心聲留言 今日: 0 | 主題: 17544

積分: 10138

763^#

發表於 05-2-24 10:57 |只看該作者

Re: 唉~~~有時真係好似一個透明人囉><

my_tabo,
我嗰時買啲bb衫都唔係好貴架咋~
我諗百貨公司應該會係貴啲~
我買"和尚袍"都係$10一件架咋~
仲有啲喺屋企着嘅衫仔,褲仔都係差唔多價錢~
至於另外嗰啲出街衫,都係$30-$40一件左右啦~
我都係去啲普通嘅舖頭買咋嘛~
或者花園街/女人街嗰啲地方都有好多bb衫嘅攤檔架~
其實你bb7月出世,嗰時啲天氣都應該開始熱,
你都唔洗買咁多長袖衫住,最多買定一兩件外套囉(去有冷氣嘅地方時着)~
有啲人都係怕bb會成日瀨濕或者嘔奶先買多幾件替換啫~
另外,呢幾日天氣都潮濕呀~仲有時落雨添~
條街都濕架喇~你冇乜必要就盡量唔好出街喇~危險呀~知嗎?

私人傳訊

積分: 20300

764^#

發表於 05-2-24 17:09 |只看該作者

Re: 唉~~~有時真係好似一個透明人囉><

joyce,

我昨日買o左兩件60號o既bb衫, 因為d sales話初生會o岩著, 跟住番到屋企打開包裝袋, 先知原來係咁細件, 我諗就算bb開頭o岩著, 都可能冇乜鬆動, 不過好彩其餘大部份都係70號。

我所指o既街舖, 即係一d唔係咁出名o既商場裡面o既舖頭。我之前試過想買兩件兩袖底衫比自己, 點知去百貨公司睇, la 埋手都要五、六十蚊一件, 點知我無意中行過一個商場仔, 裡面有間內衣舖, 賣o既長袖底衫質料好滑、好舒服, 都係賣廿幾蚊件咋! 所以我咪諗如果肯周圍去睇o下, 應該會搵到質料好、價錢又抵o既bb內衣。

Vin,

我昨日買o個d和尚袍長袍同內衣, 件件都要三、四十蚊, 我覺得都幾貴, 我想買多幾件比bb替換, 所以會再o係吉之島同西田特價o既時候入多d貨, 不過見到d bb衫咁細件, 都覺得d衫好快就唔o岩著, 所以我想買d質料好、又唔會太貴o既bb衫仔。

多謝你提醒! 我行路會小心o架喇! 講起跣親, 我上次拖完地之後, 拎桶上去倒, 突然跣一跣, 好彩有跣o係度咋! 其實我已經好小心, 個地濕o個陣行得好細步。

joyce & Vin,

昨日我買完bb衫, 夜晚返到屋企急不及待拎晒出o黎比我老公睇。我o地見到d bb衫細細件、咁得意, 真係好興奮! 我老公仲話：好o野...bb有衫仔著喇!

我昨晚可能係興奮得滯, 成4、5點都未瞓得著, 之後又起身再拎d bb衫出o黎慢慢睇, 又一件件摺番好佢。我係咪好傻呢? :lol:

私人傳訊

積分: 4231

畀面勳章

765^#

發表於 05-2-25 11:32 |只看該作者

Re: 唉~~~有時真係好似一個透明人囉><

my_tabo
原來大肚婆腸胃較敏感我都唔知. 唔怪得果時我常要去廁所啦.
我都覺得在百貨公司既bb衫會質地好d. 但會貴過街外. 你買70號都唔會太大的. 因為你既bb響7月出世. 係夏天. 到時著得鬆鬆地. 最多條繩縛埋少少. 我當初見到d bb衫咁細件都覺得好可愛. 你將d bb衫用洗衣液洗過後,有洗衣液既味. 再聞聞. 你會覺得仲好feel 呀. 我用威潔bb洗衣液的.

