我做人對得住天地良心，件貨寄已經寄左，用紫色花花膠袋包住既，警我都報埋，錢係警察叫我唔好捐，所以我會入返買家戶口，但唔代表我呃人退錢，我只係當將錢先比返原主，等警察查。如果我真係呃你錢，我亦唔敢報警，各位 BK友咁有正義感可以用我張報案號碼查下係唔係今日係荃灣報同內容，警察係比得呢張紙仔我既姐，件貨退回頭又好，買家最後先話收到又好，都等警察做野，你地只係見到張相有問題就剩係識捉住呢點，我只可以講，相係12號用相機影先過左去電腦，到佢要返張相時，再由電腦過手機，日期檔案名唔同我唔識解，我唔係做 IT ,如果警方需要我可以比張相機卡佢查，又或者邊位對呢啲好深認識我都可以比佢查，但上面有買家地址，你問我要之前先問買家比唔比得，我唔想又比人屈我透露人地私隱，件事我唔會再有回應，如果查到我無呃人，只係想買家公開道歉（BK友鬧完我知怪錯人想道歉都歡迎）我認我比較蠢，無記性，但最錯係唔應該郵寄，而係大家都忙就應該取消交易，最後都係果句，我有寄到,我無呃人，件貨退唔退到返黎都唔重要，我全部交比警察查，我問心無愧。
發表於 
返回列表
