家庭理財 今日: 0 | 主題: 46987

積分: 2016

63^#

發表於 08-8-12 14:31 |只看該作者

我呢最近同亞囡買左第2份基金(因為第一份已經供完la)係某公司:
而家亞囡2歲7個月
.最少供4年
.最多供20年 (任你喜歡供幾多年,只要4年後,唔好斷供2年就可以)
我每月供$2500,一年$30,000,諗住供6-8年,因為我想要黎比亞囡去英國讀書用,噤計過9%,供6年,第21年(亞囡22歲)可以攞番875,003(老公係公務員,只要比一半),由於係第21年攞(因為我有另一份,所以唔一定要亞囡19歲果時就攞),所以一毫子基金管理費都唔洗比,不過如果你想早d攞,當然得,就係要比手續費law!但計劃書中係列明晒要比幾多出黎架!好清楚!

以9%計係幾好law,不過睇長線,其實都冇乜所謂law!冇人知道到時實際有幾多,但係只要岩自己咪ok law!

私人傳訊

apanman88

積分: 2550

64^#

發表於 08-8-13 01:39 |只看該作者

1/ 目標
-打算俾小朋友去外國定係香港升學呢? 金額要幾多?
未能確定而被數字薰陶會影響其實用性

2/ 供款者能力
-20年係一個長時間..一定要預算埋其他家庭成員既需要
資金既靈活性係好重要.

3/ 風險評估
- 所有既投資表現係一個歷史數據~ 應只作參考.
千期唔好以投資表現既可觀而忽略其穩定性~

例如期貨基金表現好好, 但你依家做教育用途
就應該選擇穩定性較大既基金~

基金係幫助你有效率咁儲錢.
係個plan 去配合你~
所以凡事應以自己既需要同能力出發~

只要係事前作好準備, 佢會係一項有用既工具~
祝你同寶寶都開開心心~

強烈推薦中國人壽~

私人傳訊

apanman88

積分: 2550

65^#

發表於 08-8-13 01:42 |只看該作者

原文章由 panpan_xxx 於 08-8-12 12:23 發表
RCHENG / APANMAN88 & 各位:

我都想請教下你地. 最近有一AIA 的agent sale 我一個教育 / 退休基金plan, 但我唔知相比銀行或其它基金是否ok (指回報及收費). 希望你地能夠幫我分析下:

1) agnet話這個plan基金是沒 ...

每一項投資都會有風險,
未能正確清楚自己既成受風險能力往往係投資失利既原因~

好多朋友會覺得基金供款綁住佢,
但問題好多時就出係"開始時買大左"既原因上~

保險營業員好多時係介紹既時候都係俾一大篇
幾多年回報幾多.
(但13%一定有問題, 因為法律對預估回報最高上限係9%)

係人都知道供款愈多, 回報金額必然愈大~
但20年係一個長時間...我建議你可以先評核以下幾點
以幫助你選擇出最適合你既plan .....

強烈推薦中國人壽~

私人傳訊

遙遙爸爸

伯爵府

積分: 15087

66^#

發表於 08-8-13 11:26 |只看該作者

如果係正式由保險公司編印計劃書, 無可能無計劃名稱, 請留意是否保險顧問自製計劃書.

原文章由 panpan_xxx 於 08-8-12 02:12 PM 發表

我唔知呢個plan叫咩喎, 張planning上都唔見有寫

私人傳訊

積分: 965

67^#

發表於 08-8-13 14:17 |只看該作者

原文章由 青蘋果媽媽 於 08-8-10 13:39 發表

或者你可能應該可以講清楚d你既投資組合,
又可能你有其他投資例如買樓收租,
而未係之前既post 提及...

恕我直言....每月單係股息和債卷利息收入已超過2萬真係計爛計數機都無可能.... ...

我都晤明有乜甘難計, 詳細答你D問題前, 首先要搞清楚,

1. 係我既post, 我係話 - 而家平均每月單係股息和債卷利息收入, 已超過2萬,
唔係每月有股息和債卷利息收入,
如果旅行社話領隊小費每日$100, 你去旅行時會唔會日日比小費比領隊?

