基督家庭 今日: 0 | 主題: 9939

積分: 1095

761^#

發表於 06-5-24 15:57 |只看該作者

Re: 神呀! 我何時才可承受產業?

魚魚 & kittyang:

妳地可唔可以講下ivf 的程序比我知呀! 例如要噴幾多日藥同打幾多支針? 我想知多d, 如果我iui fail 都有定心理準備ma!

私人傳訊

joyangela

積分: 1084

762^#

發表於 06-5-25 01:40 |只看該作者

Re: 神呀! 我何時才可承受產業?

各位姊妹 : 小洪恩將於下星期二出世了(30/5), 請禱告

(37weeks3) 經過今天的檢查後, 再次感謝神, 胎水 level 正常, 小洪恩頭仔依然向下, 小洪恩的體重已有 3.4kg (7.5磅), 而我的血壓也是最好的一次 (124, 65); 而更開心的小洪恩也會如期地安排在 30/5/2006 (星期二) 以開刀的方法出世了.

我與丈夫已經進入倒數的日子, 心裡總是又驚又喜, 思索著還有甚麼東西要做呢, 甚麼事情要完成呢? 更好笑的會想想入院前要吃些甚麼? 其實說到底, 我想大家在思想上已經知道小洪恩出世後將會帶來我們有莫大的轉變, 又或者我們對於6年半的二人世界實在有點唔舍得吧!

馱住小洪恩的日子實在好開心, 有多人的關心, 有多人的代禱, 由人家不讓坐至人人都讓您行先, 坐先......, 增磅成為正面的事情, 大大圓圓的肚子原來是多麼的美麗, 還有看不見母性也與長大著的肚子成為正比, 一天比一天的大吧!!

過去的是這些, 未來的一定會更多; 相信下次您再收到的消息, 應該是小洪恩的出世消息吧!! 我已吩咐丈夫第一時間會將小洪恩的消息以電郵發送的, 至於 baby blog 就有待我出院後再與大家分享啦!!

為我們一家代禱!!

Baby Apple 的成長日記

私人傳訊

積分: 1095

763^#

發表於 06-5-25 13:00 |只看該作者

Re: 神呀! 我何時才可承受產業?

joyangela:

時間過得真係快啦, 咁快小洪恩就黎出世! 我已為妳代禱, 妳要加油呀!

私人傳訊

三叔公

積分: 961

764^#

發表於 06-5-27 12:38 |只看該作者

Re: 神呀! 我何時才可承受產業?

魚魚:

多謝你的建議，我是每朝check體溫及生理都覺得無。我諗我會睇多一個月中醫先，再去睇西醫，因為西醫可能都是叫我食排卵藥等。

唉!今個月好奇怪竟有2次月經，唔知係咪在傷風時食左鹿茸，(都知唔好，但奶奶第一次炮製)，之後真係唔舒服，去左睇中醫，重俾她話我添，食左五日藥後，竟有"親戚"探我，攪到我都唔知咩事，我諗下星期睇佢，睇吓咩事先!

嗰日我同老公去左聽，內容主要有醫生講解早或遲懷孕的情況、風險，(結論都是要趁早生!

) 牧師講生小朋友是一個生命的學習，即將自己的生命開放給個小朋友，他會觸及我們的安全區。而且生bb是一個承諾，無論他可愛、聰明與否，你都要學習培育他等。還有一個師母分享她一直等候生小朋友，但到最後都無(她現在已過50歲)，表露內心的掙扎、無奈等，但也提到縱使他們沒小朋友，佢都刻意接觸其他小朋友，即唔會將自己的生命封閉。

當然大家最關注的問題....人工授孕，他們一致都認為在信仰上是沒抵觸，因為他們都是使用自己的精子等來做，牧師認為這是"有病"，需要醫生診治的一個方法。當然最後的結果都是交給神。

我只是在工聯會上中醫，我上了幾堂仍然係一"舊"雲，學費約 $500，但我覺得講師都是吹水多..... :tongue:，所以上次都走堂。

誰能使我與基督的愛隔絕呢? 難道是患難麼?是迫逼麼?....... ;-)

私人傳訊

積分: 1095

765^#

發表於 06-5-28 09:18 |只看該作者

Re: 神呀! 我何時才可承受產業?

