吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 影視娛樂› "Apple關仁隱事"一齊諗

影視娛樂今日: 10|主題: 16126

收藏本版

發帖

返回列表

跳至頁

樓主: 22May

"Apple關仁隱事"一齊諗

[複製鏈接]

35 363738 39...84

144

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

721^#

發表於 13-2-7 09:24 |只看該作者

關仁隱事：高層角力玩死藝員

三色台嘅高層「數字」同「假姐」一向唔妥，雖然佢哋經常喺人前扮老友，但私底下就鬥到你死我活。勢估唔到佢哋兩個為咗鬥，竟然搵着啲藝員嚟搞。老友八畀關仁知，數字最近同假姐角力，令到一位資歷好深嘅藝員做咗磨心，老友雖然唔知佢哋搞乜，但就知道個藝員唔想得失任何一邊，但又唔知點做，最後竟然踩上去搵最大嗰個「牛棚」申訴，牛棚即刻召見數字同假姐化解，件事先告一段落。

「數字」= 620
「假姐」= 珍姐
「牛棚」= 梁奶鵬

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

722^#

發表於 13-2-8 09:20 |只看該作者

關仁隱事：「小朋友」人紅扮大牌

近年事業愛情兩得意嘅「小朋友」，有當紅男友「硬倔倔」傍實，電影一套接一套，佢仲成功打開咗內地巿場，大賺人仔。小朋友人紅都開始囂，佢呢排咁啱有新戲上，小朋友諗住扮大牌揀訪問，搞到宣傳人員陀陀擰，不過當有人知道同戲另一對手「女神」好乖接晒所有訪問，好進取爭取時間宣傳，小朋友立即怕蝕底，佢就改晒口風，仲撲到搶番啲期，關仁覺得呢啲咪瘦田冇人耕，耕開有人爭囉。

「小朋友」= Angelxbaby
「硬倔倔」= 黃曉嗚
「女神」= 陳希言

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

723^#

發表於 13-2-14 09:05 |只看該作者

關仁隱事：「藥丸」當導演冇到

全星球最好打嘅「藥丸」，最近拍部武打戲，但佢似導演多過做演員，事關藥丸有少少唔滿意，就搵導演講數，要人哋跟佢意思去改。結果搞到導演相當冇癮，真係諗唔到點做藥丸先滿意收貨。不過話時話，藥丸呢啲已經算小事，關仁聽聞佢早年拍「除衫」執導部電影，大隊喺內地拍完晒返香港之後，藥丸竟然唔滿意，要飛返去內地再補拍過，當年佢仲未拍《熱吻》，知名度只係一般，但平日都好多要求，結果部戲拍出嚟又使多咗好多囉。

「藥丸」= 因子彈
《熱吻》= 葉問

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

724^#

發表於 13-2-14 09:16 |只看該作者

關仁隱事：「好低」誓幫「矮仔」翻生

超級經理人「好低」近年運勢認真大不如前，當初搞公司「冠軍」搞到有聲有色，仲捧紅唔少人，佢對自己一手提拔嘅「矮仔」最疼錫，不過矮仔唔爭氣，未紅先驕，搞到事業直插谷底，人氣又勁跌，喺香港基本上都好難撈，所以佢就避走內地搵銀維持生計。當時因為好低嘅去向未明，所以即使佢好想幫矮仔都唔得，但係佢仍然好關照矮仔，仲話只要等矮仔約滿𠵱家間公司，佢就誓死都會簽番矮仔，仲揚言會發揮佢嘅超級經理人神功，令矮仔鹹魚翻生，好低仲四圍同人講一定會力捧矮仔上到最高位，等佢登上最佳男歌手寶座，似乎太大想頭。

「好低」= 黃拍高
「冠軍」= 金牌
「矮仔」= 側填

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

725^#

發表於 13-2-14 09:19 |只看該作者

關仁隱事：「多口」用過氣橋𢱑訪問

有啲藝人為見報用盡一切方法，有時啲小動作都幾核突，有身材嘅就簡單好多，豁出去拋吓胸就搞掂，但唔肯付出又想見報嗰啲，做啲嘢有時仲核突過拋胸。好似戰前女子組合「鹹尖餅」，解散後各自發展，靚嗰啲都有機會做女主角保持見報，但甩皮甩骨嗰班真係自求多福，其中「多口」屋企有啲錢吓，雖然冇乜嘢做都仲有錢請助手賴死喺娛樂圈唔走，又不屑行性感，惟有出親活動就派助手同記者𢱑訪問，主動報料話同男友「果仁」分手，終於俾佢博到，點知一年後佢助手又同記者講可以問吓同果仁分手嘅嘢，過氣嘅橋仲攞嚟用，真係好核突囉！

