我新年後發現bingo,即刻去急症照陰超醫生已經話5.5W太細見唔到胚胎,前後4個星期去私家同政府照咗5次陰超,一時話恭喜,一時又話無大到,我同老公嘅心情就好似過山車咁,結果剛剛星期四流啡,心知不妙,即刻打俾醫生,佢都話應該無咗嘞...個一刻好難受,不過心想長痛不如短痛,早啲解決可以早啲再努力。自己嗰一刻响診所雖然好想喊,但又怕老公擔心,所以吞番啲眼淚,又要決定自然排出,定做手術刮。
最後,上BK見過有JM分享塞藥排出會好痛,自己都唔想响傷心之餘仲要經歷痛,所以就決定跟住個星期三朝早做手術。
成個過程真是唔知點算,又唔敢同人講,怕家人失望,最慘又係有啲擺明唔會祝福你妒忌你嘅人,係咁whatsapp問你有咩事係咪有咗?知咗之後就成日問住點解要weekly check咁密?係咪有事?仲要幫你唱通街又話夢見我小x...真是好唔開心,而家都唔知點同大家講話無咗...唉...
所以,真是好安慰有BK,多謝咁多JM嘅分享,令我同老公明白小x係好普遍並唔係自己身體有問題,只是今次同bb無緣啫。但是,我地都有啲驚,都會稔仲繼唔繼續努力好呢?又怕再傷心一次。最慘自己係1月已經辭工準備全力安胎迎接小生命,而家都唔知點算...
enjoy the moment with kids