懷孕前後 今日: 9 | 主題: 330489

積分: 826

63^#

發表於 08-3-14 17:57 |只看該作者

我都係即將要做第2次小產手術, 看到各位sis 的post. 大家的情況不同, 但都有著相同的經歷, 確係一個互相支持既好地方.

我06年12月懷孕10wk胎不長, 做了第一次刮宮手術. 今年1月底再度懷孕, 我已經好小心, 初期雖然曾經有傷風咳, 我就第一時間睇醫生, 唔好等個病嚴重落去. 但由6wk幾去做檢查, 直到10wk都照唔倒個胎同心跳. 雖然我一直都仲抱住好大信心, 唔認為我會有一年前同一遭遇, 結果bb都係俾兩個醫生判咗死刑...

我起初真係好唔甘心, 點解自己兩次都咁不幸, 依家惟有要慢慢釋放自己, 接受呢個現實. 下個星期三就要做刮宮手術. 想起上一次的情況, 知道自己又要再經歷多一次, 真係有一份講唔出既害怕和憂慮...

唔知你哋有冇人兩次都係做刮宮, 我啱啱睇到一d網站資料, 話刮宮會影響第時懷孕既成功機會, 睇完之後就更加擔心:(

私人傳訊

積分: 34

64^#

發表於 08-3-14 18:56 |只看該作者

回覆 #63 jinglepop 的文章

我都係好吾開心, 我有左8 weeks, 琴日DR話小B生長慢, 所以叫我地吾好抱有希望, likely要做手術, 我07年年頭亦做過刮宫手術, 因為照吾到胎, 我而家好難過, 點解又要係我? 人地就好好, 一齊都好順利....

私人傳訊

積分: 826

65^#

發表於 08-3-15 13:12 |只看該作者

原文章由 KittyS 於 08-3-14 18:56 發表
我都係好吾開心, 我有左8 weeks, 琴日DR話小B生長慢, 所以叫我地吾好抱有希望, likely要做手術, 我07年年頭亦做過刮宫手術, 因為照吾到胎, 我而家好難過, 點解又要係我? 人地就好好, 一齊都好順利.... ...

KittyS,

我絕對明白你既感受, 我地小產既時間都幾相近... 起初我都以為休養咗成年, 今次應該冇問題啦. 之前醫生叫我食定葉酸, 話會冇咁易小產, 我已經keep住食咗成年, 除咗有時1-2日唔記得食,基本上冇咩停過, 我真係唔明自己做咗咁多嘢, 結果都係咁...

我呢幾日行街見倒d大肚媽媽, 或且一d媽媽拖住d 2-3歲既小朋友, 都會有一份好難過既感覺, 有時眼淚仲會不自覺流出嚟. 我唸呢種感覺, 只有做女人既最清楚. 雖然老公都會安慰我, 我亦知佢唔開心, 但係我哋喺由有bb到小產後, 所經歷既生理同心理變化, 只有我哋自己最清楚, 冇人可以分擔到. 所以我依家唸起做完手術之後個1-2wk既情況, 都好不安, 因為就係自己經歷過, 所以更加唔想再行多一次呢條路.

生命其實真係一d都唔簡單, 你越想捉住佢, 佢越容易離開你. 呢幾日我都唸咗好多呢d問題, 我知道依家係需要d時間去調整自己既心情. 我老公同我講, 唔開心既事已經發生咗, 我哋真係唔能夠做d咩, 去改變呢個事實, 但唯一可以做既, 就係開心d咁去面對... 要做到呢種心情, 真係唔容易, 但係我哋始終都要繼續生活, 所以都唔好俾自己傷心得太耐.