私人傳訊

Vin

積分: 10138

766^#

發表於 05-2-25 11:46 |只看該作者

Re: 唉~~~有時真係好似一個透明人囉><

my_tabo,

haha~都唔係好傻啫~你只係期待緊見到自己bb着住嗰啲衫啫~
我以前個女未出世,買咗幾件bb衫,我都有成日攞嚟睇~
其實我到今時今日都仲有啲bb衫未掉架~唔捨得呀~haha
有時我鍾意嗰啲嘢~我都會成日攞嚟睇啦~~
haha~我好耐以前試過有段時間覺得好鍾意啲化妝品~
我就成日都攞個化妝箱打開嚟逐樣睇~
之後又逐樣執返好佢~:lol:

kongkong講嗰隻威潔bb洗衣液幾好架~我以前都係用佢~
平時一支要$3x,有時都會特價,你咪得閒去開街留意下,
見特價咪買定啲囉~

係呢~你屋企個廁所有冇舖防滑墊呀?
前兩年我阿媽喺屋企沖完涼唔小心跣親,搞到隻手要聯針~:cry:
而家啲天氣咁潮濕,你一定要小心啲呀~~

kongkong,
啲bb衫細細件真係好可愛,不過可惜好快就唔啱着~

私人傳訊

積分: 20300

767^#

發表於 05-2-25 12:52 |只看該作者

Re: 唉~~~有時真係好似一個透明人囉><

kongkong,

咁其實係咪唔好買60號o既衫仔?

Vin,

係呀...我真係好期待睇到bb著起o個d bb衫呀!

我諗第時我個女d bb衫唔o岩著, 我都唔會捨得掉。

威潔...咁我都留意o下幾時特價先, thanks!

我冇o係浴室舖防滑墊呀...因為唔潮濕o個陣, 浴室地下乾爽就唔會危險, 不過近排咁潮濕, 又真係幾危險o架! 今朝我老公趕住返工, 一行入浴室就爭d跣o係度, 我仲聽見佢嗌添!

私人傳訊

積分: 4231

畀面勳章

768^#

發表於 05-2-25 13:09 |只看該作者

Re: 唉~~~有時真係好似一個透明人囉><

Vin
你果度賣威潔好貴喎. 我樓下賣24~25左右.
而家凱喬大個d. 你有冇幫佢扮靚? 抑或佢已經開始自己作主?

my_tabo
都唔係既. 我諗60碼都唔駛買咁多囉. 因為有時真係洗完會縮水. 所以70碼就唔會太大.不過真係要買多少少. 因為夏天要常常換呢!

私人傳訊

Vin

積分: 10138

769^#

發表於 05-2-25 13:57 |只看該作者

Re: 唉~~~有時真係好似一個透明人囉><

my_tabo,
而家個地下咁濕,任何人都容易跣親呀~
如果你趕唔切去買防滑墊,
不如你舖啲報紙頂住先啦~~
係就係核突啲,但係幾方便架~~
又可以索咗地下啲水,濕咗好多嘅時候掉咗佢換過張就得喇~
仲可以防跣添~

,我而家屋企都舖咗兩張~~

kongkong,
我買威潔已經係5,6年前嘅事喇~
我習慣咗喺百佳買,可能超市貴啲啦~
haha~我個女有時都幾貪靚架~佢鍾意着裙囉~
但係而家啲天氣咁凍我唔俾佢着,
咁佢有時喺屋企就會攞啲裙嚟着下,
又或者攞啲毛巾包上個身度當係裙(我記得我細個都有咁做過):lol:
有時佢又會自己扎下辮,不過佢扎得好肉酸~~haha
另外通常買衫都係我幫佢揀架喇~呢方面佢都冇咩唔滿意嘅~
haha~佢兩歲嗰時我試過有一日幫佢化妝然後影咗兩張相~
你click入我個babyhome網入面嘅"2歲的凱喬"就睇到架喇~
不過其中一張啲顏色曬得唔係幾好~

私人傳訊

積分: 20300

770^#

發表於 05-2-25 15:18 |只看該作者

Re: 唉~~~有時真係好似一個透明人囉><

Vin,

我今晚會同老公去吉之島o既bb用品展, 到時我會去埋家庭用品部睇o下有冇防滑墊賣。而家浴室一直都有開住抽濕機, 所以地下就好乾爽。話時話, 你同屋企人都要小心, 跣親真係可大可少o架!

kongkong,

咁又係喎...如果買60號, 洗完縮o下水咪唔條著囉! :lol:

