影視娛樂

跳至

首頁

尾頁
   144


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


761#
發表於 13-3-12 09:35 |只看該作者
關仁隱事:「洗衫板」作緋聞失敗

有啲藝人為保形象,好憎同拍檔傳緋聞,但緋聞好多時又真係幫到人氣,所以有啲人會視為甘露,睇你識唔識得點利用,而通常冇料嘅人就最鍾意用呢招。
好似公認係戲屎嘅「洗衫板」咁,佢勝在有少少觀眾緣同幾好運,所以拍劇嘅嘢都唔多使憂,仲有女主角做㖭,但係喺大婆台咁多花旦,戲唔夠人好,點都要諗諗計出位,所以洗衫板好醒目,喺同「靚仔球」拍劇時,部署要搞緋聞,雖然靚仔球啱啱甩拖,但都冇落叠,所以後尾佢哋好突兀咁傳緋聞都冇人信。

「洗衫板」= Niki
「靚仔球」= Bosco

很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


762#
發表於 13-3-13 09:23 |只看該作者
關仁隱事:「羊咩」借貴衫唔還

內地女星「羊咩」是非多多,佢一出道就俾人話佢個樣人工化,但係佢拍拖之後,人氣升咗就帶挈佢不時南下出騷𢱑銀。
一般女星為咗慳錢好鍾意叫形象向大品牌借衫,因為只要做吓人肉衣架就有名牌衫着,自己荷包仲可以慳錢。不過,關仁聽聞羊咩試過借完衫唔還,助手又扮唔知,所以個朵都傳到臭晒,咁又係,名牌貴衫如果劉備借荊州,下次梗係冇得再借啦。

「羊咩」= 羊幕
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


763#
發表於 13-3-14 09:36 |只看該作者
關仁隱事:「瓜子面」嫁人急賣樓

「瓜子面」投資有道,不但地產大有斬穫,愛情路上亦搵到個好靠山,傳聞今年佢會同有米男友拉埋天窗。關仁收到風,瓜子面最近將多個物業放盤,其中一個超級豪宅,佢本來喺舊年放盤,但冇幾耐又收番,點知最近佢又再將呢間豪宅放盤,相隔一年,樓價升咗好多,但瓜子面竟然用番舊年個價嚟放,佢咁心急賣晒啲物業,唔通佢諗住嫁雞隨雞,同未來老公喺外國雙宿雙棲,撤出香港?

「瓜子面」= 關G琳
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


764#
發表於 13-3-15 09:54 |只看該作者
關仁隱事:「AV舞女」擔凳擦鞋

鬥靚出身嘅靚女「AV舞女」喺參選嗰陣,恃住自己係大熱同靚女,所以一直唔放班記者喺眼內,隻眼生到額頭咁高,好多時睬你都儍同記者零交流。到佢真係選咗出嚟,之後要開始拍劇,問題就嚟。
每逢有劇上,演員都要出嚟做宣傳,希望記者幫手寫多兩句,不過AV舞女每次出現,班記者都當佢透明,冇人問佢嘢,就算公關幫口都冇用,搞到AV舞女好冇癮。經一事長一智,到佢𠵱家視而優則影卒之學精,見到記者唔只噓寒問暖,有次仲搬埋凳畀記者坐,呢招果然使得,搞到人哋都唔好意思唔問佢嘢啦!

「AV舞女」= ??

點評

michtony  徐子珊  發表於 13-3-15 10:23

很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


765#
發表於 13-3-15 16:32 |只看該作者
@ michtony

徐子珊 = 靚女??

點評

michtony  BYE!!!!!  發表於 13-3-27 00:40
Imel  "視而優則影" 喎!  發表於 13-3-24 00:24
雪菜肉c  法拉?  發表於 13-3-21 11:13
Imel  係啦, 又跳舞的, 我都估徐子珊喎, 乜唔啱咩?!  發表於 13-3-20 21:31
kat_wang  唔係徐子珊的話,
咁應該係邊個?  發表於 13-3-18 22:36
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


766#
發表於 13-3-18 09:38 |只看該作者
關仁隱事:「獸獸」老套冇女吼

「獸獸」呢期越撈越掂,傳聞話有好多女埋身,但關仁知道呢啲料好流,皆因獸獸雖然好乖仔,但衰在女人偏偏鍾意壞男人,加上嫌佢份人太老套,好難有女仔鍾意至真。獸獸個look尤其出事,連班老友都睇唔過眼,成日想幫佢改變形象,有時仲要陪佢買衫。好似「好戲」呢期搵到錢,有次趁獸獸生日,送咗件好貴嘅名牌衫畀佢做禮物,但唔知獸獸係咪嫌件衫太貴唔捨得着,定個款太潮,買咗成年都冇着過,嘥晒大家心機。

「獸獸」= 馬明
「好戲」= 鄭+穎
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


767#
發表於 13-3-18 09:41 |只看該作者
關仁隱事:「妖妖」走數女王

「妖妖」一向愛出風頭,有時仲會靠自己公眾人物嘅關係攞着數,佢成日唔理好醜四圍出活動,之前幾年妖妖都會被邀請出席一啲晚宴,佢仲會喺現場投吓佛像、佛牌、擺設咁,總之做到好豪爽咁投番一兩件嘢,點知妖妖投完之後就冇咗件事,拎走件嘢又唔畀錢,最後人哋都唔敢再請佢嚟,費事得不償失啦!

