elf 寫道:
band, quincy, ringo,
多謝你地呀! 我而家都未知阿爸咩事, 今日佢做左檢查, 但報告仲未出, 我而家仲係office, 八點半先放工, 放左工先去e院睇阿爸。因為今早請左假, 而家要做番哂d野先走得....
阿爸呢d都唔係老人病架啦, 佢最近幾年都suffer緊呢類既呼吸病, 其實已經冇得斷尾, 只可以用藥物穩定病情。阿爸情況唔係咁好, 今朝我走既時間都仲係ICU, 因為佢尋日可以話係昏迷左, 期間只係醒左一醒, 跟住又再不醒人事。
今朝我自己去做body check, 其實我前幾日去驗左血, 今日出report, 結果我fail左, 血色素又唔合格, 所以今日去左做個detailed check, 其實我都拖左好耐, 自己成日都逃避醫生既忠告唔去做... 因為我d血色素成日都唔夠, 貧血左咁耐都未好番, 醫生話比較少見, 所以叫我詳細check下...我睇醫生個陣好驚, 因為醫生講左好多出現貧血既可能性俾我知, 真係嚇到我喊出來(可能我心情已經唔好)..佢話可能有內出血、可能紅、白血球比例有問題、更甚至可能因為血細胞病變, 引致出現「血食血」既情況...最壞既可能, 即係有cancer...
不過我而家都係抱平常心, 阿爸個到又未知點好, 我都冇講俾屋企知我既情況...我今日抽左兩大針筒血, 而家隻手臂好鬼痛...又震震下咁.....唉, 一陣去睇阿爸, 返到屋企又要做公司野...我真係命苦囉~~
男朋友個到, 我都覺得呢兩件事都令佢唔開心, 佢今日打左好多次電話俾我, 又send左幾個sms& mms俾我, 我知佢o係office hour, 但佢都照打俾我...今朝我拎report既時候, 佢仲叫我唔好收線俾佢聽埋醫生講咩(我當然冇理佢啦!!) 廢事佢擔心啦....等出埋呢次個report先算....
好啦, 我差唔多放工啦, 我睇下情況今晚再上來講番個情況俾你地知啦....
anyway, 多謝你地關心!! thanks!
發表於 
快d.... 
禾次次都有溫豬架(正是你個d喎) 
返回列表
