大仔大女媽媽會 今日: 0 | 主題: 177861

積分: 2525

741^#

發表於 06-3-24 23:41 |只看該作者

Re: 傾下講下一樂也

不過，話時話，
如果我代入左去徐太度
(而又確定我係完全不知情的)

有錢的話 (最好唔係賍款)，又想生存的話，
我會帶著仔仔離開香港，走去台灣，台灣多中國人，無咁礙眼。不過最好過一段時間，免得被記者追縱。

只是，以我咁ge性格，仔仔咁ge性格....

都係求神帶我地兩個走吧﹗

或者，到台灣教會投靠，通常，教會的人都會接納壞人嘛.....何況只係壞人的親人...

哈哈﹗唔好叫我代入...否則，我又會瘋狂起來，好似真的是當事人咁.....會發狂架。 ?-(

私人傳訊

積分: 2525

742^#

發表於 06-3-24 23:43 |只看該作者

Re: 傾下講下一樂也

再唔係，若世上無神的話，

阿仔又願意的話，一起....c左佢算......一了百了，

只要死左唔好俾我見反隻惡魔老公咁就好喇。

私人傳訊

積分: 401

743^#

發表於 06-3-24 23:44 |只看該作者

Re: 傾下講下一樂也

可能我第一時間代入的, 是如果我係徐太...而又係好似我自己咁, 咁唔清楚佢係外面攪MUG東東, 突然話我知佢原來係一個咁既人...我會如何自責, 自覺愚昧, 一直以來自欺的認為自己幸福...突然一切幻滅...除了要面對丈夫突然逝世, 最重要係如何去面對個女...面對世界, 我一定唔敢再番工(唔明佢點可以仲以社工身份去上班~自我麻醉, 她真是很自欺..) 除非可以移民, 改名, 整容...仲要幫阿女洗腦...否則我會選擇去死...因為已經找不到一個理由繼續生存...

私人傳訊

積分: 2525

744^#

發表於 06-3-24 23:48 |只看該作者

Re: 傾下講下一樂也

或者佢係9仔.....

我係度諗，佢個女可以在出世紙度改名，唔姓徐，跟阿媽姓咪得囉﹗

如果佢囡囡係9仔，可能傷害都無咁大，輔導輔導.....

如果又係3仔....咁......

蕭遙寫道:
可能我第一時間代入的, 是如果我係徐太...而又係好似我自己咁, 咁唔清楚佢係外面攪MUG東東, 突然話我知佢原來係一個咁既人...我會如何自責, 自覺愚昧, 一直以來自欺的認為自己幸福...突然一切幻滅...除了要面對丈夫突然逝世, 最重要係如何去面對個女...面對世界, 我一定唔敢再番工(唔明佢點可以仲以社工身份去上班~自我麻醉, 她真是很自欺..) 除非可以移民, 改名, 整容...仲要幫阿女洗腦...否則我會選擇去死...

私人傳訊

積分: 401

745^#

發表於 06-3-24 23:49 |只看該作者

Re: 傾下講下一樂也

我剛去左睇徐太講既野, (如果傳媒無加多減少)...我覺得她好唔理智...在呢刻仲係未消化件事, 活在夢中...

私人傳訊

積分: 401

746^#

發表於 06-3-24 23:58 |只看該作者

Re: 傾下講下一樂也

我覺得佢地至少一定要離開香港law...不過如果佢個女既傷痕太深, 去到邊都一定死...好可能比爸爸更變態...其實係擔心呢家人既將來...始終不是古代, 一人犯事要全家問斬...換個角度, 佢地都係無辜既...

死老公既慘...

做殺人犯老婆既慘...

加做一個突然由好好先生變殺人犯既老婆...

唉......以上加埋...

太複雜喇....

邊個可以承受?

除非...佢都係9仔...可能會好d...

私人傳訊

積分: 2525

747^#

發表於 06-3-25 00:04 |只看該作者

Re: 傾下講下一樂也

如果係4仔，一早識穿佢老公係壞人........

錯﹗我都係要四年後才真正了解我老公係點ge人...

3仔咁精明......

不，3仔本來同4仔就係永遠扯不上關係.....好似我同我個疑似3仔的家姐咁....我地成鬼日鬧交。

佢成日話我畫的畫好醜架...
仲有，我小學短跑比賽時跌倒損左，

佢當住佢的同學面前哈哈哈的笑我跌倒.... :-( :-(
你見過這樣的姐姐沒有？ :cry:

私人傳訊

積分: 2525

748^#

發表於 06-3-25 00:07 |只看該作者

Re: 傾下講下一樂也

你叫佢點樣理智喎？咁大打擊......
講到野咪偷笑，都算理智架啦

俾著我可能入青山添...