「妖妖」= ??


很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


768#
發表於 13-3-18 09:42 |只看該作者
關仁隱事:「椒椒」拍拖博見報

來自內地嘅「椒椒」雖然啲廣東話唔鹹唔淡,不過勝在有樣有身材,所以發展一直唔錯。近排椒椒仲情場得意同「力王」打得火熱,雖然唔少人覺得椒椒可以搵件更好嘅男友,但佢偏偏對男方死心塌地,仲有傳佢已叠埋心水等嫁,不過關仁聽聞其實椒椒事業心好強,佢發覺同力王拍拖後見報同知名度大增,所以好樂意喺網上同大家分享拍拖生活,繼續博見報。

「椒椒」= JJ
「力王」= 飯少王
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


769#
發表於 13-3-18 09:43 |只看該作者
關仁隱事:「至醒」上網大出血

「至醒」講嘢成日巴巴閉閉,但實情佢份人都幾大懵。早排至醒跟大隊去咗幾個地方拍嘢,通常大家都會將手機閂咗漫遊,因為唔知電話費有幾貴,但至醒一向有睇報紙習慣,無論去到邊都用手機上網,弊在佢又唔記得用wifi,結果返嚟香港見到張近十萬蚊嘅超驚人電話月費單。
關仁聽講負責今次拍攝嘅製作團隊詐晒型,話明唔孭呢條數,好彩至醒夠富貴,佢亦知衰自己畀,只係咁搞法分分鐘嘔凸份人工,今次真係得個桔。

「至醒」= 叻哥
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


770#
發表於 13-3-19 09:21 |只看該作者
關仁隱事:「大山婆」患抑鬱摺埋

鬥靚出身嘅「大山婆」呢幾年突然消聲匿迹,只係間唔中喺網上吹吓水,完全冇將自己近期啲相放上網。
原來佢唔少身邊好友曾多次打電話或者whatsapp大山婆,想話問吓佢嘅近況,又或者喺過時過節同佢打聲招呼,點知大山婆通通都冇覆,好似人間蒸發咁。關仁收到風,大山婆因為搭上咗個已婚男士,為咗呢段三角感情關係,大山婆搞到個人好抑鬱,亦即係患咗情緒病,所以咪成日匿埋唔見人囉。

「大山婆」= 李山山
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


771#
發表於 13-3-20 09:23 |只看該作者
關仁隱事:「矮肥」上位變臉

選美出身嘅「矮肥」由鬥靚開始除咗憑一對豪乳成名外,佢對人亦好親切,把口又識𠱁人,所以大家都對佢好好。不過日久見人心,到矮肥上咗位,佢嘅態度180度變晒,當正自己事頭婆,對眼生到成呎高,唔止對工作人員黑口黑面呼呼喝喝,有次喺化妝間見到以前合作過嘅前輩,人哋同佢打招呼都當對方透明,一味喺度喝個化妝阿姐幫佢化靚啲,搞到個前輩面懵懵行開。

「矮肥」= 高Ling
很想知道,追夢的人是如何踏出第一步?


水晶宮

積分: 51459

2025勳章蛇年勳章 2024年龍年勳章 2023年兔年勳章 牛年勳章 好媽媽勳章 醒目開學勳章 畀面勳章


772#
發表於 13-3-20 10:30 |只看該作者
22May 發表於 13-3-20 09:23
關仁隱事:「矮肥」上位變臉

選美出身嘅「矮肥」由鬥靚開始除咗憑一對豪乳成名外,佢對人亦好親切,把口又 ...

知唔知個前輩係邊個?
我搞下笑架咋, 唔好插我呀!!!!!!!!!!


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


773#
發表於 13-3-20 10:35 |只看該作者
回覆 newcook 的帖子

冇提示好難估!!
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


774#
發表於 13-3-21 09:29 |只看該作者
關仁隱事:「攣毛華」甩拖喪食

之前「攣毛華」同花心男友「佛士」甩拖,搞到好唔開心瘦到人乾咁,連個胸都縮水,贏到唔少同情分,尤其係嗰張經典池邊晒背露骨相,真係我見猶憐。
不過聽聞原來攣毛華今次撇甩衰男友,唔只傷心,佢個trip仲胃口大開,有人見過佢先食三個donut,跟住再豪食五碗魚蛋粉,嘩!呢個食量真係非一般女士做得到,認真嚇死人,一般人同男友傷心分手,應該冇乜胃口,但攣毛華竟然咁鬼大食,唔知佢係早就頂唔順件偷食賤男,甩拖仲開心,定係患咗暴食症呢?