三叔公:

如果妳確家係無排到卵, 而無lala一個月又黎左兩次m, 妳有無打算去醫生到check 下? 我之前好幾個月用david又係check唔到有排卵, 昨日要去睇不育科醫生, 佢同我照u/s, 發現我多囊, 而子宮仲有一個好細ge息肉! 不過我半年前去婦科到照過係完全無問題ga, 果一刻知道左都好唔開心! 醫生話個息肉咁細, 可能係近幾個月先起ga! 所以最好都係去check 下, 身體依家野真係變得好快! 唉!

咁果日多唔多人去聽果個講座呀? 我果時都係問過牧師, 上帝唔係喜悅人生小孩子ga咩? 點解我地等極都無? 牧師話教會都有d弟兄姊妹好喜歡小朋友, 但到最後都係無, 所以有時上帝的安排真的是好奧妙, 亦令人好難明白! 有時真係要學習放手同順服, 唉! 依兩樣野真係有排學!

私人傳訊

積分: 1095

766^#

發表於 06-5-28 09:29 |只看該作者

Re: 神呀! 我何時才可承受產業?

各位:

我終於開始左我個iui療程la, 昨日打了第一支針, 之前果幾日就食排卵丸, 不過我對排卵丸ge反應唔係太好, d卵唔大, 只係多, 即係多囊, 依家轉曬只係打針, 睇下d卵ge反應!

睇不育科醫生真係用好多錢, d 錢好似倒水咁, 昨日睇一睇已經用左$3000(老公要雪精所以好貴, 雪一次要成$2000, 老公黎緊要雪成4次)! 睇醫生睇到肉痛!

醫生果日有詳細同我地解釋成個授孕過程, 總括黎講, 醫生都話iui其實都係聽天由命, 做左都唔一定得, 所以我都諗住唔得, 放手交比神!

私人傳訊

kittyang

積分: 550

767^#

發表於 06-5-28 11:00 |只看該作者

Re: 神呀! 我何時才可承受產業?

castersugar:
終於開始咗你嘅iui啦, 其實打針好過排卵丸, 效果會明顯點. 我都係多囊啊, 不過呢樣嘢就好普通, 好多女性都會有嘅, 至於息肉應該唔會有太大影響嘅, 放鬆點, 心情係會影響點卵嘅質素.
祝你成功!

私人傳訊

積分: 1095

768^#

發表於 06-5-28 20:45 |只看該作者

Re: 神呀! 我何時才可承受產業?

kittyang:

多謝妳呀! 我都覺得打針好過食排卵丸好多, 我食左排卵丸心情就會好差, 成日唔開心, 情緒會有好大波動! 打針就好d, 不過打左針之後就唔知點解成日傻笑, 有時係小小野都大笑好耐, 雖然係咁, 都總好過成日唔開心! 希望唔使打太多支針la, 因為都幾痛!

私人傳訊

積分: 477

769^#

發表於 06-5-29 00:05 |只看該作者

Re: 神呀! 我何時才可承受產業?

各SISTER,

先報告下我既近況........ 27號開咗針啦, 我今次要補差額~打肚皮針, 因為醫生話我上次咁, 係因為反應唔好喎 :tongue: (都唔知真定假 !) 所以今次用靚藥囉.
打肚皮針真係舒服好多, 起碼唔使每朝早6點幾起身返威記 , 又無咁痛 ! 不過個荷包就好傷 ! (算 ! 錢用哂, 係咪再搵過囉.

