sulamita, meow~meow,
直頭啦!! 最衰佢地唔興離婚, 唔係我第一個讚成!!
(唔好比我老公知呀.... ccc 
)
唉~ 我都唔明, 究竟99同佢夫家有幾大仇口呀. 到今日都仲係好憎佢地一家人.....
連我地想返去探下阿麻, 都唔敢, 驚佢發癲!
上次見到阿麻, 叫我攞d百花草返去煲, 阿麻叫我同99講聲, 咁我見到99時咪同佢講囉, 點知佢一句"得"埋黎:"唔拎呀!"
嘩~ 咁即係搵著我黎搞姐!! 拎, 我就被99覺得我唔聽佢講, 向住阿麻, 唔拎, 就會比阿麻覺得我應承左但做唔到!
果刻我真係唔知點好呀!!
後尾佢地2雌相遇, 阿麻又叫多一次(同我講的), 跟住99聽到就用好惡的語氣話:"唔拎啦, 冇時間煲呀, 係咁啦!"
唉... 跟住我見到阿麻落莫既身影, 我就係度諗, 究竟佢做錯左d乜, 要受個新抱氣受到咁樣??
阿麻都80幾啦, 仲有幾多日子呢? 點解唔可以比d孫新抱關心下老人家? 剩係要d新抱關心自己, 只foucs係自己身上, 連我同阿麻傾多2句都啤住晒!!
我老公當日講比我聽呢件遺憾果時, 我第一次見佢喊得咁淒涼...... 我真係好嬲99, 點解要將自己的喜惡, 利用自己的兒子去令到老人家難過? 唔通人地難過d, 佢就會開心左咩? 我只係覺得, 咁樣做, 真係會令佢折福!! 將來, 千祈唔好怨d仔點解會唔理你, 因為你都冇做好一個榜樣比d仔睇, 佢地會諗, 既然你都一年都唔見下d老人家一次, 老人家好心比d野你, 你都唔要, 咁點解我地要咁盡心孝順你? 定係學你咁, 一年見一次, 然後把口話自己已經好孝順?
♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！
發表於 
，你老公好慘，背住一 個好唔應該背既心理負担一世:-( :-(
返回列表