蕭遙寫道:
我剛去左睇徐太講既野, (如果傳媒無加多減少)...我覺得她好唔理智...在呢刻仲係未消化件事, 活在夢中...

私人傳訊

積分: 401

749^#

發表於 06-3-25 00:07 |只看該作者

Re: 傾下講下一樂也

2嬸呢...明知個老公未必係好人...都懶去求証喇...

"佢當住佢的同學面前哈哈哈的笑我跌倒....
你見過這樣的姐姐沒有？"

姐姐就沒有, 哥哥或許會有一個...果個好可能係我阿仔law

私人傳訊

積分: 401

750^#

發表於 06-3-25 00:12 |只看該作者

Re: 傾下講下一樂也

講起我阿仔...呢排都幾多轉變, 好似定了, 溫書快了很多, 連續兩次dict竟有9x分(6年來第一次有9字頭)...今晚仲話下次攞100分俾我睇...不過在校依然有生事...最近成日同個疑似3仔爭執...佢話從未見過一個佢咁憎既人, 每天都在他面前認叻, 日日都在屋企提起佢...昨天兩人仲打架tim...

私人傳訊

積分: 2525

751^#

發表於 06-3-25 00:22 |只看該作者

Re: 傾下講下一樂也

你阿仔會咁對妹妹？？

8仔應該好好保護妹妹才對啊﹗

愈想我姐愈似係3仔.....

我阿爸話我姐細個好乖好善良。唔明點解大個變得咁無"人性"。

我姊小學時的成績真的很好，你知崇真下午英文部真的好深。每次結業禮，不停聽到叫我姐姐出去取獎，不是一個，每次大大話話都有兩三個。而我就只得係操場上暴哂鹹魚，從來都未領個半個獎 (那時崇真無禮堂，要站在操場上一小時行結業禮，周不時都有學生昏倒架)。

我結婚時，無親人，得佢一個(佢俾我先被家人趕走)，我想佢在我結婚日前一天來過夜陪我。佢話唔得，咁，我話一早啦，佢又話唔得，因為佢一早要set頭.......佢會幫我係婚禮上獻唱。

咁，婚禮果日，佢個頭仲似新娘過我架....果粧仲正過我。我叫我陪我那個唯一來的另一個親屬表妹，得十五六歲。但佢話唔得，佢要招呼佢d朋友喎？ (好似..係我結婚播......)

?-(

果真...應該係3仔...... :-|

蕭遙寫道:
2嬸呢...明知個老公未必係好人...都懶去求証喇...

"佢當住佢的同學面前哈哈哈的笑我跌倒....
你見過這樣的姐姐沒有？"

姐姐就沒有, 哥哥或許會有一個...果個好可能係我阿仔law

私人傳訊

積分: 401

752^#

發表於 06-3-25 00:32 |只看該作者

Re: 傾下講下一樂也

講起佢兩兄妹既矛盾情意結, 真係好長篇, 等我搵日再慢慢講...

你姐姐, 真係風頭躉一名wor...又咁social而且...好似幾無情...應該係3仔啦...其他型號都可排除了嗎?

我地係咪都要訓喇?!....disciplined既4仔

:mrgreen:

私人傳訊

積分: 2525

753^#

發表於 06-3-25 00:32 |只看該作者

Re: 傾下講下一樂也

嘩，你真係見怪不怪，如果我阿仔打一次架，我真係發神經.....會din好耐添架.....

3仔唔會同叻過佢的朋友做朋友吧？8仔太強了啊﹗

4仔呢？無利用價值3仔唔會識，兼且會故意識穿佢的偽裝。

9仔就最好喇，乜人都arm...爭在你對佢有無興趣。

3仔會搵乜伴侶呢？

我姐個老公係乜型，我仲未知，我估係9仔......

等我得閒睇下尋找靈魂的伴侶那本九型書，3仔通常配乜仔...

蕭遙寫道:
講起我阿仔...呢排都幾多轉變, 好似定了, 溫書快了很多, 連續兩次dict竟有9x分(6年來第一次有9字頭)...今晚仲話下次攞100分俾我睇...不過在校依然有生事...最近成日同個疑似3仔爭執...佢話從未見過一個佢咁憎既人, 每天都在他面前認叻, 日日都在屋企提起佢...昨天兩人仲打架tim...

