吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 大家結左婚仲有冇比家用呀媽

婆媳關係今日: 0|主題: 27777

收藏本版

發帖

返回列表

跳至頁

樓主: 希晴

大家結左婚仲有冇比家用呀媽 [複製鏈接]

2 345 6

A.C.C.

大宅

積分: 3786

61^#

發表於 08-4-9 11:07 |只看該作者

樓主，結咗婚，就一定係大個女啦，大個女就開始有責任去照顧屋企人。

你媽咪養大你，供書教學，令你可以無憂無慮咁生活咗28年，依家仲搵到個好男朋友，兩人嘅收入又唔錯，咁，你多少都應該感謝下你媽咪~~~

可能你覺得結咗婚就有自己屋企，又要買屋供車準備養小朋友，開支好大，就想慳D唔俾家用。不過，慳係唔應該慳落俾媽咪嘅家用度，唔夠錢住三房咪搵兩房，唔夠錢買歐洲車咪開日本車，開支要點分配係睇你以乜優先。

你可以同媽咪傾吓暫時俾少D，但唔可以連基本心意都無，咁唔係為人子女應有嘅做法。

私人傳訊

阿jo

禁止發言

積分: 959

62^#

發表於 08-4-9 11:10 |只看該作者

提示: 作者被禁止或刪除內容自動屏蔽

私人傳訊

碟碟

男爵府

積分: 5839

63^#

發表於 08-4-9 11:34 |只看該作者

其實樓主你有冇覺得你自己同樣係好介意錢銀既野?你話你媽媽同你計,成日月頭追你家用,咁你又係咪次次要佢追先俾佢,佢唔問你就側側膊想唔俾? 我大大話話俾左家用我媽媽成11年勒, 後尾呢幾年我仲結埋婚生埋bb, 但我可以大胆講句我從來唔使我媽媽追, 通常仲會有早冇遲添, 我唔係揾好多係度講風涼話, 但係o個幾千蚊我唔使等毎個月出糧先有,橫掂要俾,仲要係應份俾既, 點解唔早的俾佢硬係要人開口問你咁老土?

你話"我唔明點解生仔係為左佢地報恩?供書教學,生得出黎就要負責啦.唔係冇條件家咩?" 我覺得你真係攪錯晒,刻薄的講句, 你讀幾多書都係讀屎片.....邊個話你阿媽生得你出就一定要供書教學?邊個話呢個係佢既責任?佢要俾飽飯你食都可以講係責任,但係供書教學唔係,呢的係額外既野,係恩賜, 你睇到左今時今日仲有幾多潮洲人話女仔唔使讀咁多書就知啦, 你媽媽冇大細超供細佬唔供你, 你就當老馮多謝都冇句, 仲要話"唔係冇條件既咩", 如果我係你阿媽我都心淡啦, 你細個佢對好係因佢愛錫你, 所以先會花錢係你身上, 俾書你讀,買野俾你....佢其實可以一早叫你出黎做野揾錢俾佢,又或者慳番俾你讀多幾年書的錢留俾自己....

你話佢呢頭話問你攞家用, o個頭幾萬幾萬咁買野俾細佬, 咁即係話佢唔係貪錢, 而頭家真係有好大既開銷啦...我諗你讀書o個陣佢都係咁買野俾你既o者, 依家你大個出黎做野, 幫佢分担一下都唔係好過份o者, 一個月幾千蚊, 你都諸多聲氣, 我係你阿媽我都心實啦,仲要加埋你細佬都話大日唔會俾家用佢, 有你呢對活寶姊弟...如果我係你阿媽都唔知點算....

我都唔係諗住養兒防老o個種人, 我生小朋友唔係諗住佢大日要養番我,我都會好好安排自己老左既生活,希望大日唔使靠兒女, 如果可以既話我希望可以幫番的後生既仲好,因為可以付出其實係一種福氣, 即係話我有能力, 唔使依頼人....樓主, 你自己反省下啦, 唔好再話咩依家好多人(仔或女都好)都冇俾家用啦...好既你唔學, 衰既你就跟, 咁好多人幾廿歳仲攤大手板問屋企攞錢兼打老母添,不如你又學啦....

