斷斷續續睇完43集
一個新案件上場，呢次秋冬實在大意，過程太順，客戶不斷質疑為何趙仍單身，佢就掉以輕心，秋冬睇趙見蜓係大好人才，但經網絡論壇匿名推薦，一個咁好簡歷又做到CEO/行長呢個位，點會咁易經匿名推薦，咁高職位應該要實在評估過至係。唔知大陸查背景嘅程序係點，美國嘅BC係入職後都一直查，所有學歷同過去工作經驗都會查到底，我自己見到幾次有人虛報學歷，拖拖拉拉到最後幾個月至半年後被查出，當然即炒啦，其實入職前都會有background check同埋credit check，知道有冇犯罪紀錄，無論係文事刑事，就如醉駕、高買等，又如破產欠債都會有紀錄。
而家趙係虛報學歷/工作履歷，以銀行金融呢類行業，誠信好重要，冇學歷/履歷唔緊要，最緊要係是否誠實，眼下處理大額金錢，定力同誠實度係最重要質素，快刀斬亂麻好易出事，我覺得呢度係秋冬疏忽，而地中海銀行都有責任，唔應該單就一兩次會面就決定人選，一兩日就能決定實在可怕，一般我見過請個投資部小職員都要一兩個月，經幾個部門，offer俾出後都有時間俾受聘者考慮（呢樣應該係趙見蜓心中有鬼，一定會迅速解決）。
秋冬以為賈衣玫同田堯會贊成佢做到上市嘅計劃，點知反對得最最明顯同最不假思索就係賈衣玫，其實呢，佢唔係老闆，只係職員加女友，有D角色真係唔好混淆，後面劇情有講，佢自己都話用感情換唔到秋冬俾佢股粉俾佢名份，說到底，呢個女人真係好實際，眼中只有一個錢字，所有嘢包括感情都要以物質去計算。
44集兩個女人攤牌
賈衣玫真係三觀有問題，羅伊人講得佢好啱，佢同秋冬有問題係佢地兩個嘅問題，因為自己不能面對自己嘅不幸，將責任推俾人，以受傷者自居搏人同情，熊青春係本身背叛鄭秋冬，唔係羅伊人令佢地分手，而家賈衣玫係佢自卑同價值觀不同，佢同秋冬根本唔夾，賈話自己係拎住三百蚊嚟杭州拼搏嘅苦孩子，要羅唔好插手佢嘅幸福。羅問賈究竟鄭係佢真愛嘅人，定係佢生活喺杭州嘅必需品，真係一針見血，賈雖然答得直接，但佢嘅表情表示心裡有鬼。羅賈對話，立見高下，氣度理據到心理質素、自知自覺，賈完全輸晒。
惠成功獵賈衣玫又係唔多合理，講到賈衣玫好有經驗有優勢，以時間上計，不過兩三年吧，咁就可以撈到個幾百萬職位，真係好誇張，或者賈算係有能力，又有會計經驗，加埋顏值，但講成佢係高端人才，似乎有D過份吧。
龍嫂做賈衣玫都算做得唔錯，表現得夠小家小格局，真係坐office都唔似高級職員，淨係衣著已經好有問題，唔係短褲短裙就deep V露背，加上態度同說話語氣，似係放生電獵人多過對客戶嘅獵頭。
賈惠終於被發現，背後幕後大老闆似乎有暗示，陳修風葵黃夫婦對秋冬同德仁發展好有影響，特慧嘅索爾又似乎有D嘢。
花旗太太生活在花旗國，留意時差，你問我未必即時答到。
發表於 
返回列表
