Re: 未婚的,入黎傾傾呀!!!
lovebobo,
我講個隻shimmer 2好似係天使度買架,六十幾蚊,都買左好耐lu,其實仲有好多牌子既遮遐膏好用架,(聽人講,自己都係用過shimmer ja :mrgreen: ),好似covermark咁,好多人話佢既遮遐膏好掂,但佢既粉底就比較厚身~!
床頭擺杯水既方法我係幾年前試過喇,我可能係嚴重缺水...擺一桶水都冇用 :cry: 慘~~
我聽日返大陸喇,搞掂d野返落黎先去電髮,咁就可以靚靚過新年喇~哈哈~ :lol:
係呀,你同你男友見得幾個鐘,可以諗下去長洲食海鮮或者去赤柱行下,我同我隻佬成日都係咁架~~難得放假都想輕鬆d,去d空氣清新既地方好舒服架,無謂去旺角同人逼,逼都逼左成個鐘去
好似個次我地去赤柱,因為係平日所以赤柱大街都冇咩節目,但我地行左上個小山度睇北帝廟,傾下計咁已經好開心喇~但如果你話睇戲,唱K個d節目就多d時間先去啦,始終約會都係想傾下計,都唔想各自各掛住睇戲,冇時間溝通ma 
nganga88,
我講個間係日本既Disneyland,但香港既Disneyland都應該係大同小異既,而且價錢會比日本平tim 
我都未去過Disneyland架,因為我父母諗都冇諗過帶我去日本,有年佢地去美國玩都有去Disneyland,不過淨係我父母兩個,淨低我同個工人睇住細佬妹,佢地淨係買左隻101斑點狗公仔比我ja 
我住元朗個邊,讀趙聿修架,唔知你識唔識呢??
ivythepooh,
其實你落過一次,再落可能會影響生育能力架..... 
你男友點講呀??如果佢諗住負責既,你地慳慳地洗都夠養BB架,奶粉,尿片都有又平又好既~始終都係一條生命,而且你錯過一次都內疚...~你好好衡量下啦,你落左佢,你會內疚一世;你生左佢出黎,可以好好教育佢嗎??
我都唔想見到你一世受良心責備,唔好話自己冇本事要佢,就算唔可以比到好富足既生活比佢,但你地錫佢,佢都一樣好開心架 :-P
kikilala,
噚日同我隻佬行街,去左先達一間賣Monchhichi(個隻食手指既馬騮,佢出世就擁有呢隻公仔,迷左佢廿幾年)既專門店,終於比佢搵到佢等左好耐,又未有貨返既一對公仔,叫做Bebichhichi,係Monchhichi既一對仔女,細細隻咁,返到去佢搵我對twin stars公仔搵墊住佢對馬騮,話kiki&lala係佢地既奶媽奶爸,比佢激鬼屎 ?-( 不過對馬騮BB又係粉紅同粉藍色,如twin stars又好鬼襯
羊羊,
你同你男友個時咁難先見到,咁一齊住之後咪好開心囉?! 日日對住唔洗就得咁辛苦~
過去的留不住,
未來的難預測,
守住現在,當下即是~
個肚7個月開始就會成日忍唔到尿~好喇,生完以為輕鬆晒啦,點知仲衰,腰骨繼續痛左兩個月,又唔夠血暈低,仲有肚皮鬆晒,個胸有紋,仲會墮!!!!我覺得自己老左10年,唔係講笑 
而家都仲未收到個肚腩架 
以前個d半年就散既男友就真係無謂提,都冇咩可能知佢地諗咩~不過我都認同你講個樣,你同佢同年,你係時候嫁,佢都未覺得係時候,未定性~我隻佬都大我4年架,好似我個ex-bf咁,佢大我兩年,個時我15歲,佢都仲要話去玩具反X城買搖搖玩 
(個排興....)你話點會溝通到呀...我仲成熟過佢 ?-( 
發表於 
L o v e P a r a d i s e
返回列表