原文章由希晴於 08-4-8 23:25 發表
原來咁多人真係咁孝順,不過生仔女係為左佢地第時養?....我就真係好唔認同.可能因為我唔係人呀媽而我亦都冇諗過第時要仔女養,我唔明點解生仔係為左佢地報恩?供書教學,生得出黎就要負責啦.唔係冇條件家咩?
可能你地真 ...

私人傳訊

麟媽媽

王國長老

積分: 89576

好媽媽勳章王國長老

64^#

發表於 08-4-9 11:41 |只看該作者

細佬同家姐一擔擔，
呢d 唔知係咪叫「唔好大，教壞細」？！

私人傳訊

502

男爵府

積分: 5544

65^#

發表於 08-4-9 11:47 |只看該作者

回覆

本来都费事答，但真是忍不住！

呀妈追家用可能真是令楼主不耐烦，但请你设身处地帮你呀妈想一想，自己身边的只是男友又不是老公，细路又大啦, 除了钱又有什么可以依靠，一个唔该有八九十岁命，钱又用晒，鬼养呀！

男友亚妈不问要家用是他们家的事，你尚未入门，与你何干呢？

我自己就结婚后一直有给家用（当时揾到嘛!)做了Full-time妈妈后，我老公好好，个个月我未出手就从自己零用钱中给家用给外父外母，关心我的外家（当然我也很识做，老爷奶奶有事一Call即到，与俩老关系一流!)

我地绝对不算什么孝顺，但我相信今日我如何对待父母和老爷奶奶，自己的孩子有眼看，他日不管他们如何待我地，我地都问心无愧！

记住，人在做，天在看！父母子女都是有今生没来世呀！

:-D :-D :-D :-D

私人傳訊

Steplau

男爵府

積分: 8090

66^#

發表於 08-4-9 11:49 |只看該作者

我自己就會覺得就算結左婚, 都會繼續俾家用,
我都同 bf 買左樓, bf又係供梗佢自己層樓and車, 雖然開支大左, 但係無諗過減家用lor!
我買樓前都已經計好哂d開支, 好彩佢地無咩要求, 咁我呢幾年有儲$$又投資下, 都鬆動d!

我同你收入& 俾o既家用 amount 差唔多,比起我d frd, 都唔算多la! 諗深一層, 佢地供書教學養左自己咁多年, 出黎做o野賺左$$, 俾 $5000, 包住水電, 洗衫, 煮飯, 家務,同其他家庭開支, 你自己搬出去住都唔止呢個價啦! 好彩我老豆媽媽無咩所謂,都唔會話我俾得少, 遲d搬左出去, 咪當俾佢地買下o野食,'乙水'下佢地開心, 當還下細個洗佢地果d'債'咁囉! 都唔會理佢地有幾多saving, 我覺得呢d係佢地應得, 同做女o既心意lor

原文章由希晴於 08-4-7 14:32 發表
咩結左婚唔係就唔使比家用家咩?我一路都以為係.
結左婚自己有頭家仲邊有咁多錢比人?
當然如果我呀媽退左休,冇錢.咁我當然要養佢.
要養男朋友呀媽係因為佢呀媽退左休,冇錢,冇mpf,因為係打散工.
5千唔係比唔起.而係比 ...

私人傳訊

luk0816

民房

積分: 28

67^#

發表於 08-4-9 11:50 |只看該作者

回覆 #35 jessicaluiyan 的文章

比咗家用餘下既錢, 我會自己save起, 日常生活開支用老公既..

私人傳訊

maggiechow

大宅

積分: 2616

68^#

發表於 08-4-9 13:55 |只看該作者

me too，我出糧果日就立即比亞媽，平時無咩特別開支，都再每人多比$500亞爸、媽飲茶。

原文章由碟碟於 08-4-9 11:34 發表
其實樓主你有冇覺得你自己同樣係好介意錢銀既野?你話你媽媽同你計,成日月頭追你家用,咁你又係咪次次要佢追先俾佢,佢唔問你就側側膊想唔俾? 我大大話話俾左家用我媽媽成11年勒, 後尾呢幾年我仲結埋婚生埋bb, 但我可以 ...

