吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 澄清B女是親骨肉父願承擔撫養傑仔成人 ...

自由講場今日: 555|主題: 1350612

收藏本版

發帖

返回列表

跳至頁

樓主: ~仔仔媽咪~

澄清B女是親骨肉父願承擔撫養傑仔成人 [複製鏈接]

2 345 6...8

donaldduckduck

伯爵府

積分: 16361

61^#

發表於 14-6-7 18:21 |只看該作者

回覆：澄清B女是親骨肉父願承擔撫養傑仔成人

回kakawing329
去年中秋都係夏天。都未裝冷氣呀對仔女已經熱左一年
我都係冬天裝冷氣唔係話緊咩季節裝呀

點評

~仔仔媽咪~ 案中嗰家人都係上年年尾至遷入上址.一個報導話係九月,另一個話係十一月. 發表於 14-6-7 18:27

私人傳訊

~仔仔媽咪~

水晶宮

積分: 51912

62^#

發表於 14-6-7 18:21 |只看該作者

究竟我是誰發表於 14-6-7 17:54
我都認同妳觀點，明白慘劇震撼好多人嘅心靈，但作為成年人，應該思想成熟啲，凡事唔好淨睇表面

...

所以至開個POST講番個相反意見(跟其他JM),有時真係唔好淨係睇單方面同表面,從唔同角度去睇去思考,

持平客觀啲,雖則最終個事實係點冇人會知,

但如果一面倒,單憑幾篇報導而去斷定人地係賤係衰,我覺得根本唔理性唔公平.

點解就係因為女方出咗事,就一定係男方錯哂?點解一定要信哂一方既言論,而唔去聽下另一方既說法?

就係因為佢係男人? 我地唔能夠因為一篇報導、一篇探員既感言,而去抹殺咗個事實同人地既誠信,

佢有權去講野,但說話不多,亦冇自辯,但未出現已經遭到千夫所指,

佢呢幾日盡番父親既責任,照樣繼續俾人話係賤係衰老公衰爸爸,佢有多言嗎?

從報導度只會睇到佢唔想受到騷擾,佢內疚,未必係佢一定做錯事,但亦唔代表佢完全冇錯,

始終佢一走了之,唔理係老婆趕佢走定係咩因由而走,佢都係做錯咗呢步,

但試問有幾多人可以咁完美咁叻,可以處理好自己既問題、家庭問題、經濟問題、感情問題?

至少响度既每一位同我,就算婚姻幾咁美滿,有兒有女有錢,但總有啲您地處理得唔好既問題,

各式各樣,咁係咪代表我地各人都好有問題?

己所不欲,勿施於人,有時您想人明白體諒您難處時,自己都處事待人都一樣要持平同識得體諒人,

否則,到您touchwood一個唔該有問題有事情發生時,

係咪都一樣接受人地唔理您有冇開聲講野都係咁judge您誤會您指駡您唔係一個稱職既媽媽或太太?

樓上有太太係單親,但又如何?

男人結婚娶妻已經難,有幾多男人鐘意結婚湊住成頭家?

既然大家曾經相愛,曾經彼此承諾,大家最後無法白頭到老,呢啲野唔能夠一口咬定只屬一方問題同責任.

婚姻感情永遠係兩個人一齊至成立,唔係單方面的.

合則來不合則去,人與人之間如果能夠咁簡單咁單面就好喇.

單親?我咪又係單親家庭長大.then? so what?

單親唔係注定係苦,苦定甜,幸唔幸福真係在乎個人點去諗,

如果好似我老豆咁偏激,諗埋一邊,結果成世人最苦既就係佢.

其實單親都可以好幸福.可以過得好快樂.

我亦有唔少朋友都係單親家庭長大,但同佢地母親關係&生活得好好又幸福快樂.

其實,人好簡單咋.

複雜係在於自己強迫自己困死响自己個框框度.

您唔跳出去,唔願去改變自己既思想方式,您想快樂,根本冇可能.

如果在座仲係有媽媽太太執意認為我係偏幫男人同呢個爸爸,

咁我只好行貨虛應一句:"係啩!",其餘再講都無意思,

因為根本您未明白我所講既野既意思同開POST既意義响邊.

大家唔同頻道,都唔明白我講乜,又有咩意思呢.無謂勉強啦.

點評

LIME_BABY 好多字，唔明你幫佢撐乜，39547嘥咁多心機打字發表於 14-6-7 18:51

carng.ng 而家無人撐個媽啱喎，但人地一唔撐個阿爸就即刻開post幫個男人，仲影射其他留言嘅jm，你真係好離譜。自己完全無理智盲目幫個男人仲話其他人幻想、叫人冷靜d。發表於 14-6-7 18:46

donaldduckduck 就憑你一句單親又如何「then」。「so what」已經唔洗同你講落去啦
唔單只我覺你幫呢人男人講說話。你自己都睇到有其他jm都有比你既評語。發表於 14-6-7 18:36

私人傳訊

~仔仔媽咪~

水晶宮

積分: 51912

63^#

發表於 14-6-7 18:29 |只看該作者

..

