大仔大女媽媽會今日: 0|主題: 177861

收藏本版

發帖

返回列表

跳至頁

樓主: Freesia_cat

[2008年] 有無在職媽媽開始懷疑自己捱唔捱到前2後8呀？ [複製鏈接]

1 2 34

Freesia_cat

珍珠宮

積分: 30556

畀面勳章 hashtag影視迷勳章

61^#

發表於 08-2-17 00:14 |只看該作者

今日個人真正崩潰了！

因為我怕星期一瑪麗檢查我個心後會要我即時入院生，但bb好多東西未準備好，所以今朝趁有點陽光就洗BB衫。而老公因為要幫奶奶做d嘢，所以得我一個人在家做嘢。點知期間左腳多次突然無力，差點跌倒，好彩剛巧有東西俾我扶(因為呢排成日暈，我慣左盡量靠邊行扶住)，但老公趕唔切返來屋企同我去私家做產檢，我要自己一個人去乘shuttle同佢會合，點知我個肚又成日痛...... 突然好驚，驚自己出去時隻腳又會突然無力，未必咁好彩有嘢扶住我，而且我肚仲要痛，好驚！結果同我老公會合後，我就一直係咁哭，坐車又哭，邊行邊哭，搞到我老公都唔知點好...... 但我真係好怕，突然好怕自己要獨自面對好多嘢...... 去到醫生診所因為哭到累先收。

我同醫生講左我現在的好多不適，醫生話係因為我個bb個頭落得比較低，所以我陀住佢好辛苦，個肚會成日俾佢扯住所以痛。而bb個背部坐落在我左邊，某些位置時會壓住我條動脈及神經，但基本上無大礙，只係郁動時慢d，痛就轉換位置就ok。佢話如果情況持續，我下星期再返去檢查時佢就寫病假俾我，等我休息多些又唔太擔心...... 聽完我先覺得好d，而且如果咁講，可能我再返多3日就可以放假啦！心理上真係好過好多...... 因為我真係覺得好辛苦呀！