仔仔06-12-2003出世

私人傳訊

kirstyau

公爵府

積分: 27965

畀面勳章

69^#

發表於 08-4-9 14:50 |只看該作者

Sorry,其實你地收入都唔算少,要比一定比得到,多多少少都要比d,你媽養你到咁大,有能力一定要比,同埋我覺得外家永遠都係自己後盾,老公都有可能變心la,所以留返條後路比自己好!

私人傳訊

Hazel媽媽

複式洋房

積分: 238

70^#

發表於 08-4-9 17:12 |只看該作者

原文章由希晴於 08-4-6 20:07 發表
頭先同呀媽講開過2年結婚.
佢就話仲咩咁快結婚,我話到時28歲喇,佢話而家d人好遲先結.
即係唔想我咁快結.

咁講開我話結左婚可能冇家用比,佢即刻黑面.
首先我同男朋友,一共有4萬人工,要比8千左右供樓.
過2年男朋友呀 ...

唉，有時做人係咁難架啦，肯定比亞媽哩句破壞埋結婚O既心情。

我結婚之後照有比家用，不特止，我一直仲有幫亞爸亞媽供保險，我亞媽有4個仔女，份保險明知係我一個人供，但係佢要寫晒D仔女名，我都是但，因為保額又唔係多，我幫佢哋買果時﹐都只係怕佢哋兩個老咗，我到時又唔知自己點，萬一有咩事，起碼份保險咁囉(不過我亞媽本身都係公務員，但係佢一直身體都唔好，份保險，其實都好，佢成日都成親，跌打哩D都有得賠比佢。)
我結婚果時，亞媽仲勁過你亞媽，佢當然都有講我咁早嫁哩D啦，仲要開口10萬禮金，又咁又咁，又話我家姐都比10萬喎，大佬呀，我每個月要比家用仲要供保險，又要攞10萬禮金，唉﹗仲有D仲過份，話我老公果邊未約佢哋出嚟傾結婚，我就比咗自己時辰八字親家，攪到勁大獲，其實我都唔知有咩好嬲，人哋有約佢，佢自己又咁又咁，人哋費事拖諗住睇咗日子先咋麻，之後又話生又話死咁，又話唔理我，又話我未嫁人都幫住男家，唉，勁心痛囉﹗
又話D禮金要咗都係為咗我第時好喎，唉﹗
到過時過節，亞媽又勁講，駛咗好多錢，又同我講一頭家開支勁大，唉﹗我亞媽覺得我同我老公收入唔少，所以好似成日向我埋手咁，過年我都唔駛佢出口，自動自覺，出雙份，結咗婚都照舊，係生咗B先比少咗，其實講真，我結咗婚我自己都有頭家囉，佢好似唔會咁幫我諗，(若然比我奶奶知道都唔知點諗架麻)。新年我都要封利事架，我彩，我之前收入都可以，我自己又唔算大駛，所以都無所謂，比到咪比囉﹗只係諗唔明，點解亞媽唔係為自己仔女諗，係為自己諗咁…
有時有D唔識做O既老人家，又真係勁唔開心，攪乜都無心機。

若然你亞媽要求比家用，佢有無話一定要比幾多先？
佢無要求O既，其實都好，咁你咪或多或少比D佢，兩個人有4萬蚊都唔係少，
我家陣啱啱開始做全職媽媽，我都仲有每個月比家用亞爸亞媽(不嬲分開比)仲要同佢哋供保險，我家陣仲係駛緊自己錢，我都怕我第時要駛老公O既錢果時會同老公嘈…

