香港18區媽媽會 今日: 0 | 主題: 156994

積分: 2848

61^#

發表於 14-10-23 00:39 |只看該作者

gogymiu 發表於 14-10-22 08:30
其實大家都放鬆d...初初第一次考n班，感覺好似，如果考唔到就大件事，又怕k1無學校收。其實都覺得自己好傻 ...

可唔可以講下開放式有咩好處呀? 我去見完都覺得有D 突然, 因為當初冇諗過係咁, 開放式唔會好嘈, 令小朋友唔專心咩? 請指教, THANKS~

私人傳訊

onemanband

積分: 1066

62^#

發表於 14-10-23 00:57 |只看該作者

回覆：安基司英藝邊間好

英藝課程人人話深，無讀過所以唔清楚，但之前同亞囡返過兩個月playgroup, 真心覺得好唔乾淨，playground 好殘舊，就算係課室玩嘅玩具都係好殘舊，好似玩左十年無換過，另外佢地無分男女toilet, 大人小朋友男仔女仔都係同一toilet, 小朋友開放式無一格格又無板分開嘅，真係接受唔到個女去toilet 時有男老師入黎！！學校唔係應該教識小朋友保護自己嘅咩！！
都唔明點解收咁多學生，每人每月最少俾4千幾學費，學校都唔做好d 保養維修，玩具按排得好d!

如果去過英藝同安基司嘅家長，應該會覺得好大對比，所以舊年英藝俾左offer 我都唔讀，一心希望有安基司offer, 好好彩最後都有，而家安基司課程都真係唔淺，n班每星期學3 首歌(英文，普通話，聖經) ，1個phonics, 好多英文vocab 同中文字。

私人傳訊

積分: 3495

63^#

發表於 14-10-23 09:44 |只看該作者

引用：Quote:gogymiu+發表於+14-10-22+08:30+其實

原帖由 joyce218 於 14-10-23 發表
可唔可以講下開放式有咩好處呀? 我去見完都覺得有D 突然, 因為當初冇諗過係咁, 開放式唔會好嘈, 令小朋友唔 ...

我都係諗緊呢個問題一定會好嘈架喎一班係playground玩緊一班係後面個music corner個度一定會好嘈喎

私人傳訊

積分: 3495

64^#

發表於 14-10-23 10:13 |只看該作者

引用：英藝課程人人話深，無讀過所以唔清楚，但之

原帖由 onemanband 於 14-10-23 發表
英藝課程人人話深，無讀過所以唔清楚，但之前同亞囡返過兩個月playgroup, 真心覺得好唔乾淨，playground ...

咁知唔知安基司同明雅或者其他幼稚園既小朋友洗手間係點？我見英藝係有分男女廁架喎，可能有兩邊，其他幼稚園係一格格有門有鎖唔開放式，定係都係咁樣架咋？

其實都係問下架咋, 小朋友係幼稚園去廁所點都要有人睇住架啦

另外咁安基司係年年換新玩具新教材? 唔會掛，安基司環境係冇得輸架，都係真係吸引既

私人傳訊

gogymiu

積分: 3164

65^#

發表於 14-10-23 13:05 |只看該作者

回覆：aby336 的帖子

安基司個校長老公係玩具大王，d玩具設備點會唔靚

私人傳訊

gogymiu

積分: 3164

66^#

發表於 14-10-23 13:07 |只看該作者

回覆：aby336 的帖子

安基司個廁所係大人同小朋友分開，男生女生又分開架。好乾淨架。

私人傳訊

onemanband

積分: 1066

67^#

發表於 14-10-23 13:10 |只看該作者

回覆：安基司英藝邊間好

英藝無分男女個toilet 就係近波波池個個，一入去open 嘅就係小朋友去，再行入少少有3格有門有鎖就係大人嘅，之前上完playgroup 帶囡去toilet 見有男老師入黎先知原來係無分男女厠，感覺好奇怪！
安基司係有分boy\'s toilet 同 girl\'s toilet 都係俾小朋友only.