「鹹尖餅」= 曲奇
「多口」= 區文c Angela
「果仁」= 0木仁

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

726^#

發表於 13-2-14 09:22 |只看該作者

關仁隱事：「程程」銀彈𠱁𡃁妹

「程程」一腳踏兩船俾女友「麼麼」飛咗，搞到人又冇錢又冇。關仁聽聞程程恃住自己拍過戲又做過model，就成日背住女友周圍識女仔，當正自己係情聖咁，仲有好多媾女招數。只要佢睇中新目標，就會不停呻同女友就分手，等新歡信以為真，跟住就對人噓寒問暖，梗係唔少得用錢𠱁𡃁妹上當啦！好似同佢傳緋聞嘅「七彩妹妹」咁，有次同班friend攻打四方城，就收到程程電話，七彩妹妹係咁意呻兩句輸錢，程程就大豪客上身話輸嘅佢畀，七彩妹妹仲以為執到寶，點知後來麼麼自爆同程程分手，程程啲緋聞女友仲排隊出場，搞到佢要玩失蹤避世，七彩妹妹先知唔係執到金，其實係籮底橙。

「程程」= Avis
「麼麼」= 周獸娜
「七彩妹妹」= Rainbow

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

727^#

發表於 13-2-14 09:32 |只看該作者

關仁隱事：「地產太」超齡少女

關仁早排都去咗金鐘濕平，見到有四個保鑣門神咁企喺名店門口，呢個陣勢今時今日已經好少見，關仁忍唔住八卦望吓，即刻見到一個着住粉紅色小傘裙、少女打扮嘅長髮女郎拖住個西裝男出現，保鑣一見老細埋嚟，就自動排陣，變成前二後二嘅陣形，認真巴閉。
關仁睇真，原來係上等人「地產」兩公婆，佢位太座「地產太」雖然keep得幾靚，但40幾歲人仲着少女短裙，真係有啲倒胃，關仁記得當年地產有代理珠寶手錶，不過二五報料話，每逢有新貨靚貨，地產太就自己留起晒，試問仲點做生意？

「地產」= 潘滴生
「地產太」= 余桂珠

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

728^#

發表於 13-2-14 09:34 |只看該作者

關仁隱事：「凸眼」做番自己

鬥靚出身嘅「凸眼」加盟公仔箱幾年，表現平平無奇，最近喺新劇做個好勝心強又鍾意搶人嘢嘅寸女，總算有唔錯表現。不過，點解凸眼今次呢個角色做得咁好？原來佢只係做番自己，聽幕後人講，凸眼喺記者面前扮晒nice，但私下對其他人就寸寸貢，早年佢鬥靚比賽嗰陣，不時諗計搶其他靚女風頭，乞人憎到爆燈，所以今次個角色完全係為凸眼度身訂做囉。

「凸眼」= 許奕妮

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

729^#

發表於 13-2-14 09:36 |只看該作者

關仁隱事：「肥妹」經理人趕客

「肥妹」曾經係一代性感女神，不過自從同「狂躁」一齊之後，已經收起性感好多年，只係間唔中出席吓活動。舊年肥妹仲為狂躁生埋個仔，升呢做媽咪。不過媽咪級女星好受搵錢商場騷歡迎，因為有吸引力同見報率，咁肥妹當然都一樣，但關仁八到佢經理人代佢獅子開大口，酬勞要幾十萬，而且態度寸爆，激走晒啲廣告商，如果繼續係咁，肥妹真係冇人請囉。

「肥妹」= 豬欣
「狂躁」= Paul

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

730^#

發表於 13-2-15 09:19 |只看該作者

本帖最後由 22May 於 13-2-15 10:50 編輯

關仁隱事：「讀書」詐肚痛扮大牌

內地演員「讀書」未拍《甩拖》時，工作態度都OK，對啲大導演好似長毛、老劉仲好識擦鞋，但係呢部戲之後，唔少工作人員話佢越嚟越大牌，喺現場成個大爺咁款，早排佢拍套《水龍王》，連鞋都要人幫佢着，導演「亮晶晶」叫埋位，紅過讀書嘅演員都埋晒位，佢竟然唔見人，要導演三催四請，後來同場嘅人畀面色佢睇，佢即刻話肚痛去咗廁所，原來佢慣性用呢個藉口嚟擺架子，要全世界等佢，先顯出佢與眾不同喎！