)
噴鼻就要繼續 ! 到而家, 心情都算OK, 暫時都唔係太緊張咁啦 !

:wth: :wth: [size=medium]魚 ~ [img]

私人傳訊

積分: 477

770^#

發表於 06-5-29 00:07 |只看該作者

Re: 神呀! 我何時才可承受產業?

kittyang,

打肚皮針我覺得唔痛喎(因我有好強既水泡,所以無咩感覺) 打PAT PAT 痛好多 ! 打大脾 ? 得架咩 ?

亞B咁大力踢你, 證明佢好活潑喎 !

"生仔過程" 嚇親你呀, 唔好意思呀 ! 咁你唔好再睇啦 !! 遲D會無咁驚架啦.

陀仔雖然係辛苦, 但相信你會努力, 加油呀 !

kittyang 寫道:
魚魚~
開始打針未啊? 我覺得打肚皮都幾痛嘅, 最唔痛就係打大脾.
我都試過自己用筆型針打, 不過我嗰時比較論盡, 學咗幾次姑娘先肯俾我自己打. :-P :-P
亞B成日都踢我啊, 一點都唔客氣嘅, 我成日同點FRIEND講亞B對我簡直係"拳打腳踢".
我都睇咗"生仔過程", 好驚, 搞到我依家想開刀生潻.

:wth: :wth: [size=medium]魚 ~ [img]

私人傳訊

積分: 477

771^#

發表於 06-5-29 00:32 |只看該作者

Re: 神呀! 我何時才可承受產業?

castersugar,

你開始咗IUI啦, 你要努力呀 !
我今次既程序~
首先DAY2/3要返醫院抽血, 合格後返醫院攞藥,第二個月既DAY3(每個人可能不同)開始食21日避孕藥(每日一粒), 食到第15粒時, 要加埋噴鼻(每日4次,每次大約相隔5小時)
當食完21日藥後, 大約幾日後MC (我係21號食完藥, 25號MC)姑娘預先約我26號返醫院抽血, 27號再返醫院照超聲波&開針, 每個人打針日數不同, 一般至少7針以上, 視乎情況, 醫生話我起碼要10針或以上 ! 通常每次IVF都會照幾次超聲波及抽幾次血, 次數由醫生決定.
當醫生認為egg夠大時, 會安排打排卵針(通常會係打夜針),打完後第二晚入院, 準備第三日早上抽卵(半身麻醉,當日下午出院),(再之後既程序, 我未試過, 我係之前聽姑娘講, kitty會清楚好多)如順利大約隔3日, 會放回受精卵到子宮腔, 再過大約14日返醫院驗孕

一般打<普通>針每朝要返醫院打, 可以攞出去比私家醫生打(但好似要補錢先得) 或者補更多錢轉貴藥---> 肚皮針, 就可以自己打啦.

係咁上下, 可能會有漏

castersugar 寫道:
魚魚 & kittyang:

妳地可唔可以講下ivf 的程序比我知呀! 例如要噴幾多日藥同打幾多支針? 我想知多d, 如果我iui fail 都有定心理準備ma!

:wth: :wth: [size=medium]魚 ~ [img]

私人傳訊

積分: 477

772^#

發表於 06-5-29 00:33 |只看該作者

Re: 神呀! 我何時才可承受產業?

sugar,

係啦, kitty 都得咯, 唔好咁worry啦 !

kittyang 寫道:
castersugar:
終於開始咗你嘅iui啦, 其實打針好過排卵丸, 效果會明顯點. 我都係多囊啊, 不過呢樣嘢就好普通, 好多女性都會有嘅, 至於息肉應該唔會有太大影響嘅, 放鬆點, 心情係會影響點卵嘅質素.
祝你成功!