「攣毛華」= 周獸娜
「佛士」= Avis
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


775#
發表於 13-3-22 09:59 |只看該作者
本帖最後由 22May 於 13-3-22 16:41 編輯

關仁隱事:「心女」呻過檔冇自由

「心女」離開舊經理人公司,泊到個好碼頭,加盟咗一間國際性公司,仲做埋一姐㖭,表面睇就威威水水,但其實喺大公司裏面,一姐係冇話事權㗎,乜都要聽公司同事嘅說話,以前心女仲喺細公司時,好多嘢都係自己顧自己,所以同記者接觸得多,關係都好好,得閒仲會煲吓電話粥,尤其係記者要問佢回應時,一打畀佢就聽電話,鬼咁合作。點知過檔新公司後,大公司有大公司嘅制度,佢連聽記者電話回應問題,都會畀公司鬧餐懵,搞到唔敢再隨便聽記者朋友電話,令大家關係都疏離咗,難怪佢見到關仁都呻兩句,話簽大公司真係有得有失,雖然話樹大好遮蔭,但藝人同記者始終互惠互利,𠵱家搞到關係差咗,對自己冇好處,惟有希望大公司真係可以捧紅自己上位啦。

「心女」= 官Ella

點評

girlbear  唔係ella官咩?  發表於 13-3-22 16:00
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


776#
發表於 13-3-25 11:48 |只看該作者
關仁隱事:「大波波」變臉黐老細

「大波波」之前都拍過兩三部戲,知名度算係一般,冇樣冇演技咁,只係胸大身材勁至令人有印象,最近佢就簽咗畀「口水佬」,可能以為自己好有前途,所以近日啲嘴臉真係衰到爆。
話說某次大波波同同門嘅「水水」一齊去活動,記者叫佢哋合照,大波波即時黑晒面,原來嫌水水係二打六,冇幾耐老闆口水佬嚟到,大波波即刻變臉笑晒黐住口水佬,當堂以為自己升咗呢,其實佢嘅變臉核突樣畀人睇到晒,即刻降格就真。

「大波波」= 羊Carol
「口水佬」= 叻哥
「水水」= 蔚雨心



很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


777#
發表於 13-3-25 11:49 |只看該作者
關仁隱事:「吹水」身有屎亂過路

花弗愛媾女嘅「吹水」早排俾人踢爆同人妻拍戲時又攬又抱,形象大跌watt,就連工作同曝光率都減咗好多,日前關仁見吹水喺銅鑼灣遊蕩,可能怕俾人認出,戴帽又戴眼鏡,全程閃閃縮縮,驚死人哋認得,原本佢邊講電話邊企定定等過馬路,但係見到有人喺旁邊,就以為人哋偷聽佢講電話,即時唔理安全,紅燈都衝過馬路,擺明身有屎先至咁唔注重交通安全。

「吹水」= 吳唱K
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


778#
發表於 13-3-25 11:54 |只看該作者
關仁隱事:「大巫」脫晒節難開戲

搞笑能手「大巫」係殿堂級喜劇大師,拍過嘅《一人一半》同《保你大》都成為經典,但近幾年佢除咗喺政府宣傳廣告出現吓,都只係搞咗一場半場show。當所有人以為佢退休,原來佢一直搵好多編劇寫劇本,不過每次搵老闆開戲都唔成。好多幫過佢嘅編劇私下同關仁講,大巫啲橋同社會脫晒節,梗係唔掂啦,但係開唔成都好,至少大巫神話唔會幻滅。

「大巫」= 許冠聞
《一人一半》= 半斤八兩
《保你大》= ??
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


779#
發表於 13-3-25 14:09 |只看該作者
關仁隱事:「阿志」俾「貴妃」截糊

功夫巨星「阿志」篤信密宗,而且好鍾意玩天珠,仲成日用天價買天珠,關仁聽聞佢最近睇中咗條天珠,價值三百幾萬人仔,本來佢都好想買,點知同樣篤信密宗嘅天后「貴妃」亦睇中咗呢條天珠,仲將價錢抬到450萬,結果賣家梗係賣畀貴妃啦!最慘係阿志搞到一肚氣之餘,到𠵱家都唔知俾邊個截糊,呢鋪都算老貓燒鬚。

「阿志」= 李連杰Jet
「貴妃」= 王非
很想知道,追夢的人是如何踏出第一步?


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


780#
發表於 13-3-26 09:30 |只看該作者
關仁隱事:「跳水」靠保鑣媾女

早排巨星「跳水」嚟香港,夜晚梗係要去夜蒲媾女。當跳水去到城中蒲點,即刻有大把女星同名人聞風而至,點知跳水cool爆大派檸檬,唔好以為佢好正經喎,查實佢係好小心至真!夜場巴打八畀關仁聽,話跳水最後同咗兩個模特兒返酒店happy,佢點𠝹女?巴打話跳水透過保鑣直接走去同兩個模特兒講:「Boss睇中你哋,有冇興趣?」兩女即刻say yes,仲自動離場去酒店集合㖭。

「跳水」= Leonardo Dicaprio

點評

IgnatiusWong    發表於 13-3-26 09:42
很想知道,追夢的人是如何踏出第一步?

首頁

尾頁

跳至
Presslogic Logo
Baby Kingdom Logo