「讀書」= 文章
《甩拖》= 失戀33天
《水龍王》= 白蛇傳說

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

731^#

發表於 13-2-18 09:23 |只看該作者

關仁隱事：「蚊蚊」冇人認得勁𤓓

有錢女「蚊蚊」因為生得高可以做model，但其實佢個樣好一般，所以咁多年都紅唔起，就算𠵱家撈過界喺電視圈做主持，發展都係一般咋，半紅不黑咪係呢種囉，化行妝出街都未必人人認得，好似前排佢喺維園出席年宵活動，有電視台搵佢拍個賀年短片，佢都好有自知之明，問使唔使喺開場白介紹自己？工作人員安慰佢話：「唔使，係人都識你啦。」點知話口未完，有個八卦途人經過即大聲問：「佢係邊個呀？」搞到蚊蚊𤓓爆，幾乎想搵窿捐㖭。

「蚊蚊」= 裝c敏

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

732^#

發表於 13-2-18 09:24 |只看該作者

關仁隱事：「大小姐」要求高玩死人

「大小姐」出身音樂世家，做乜都追求完美，要求自己之餘，亦對人哋要求好高，近日佢突然走咗去公仔箱拍劇，仲忽然爆咗出嚟，唔少人都對佢嘅喜劇感另眼相看，不過關仁聽聞大小姐一向麻煩，平日做嘢已經要求高到令身邊嘅人叫苦連天，乜都要畀佢呢位大小姐過目，搞到身邊人怕怕，最弊佢以為自己真係做咗一線巨星，就連訪問做邊間傳媒都要求多多，有時都難為咗嗰班身邊人，希望佢好好體諒人啦。

「大小姐」= 王丸之

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

733^#

發表於 13-2-18 09:27 |只看該作者

關仁隱事：「波罅」貪錢想賣女

自從「慢啲」同「拳王」拍拖之後，成個人都已經修心養性，唔似以前咁成日被傳媒影到夜蒲𠝹仔，唔怪得近年成日俾人追問幾時拉埋天窗。其實拳王同慢啲係真心相愛，但婚事一直拖，原來係慢啲媽咪「波罅」嫌拳王冇錢囉，雖然男方出身小康，又好似同未來外母好啱key，但關仁聽聞波罅一直想個女嫁有錢佬做少奶奶，奈何個女對拳王死心塌地，所以婚事遙遙無期。

「慢啲」= 謝停停
「拳王」= 安至杰
「波罅」= 滴波拉

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

734^#

發表於 13-2-19 09:19 |只看該作者

關仁隱事：「Cool仔」改態度𢱑客

「Cool仔」之前因為拍咗部《戇居48小時》表現唔錯而為人認識，即刻好多商場活動都搵佢做，點知Cool仔又係衰未紅先驕，出席活動時擺晒大明星款，唔單止唔肯除黑超，就連記者想同佢做訪問，佢都話要問過經理人先，搞到好多記者都唔鍾意佢。班商場客戶好快收到風，於是即刻落晒閘唔搵Cool仔，Cool仔知衰，為咗唔想斷自己米路，主動搵啲客戶好誠懇咁sell自己。而佢喺之後活動上見到記者，態度180度變得好親切，真係唔知話佢份人虛偽定係識做人！

「Cool仔」= 羅仲him
《戇居48小時》= On call 48小時

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

735^#

發表於 13-2-20 09:21 |只看該作者

關仁隱事：「圍圍」錫女友加分

「長腳啤」同「圍圍」愛得越嚟越高調，前排長腳啤親人突然離世，佢同媽咪手足無措，好在圍圍幫女友親自打點一切，關仁聽聞喺長腳啤最徬徨嘅時候，圍圍親自搵保安、book埋車，最神奇係平時俾人照顧慣嘅佢，竟然全部嘢自己落手落腳搞，成個喪禮佢一個人搞掂，更加唔理佢經理人「阿靚」鍾唔鍾意。經過呢件事，長腳啤當然更加愛圍圍啦，但外界人都對佢加晒分，平日大男人咁款，估唔到女友有事佢真係乜都唔理親自處理囉。