:wth: :wth: [size=medium]魚 ~ [img]

私人傳訊

積分: 477

773^#

發表於 06-5-29 00:35 |只看該作者

Re: 神呀! 我何時才可承受產業?

sugar,

都係架, 交比神啦, 無論我哋點擔心都好 ! 神有佢既安排, 有佢既預備 !

castersugar 寫道:
各位:
醫生果日有詳細同我地解釋成個授孕過程, 總括黎講, 醫生都話iui其實都係聽天由命, 做左都唔一定得, 所以我都諗住唔得, 放手交比神!

:wth: :wth: [size=medium]魚 ~ [img]

私人傳訊

積分: 721

774^#

發表於 06-5-29 01:10 |只看該作者

Re: 神呀! 我何時才可承受產業?

大家好！上了bk一段時間都唔知有「基督家庭」呢個topic,平日都只係上「想生BB」度同人傾。黎到呢度真係好有親切感！好想加入同你地分享下自己的感受。
我和我的丈夫也是基督徒，我們想要小朋友都已經有成兩年的時間，坦白說有等待的過程中自己真的有埋怨神為什麼我要這麼困難也不得自己的小孩。每個月period來的時候心情便會像跌落谷地般失落。我也有把這問題和教會中的姊妹和屬靈長者分享，但總是覺得她們不明白我！漸漸地我也不把這煩擾的問題和他人分享.....我老公常說要對神有信心，雖然我是明白的，但很多時候真的感到無助！
我今個月試了第一次的IUI,現在還第結果。坦白說是抱有希望的，但另一方面又會叫自己不要想太多！不過很感謝神，在整個過程中也有平安的感覺。
其實有決定是否做IUI時心內也有爭扎。因為害怕這是神不喜悅的事，另一方面又不敢問教會內的人。最後在做IUI前一天，和一位有經驗的姊妹通電話，（其實我是沒有打算問她的）不知怎的我竟然向她提出了我的問題和擔憂。她說她也曾因相同的問題問過牧師，聖經沒有說不可做，但最緊要是要把事情交在神的手中，而且夫婦二人一同祈禱，如果感到平安的話就做吧！就是這樣我便開始了我的第一次IUI了！
Castersugar,
我之前曾有chatroom和你傾過偈，你當時還不有香港，有沒有印象呢？

私人傳訊

積分: 1095

775^#

發表於 06-5-29 13:41 |只看該作者

Re: 神呀! 我何時才可承受產業?

魚魚:

見妳有留message我都安心d, 因為之前果幾日都唔見妳, 仲有d擔心, 仲係度諗唔知係咪d藥令到妳唔舒服! 我見到ivf個程序都好多

, 打針及用藥都唔少! 仲要去打夜針......!!! 好辛苦!

私人傳訊

積分: 1095

776^#

發表於 06-5-29 14:09 |只看該作者

Re: 神呀! 我何時才可承受產業?

私人傳訊

積分: 1095

777^#

發表於 06-5-29 14:13 |只看該作者

Re: 神呀! 我何時才可承受產業?

bu:

我記得妳呀! 原來妳都開始左iui, 咁巧ge, 我都係第一次! 妳就好啦, 有姊妹做過, 我係我教會入面第一個做ga (以我所知), 好彩有bk我先知道咁多有關依方面ge 野! 有人分享下真係差好遠ga, 心情都好好多!

我好感恩, 因為iui無想像中辛苦, 直至現在心情也不錯, 我想這都是因為有一些朋友為我祈禱! 我想神有保帶領我地! 我地一齊加油la!

私人傳訊

jkl

積分: 122

778^#

發表於 06-5-29 23:18 |只看該作者

Re: 神呀! 我何時才可承受產業?

Sugar,

最緊要keep住自己開心!支持你！

私人傳訊

積分: 1095

779^#

發表於 06-5-30 00:04 |只看該作者

Re: 神呀! 我何時才可承受產業?

jkl:

妳都係呀! 最緊要係自己開心! 我諗就算失敗都無所謂啦, 因為自己都已經好努力, 真係對得住自己, 無都無辦法!

私人傳訊