2. 匯豐2007 全年共派左 $7 息 (http://www.hsbc.com/1/2/investor-relations/dividends/dividend-history), 2008派息應該比2007 上升6%,
2008全年派息應該會有$7.4

3. 我睇返我既post，都冇話讀書時已儲蓄投資，我係外國讀書時，有抽新股經驗，不過金額好少，因我當時讀U，要讀經濟，金融，會計…，抽新股當係做將書本所學實踐一下，我1990年係返香港做野後，先開始正式儲蓄投資，買股票基金

私人傳訊

積分: 965

68^#

發表於 08-8-13 14:21 |只看該作者

原文章由 青蘋果媽媽 於 08-8-10 13:39 發表

或者你可能應該可以講清楚d你既投資組合,
又可能你有其他投資例如買樓收租,
而未係之前既post 提及...

恕我直言....每月單係股息和債卷利息收入已超過2萬真係計爛計數機都無可能.... ...

Part 2

答返你D問題，如果你持有匯豐20000股, 用2007派息($7)計, 你全年共收: 20000股 x $7 = $14,000,
平均每月收$12,000, 以匯豐12/8收市價$128計, 所需要既資金係 : $128 x 20000股 = $2,600,000

又如果你持有$1,600,000債券, 6%息, 你全年共收息 : 1,600,000 x 6% = $96,000, 平均每月收$8,000
股息+債卷利息，係唔係平均每月已超過2萬?

好啦，問題係筆資金($2,600,000 + 1,600,000 = 4,200,000) 邊度黎？

如果你係17年前每月儲蓄$7,000，投資回報8%，今日你會有$3,500,000

17年前每月儲蓄$7,000, 當然係非常非常困難，我講既係一個平均數，17年前可儲蓄金額當然冇而家咁多，但如果你有儲蓄既習慣，每月儲起人工既20-30%，
喺呢17年, 你努力工作, 會升職, 加人工, 可儲蓄金額自然會多, 所以我呢個平均數(月儲$7,000), 絕對唔係難

私人傳訊

積分: 965

69^#

發表於 08-8-13 14:22 |只看該作者

原文章由 青蘋果媽媽 於 08-8-10 13:39 發表

或者你可能應該可以講清楚d你既投資組合,
又可能你有其他投資例如買樓收租,
而未係之前既post 提及...

恕我直言....每月單係股息和債卷利息收入已超過2萬真係計爛計數機都無可能.... ...

Part 3 -

當年, 我亦同時幫我女友(現在的太太), under佢個名, 幫佢投資, 我地一直冇分開, 筆資金咪一下子double, 而家整個投資組合, 都係分別under我地兩人名50-50 (大慨), 由我manage, 而且, 每月儲蓄投資金額遠遠多過$7,000, 單係月供股票, 已5位數字, 每次HK or 全球股市大調整, 我都會lump sum買股票基金.

其實, 當你起步時, 每月儲蓄投資金額, 係唔重要, 多有多儲, 少有少儲, 最緊要係有個習慣, 每月儲起人工既例如20%, 再加上長線投資, 就好似定期做運動, 唔係一年半載, 即時見校, 但係 3-5年後會見到初步成果, 10年8年後, 你會好有信心, 因你睇到整個投資組合既回報，跟住時間的過去，一路上升, 20-30多年後, 就係你既收成期,

PS
-
CHU.LAM,
Bigpig_2007,
panpan_xxx,
遲D再同你地傾, 因打中文真係好慢

私人傳訊

anlywan

男爵府

積分: 8592

70^#

發表於 08-8-13 19:31 |只看該作者

是啊!現在每個人都應該有份保險,有份高增長力啲儲蓄.有左之後洗費都舒適啲.以加通長都有成6%.但利率都約2%.每個人購買能力就越來越低.我之前幫我BB買左份基金在AIA.目標儲蓄是30年期,每月供約HKD1600.首26個月一定要供.之後所供都可以隨時取走.我供左15個月就己有64%.但是供基金是長遠,你越有耐性你所儲到$越多.而且個AGENT定時定後都會幫我跟進我所有保單.幾好架.越早行條路越易.!!