私人傳訊

Vin

積分: 10138

771^#

發表於 05-2-26 03:13 |只看該作者

Re: 唉~~~有時真係好似一個透明人囉><

my_tabo,
係呀~跣親真係可大可小,
我屋企比較細,一跣低個身體就好易撞埋其他地方度~
以前我個女都試過喺廁所跣親,
成個人扒咗喺地度仲要"part"一聲好大聲~嚇死我,
幾驚佢會撞甩哂啲門牙~~
後來發覺佢其中一隻門牙好似崩咗少少,唔知係唔係嗰次跌成咁~
不過好彩嗰隻只係乳齒嚟咋~

我以前嗰啲bb衫冇一件試過縮水喎~
你去吉之島有冇買到啲咩呢?

私人傳訊

積分: 20300

772^#

發表於 05-2-26 11:45 |只看該作者

Re: 唉~~~有時真係好似一個透明人囉><

Vin,

都算係不幸中之大幸, 你囡囡只係撞崩o左隻乳齒。 "part"一聲撻o係度又驚"done"親腰骨, 跣低咁o岩撞埋其他地方度又真係好危險, 所以我平日拖地o既時候都好驚o架! 唔拖又唔得, 因為會累積o左好多貓毛。

昨晚等埋老公放工, 我o地八點幾先去到吉之島掃貨, 掃到十點幾, 之後先去食o野。今晚真係好激呀! 我未買床仔同bb車, 都掃o左3千幾蚊貨, 最勁就係我買o左7包初生裝"妮飄", 足足起碼夠用個半月。

昨晚因為好遲先去到, 所以分秒必爭, 好似"3個鍾瘋狂大購物"咁! 買o左一堆物品, 重到冇手拎, 又要放番o係車度先, 之後又再去掃貨。我o地足足買o左11大袋o野, 最激就係全部自己拎走, 唔使送貨, 比著好多人, 一定會等人送貨。

因為昨日有部分貨品可以用"全日通"去買, 除o左J card95折之外, 好似仲有95折, 咁我又唔知邊d用得"全日通", 邊d唔用得, 咁就唔理咁多, 買得幾多得幾多, 如果唔係就會浪費。因為3月2日我老公要開會, 唔得閒同我o係"感謝日"掃貨, 所以昨日咪一次過囉! 當中好多物品都係買定有排用, 例如洗衣液、潔淨棉、濕紙巾、奶瓶清潔液(泵裝&補充裝)......

我之前留意o左好多開媽媽對於"妮飄"o既意見, 評價都幾好, 可謂又平又正。因為只有卓悅、部分藥房、吉之島...有得賣, 而且唔係成日有咁多貨, 所以見今次平咪買多d囉! 佢買一箱(有4包, 每包有60條)就有得送15條片, 買2包就送2條, 一包賣$63.9, 咁我咪索性一次過買夠初生(for 初生至5kg)時需要o既數量囉! 妮飄細碼(for 4-8kg)已經買斷晒, 想掃都冇得掃。

不過 shampoo、沐浴露、爽身粉、潤膚膏等我都未買, 其實我可以買seba, 見d媽媽都話幾好, 不過個心一路都諗住買"亞b哥", o個度唔見有, 所以就冇買到洗頭水/沐浴露; 潤膚膏我都唔知邊隻好, 所以又未買。

其實起碼仲有4成bb o野未買, 諗住到3月1-9日──"西田bb展服飾及用品"o個時再買, 如果都係未買齊晒, 我就會去"荷花"買埋淨番o個d o野就算lu。

私人傳訊

Vin

積分: 10138

773^#

發表於 05-2-27 20:01 |只看該作者

Re: 唉~~~有時真係好似一個透明人囉><

my_tabo,
好多貓毛用吸塵機會唔會好啲?
haha~一次過買11袋嘢真係幾誇張喎~
不過其實有一啲嘢都唔係必須嘅我覺得,
例如有濕紙巾就唔需要潔淨棉,
同埋其實奶樽就咁用水洗都ok架喇,
因為你會烚奶樽架嘛~
嗰時健康院啲姑娘教我:如果有需要先一星期用一次洗潔精洗奶樽就得架喇~
其實bb沐浴露係可以洗埋頭架,所以唔需要再另外買一支shampoo~
可能我太耐冇接觸啲bb產品,我唔知"阿b哥"呢個牌子~haha

