校要年幾前報定架？
KL又真係多車好多，同埋我見好附車手咁樣。爆車鏡我 ...

華小係2年前報定,好似我個女應該後年讀華小,今年3月已要上網報,上網報完再去果間學校登記!但下年8月先會知結果
有d人撞人車係為左製造假車禍令你下車再打劫啊...

mouth:

我大約3年前去金馬崙,後來都知有新路上去,但聽講係無咁彎不過都一樣唔係勁易行,同埋車程會耐左,我又衰,本身唔屈得在車太耐,一耐就想嘔同呼吸困難ga><

KL d international school係勁貴...至於咩老師教就難講了...無問過..我只知台灣果間係主要用哂台灣人的

私人傳訊

積分: 4346

畀面勳章

738^#

發表於 12-9-10 19:56 |只看該作者

emmababy0615 發表於 12-9-10 14:26
大馬d交通真係好亂，我平時坐老公車都驚驚地，而且老公話一個女人揸車好危險，會俾人搶手袋，但唔識揸車又 ...

你地上金馬崙無帶b車??我個女細時,我去邊都帶b車,就係唔想老公咁辛苦要一直抱阿女,當然有d地方用唔到車,就要佢抱一抱囉!
咁你講果間一定係我睇果間,都係幼兒園到高中一條龍,我都係因佢學費太貴而縮沙，幼兒園小學時係叫做可接受的,因為家下d 幼兒園都唔平,我個女果間都330-350基本費,仲未計果d每半年一次的千幾蚊雜費....但中學真係貴到離譜...我覺得要好高收入家庭先頂得住

獨中都好貴嗎???我唔識呢,咁係中一已開始要比嗎?係咪又會一年貴過一年??

私人傳訊

積分: 156

739^#

發表於 12-9-10 22:13 |只看該作者

引用：Quote:emmababy0615+發表於+12-9-10+14:26+

原帖由 puffer-fish 於 12-09-10 發表
你地上金馬崙無帶b車??我個女細時,我去邊都帶b車,就係唔想老公咁辛苦要一直抱阿女,當然有d地方用唔到車,就 ...

我仔仔唔係好肯坐推車，平時去行商場最多坐一個鐘就扭來扭去要抱，老公唯有揹佢，佢又好鐘意俾我老公揹住，因為視線高左可以睇來睇去，仲成日俾人'聊',但宜家越來越重老公揹都辛苦，都盡量俾佢坐車仔。
獨中都係私校嘛，中一就要俾學費啦！如果要住宿又要俾宿舍費，伙食費，計計埋埋唔平ga,但華人負擔得來多數都俾仔女讀獨中，有錢就讀國際學校，所以大馬消費話平又唔係平香港好多咁！要養車供樓一家人都幾大開支。

私人傳訊