原文章由 RCheng 於 08-8-13 14:22 發表

Part 3 -

當年, 我亦同時幫我女友(現在的太太), under佢個名, 幫佢投資, 我地一直冇分開, 筆資金咪一下子double, 而家整個投資組合, 都係分別under我地兩人名50-50 (大慨), 由我manage, 而且, 每月儲蓄投資金額遠 ...

私人傳訊

青蘋果媽媽

民房

積分: 34

71^#

發表於 08-8-13 22:44 |只看該作者

原文章由 RCheng 於 08-8-13 14:21 發表

Part 2

答返你D問題，如果你持有匯豐20000股, 用2007派息($7)計, 你全年共收: 20000股 x $7 = $14,000,
平均每月收$12,000, 以匯豐12/8收市價$128計, 所需要既資金係 : $128 x 20000股 = $2,600,000

又如果你 ...

你真係好西利呀 R Cheng!!!!!!!!!! ...

咁計17年前巳經"平均"有2萬幾蚊人工...
仲可以"淨"儲到每個月30%...
咁就巳經唔係普通打工仔啦~hahah~

我第一年做野撞正 "sars" 得 $6300 一個月 ja~....

即係1萬儲 $3000~
直頭係定期都做劇烈運動啦.......

你攞最大牛市既2007 年派$7 息,
(http://www.hsbc.com/1/2/investor-relations/dividends/dividend-history)
1998 -2004 年平均得$3.72 ja wor....
一半 wor.....取巧 d jei.....

如果唔係我問番你個收入同本金
我真係唔知有成 50手匯豐同 160萬債券現金流,

都仲未計你依家層樓......
作為普通市民既我...直頭退左休啦......................

我真係要叫個b努力讀書先得啦~

[ 本文章最後由青蘋果媽媽於 08-8-13 22:47 編輯 ]

酸酸既青蘋果...
咬耐d先真切感受到蘋果既甜~

msn: [email protected]

私人傳訊

HaRo2

積分: 3823

72^#

發表於 08-8-15 16:16 |只看該作者

咁計17年前巳經"平均"有2萬幾蚊人工...
"我講既係一個平均數, 你努力工作, 會升職, 加人工, 我亦同時幫我太太投資, 筆資金咪一下子double"

人地可能起初$8000人工, 到而家兩人收入加埋$40000, 平均$24000

1998 -2004 年平均得$3.72 ja wor....
"而家平均每月單係股息和債卷利息收入, 已超過2萬"

人地講緊而家, 更係攞最新個份數據講, 拎以前d數據講有咩意思
究竟有冇睇下人地講咩架

私人傳訊

積分: 965

73^#

發表於 08-8-15 18:45 |只看該作者

原文章由 CHU.LAM 於 08-8-9 21:58 發表 <a href="http://forum.baby-kingdom.com/redirect.php?goto=findpost&pid=26033709&ptid=1376242" target="_blank"><img src="http://forum.baby-kingdom.com/images/common/back.gif" border="0" onload="if(this.width>screen.width*0.7) {this.resized=true; this.width=screen.width*0.7; this.alt='Click here to open new window\nCTRL+Mouse wheel to zoom in/out';}" onmouseover="if(this.width>screen.width*0.7) {this.resized=true; this.width=screen.width*0.7; this.style.cursor='hand'; this.alt='Click here to open new window\nCTRL+Mouse wheel to zoom in/out';}" onclick="if(!this.resized) {return true;} else {window.open(this.src);}" onmousewheel="return imgzoom(this);" alt="" /></a> 
RCheng, 
 
嘩! 你好Pro呀, 唔去做投資顧問真係浪費了你這個人才!! 
 
係呢, 想請你比D意見.... 
我只係個C9仔, 對基金不太認識, 近排在富達 
Fidelity開了個基金户口月供$1000 買了新興市場, 請問這間公司收費多嗎? 同這 ...