私人傳訊

onemanband

積分: 1066

68^#

發表於 14-10-23 13:14 |只看該作者

回覆：安基司英藝邊間好

其實想知邊間好，可以去上下playgroup, 兩間都有playgroup, 起碼自己親身感受會了解更多！

私人傳訊

gogymiu

積分: 3164

69^#

發表於 14-10-23 14:04 |只看該作者

本帖最後由 gogymiu 於 14-10-23 14:05 編輯

回覆 joyce218 的帖子

講好處好似有D主觀, 不如我講下實際情況你地知啦~

1. 其實N班係全部向頂樓上堂, 而學校大部分嬸嬸都係留守向頂層。初初開學頭幾個月, 小朋友未適應, 好多時會一齊喊, 一齊嘔, 一齊賴尿, 一齊要換衫之類。咁一班STANDARD有一個固定嬸嬸同兩個班主任都一定唔夠。所以有咩事, 老師都可以即是大聲叫人來幫手。你地諗下, 如果同時間, 有兩隻小樹熊抱住, 一個老師又照顧緊其他小朋友, 一個嬸嬸又抹緊嘔吐物, 仲有無人得閒打開個班房門, 行出去, 再搵人求救呢?? 開放式既好處係, 嬸嬸們可以一眼關七。

2. 病菌向一個房間內困住, 同一個OPEN AREA去比較, 大家應該明白邊個比較好D。

3. 我地家長其實唔可以上去睇佢地上堂架。不過適應週時睇左一個星期。我又唔覺得嘈喎, 又唔覺得隔離班既聲音會影響到我地。同埋應該咁講, 我反而幾ENJOY佢地多聲音既熱鬧氣氛。小朋友向小朋友聲音既氛圍下, 我覺得會更加投入囉。如果擔心初入學時, 小朋友聽到小朋友喊, 會影響情緒, 呢樣野我諗有班房同無班房係完全一樣。因為同班一定會有幾個一齊喊。唔可能全班都唔喊...哈哈哈

私人傳訊

積分: 37295

70^#

發表於 14-10-23 14:43 |只看該作者

引用：回覆 joyce218 的帖子講好處好似有D主觀,

原帖由 gogymiu 於 14-10-23 發表
本帖最後由 gogymiu 於 14-10-23 14:05 編輯

回覆 joyce218 的帖子

第1，2點就正正我鍾意的安排，我有朋友做幼師，恐怖混亂的事聽太多了，開放式係好的。

私人傳訊

joyce218

積分: 2848

71^#

發表於 14-10-24 00:48 |只看該作者

gogymiu 發表於 14-10-23 14:04
回覆 joyce218 的帖子

講好處好似有D主觀, 不如我講下實際情況你地知啦~

明白曬, THANKS~

私人傳訊

積分: 37295

72^#

發表於 14-10-24 11:17 |只看該作者

回覆：安基司英藝邊間好

我覺得英藝係有好多家長鍾意，因為課程真係夠深，我幾個朋友仔女讀英藝，佢地都話冇問題，話老師好好學校好好，我諗係有好老師，佢地仲話要考到好小學就要讀英藝，上到小學你就知。
而安基司我得1個朋友讀緊，佢好担白講讀安基司真係唔夠爭，課程太淺，但其他各方面真係好好，令你好放心交底子女比學校，佢好擔心個小朋友入唔到心儀小學，對手太強。
我諗家長要搵啱同自己理念相符的學校。

私人傳訊

積分: 3495

73^#

發表於 14-10-24 13:29 |只看該作者

引用：我覺得英藝係有好多家長鍾意，因為課程真係

原帖由 小紅梅 於 14-10-24 發表
我覺得英藝係有好多家長鍾意，因為課程真係夠深，我幾個朋友仔女讀英藝，佢地都話冇問題，話老師好好學校好 ...

哈哈比到冇野比做乜要比個廁所

你講得好中point
要環境好，揀安基司啦，門面都贏晒（英藝有男女分開既洗手間既，有一個就冇，不過唔會男女仔一齊去既）
要學術深啲，上小學底子好啲，咪揀英藝囉

世事既野，冇兩全其美喎，各有各可取，下星期就知道！

至於有人話幼稚園向錢看，其實間間都係，冇一間會唔駛你交學費先，就比你讀住先

私人傳訊

積分: 3495

74^#

發表於 14-10-24 13:44 |只看該作者

回覆：安基司英藝邊間好

有冇媽媽知道安基司既國際班，係英粵定係英普？

我淨係知道英藝係英普

私人傳訊

積分: 37295

75^#

發表於 14-10-24 15:04 |只看該作者

引用：Quote:原帖由小紅梅於 14-10-24 發表我覺

原帖由 aby336 於 14-10-24 發表
哈哈比到冇野比做乜要比個廁所
你講得好中point
要環境好，揀安基司啦，門面都贏晒（英藝有男女分 ...