私人傳訊

十月變形記

大宅

積分: 2703

71^#

發表於 08-4-9 21:08 |只看該作者

講到"養兒防老", 呢個係上一代人嘅心態, 因為佢地普遍都教育程度唔高, 養大仔女都冇乜積蓄, 所以expect仔女第時會養返佢地.
樓主個case其實就正如其他媽咪咁講, 你媽咪未必等你d錢開飯, 但係佢唔順氣自己個女咁快手指"咬"出唔"咬"入啫, 佢心態都係"你係我個女, 你俾錢我係天經地義!" 所以都冇謂爭辯啦, 如果你話唔俾, 問10個10個人都會話係你不孝. 其實仲有2年先結婚, 何必咁快為咗未成事實嘅事而去傷害你同你媽咪嘅感情? 用呢2年時間諗真吓, 計劃吓budget都會比較有建設性呢!
仲有, 唔好用你未來99同你媽咪比較, 根本係2個唔同嘅家庭, 唔可以咁唔公平淨係用呢件事嚟話你媽咪唔夠人地好o架, 第時你嫁咗就知o架啦!
至於要唔要自己仔女養, 我都係冇諗過要我個仔第時養我, 不過如果佢有能力俾錢我, 我會好開心, 因為証明佢有經濟獨立能力, 亦都有我心, 無論係少少地飲茶定係大大舊o架都一樣咁心甜.

十月變形記: http://hk.myblog.yahoo.com/bibu-fish

私人傳訊

wxxyxn

大宅

積分: 2339

72^#

發表於 08-4-9 21:41 |只看該作者

嫁左都比家用，一年比一年多，未結婚前我就同老公講左一定要比，一蚊都唔可以少，老公好贊成

私人傳訊

ABBC

子爵府

積分: 13533

73^#

發表於 08-4-10 01:35 |只看該作者

原文章由希晴於 08-4-9 00:14 發表
我男朋友呀媽真係冇問過佢地拎家用喎,所以我男朋友一路都唔使比,佢呀媽有5個仔女,都冇一個比家用仲比返錢佢地轉頭.不過到佢退休個時當然打算要養佢啦.
生女結左婚唔養呀媽,唔代表生仔一定養家....我細佬而家大學都講 ...

我真係好認同上面o的媽咪講既野囉~~好既唔學..衰既跟足囉~!就係有你呢o的咁既家姐..你細佬咪好似你咁衰囉!!你做大既都唔俾..佢做細既更加覺得自己唔使俾喇..!!不過我覺得同樓主你講咩都無用架喇~~你呢o的人都無得救既..!!你係果o的寧我負天下人..莫天下人負我既人~!只係替你媽媽傷心..有咁既女兒..!!我自己係點樣既媽咪..真係唔需要你講~!!因為我唔會要我個女慘..呢個係天下母親都做既野..唔係你想像咁囉~覺得係貪錢~!!講真..你人生仲有好長...真係待你好既人..你遲早都會知道!!

私人傳訊

sweetieboy

大宅

積分: 4329

好媽媽勳章

74^#

發表於 08-4-10 17:59 |只看該作者

你唔比家用嘅觀點真係離譜!係咪你阿媽教你架?原來連你細佬都係咁，傷盡你媽媽個心！
阿媽貪錢，其實自己比媽媽仲緊張錢!如果到時到候你自動自覺俾家用你媽媽的話，佢都實唔會問/追你攞錢格!
別怪別人話你忤逆、讀屎片，媽媽對你心淡！唔知講乜好!

私人傳訊

jjbby

大宅

積分: 2282

75^#

發表於 08-4-10 18:29 |只看該作者

能力許可都會俾,宜家過時過節都俾少少
沓下佢開心,講心姐,佢都知我無錢...........
佢俾返封利事俾我個仔仲多啦.........
佢知我咩環境............都好體諒我,多左個仔,多左話題

我不是任你處置
專借吾還

私人傳訊

silviachoi

男爵府

積分: 6972

畀面勳章環保接龍勳章 BK Milk勳章

76^#

發表於 08-4-10 19:05 |只看該作者

我覺得無論點俾家用係一分心意黎姐..
我爸爸都有退休金佢都夠用
但係咪咁就可以唔駛俾呢
佢有錢係佢既事做仔女既都有責任

你父母響你細個讀書,成長樣樣都要錢
佢地都唔會同你計啦

你兩個搵4萬一個月我覺得係負擔到..
因為好多人都係搵2萬到要養自己屋企兼雙方父母

私人傳訊

nonstop528

複式洋房

積分: 225

77^#

發表於 08-4-10 22:23 |只看該作者

我看完樓主的post好感慨...... 真係唔怪得有句說話叫"一樣米養百樣人. "

