Re: 兔媽媽&fans株式會社 part 20 - 懷念吹水的日子
嗯!雪雪都係咁啦!好過之前少少啦,而家4個星期睹抽一次,不過就係小抽,唔洗入院,touch wood已經半年冇入院,已經算唔錯;
上星期學校既顧問醫生黎過學校接見家長,我問左佢d問題,雖然唔係好大幫助,不過都有d用,最少可以放心d,佢話原來一個人抽筋持續唔超過半個鐘頭係唔會好嚴重,但係超過半個鐘就好危險,腦部會嚴重決氧架,(之前醫院同我講話唔分鐘唔停就要送院,我諗係預埋時間俾我送佢入院)而平時既抽筋(全身果種)就算唔係好耐,都有可能令人失憶,唔記得最近既嘢,嚴重的會全部唔記得,因為抽筋令腦部決氧,所以有咁既情況,之前聽過另一個家長講,佢個仔出世有心臟病,d血成日泵唔切上腦,佢個仔長期腦部決氧,試過好幾次病發既時候令腦部嚴重決氧,出院既時候咩都唔記得晒,連食奶都唔識得點啜,我覺得好得人驚呀!
所以喺度同各位講聽,touch wood萬一有小朋友發燒燒到抽筋就要盡快送入院,唔好猶疑呀!因為小朋友發燒燒到抽筋係一件好常見既時,所以健康既小朋友都要留意呀!
其實我細細個果時已經知小朋友發燒可以好大件事,因為我有個小時候既同學仔,佢就係發燒燒到過左龍,結果傻左,我果陣仲俾佢無啦啦咬一啖,細個時唔識嘢仲驚會傳染(傻) 
挪打素d醫生都唔知點攪架,之前又冇同我提過話腦決氧會決憶,唔怪得亞囡細個時大抽之後成個人好似亞呆咁啦!佢地仲淨係話我知,肝酵素高會影響肝功能,而冇話我知,肝功差得嚴重就會肝衰竭,肝衰竭就會死人呀!前2次返去覆診,個客串醫生(以前未見過的,可能新調黎)加我個囡d葯,點知個幾月後驗血,個肝酵素就由40標到70幾,攪到年30晚醫院打黎叫我立即減葯,初6就要返去醫院再驗血,真激氣呀!
我又長編大論添 
rabbitpiggy 寫道:
hi maggie
雪雪幾好嗎? 祝雪雪身體健康, 快高長大
係呀, 下個月就生, 時間真係過得好快, thanks
http://hk.myblog.yahoo.com/snowy-tsang
歡迎參觀~~雪雪 & 釨鏸's Blog
[IMG]http://i278.photobucket.com/albums/kk114/babymaggieleung/BBB.jpg[/IMG]
Hope Snowy stays very healthy in the Year of the PIG la 
發表於 
真羨慕 
返回列表
