Baby Kingdom - 親子王國 香港 討論區 › 首頁 › 婆媳關係› 教教我如何

婆媳關係

收藏本版
發帖
返回列表
跳至頁

首頁
23456

尾頁
   0
小寶貝兒


珍珠宮

積分: 30295


61#
發表於 08-7-16 20:08 |只看該作者
最好方法, 完全放手, 你剩係理你阿媽果邊, 你外母就由你老婆去理!

平時返唔返外家或男家, 一星期, 一邊一次最公平(我指你同你老婆同bb都出席), 如果只係你自己返, 你鐘意一星期7日返去都得添! 不過前提係, 你都唔好理你老婆返唔返外家!

煲薑醋, 擺滿月, 呢d好老實講, 99同外母火星撞地球既, 梗係分開擺啦!!
冇人叫你同你阿媽講今晚外母幫bb擺滿月架麻!!

好似我結婚果陣, 我99又係好霸道架!! 唔準聯婚, 只可以擺男家, 女家要擺就自己擺, 開頭仲話女家擺酒時, 新郎新娘都要坐男家果圍!! 不嬲擺酒都係邊面比錢就新郎新娘坐邊圍架啦! 後尾好彩有99的朋友幫我講掂咋, 唔係我99話唔會出現添呀!!

總之以後你唔好再將女家d野講比你阿媽聽, 你阿媽問, 你就話乜都唔知, 好耐冇見過!!(實際梗係唔係啦, 但, 有必要講真話嗎? 講左盞又嘈交!!)

咁就天下太平啦!!
♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！
私人傳訊

prettysnow


男爵府

積分: 6132


62#
發表於 08-7-16 22:18 |只看該作者
點解唔俾人煲薑醋?
人地女家食满月飯都要你媽批准?
日日黎探個孫有咩問題?個女生完唔可以係探女?唔可以關心下個女?你媽媽無日日去探個孫?mouth:
個女係男家唔開心就緊係支持個女返外家啦,
嫁左俾你就唔可返外家?要同自己媽媽斷絕關係,做你男家的妹仔?人生以後就只有男家?
睇黎樓主你同你阿媽一樣自私,你呢d唔係怕自己不孝,而係愚孝,你大個仔未架?做左爸爸就學下大個仔啦,去食飯都怕阿媽check而唔敢去?你唔會同朋友去食飯?
我真係替你老婆可憐,咁辛苦生完bb,個老公就淨係識得怕阿媽唔高興,但就唔怕個老婆產後抑鬱
你咁都話好辛苦,就死得,你都唔諗下你老婆忍左4年添啦,又唔見你担心她,做人最緊要講道理o者,阿媽唔係大晒架
俾著係我走9世喇,彩你地都傻呀:;pppp:

[ 本文章最後由 prettysnow 於 08-7-16 23:00 編輯 ]
私人傳訊

sharonhwyc


珍珠宮

積分: 35780

好媽媽勳章 畀面勳章


63#
發表於 08-7-16 23:36 |只看該作者
原文章由 小寶貝兒 於 08-7-16 20:08 發表
最好方法, 完全放手, 你剩係理你阿媽果邊, 你外母就由你老婆去理!

平時返唔返外家或男家, 一星期, 一邊一次最公平(我指你同你老婆同bb都出席), 如果只係你自己返, 你鐘意一星期7日返去都得添! 不過前提係, 你都唔好 ...

一星期一次太密了,
話唔見又冇可能啦,
我建議一個月一次好了~
(一年都係12次==")

樓主大大：
我明白你媽的感受,如果我仔第時娶左老婆,
好少見,我都會好唔開心,不過想講的是,
你媽仲當你係10歲8歲lor~

我都好明白你感受,日日都黎睇BB,
想當年我99日日都見,我真的想死...
丫...唔係,係我真的想佢死~

最明白你老婆感受,過來人,不多說了~

其實...做中間人的不只你一個,
你老婆都係!
郁D就起晒鋼, o係論壇好難生存架, 學下大方d接受人地建議, 唔好咁小家!
私人傳訊

娜娜媽.


大宅

積分: 1151


64#
發表於 08-7-17 02:28 |只看該作者
原文章由 憐星公主 於 08-7-16 15:34 發表
我媽成日都覺得女家咩都搶住做....覺得女家樣樣野都要第一先...其實有時又唔係我媽想得太過激...
分開擺..我媽一定打電話check住我...我一唔在家..佢就一定會估我同女家食飯啦 ...


你死都唔認, 佢點知先.你唔認, 唔通佢咬你?????

唉~~~~你lee d都係愚孝子來. (鄧)你老婆慘

私人傳訊

ahMeow


大宅

積分: 3375


65#
發表於 08-7-17 02:58 |只看該作者
be a man, protect your wife, move out...you are the main cause of your problem lo
私人傳訊

JFL


伯爵府

積分: 17183


66#
發表於 08-7-17 04:49 |只看該作者
其他mami講過嘅,唔須再講嘞,淨系想問你有冇妹,你媽有冇女?或者第二時你個女大咗,嫁咗出去生咗ＢＢ,唔比你去睇個孫,唔比你煲羌醋比個女,唔比你幫個孫擺滿月酒,你有乜嘢感受?張心比己,有時人做仔系要孝順,但都要企在老婆嘅立塲諗下,人地都有亞媽生呀,唔系你亞媽生嗰Ｄ系宝,人地就草都不如!

