咁多位姊妹, 我番黎喇...
0岩0岩趕得切年初一番屋企..
今個係我同囡囡, 老公過0既第一個年初一同情人節.....
先同大家拜個年先, 祝心想事成, 有左0既大小平安.... 等bingo 0既極速bingo....
同大家分享一下我0既生產經過....
話說 10號凌晨1點幾上bk, mamamike仲話我成日都咁夜… 我仲話係呀咁….
到左2點幾上床訓… 成晚急尿又有0的似肚痾…
起身去"貓"廁所谷0的便便但唔成功….
之後8點幾起身, 因為有個廣華last 產檢… 出發之前去再"貓"下廁所, 終於痾到0的便便,
舒服好多, 但竟發現有少少粉紅野流出… 嚇到我好驚
好彩C6果日番晏, 即刻請假, 我見DR.chan 未開門, 橫店廣華有appointment, 就先去睇一睇先…
去到廣華, 我同姑娘講, 有少少見紅跡象, 可唔可以早0的見醫生
佢地即刻安排, 醫生話要我即刻入院觀察。
我問佢地觀察幾耐, 觀察完會唔會唔比走… 佢地話要住院到傍晚, 冇事就走, 但如院方覺得你唔應該走而你都係要走, 咁你有你自由, 唔會夾硬鎖住你….
個醫生suggest 我留, 但我同C6商量左2分鐘都係決定走… 醫生要我簽番張野證明係我自己要走, 有乜事唔關院方事....
然後我地即刻call Dr. chan 要urgent 見佢, 去到寶德已經11點幾…
等左20分鐘左右見dr. chan, 同佢講番情況, 佢同我check, 話真係見紅…
如果唔理佢, 到夜晚時份應該會開始陣痛…
dr. chan 即刻叫姑娘 call Canossa reschedule 當晚7時開刀, 而我要3時前入到院 (否則當做緊急開刀, 多收1萬幾千唔在講)
當時我真係好驚… 雖然其實都預左過多1日半就開刀, 但即刻要黎果種心情真係好驚…
仲要驚7點前未到手術時間Dr. chan 未黎之前, 唔知會唔會穿水…
離開左寶德, 即刻去食少少野(手術前6個鐘唔比食野)就番屋企拎走佬袋…
果時係1點幾2點, 已經開始真係有少少陣痛, 大約半小時一次, 不過唔係好痛, 仲可以行得走得, 係似急急地大便咁….
執好野坐的士去canossa辦理入院時, 0岩0岩差唔多3點… 搞好多手續檢查等等0既野…
6點左右正式預備做手術, 姑娘先同我插尿喉 (我覺我好恐怖, 幾痛下… 可能佢手勢衰)
然後入左手術室, 訓左上手術床比麻醉師落藥… 先係手背插枝點滴鹽水(佢話最痛係呢下, 但我唔覺有幾痛)
繼而屈住條腰0係腰骨打麻醉藥 (少少痛)
唔夠3分鐘對腳開始冇知覺… 到左呢個時侯7點多少少 dr. chan 就入左黎
開始"恐懼鬥室"…
(sorry sister們, 多謝耐性, 太長篇 -- 待續)
[ 本帖最後由 siufung 於 10-2-15 15:23 編輯 ]
老虎囡2010年2月10日於嘉諾撒出世喇, 早過預產11日~ 重6.71磅
發表於 
mouth: 
返回列表