其實我自己覺得阿爸阿媽辛苦大半世, 無功勞都有苦勞...... D仔女大喇, 養番佢地轉頭係天經地義0架喇, 點解會有人計算阿媽有錢D而唔駛比家用? 唔同阿媽留個錢傍身都有錯? 呢D好話唔好聽係棺材本0黎0架. 要留番第日慢慢搣0架.

而家你都未嫁已經唔打算養佢, 仲覺得條氣"唔順", 我唔難想像第日如果你阿媽真係無錢要問你攞時會有乜0野好面色.

mouth:

其實呢幾年我有時會無那那自己喊, 因為有時忽然覺得阿爸阿媽老得好快, 最怕0黎唔切孝敬佢地, 養佢地. 完全無唸過有人會想唔養阿爸阿媽.

有一日我地都會老, 我唸而家呢代人都唔會再唸第日要靠仔女養. 但講真, 如果第日仔女咁樣同你講, 你個心會舒服嗎? 有邊個唔想最好有人依靠? 比人掉底0既感覺對老人家0黎講係一個無情0既打擊.

Nonstop528 :)

私人傳訊

Barbie_jj

大宅

積分: 1127

78^#

發表於 08-4-11 00:01 |只看該作者

"我有時會無那那自己喊, 因為有時忽然覺得阿爸阿媽老得好快, 最怕0黎唔切孝敬佢地, 養佢地. 完全無唸過有人會想唔養阿爸阿媽" <--好有同感啊! 我呢幾年同你一樣, 好擔心佢地老好怕佢地會死! 至怕佢地冇人養!

我而家係全職媽咪, 我老公唔係搵好多! 但我都會慳d, 而家每個月仲有比錢阿媽, 當係對佢禁多年供書教學, 對佢既一點點尊敬! 而唔係當比佢生活!

原文章由 nonstop528 於 08-4-10 22:23 發表
我看完樓主的post好感慨...... 真係唔怪得有句說話叫"一樣米養百樣人. "

其實我自己覺得阿爸阿媽辛苦大半世, 無功勞都有苦勞...... D仔女大喇, 養番佢地轉頭係天經地義0架喇, 點解會有人計算阿媽有錢D而唔駛比家用 ...

私人傳訊

蜜棗

子爵府

積分: 11426

睛靈勳章畀面勳章 BK Milk勳章

79^#

發表於 08-4-11 01:44 |只看該作者

大家請冷靜.
就咁睇樓主嘅post,可能會覺得佢好無情.不過其實有時好多嘢係好多面睇.我承認如果單單睇樓主呢個post,不論邊個都會頂佢唔順.但其實之前我同樓主傾過計.其實樓主媽咪同樓主係有很多地方唔係咁夾(而我個人睇過佢之前寫嘅post,都感受倒佢同佢媽咪之間關係真係好多誤會).大家不如冷靜d唔好完完全全將矛頭指向佢先.

to 希晴
(純個人意見,唔啱聽可以唔覆)其實明白你媽咪一直同你之間嘅誤會非一朝一夕,雖然唔講得算大磨擦,但亦都好明白人非草木,其實你個心係好重視你媽咪,所以先會咁介懷你媽咪對你的一言一語.或許你同你媽咪之間真係需要較長時間嘅溝通先可以緩和倒.
不過個人感覺,真的覺得你宜家喺你媽咪面前講話兩年之後唔比家用佢,又真係太長遠,同埋其實嗰刻你會否不太理智(因為覺得你係有d特登喺佢面前咁講)不如冷靜d.唔好再喺你媽咪面前講呢d較敏感的話題.試吓慢慢同佢傾.

爆愛車縫作