父稱無小三曾抱過女兒
太陽報 – 11小時前..

.
.

寄給朋友

列印
... .

.
.

【太陽報專訊】【本報訊】「我無小三！個囡囡都係我囡囡！」殺女悲劇中，有指疑兇阿琴身懷幼女「莉莉」時被質疑另有經手人，以致夫妻情變，丈夫阿權離家近兩年，她需獨自照顧一對子女。阿權事發後由深圳返港善後，昨受訪時一一否認指控，表示相信女兒是他所出，他只是在深圳福田獨居，並無情人。他不願談及當年離家原因，稱沒將妻兒置諸不理，他曾抱過女兒「莉莉」，印象中還記得她的笑容。

拒談離家原因

做散工的三十六歲阿權，昨日接受本報電話訪問時稱：「我抱過佢（莉莉），由佢細細個到坐喺車上面走，同埋點樣笑，我諗起嗰刻成個過程都有！」他又稱，過去曾買過很多玩具給哥哥（傑仔），女兒也可以一起玩，強調相信莉莉是自己親生骨肉，「個囡囡都係我囡囡！」問及兩年前離家原因，他稱：「好多嘢我唔想講，牽涉到大家感情嘢，我唔想講太多嘢，再加埋囡囡已經冇咗，阿媽已經清醒番喺醫院入面。」他又稱最後一次見傑仔是上月而不是去年中秋節。

前晚阿權到醫院探望過傑仔，不過傑仔當時無胃口，只向父親說：「想多啲休息，好攰。」又叫父親有時間多買零食給他。昨傍晚六時許，他重返兇案單位收拾日用品，之後到醫院探望傑仔。

阿權稱擔憂傑仔，暫未清楚出院時間，望日後與兒生活，但不會返兇案單位居住。昨晚青山醫院護士通知他妻子已甦醒，要等安排才能見面。至於會否到殮房辨認女兒莉莉遺體，則有待警方安排時間。

私人傳訊

siukei17

公爵府

積分: 26811

好媽媽勳章

64^#

發表於 14-6-7 18:34 |只看該作者

回覆：澄清B女是親骨肉父願承擔撫養傑仔成人

我只係想講，我4鬼老豆都曾經失蹤4年，但我知道佢冇得選擇，亦相信佢係好愛我

一家唔知一家事，傑仔願意跟爸爸，相信佢同爸爸感情未去到好差⋯⋯

希望爸爸以後好好照顧傑仔、好好愛傑仔，令傑仔可以重新振作

點評

~仔仔媽咪~ 我始終覺得,如果個囝仲肯跟佢,最低限度,佢對個囝唔差.只願佢兩父子幸福. 發表於 14-6-7 18:39

私人傳訊

siukei17

公爵府

積分: 26811

好媽媽勳章

65^#

發表於 14-6-7 18:37 |只看該作者

回覆：澄清B女是親骨肉父願承擔撫養傑仔成人

亦希望傳媒朋友高抬貴手，放過佢地2父子⋯⋯
要知道你地枝筆可以寫死人⋯⋯

唔好再出d無根無據嘅報導⋯⋯

你地係記者，唔係作者

點評

carng.ng 只有一個事實：個男人無理過仔女，連社署都認同呢個原因發表於 14-6-7 18:48

~仔仔媽咪~ 係啦,日日份份報紙講既版本都唔同,依家睇報紙真係要睇多幾份同思考過濾. 發表於 14-6-7 18:40

私人傳訊

RSG媽媽

瑪瑙宮

積分: 128853

畀面勳章環保接龍勳章大廚勳章

66^#

發表於 14-6-7 18:39 |只看該作者

希望係真

私人傳訊

RSG媽媽

瑪瑙宮

積分: 128853

畀面勳章環保接龍勳章大廚勳章

67^#

發表於 14-6-7 18:41 |只看該作者

~仔仔媽咪~ 發表於 14-6-7 15:41
其實我真係覺得個老豆未必係想像中咁賤咁衰,

至少响依家風頭火勢,佢仍然留响香港take care個囝,

私人傳訊

pillarfung

禁止訪問

積分: 30876

68^#

發表於 14-6-7 18:45 |只看該作者

回覆：澄清B女是親骨肉父願承擔撫養傑仔成人

提示: 作者被禁止或刪除內容自動屏蔽

私人傳訊

~仔仔媽咪~

水晶宮

積分: 51912

69^#

發表於 14-6-7 18:45 |只看該作者

RSG媽媽發表於 14-6-7 18:39
希望係真

其實重點都係想個小朋友幸福,同埋如果真係俾佢跟老豆,

老豆份工..................真係要認真諗諗佢...再睇另一份報紙,

原來個老豆真係撈長散,應該係乜散工都做,唔係淨係拆貨櫃,

呢啲揾朝唔揾得晏既工,佢持續係咁,都好難圍到皮,

其實不如直頭介紹啲好工俾個爸爸做好過捐款啦!

至少大家又唔駛多心擔心個老豆嚟呃飲呃食,同埋至少佢地生活質素都健康正常啲.