「長腳啤」= 熊代林
「圍圍」= 郭褲城
「阿靚」= 小美

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

736^#

發表於 13-2-21 09:24 |只看該作者

本帖最後由 22May 於 13-2-21 09:27 編輯

關仁隱事：「吐番」姣電小生

表面睇「吐番」個性係幾爽同男仔頭，但衰在姣在骨子裏，成日趁老公唔喺身邊，就放生電撩仔。有次吐番出席公司活動，台上已經同「波地」玩到又啜又攬，關仁仲見到佢喺台後成日抽人水，見「高佬」經過就出手打佢pat pat，影大合照時又手多多摸「肥仔」肚腩，完全忘記自己人妻身份。不過吐番都唔係冇揀擇，佢見到「草食男」就一啲反應都冇，擺明嫌人太正經兼唔靚仔，見到面都直行直過。

「吐番」= Toby
「波地」= Bosco
「高佬」=
「肥仔」=
「草食男」= 馬明

點評

simple430 「高佬」= 馬 X 忠 ?? 發表於 13-2-21 13:06

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

737^#

發表於 13-2-25 09:24 |只看該作者

關仁隱事：「橋王」心情差新片失準

「橋王」同「多嘢講」年年都會有套片喺度鬥生鬥死，為咗贏，橋王都好落力又做又度橋，加上港片橋段同話題，所以咁多年都係橋王嘅戲票房領先。不過今次情形有啲唔同，橋王今次部片好失準，搞到開畫初期畀多嘢講過晒頭。雖然最後都收復失地，但橋王套嘢真係失準，係同佢心情有關，咪就因為佢強出頭搞到是非纏身，撞啱嗰排套戲開始度橋同埋位，佢都冇心機畀意見，差啲拍都唔想拍，最後都係客串咗兩個鏡就算，同以前由頭帶到尾唔同。

「橋王」= 曾至矮
「多嘢講」= 黃百明

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

738^#

發表於 13-2-25 09:28 |只看該作者

關仁隱事：「巴巴閉」唔准人派利是

唔少大哥阿姐都會趁新年豪派利是，唔只係傳統習慣，仲係身份象徵。早前「巴巴閉」出席公開場合，佢份人一向好情緒化，今年冇派利是畀記者朋友，大家都唔覺得好出奇，奇就奇在同場嘅「嚮鈴」同「唯一」都冇出手。關仁後來收到風，聽講係因為「巴巴閉」嗰日唔記得帶已封好嘅利是出街，為咗唔好咁肉酸，人派我唔派，佢就惟有使出一招大石壓死蟹，透過助手叫公關同嚮鈴同唯一講，唔准佢哋派。話晒巴巴閉位高權重，佢哋亦好乖好聽話，但搞到新年流流你眼望我眼，袋住大堆利是返屋企就覺得好冇癮囉。

「巴巴閉」= 汪阿姐
「嚮鈴」= 麥00
「唯一」= 泥耀祥

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

739^#

發表於 13-2-25 09:29 |只看該作者

關仁隱事：「肥嘟嘟」半夜掃貨似夢遊

如果要數到樂壇新一輩唱得之人，「肥嘟嘟」都算係其中一人，雖然被老闆話過肥，但肥嘟嘟都好努力減過，可惜成績唔顯著。

兩眼無神
日前凌晨兩點幾，關仁同朋友喺銅鑼灣經過，點知就見到肥嘟嘟一個人喺24小時超市行出嚟，佢兩隻手都拎住戰利品，冇化妝嘅佢戴住頂帽行出來，唔知係咪太夜定肚餓，見佢兩眼無神、木無表情兼慢行，十足夢遊咁款，半夜三更你都咪話唔嚇人！如果有警察經過見到佢舉止咁怪異，查佢身份證都唔出奇。

「肥嘟嘟」= 胃蘭

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

740^#

發表於 13-2-25 09:30 |只看該作者

關仁隱事：「無常」個唱前後兩個樣

「無常」最鍾意玩情緒，之前佢成日情緒病發搞到工作甩底，好多人都唔敢請佢做嘢，不過佢要養仔，所以都要乖乖工作。之前佢開完演唱會，可能唔使再做宣傳，就即刻故態復萌唔多合作，當人哋問到佢啲是非嘢時，佢即刻黑面，最弊係無常自己應承前輩會戒煙養聲，但問到佢係唔係會實行時，佢又180度大轉變話唔想講太多，認真變化無常！

「無常」= 關熟兒

很想知道，追夢的人是如何踏出第一步?

私人傳訊