Hello CHU.LAM

我一D都唔Pro，只係一個普通打工仔，小投資者，因我對投資有需要(退休，小朋友將來讀大學)，有興趣，所以閒時就研究下。就好似我唔想踏入中年，大肚腩加肌肉鬆弛，所以有需要，有興趣去做運動，研究下，研究下，就好清楚知道，乜野叫做 maximum heart rate，點樣平衡負重及心肺運動去達至most efficient heart rate去燒脂，去強化心肺。

呢到有個網友 - RON3，有個網址 - http://hkfundexpert.com/ 入面就真係大把專家, 我時不時都入學下野。

其實，儲錢投資同做運動 keep fit 一樣，只要有恆心，自律，長其去做，一定有成果，唔需要去幫趁D纖體公司(=保險公司, 投資顧問)，花D冤枉錢。.

富達幾好呀，我都有個基金户口係富達，不過唔係月供，我用一筆錢係富達買左US Dollar Cash Fund (冇認購費，基金轉換費)，平時放係到收返2-3%息，到時到後，例如全球股市大調整(今年2-3月，5-6月)，我就由個Cash Fund 轉D錢去某一個基金，其中一個就係富達新興市場基金，又方便，收費又平，網上交易，只收1.5%認購費。

月供基金就收3.25% min $1,000 (https://www.fidelity.com.hk/personal/en/planinvestment/monthly/index.html) , 我打過電話比富達, confirm左。相比去銀行買, 都唔算貴。

一般黎講, 基金有2個收費:
1. 認購費 – 通常係買入基金時收取, 一般係5 - 5.25%, 有D基金會就係顧客贖回(賣出)時先收取, 但係好多JF既基金就2邊都收, 例如JF印度基金，認購費5% 贖回費0.5%。

2. 管理年費 – 每年收大慨1 - 1.5%。

對沖基金就有唔同既收費模式，一般係：

3. 提早贖回費：2年- 4%, 4年- 2.5%, 6年- 1% 　(即係至少綁你一年，第2年開始，你越早放，就收費越貴) 。

4. 表現費：當基金回報大過e.g. 20%, 就收取e.g. 3%既表現費。

假如你去銀行買富達新興市場基金，而唔係銀行慨理財客戶，銀行又冇做推擴的話，佢地會收足你5 - 5.25%認購費，跟住每年既管理年費(1 - 1.5%)就會係基金價格上反映(=收取), 收取時你每一基金單位既價值會跌左，即係話收左你都唔知。

否則，銀行會比discount你，到時就要睇你金額，金額越大，可能只收你2.5 or 3%認購費。

買基金，通常直接同基金公司買就最平，不過好多基金公司都唔睬我地呢D散客，只好去銀行買。

但千其唔好幫趁D保險公司(保誠，蘇黎世，友誠，永明，宏利，… etc) 或所謂獨立投資顧問(IFA)，e.g. 康宏理财，買D以教育/退休為名的有年期基金保險計劃, 佢地比銀行/基金公司收多近80%甚至超過一倍，詳情請睇呢個post 慨Page 2。

我買新興市場時, 富達個agent都向我sell過新興歐非中東, 不過, 我都冇買, 一來冇興趣買新基金/抽新鉬股, 因睇唔到往績, 評級, 波幅, beta, sharpe, ….etc, 二來我prefer個新興市場基金所cover既國家/地區。

你個$80,000 假如我係由零投資開始的話, 我會分段買港股 (做月供, 如過金額細, 相對個收費好貴, 唔著數, 其實，去銀行開個投資戶口, 用網上/電話理財, 買賣股票好方便), 我會係每次顯著調整時, 買盈富基金(2800), 同優質而現價低既股票, 組成一個投資組合, 3幾年後, 當個組合既資產總值去到某個水平e.g. >20-30萬, 我先會開始透過基金將D資金分散去其他市場/地區。

私人傳訊

PCCW2319

水晶宮

積分: 67993

74^#

發表於 08-8-15 21:59 |只看該作者

瘦身與基金

天空之城, 快樂之地

私人傳訊

oiyau2005

公爵府

積分: 29607

親子王國15週年勳章

75^#

發表於 08-8-16 00:17 |只看該作者

RCheng

唔好意思想問咁其實響銀行買基金定係保險公司買呀?