私人傳訊

積分: 2525

754^#

發表於 06-3-25 00:36 |只看該作者

Re: 傾下講下一樂也

你錯喇，誰說我disciplined...

你太唔解4仔喇，

我只係身體唔得，heart應付不了，又怕變老變醜，更加內向唔敢見人....

想4仔有規律做事好難喇。

我最討厭定時的返工放工架喇，最討厭日常常規工作，包括家務......最討厭別人規定要我做乜做乜....

自由...自由....自由.....

我一夜訓，身體一定有事。

如果唔係太想係度up.....以我的身體狀況，4仔hsp係要好多休息時間補充的，我應該10點上床架喇。

蕭遙寫道:
講起佢兩兄妹既矛盾情意結, 真係好長篇, 等我搵日再慢慢講...

你姐姐, 真係風頭躉一名wor...又咁social而且...好似幾無情...應該係3仔啦...其他型號都可排除了嗎?

我地係咪都要訓喇?!....disciplined既4仔 :mrgreen:

私人傳訊

積分: 401

755^#

發表於 06-3-25 00:41 |只看該作者

Re: 傾下講下一樂也

佢地成日有口角, 昨天對方用個排球向準我阿仔個頭部一野擊下去...我阿仔痛c之餘, 嬲到立即起來追打佢...打了幾下手腳...發生經過老師看到, 都覺得係對方太過份..阿仔果d相對變了本能反應...所以老師最終只罰了對方..

我都同阿仔講, 如果可以做到唔郁手就very good啦..(當然以佢脾氣+道行, 依家我肯定佢未得)...後來我同佢一齊為對方祈禱law...因為我話你不可能改變對方既討厭的(他成日覺得自己係替天行道)..只有神可才改變佢...阿仔都肯同我一起祈禱...所以我都沒有再責罵他, 亦答應暫不告訴爸爸, 不過下次再犯就一定要告知爸爸...佢都很順服...

呢d仔都係要交俾神先攪得掂ga lah...憂心都無用!

私人傳訊

積分: 2525

756^#

發表於 06-3-25 10:54 |只看該作者

Re: 傾下講下一樂也

你地今晚會睇徐高步實錄嗎？

其實我也並不是贊成亞視播出，致使受創的人再受創。

只是...我...我....真的好想睇也﹗
:lol:

正如我知道睇鬼片對身心皆不好，甚至有好多後遺症一樣。

但係，愈係唔俾睇ge野，我就愈更想睇也....

徐太係好可憐 (如果佢真係唔係知情人)，但係，我唔覺得d人為乜要咁誇張的 "肉緊" 佢而已。
好多可憐人都未致於好像她一樣得到咁誇張的"同情"。

我真的無法壓抑自己對徐生冷血又兇殘的憤怒...

所以，現階段來說，那種憤怒已感性地阻止我去同情他的家人了。尤其是一個曾享受過"吃過"血腥而來的物質快樂......的家人....理性上我係同情佢，感性上我對惡行的憤怒則做不到﹗ :cry:

私人傳訊

積分: 2525

757^#

發表於 06-3-25 11:11 |只看該作者

Re: 傾下講下一樂也

其實我覺得8仔也很不錯，雖然8仔係粗暴霸王左一點。但係勝在率直，好的甚至有正義感，只係衝動一點罷了.....

寫到li度...

我俾我阿仔激到嘔血..

好耐無打佢...

我剛才打了佢三大下patpat...

佢寫錯字，提心吊膽的係我...

話佢錯好定唔話呢？

如果好言好語，佢又會無禮貌，一樣結果係罵佢收場。

如果嚴肅一點，叫佢改過再寫過，...佢就會駁咀俾臉色。
一樣係罵佢收場

所以佢寫錯字，驚恐的是我。

咁，剛才我叫佢再寫返三個戲字，因佢寫完又錯。

佢一邊拿著薄離開，一邊幾串咁話﹕「我係唔會寫﹗」

佢每次最後都要講一句挑戰你的無禮說話。

如果我好似佢阿爸咁無反應。
佢就會變本加厲。

今次，我真係谷到發火。

我問佢方才講乜野？叫佢返回來。

他睬我都傻繼續走...(每次都係好小事，佢都要同我唱反調，係要剥奪我權威佢先安心﹗)

我終於忍不了(每次佢都係咁)，拿了一把長膠尺，打了他三大下pat...