我已經plan咗3-4個月後再試, 因我已踏入高齡, 再唔試機會就更低. 你都唔好咁灰心, 我哋可以交流下點樣調理, 希望大家下一次一齊成功

私人傳訊

積分: 34

66^#

發表於 08-3-15 15:42 |只看該作者

我都33啦, 而家每次出街見到大肚媽媽就會好羡慕, 因為佢地既BB可以順利成長, 起初知道有BB好開心, 我已經好乖無周圍去, 多食有營養食物, 停止做運動, 5 weeks時有作小產, 都好吾開心, 其後照到小B有心跳, 就好開心, 以為可以順利, 但最後又係不如意....
希望大家調理好身體後再次努力! 加油...

私人傳訊

fionhowe

民房

積分: 4

67^#

發表於 08-3-15 15:48 |只看該作者

我昨天照ultrasound, bb冇左heart beat, week 10, 好突然, 因為week 6 照時沒有問題, 哭了一晚, 我已高齡, 亦等了年幾先有bb, 之前做了很多事, 個個月check排卵啦, 量體温啦, 跟住等派彩啦, 終於見到一直期待, 傳說中的兩條線, 好幸福, 但好快又...........小b需然還在我肚裏, 但下星期一要說再見了.

私人傳訊

積分: 826

68^#

發表於 08-3-15 18:22 |只看該作者

回覆 #67 fionhowe 的文章

fionhowe,

你要振作d呀, 雖然呢個係艱難既時候, 但係都唔好傷心太耐. 我哋要好好休養, 等時間修補好我哋生理同心理既傷口:)

私人傳訊

gracedolly

積分: 3487

69^#

發表於 08-3-15 20:54 |只看該作者

原文章由 最緊要健康 於 08-1-16 21:25 發表
大家好！我０７年６月自然流產，０８年１月初又因為ｂｂ有９個星期仍未有心跳，但我已經一邊吃中藥一邊等懷孕了，又沒有返工在家休息，最後都是不行要用藥落掉了，超級傷心！！！

因為醫生話個胎自己生得不好才會流產，很多時都跟孕婦無關的，三次小產才是習 ...

我在零七年兩度小產，兩次都是約八週。一次自然流產, 第二次做了刮宮手術。我和妳一樣都是教書的。聽說很多教書的都小產, 我同校有一位也是小產了兩次, 第三次要全躺床才生下來，所以校長也很明白。

看到妳說精神仍很低落, 放鬆一點, 往好的方向看, 有很多人都在兩次小產後成功生育的。

我在第二次後都不斷自怨自艾，鑽牛角尖，心情低落，最擔心的是會有第三次。和你一樣, 初回校擔心別人的看法，但其實同事是不敢多問的, 只有同情及慰問, 自己也別太介意就好了, 小產絕對不是妳的錯。而學生根本不知道我有過孕及小產, 只是問我是生了甚麼病, 要告病假, "西遊"他們一下就好了。

過了兩個月，我索性不去想生育問題, 回復正常生活, 漸漸精神和情緒回復過來，現在雖仍會擔心下次, 但沒有當初那種抑鬱了。

約十個月前, 第二次小產後, 我吃了約兩個月的中藥, 中醫認為我身體沒問題, 也做了個頗詳細的檢查, 西醫也說我正常, 最近會再吃多三個月中藥及葉酸, 計劃今年六月再試。

看開一點, 萬事自有天意!

私人傳訊

最緊要健康

禁止訪問

積分: 1833

70^#

發表於 08-3-16 00:23 |只看該作者

提示: 作者被禁止或刪除內容自動屏蔽

私人傳訊

積分: 34

71^#

發表於 08-3-16 17:57 |只看該作者

其實小B吾可以順利生長, 壓力係咪其中一個原因? 因為我工作時間長, 有時連lunch time都無, 而且感到好大pressure, 之前小產, DR話係小B吾健康, 所以吾可以繼續生長, 今次DR亦都話無原因, 我將會做第2次刮宮手術, 我好想知是什麼原因, 好待下次有小B時可以避免, 真係吾想再有下次, 我問過婦科醫生同家庭醫生都話我現階段無野可以做, 因為第3次先至係慣性小產, 先可以去check, 我真係想知有無野可以check下係咪我同husband有問題, 如果知道我可以死心, 我真係好想有小朋友, 但又怕.....

