Re: 未婚的,入黎傾傾呀!!!
lovebobo,
我都有少少黑眼圈架,個時試過Regene個隻話去黑眼圈既野(一支既,碌隻眼既~好耐之前張柏芝賣過廣告既產品),諗住去下個黑眼圈啦,點知日日用都冇用架,成二百幾銀,激到我嘔血 :evil: 其實我隻佬嬲d,因為係我叫佢買比我 :lol: 不過佢應該比既,因我本身唔係有大黑眼圈既人,但個時放左學就陪佢,返到屋企同佢傾完電話仲要溫書,準備第二日既quiz,又要晨咁早起身返學,想冇黑眼圈都難 
我聽人講話碌雞蛋都可以去黑眼圈架,而我而家就好少理個黑眼圈,因為好多時戴左眼鏡就唔係覺個黑眼圈,但戴con個時就會搽少少遮遐膏,我用個隻叫shimmer 2,再搽粉囉 ,咁就唔係好覺架喇
不過因為呢排塊面好乾,又甩晒皮,好似d蟹換殼咁 :lol: 所以我出街都唔會搽粉,淨係畫返條眉同搽少少唇彩就出街喇~我都有用保濕mask架,可惜...... 
哎呀,都唔知係咪年紀開始大,連皮膚都開始變...以前我係T字位好油,煎到蛋做早餐架,而家想佢油d都難 :cry:
其實我都唔係好知陶瓷曲髮係點架,但我聽個女仔講話佢整完訓醒唔洗洗頭都好靚,唔會冇左個形,而且唔洗下下gel頭,又靚又方便~我諗陶瓷曲髮都可以電晒成個頭既,視乎你想點電啦 
家陣興扮日本妹ma,咪多人鍾意淨係電髮尾,唔電晒成個頭囉~不過我幾多頭髮,又厚,所以都唔會電晒成個頭,唔係變左金毛獅王就屎 
kikilala,
我晌樹呀 
我唔會走左去喎~!!
我唔係要湊肥妹呀,不過少左上網吧jei~
原本我今個星期要上大陸,但因我成日懶得去搞個回鄉證,所以要等到星期一先去...不過我唔係去玩架~ :-| 我上去幾日ja,不過我會好掛住你地架 我噚日去左銅鑼灣,買左對kikilala公仔,好靚呀~哈哈,仲要係70蚊一對 :lol: 假野黎既,不過好鬼似真架....<---買假野,屎cheap精 
係呀,而家生小朋友真係好惡教架,我生一個都怕怕喇 
好似肥妹而家咁細個,淨係識喊,唔曉講...都唔知佢日喊夜喊係想訓定想玩,好似個日我隻佬同佢玩到喪晒咁,肥妹都笑到甩肺架,但佢笑笑下無啦啦谷紅晒面,係度喊...奶又食完,覺又訓夠,都唔知佢想點...咁都係平常事~有一日得我奶奶一個係屋企睇住肥妹個"家姐",我奶奶入房拎d野ja,出返黎家姐已經企左係飯桌上面好興奮咁跳,嚇到我奶奶傻左,佢都係識行冇耐ja 有時家姐同我奶奶一齊訓晏覺,佢就會趁我奶奶訓著左,佢就會將佢銀包d咭呀,錢呀,咩都倒晒出黎...又會掉麻雀落街 
兩歲都未夠已經咁喇...~佢咁細都算啦...不過而家d細路真係好惡死,好鬼曳,唔識教就真係搵黎搞
布甸,
你好呀~歡迎你呀,多d上黎傾計呀
我今年18歲,住元朗,職業係大食懶,因為女又唔洗我湊,又冇野做 :mrgreen: ~我同我隻佬拍左兩年半拖喇~
其實冇話覺得幾時先會視個男朋友係結婚對象既...其實我唔恨結婚,所以原本都冇話視而家個男朋友係結婚對象架,不過生左個女就有諗呢個問題,始終有一個完整既家庭係好緊要 :-P
你教幼稚園架?!我都好恨教幼稚園架,不過見人地招聘要求有證書既,我連讀都唔知去邊度讀... 因為我表嫂都係教幼稚園既,我見佢又識彈琴,同小朋友紮頭髮又紮得靚又有耐性喎,我就咩都唔識...做幼稚園嬸嬸就差唔多....
下,你個ex-bf打過你 :evil: 嘩,好賤呀,打男人既女人唔要得呀~咁佢打你你有冇還手呀???比著係我,我一定踢佢要害(男人最痛哦),拆佢祠堂 :-x
你而家個男友咪幾好,老老實實先過得人世架,反而口甜舌滑個d真係過下拍拖癮算喇 
你同呢個拍左幾耐呀??拍得耐就算佢唔提結婚都有人催啦,唔洗急喎 我想問下...咁如果佢冇心結婚既話,你係咪唔會再同佢蹉跎歲月,搵過一個可以過人世既男人架??
羊羊,
係啦,其實你老公仔方唔方便去埋你父母度住呢?
不過就算唔方便,你地咪分開住一排囉,唔洗驚唔捨得喎,我入左mother's choice度安胎個排都同我隻佬分開住啦,開頭都好唔捨得架,不過每次見面都會特別恩愛,好似岩岩拍拖咁架~
因為臨生個排,真係要有人照顧架~唔單止飲食,仲要有人睇住你安全呢,如果你唔去你媽媽度安胎,你老公又返左工,就冇人睇住你架喇~好似我入宿舍住前幾日,係住係我大姨度(佢係單身,一個人住),大姨要返工,媽咪又唔可以成日黎睇我,個時我個肚7個月多d,我係浴室滑倒,屁股落地,痛到我喊呀~又驚跌親個肚,又求助無門喎~唔跌過我都仲以為自己好好身手,唔洗人照顧呀~!!如果你唔想同你老公仔分開,咁可唔可以叫你媽媽搬過黎照顧你呀?!再唔係就你老公返左工既時間,叫你媽媽過黎煮飯,煲湯比你,兼照顧你,陪下你囉....不過你媽媽就會好頻撲,同埋你忍唔忍心佢為左照顧你而同你爸爸分開住呢??!!你考慮下啦~如果唔係就真係要慳住洗,搵屋搬架喇~
不過你地呢排都真係要用好多錢....仲要忙餐飽.....
你要小心身體呀~!!
小manman,
原來你教幼稚園架 呢份職業好襯你喎,好賢慧既感覺 
你入左行8年,咁咪即係16歲開始教??16歲我仲讀緊F.4哦
過去的留不住,
未來的難預測,
守住現在,當下即是~
我記得你好似講過話你同bf都有去睇結婚展...(or maybe 我記錯
發表於 
返回列表