不過英藝可以有咁多劣評一定有原因，家長揀呢間自己要睇緊啲。其他jm的意見好好，要多謝比意見的朋友。

私人傳訊

edpo

積分: 3717

76^#

發表於 14-10-24 23:00 |只看該作者

回覆：小紅梅的帖子

我仔讀英藝，無錯，我會樣樣都睇得好緊，亦會同學校老師同副校緊密聯絡，有事的話老師會幫我睇番閉路電視搵番個事實出嚟，佢地學術真係無得頂，深唔深好睇本身家長點培育小朋友，老實講，我仔覺得一啲都唔深，因為我跟得好足，甚至比學校學得更多更深，因為我見咁多個想出去考直私的人，全部都會自動波比英藝讀得更深，如果要無咁大功課壓力的學校，其實應該選安基斯，但如果頂得順，或是父母對子女在學術上有要求，大多會選英藝，其實每間學校都會有啲黑暗位，只係你睇唔睇到，學校行政與我們家長無咩直接關係，主要我睇的都係每日小朋友鍾意番學，放學時開心，亦可長時間浸在英普環境中成長

私人傳訊

edpo

積分: 3717

77^#

發表於 14-10-24 23:10 |只看該作者

回覆：小紅梅的帖子

不過我想講多句，英藝的教學模式幾似傳統小學，小朋友行為亦唔會執得太緊…佢地上左k班，男女厠係分開的，佢地亦唔會/唔想去番n班的厠所，至於老師質素，好睇你撞著邊個，佢地課程在大埔區內算深，當日我去參觀時佢地副校任我睇同問，唔似得安咁唔比我參觀學校，又無show課程課本出嚟，所以當日我連有得in都無去安度in，其實大家對唔同學校都有唔同感覺，只要你覺得好，咁就去讀啦，唔使諗得太遠

私人傳訊

積分: 37295

78^#

發表於 14-10-25 01:27 |只看該作者

引用：我仔讀英藝，無錯，我會樣樣都睇得好緊，亦

原帖由 edpo 於 14-10-24 發表
我仔讀英藝，無錯，我會樣樣都睇得好緊，亦會同學校老師同副校緊密聯絡，有事的話老師會幫我睇番閉路電視搵 ...

多謝你分享，又了解多一點

私人傳訊

facialma

積分: 4202

79^#

發表於 14-10-25 02:46 |只看該作者

本帖最後由 facialma 於 14-10-25 02:49 編輯

安基司口聛好d，英藝學術較好，所以一直都心大心细邊間好，為求了解那間真正適合我小朋友，我返左呢二間既playgroup，亦有報考二間學校，當日面試等候時間差不多，感覺如下……
安基司:playgroup新校舍好靚好靚，老師亦有愛心，主要一外籍老師教，但課程教學認知很少，不太教規矩，玩多，放學門口一排運動衫老師迎送……而面試我係正校，入校門運動服老師歡迎，雖然面試信有寫房號，但係就要等嬸嬸叫入(無叫咪），即被迫係走廊排隊等,行遠d都唔得，但環境都幾靚……入到去二本地及一外籍老師，4個小朋友同一張枱一齊in但全無交流，各有各玩，外籍老師及本地老師問我小朋友問題，本地老師問我問題，過程中不太感覺到老師有愛心及主動，問完便算，態度不過不失咁，之後上n班課室參觀，完來係全開放式，用partition間開，我怕會嘈同令小朋友分心，心諗上playgroup新校全部係梗課室好好多，係走既時候有幾個著運動服既職員門口迎送。
英藝:playgroup同面試都係大埔校，校舍ok好大好多老師同玩具，玩既地方都大過安基司，但無安基司咁靚！playgroup流程大致一樣，但確實學術好過安基司……會教實物或實圖認知，有時會有小肌肉及手眼協調訓練，一堂有一外籍及一普通話老師教，老師好有愛心，會好主動行來同小朋友互動，一齊做一齊讀，又會抱抱他們，放學會同家長傾計。致於面試當曰，感覺學校幾重視面試日，可能外籍老師著裇衫西褲歡迎吧……一個家長排隊取面試號碼，另一家長陪小朋友上校園玩，音樂室開放比等面試既小朋友同老師一齊唱歌仔呢，安排好好！因為叫咪叫號碼in,等候期間可以邊等邊去參觀學校，d課室開放可睇圖書玩玩具，到入去面試時只得一個家長陪，面試前約十分鐘會叫小朋友係等候室玩玩具warm up一陣熟習環境，之後到另一房，老師同小朋友玩下問下家長問題，單對單in見真章，走時都係果幾個外籍老師迎送。
仲未決定讀邊間好，如果有讀緊安基司及英藝既媽媽分享n1教學內容比較就好了！

私人傳訊