私人傳訊

積分: 4231

畀面勳章

774^#

發表於 05-2-28 12:59 |只看該作者

Re: 唉~~~有時真係好似一個透明人囉><

my_tabo
超勁呀. 你係唔係去屯門jusco? 我自從有mon mon 後. 成日都去屯門 & 荃灣果兩間jusco. 西田都有. 不過覺得西田既野貴d. 但好似靚d. 掃左11袋真係好多喎. 根據我同我同事既測試結果同實戰經驗. johnson既柔濕巾最好用. 片片初生初噓噓樂都唔錯. nepia就確實ok. 學vin話: shampoo & bath lotion 可用同一隻. 會方便d. 我用sebu 的. 你有冇聽過人用 "六一散" 唔用爽身粉?
另外你記唔記得我講過我同事既媽媽點樣計算生仔/女? 你準唔準?

私人傳訊

積分: 20300

775^#

發表於 05-2-28 18:18 |只看該作者

Re: 唉~~~有時真係好似一個透明人囉><

Vin,

我通常都係吸完塵再拖地, 有時就淨係吸塵, 因為拖一次地實在太大工程, 拖到條腰骨會好痛。

我o個時見朋友同書都話要用潔淨棉o黎幫bb抹眼仔, 所以咪買定囉! :lol:

我星期六買o左樽seba o既嬰兒泡泡浴露, 可以用o黎洗埋頭, 所以我都冇買洗頭水。

kongkong,

我上星期五去o左屯門吉之島, 星期六就去o左黃埔o個間, 黃埔o個間d bb用品款色多d呀!

咪係"六一散"?

我唔記得喎!:lol:

另外你記唔記得我講過我同事既媽媽點樣計算生仔/女? 你準唔準?

私人傳訊

Vin

積分: 10138

776^#

發表於 05-3-1 11:30 |只看該作者

Re: 唉~~~有時真係好似一個透明人囉><

my_tabo,
你又會特登咁遠走去黃埔吉之島嘅?
黃埔嗰間我以前成日帶女女去架~
不過佢而家上咗小學之後,
我少咗好多同佢去街喇~

私人傳訊

積分: 4231

畀面勳章

777^#

發表於 05-3-1 12:38 |只看該作者

Re: 唉~~~有時真係好似一個透明人囉><

Vin
係呀. 小朋友讀書=大人讀書. 陪太子讀書囉. 我諗我第時都同你一樣.而家小朋友d書好似好深.

my_tabo
好似係如果你以舊曆計算. 你成孕果刻既歲數係單就係生仔. 相反係女.

私人傳訊

Vin

積分: 10138

778^#

發表於 05-3-1 13:56 |只看該作者

Re: 唉~~~有時真係好似一個透明人囉><

kongkong,
你有冇睇到我上次留俾你嘅message?

即係呢段:
kongkong,
我買威潔已經係5,6年前嘅事喇~
我習慣咗喺百佳買,可能超市貴啲啦~
haha~我個女有時都幾貪靚架~佢鍾意着裙囉~
但係而家啲天氣咁凍我唔俾佢着,
咁佢有時喺屋企就會攞啲裙嚟着下,
又或者攞啲毛巾包上個身度當係裙(我記得我細個都有咁做過):lol:
有時佢又會自己扎下辮,不過佢扎得好肉酸~~haha
另外通常買衫都係我幫佢揀架喇~呢方面佢都冇咩唔滿意嘅~
haha~佢兩歲嗰時我試過有一日幫佢化妝然後影咗兩張相~
你click入我個babyhome網入面嘅"2歲的凱喬"就睇到架喇~
不過其中一張啲顏色曬得唔係幾好

私人傳訊

積分: 4231

畀面勳章

779^#

發表於 05-3-1 15:08 |只看該作者

Re: 唉~~~有時真係好似一個透明人囉><

Vin
有睇呀. 仲入埋佢相簿睇多次d相. 見到凱喬既扮靚相. 真係好呀. 可以同自己個女扮靚.凱喬細個好可愛. 佢個樣俾我既感覺係好乖. 我今日睇新聞見到有個13歲既女仔已經學人生左仔. 唉,我真係好擔心呀. 你會唔會開始擔心呀?

私人傳訊