打完佢就喊 "救命﹗好痛﹗"

跟住哭了幾聲。

好﹗知痛。佢通常都係倔強得打完都仲要好串咁話﹕「我唔痛播﹗」

除非我大力一點﹗痛得佢哇哇叫為止﹗

激死我...

生li d好似我自己咁ge性格ge仔出黎，果真激死阿媽搵山拜...我真係自作自受.....
但我印象中我無佢咁囂張，不，我連同我阿媽講﹕「唔好煩啦 ﹗」都唔敢講一句架。我只係敢講"道理"，但一樣捱打。

如果我同佢講話﹕「你好煩呀﹗」我真的立刻被逐出家門，如果我膽敢好似阿仔成日咁囂張，恐早已被打到身首異處了。..

唉﹗衰仔......一d規矩都無，簡直無大無細....無家教﹗無阿媽教架﹗ :-(

私人傳訊

積分: 2525

758^#

發表於 06-3-25 20:58 |只看該作者

Re: 傾下講下一樂也

發夢王子----my son...
今早起身又講佢發ge夢我聽，

佢話係唔開心的夢，

夢見我們一家三口玩遊戲，玩到第三個遊戲時我跌左落水....

消失左...

wah....唔通佢下意識想我消失？

佢話係好多個閉路電視中的其中三個，見到我叫救命......

===================

我都發左一個夢，

夢見我未婚就有左阿仔，搞大我肚個男人本身也搞大左好多女人ge肚....

未婚的我一個人照顧阿仔....

================

我和阿仔都係發夢大王也﹗ :mrgreen: :mrgreen:

私人傳訊

積分: 2525

759^#

發表於 06-3-25 21:14 |只看該作者

Re: 傾下講下一樂也

正當我想著，我自己係唔係好冷血，

點解係都想睇徐生的節目。

咁我係度不斷咁反省....

咁，老公返黎，我問佢是否贊成播徐生節目。

佢竟然都幾大反應話反對，同bk家長一樣...

咁，我係度諗，點解我咁衰想睇？

咁，我問佢睇唔睇，

佢話如果播佢就一定睇..

咁，我問佢寧願播定唔播。

佢又話寧願佢唔播，不停話亞視衰，同li度bk家長一樣論調。

咁，我話，咁你因間唔好睇，

咁，佢話播到緊係要睇。

咁我話，你有良知就唔應該睇，

咁佢掩著心口話..「好矛盾呀﹗人係好奇嘛......」

咁我再問，你寧願亞視播定唔播﹗

佢答﹕「唔想佢播，唔想徐太更慘.....」云云。

咁，我話，既然你講都咁有正義感，

好，問心問心問心個句，播影半小時前如果突然取消話唔播...問問問問問你真正心底是否會感到有點失落，失落無得睇？？

咁，佢.....話..會囉.....

算佢終於老實...

哈哈哈﹗

以上的老公事件係想講，其實li個世界，大多數人都只會知道或了解超我要自己做乜做乜，包括道德良知，但事實呢，如果努力搜尋裡面潛意識的真正自己時，如果有幸找到，才發現，原來自己的內心，是自己也無法想像的醜惡......
只係被超我壓住左，又或人云亦云，將別人的價直觀當做自己，意識或下意識不自覺地，沒有表達或表現出真實的自己罷了。

這也無可厚非，因為，所有人都能了解自己真實的一面，而又全部拿出來，li個世界將更快滅亡也。

例如，我個心話覺得你好醜，咁，你問我覺得你醜唔醜，如果我講真心話，你不但不會感激我對你表白的"真"，反而會討厭我，甚至有時嚴重起來殺掉我。

因此，大家都係把最見得人的一面拿出來吧﹗把最令人接受的一面拿出來，咁，世界先可以繼續運作。

如果人類內在係存在著真善美，全無罪性，咁，每個人就可以全心真心的對待每一個人了。

所以，聖經也講得很好，無人可以自誇...........沒有我比你好，你比我好。

我們的心，我相信，那種心裡想著的惡毒，未必好得過徐步高啊﹗只是我們不把內心的醜惡表現出來吧了。
所以聖經話，凡對婦女動淫念的，就等同犯姦淫了，即係神對於行為與內心的罪其實都係一視同仁。

相信嗎？我們可能比徐步高還可怕啊﹗

私人傳訊