原文章由 RCheng 於 08-8-15 18:45 發表

Hello CHU.LAM

我一D都唔Pro，只係一個普通打工仔，小投資者，因我對投資有需要(退休，小朋友將來讀大學)，有興趣，所以閒時就研究下。就好似我唔想踏入中年，大肚腩加肌肉鬆弛，所以有需要，有興趣去做運動，研究下，研究下，就好清楚知 ...

私人傳訊

積分: 965

76^#

發表於 08-8-16 00:49 |只看該作者

原文章由 HaRo2 於 08-8-15 16:16 發表
咁計17年前巳經"平均"有2萬幾蚊人工...
"我講既係一個平均數, 你努力工作, 會升職, 加人工, 我亦同時幫我太太投資, 筆資金咪一下子double"

人地可能起初$8000人工, 到而家兩人收入加埋$40000, 平均$24000

1998 - ...

Part 1

真係多謝晒, HaRo2, 我正正想話比青蘋果媽媽, 如果冇記錯, 17年前, 一個大學畢業生既月薪, 好似係$7000-$9000

另外青蘋果媽媽, 你根本唔會知我既收入同本金, 我計比你個條數, 只係用來解識, 月供股票會有碎股, 又點可能會齊頭 20000 股, 事情個骨幹係真, 實數就唔方便亦唔需要講, 之前D數字係為左方便解識, D數字一牽涉到我, 我只會話, e.g.
xx位數字, 超過幾多幾多……你又唔知我係邊個, 可能我係吹水呢, 事實亦唔怕話你知, 我D匯豐超過50手, 整個投資組合亦唔只匯豐一隻股票, 超過10隻, 函蓋金融, 地產, 工商, 保險…….

我好樂意去討論, 分享, 因投資唔係零和遊戲, 可以的話. 我樂意幫到人去令佢投資增值, 但冇興趣糾纏係D唔重要亦唔需要既事情/細節上

私人傳訊

積分: 965

77^#

發表於 08-8-16 00:50 |只看該作者

原文章由 HaRo2 於 08-8-15 16:16 發表
咁計17年前巳經"平均"有2萬幾蚊人工...
"我講既係一個平均數, 你努力工作, 會升職, 加人工, 我亦同時幫我太太投資, 筆資金咪一下子double"

人地可能起初$8000人工, 到而家兩人收入加埋$40000, 平均$24000

1998 - ...

Part 2

我絕對係普通打工仔, 我唔需要沖大頭鬼, 亦唔敢妄自匪薄, 我讀U時有個師妹, 而家係某國際投資銀行(間唔中會係電視, 聽到呢間銀行既名) 既高層, 亦有個師兄係某政府部門既高官, 佢地月薪超過10 / 20萬, 我呢D係中間, 唔上唔落, 唯有阿Q一番, 係到悠然自得, 載浮載沉.

我仲未退得休, 仲有D風險, 黎緊幾年, 做埋呢3樣, 就差唔多:
1. 層樓仲未供完, 不過快啦, 仲有幾年
2. 仲要調整個投資組合, 降低整體風險, 增恃有定期收息既投資工具
3. 最後,
我仲要試一, 兩年, 將人工放係銀行, 完全唔駛用, 只靠投資收入生活, 如果都冇問題, 就可以退休啦,
否則, 貿貿然辭職, 有乜差池, 就返唔到轉頭

私人傳訊

積分: 965

78^#

發表於 08-8-16 01:17 |只看該作者

原文章由 oiyau2005 於 08-8-16 00:17 發表
RCheng

唔好意思想問咁其實響銀行買基金定係保險公司買呀?

銀行

私人傳訊