Re: 有冇靈異事件發生係你地或朋友身上!?
我都講下先：
事件1：
大約20年前, 有1日既清晨時份, 大約係4-5點咁上下, 當時我係訓緊覺既, 突然間我比野"摘住", 唔郁得, 想叫又叫唔到, 咁我就不停咁唸經, (當時都好驚), 過左1陣, 可以郁啦, 我1手找住左1隻bb仔既腳, 好真實, 點解我會話係bb腳呢, 因為我可以成隻腳板捉住, 我諗係1歲到既bb腳, 不過好快就唔見左, 大約係1、2秒。
事件2：
個陣我仲住係村, 周圍都有人耕田既, 耕田既人好早就會落田, 清晨4點幾就會落田摘d 菜去買, 我聽人講佢地成日都會見到1個著白衫既細路仔"mum"係坑渠邊, 佢地都唔會行埋去, 因為佢地知道係果d 野!!
事件3：
果次係我阿爺過身, 個晚我地去完醫院返屋企, 咁個個都去訓覺, 訓到半夜, 個廳有野跌左落地, 好似1個鐵既筆盒跌落地既聲音, 當時個個都係房訓覺, 個廳都冇人, 窗又關晒, 就算大風都冇理由吹得郁一個筆盒。第2朝, 又搵唔到有乜野跌左落地喎!!
事件4：
呢件係發生係我阿婆身上, 大約都有幾十年。我阿婆以前係大6住, 當時係夏天, 佢就打開度門通下風, 鋪左張蓆係地下訓覺, 突然佢見到對腳企係門口, 佢以為係邊個啦, 咁望左1下, 呢1下就真係嚇到佢死死下, 只係見到對腳, 係冇上半身既, 我阿婆嚇到關門都關唔切!!
事件5：
我屋企人其中一個係護士, 係7月14個晚, 佢要當夜, 返工個陣要搭lift 既, 咁lift 到, 佢就行入去, 按左要去既樓數, 咁部lift 就郁, 部lift 打開門, 佢就行出去, 咦, 點解又會係蕃頭先入lift 個層既, 跟住佢就講：唔好玩啦, 要做野。咁佢再入返去部lift 度, 跟住就可以上到去啦!!
事件6：
呢件事係發生係我同學既媽媽身上, 當時佢媽媽年紀仲好細, 有1日, 佢見到有2個黑影貼住牆而行, 佢當時覺得好得意, 就用手去截住個2個黑影, 好奇怪喎, 佢阿媽1截, 黑影就停, 佢阿媽鬆開手, 黑影就繼續行, 不過1陣就消失左lu。 所以我成日聽d 老人家講, 夜晚唔好"i"住幅牆黎企, 可能會阻住人地都唔奇!!
謀事在人，成事在天，個天先係最終揸"fit"人！！
你恨的人，來生不會再見，所以別在他身上浪費時間；你愛的人，來生也不會再見，所以今生要好好對他。
發表於 
返回列表
