所以雖然我都鍾意貓狗，但我都唔會養，自己有兩個細路，如果照顧唔好ｄ寵物咪害左佢地
做細路仔時就話唔識諗，屋企晌村，有次有隻唐狗ｂｂ跟左我細佬(當時佢幼稚園，我小學)返屋企，我放左學返黎好開心呀，我地３姐弟就求媽咪俾我地養啦，心諗反正有地方又有工人照顧，一心諗住有隻狗俾我地玩，點知隻狗仔住左一晚，第二日晚飯之前媽咪話佢知道狗仔係晌邊家人度走出黎，叫我地帶返狗仔走，我地唔想，佢又話我地唔好旨意佢同工人會take care狗仔,話我地返左學邊個執狗屎呀?
最後我地３個好唔捨得咁帶狗仔返去個間屋(其實我地唔信媽咪講係有人養)，返到屋企我喊到豬頭呀，隻狗仔唔願留低，係要跟住我地，我地咪好狠心咁跑走囉
之後我地嬲左媽咪幾日
唔明點解媽咪咁冷血，但係大個諗返覺得媽咪好岩，佢明白我地純粹當佢係玩具，唔係生命，如果一時衝動養左隻狗仔，又唔理佢又唔帶佢去散步咪只會令隻狗仔唔開心，不如等住好人家養佢，所以我以後會三思而行
發表於 
hope 兩隻金毛can play with雪兒!
返回列表