私人傳訊

gracedolly

積分: 3487

72^#

發表於 08-3-16 21:28 |只看該作者

原文章由 最緊要健康 於 08-3-16 00:23 發表
Gracedolly,
我們原來都是同路中人啊,不過你比我強,因為我相信你心情比我快恢復,我有時心情會很低落,低落到想自己突然死掉,當然我不會自殺但是覺得生命太脆弱,不知生命意義.看見大肚婆或bb都很難過.

我希望慢慢心情 ...

我也有兩次想過去死，我想是因為荷爾蒙改變，即如產後抑鬱症一樣，但兩三個月後便漸漸變回正常。振作啊, 要向前看~~

我們這份工確是不容易哩, 我也懷疑是生活太緊張及過勞，我之前教了十年書，有八年是日間教書，晚間進修的，回家還要做家務, 或許真是太操勞了。所以小產後我已停了進修, 甚至連學校的行政工作也停止了, 現在比小產前輕鬆多了。

你也考慮盡量減少工作量吧! 下次會順利的了, 有很多人都是第三次成功的! (我唯有這樣想吧 <-- 苦笑 )

若你不是十分想教書, 個人認為你可以生育完才慢慢找另一份適合妳的工作更好, 因教書真的太大壓力了。
我很喜歡教書, 暫不打算辭工, 但下次再有孕會立刻停工告假養胎直至生下來。^^

我現在看到大肚婆仍會難過, 常想為何自己要多多波折~

[ 本文章最後由 gracedolly 於 08-3-16 21:31 編輯 ]

私人傳訊

gracedolly

積分: 3487

73^#

發表於 08-3-16 21:33 |只看該作者

原文章由 KittyS 於 08-3-16 17:57 發表
其實小B吾可以順利生長, 壓力係咪其中一個原因? 因為我工作時間長, 有時連lunch time都無, 而且感到好大pressure, 之前小產, DR話係小B吾健康, 所以吾可以繼續生長, 今次DR亦都話無原因, 我將會做第2次刮宮手術, 我 ...

我和妳心情一樣, 真的想知發生了甚麼事, 但醫生都說要試多一次, 驗身又很健康...連中醫都說沒問題, 只叫我進補或清熱 (T_T)

有去看過中醫嗎? 或許中醫能找出問題?

私人傳訊

積分: 34

74^#

發表於 08-3-17 14:38 |只看該作者

回覆 #73 gracedolly 的文章

我上年小產後, 有睇中醫, 建議我調理半年後先計劃有BB, 多些休息及做運動, 但今次又不成功....所以很灰心....心情時好時壞...星期三覆診然後再作打算, 可能復活節後做手術

私人傳訊

shanlam

積分: 3394

75^#

發表於 08-3-17 15:06 |只看該作者

原文章由 最緊要健康 於 08-1-16 21:25 發表
大家好！我０７年６月自然流產，０８年１月初又因為ｂｂ有９個星期仍未有心跳，但我已經一邊吃中藥一邊等懷孕了，又沒有返工在家休息，最後都是不行要用藥落掉了，超級傷心！！！

因為醫生話個胎自己生得不好才會流產，很多時都跟孕婦無關的，三次小產才是習 ...

我同你一樣小產過2次，第一次小產後一直有睇中醫(大約2個月bb都冇心跳，胎兒只有5週size)，但係第2次都係小產咗(唔夠7週見紅，bb保唔住)，之後去睇不育，發現我有多囊卵巢証，因為有呢個病，排出d卵唔靚，因此會容易小產，我由未有bb開始一直食西醫開比我食嘅藥(1月頭食，1月尾發現有咗)我而家有咗bb差不多11週lu...我覺得你都可以去醫生度check吓!

私人傳訊

最緊要健康

禁止訪問

積分: 1833

76^#

發表於 08-3-17 18:38 |只看該作者

回覆 #1 shanlam 的文章

提示: 作者被禁止或刪除內容自動屏蔽

私人傳訊