[ 本文章最後由 JFL 於 08-7-17 05:02 編輯 ]
私人傳訊

alik


公爵府

積分: 25507


67#
發表於 08-7-17 07:52 |只看該作者
我淨係覺得, 男人老狗, 聽埋晒人地講咩12朝內唔好探得咁密, 真係把幾火! 你老婆初為人母, 湊b都"拿手唔成勢啦", 而且坐月又好多嘢都唔做得, 工人又未必識照顧初生bb, 那個係你老婆亞媽來的, 黎睇下有咩幫手有咩問題?

同埋你亞媽話你外母咩都想爭第一, 又唔俾人擺酒煲薑, 你又接受佢呢個講法, 如果我識你, 會當面扯把你!! 你亞媽要煮飯, 你外母夠要煮飯啦, 唔通咁又爭第一咩? 你個腦都唔知做乜架, 完全無分析能力. 俾人拋窒你話你親女家多d, 你就真係去管束你老婆多d.俾人問多兩句行蹤, 就邊度都唔去, 你唔可以答你亞媽"我都咁大個囉, 唔係做咩都要同你講呀". 相信佢唔會再打爛沙盤問到篤囉, 問多幾次佢就無癮唔問架啦.同埋你亞媽諗法有問題, 你又唔同佢傾, 佢自佢發火你就怕左佢, 佢就得戚晒, 呢個係惡性循環黎. 我係你老婆既話, 真係後悔嫁左你, 因為你連維護自己家庭都做唔到, 仲苦了老婆.

你正一死牛一面頸, 上面咁多人話你, 你都仲可以問人係咪覺得自己唔理老婆. 反省下啦你, 相信你上得黎問, 都係相改善唧!

[ 本文章最後由 alik 於 08-7-17 07:57 編輯 ]
私人傳訊

hosumman


大宅

積分: 1408

好媽媽勳章 醒目開學勳章


68#
發表於 08-7-17 08:50 |只看該作者
其實男女家唔鐘意對方已經好普遍, 因此令到我們做了磨心, 再嚴重就係倆公婆因而開火, 我真係好想問你地每次因這些事情開心完有無事後討論呢?
我只想問合可否回心想下為何導致雙方會有這個裂痕?係唔係你時常在你亞媽面前數你外母樣樣不是呢?其實我真係覺得唔多唔少係你倆公婆一手造成?
不過到現在最好的辦法就係以下(你可作參考):
- 你唔好唔俾你老婆回外家, 唔好因佢亞媽上來食飯而成日開火. 如果你真係唔想日日見到你外母, 你可以在sleeping 前同你老婆傾下, 你想怎樣囉?
- 你唔好狗屎垃圾都同你亞媽說.
- 如果佢再嘈,你就唔好返去探佢一排囉, 等大家冷靜完後見面而再說囉?
- 老豆, 老婆你無得選擇, 再者你老婆係你選擇, 你唔可以放棄, 一定要想辦法去解決, 如果唔係我諗遲早你會變成一係要亞媽, 或一係要你老婆的情形. 你自己想下啦.
私人傳訊

GTT


複式洋房

積分: 194


69#
發表於 08-7-17 09:59 |只看該作者
d人咁自私嘅,第時個仔/女見到嗰個嫲嫲咁樣對自已個媽咪婆婆公公,第時肯定唔彩佢..:;pppp:
私人傳訊

kkttssng


侯爵府

積分: 23465

玩具勳章 畀面勳章 wyeth冷知識勳章 環保接龍勳章 大廚勳章 BK Milk勳章


70#
發表於 08-7-17 14:11 |只看該作者
12朝內唔好見咁多人??外母係外人咩..BB連埋你地兩公婆加外母都係成日見三個人之嘛..咁都叫多???
你外母樣樣爭第一,但起碼佢唔會唔俾男家人做呀二嘛, 但你屋企除左要做呀一仲唔俾人做呀二喎...係咪太過霸道呀..

作為一個女兒, 我當然鐘意同外家接近多d啦..作為一個新抱, 當然唔想同男家有太多接觸啦..呢d係人之常情..同樣道理一樣apply係人地個仔, 人地女婿身上..
私人傳訊

Mrs.Fan


大宅

積分: 1272


71#
發表於 08-7-17 14:57 |只看該作者
講真噃...如果你亞媽唔比你地同女家食bb滿月飯絕對係你亞媽唔啱
私人傳訊

OneOneMa


大宅

積分: 1038


72#
發表於 08-7-17 16:00 |只看該作者
樓主... 你自己用個心/腦去諗吓幾樣野先...
1 - 你話"個女嫁咗就應該叫佢多d返男家, 小d返女家?!" 咩道理? 而家咩年代? 真係嫁咗嘅女就係潑出去嘅水? 換轉你係女人, 你可唔可以日日返另一半的家而唔返自己原出的家? 從今以後, 你以後唔返自己屋企得唔得?

2 - 作為一個媽咪, 我生完都好想見到自己亞媽, 佢係生我出黎嘅, 而家自己生完, 知道亞媽當年幾辛苦生自己, 會好想成日見到媽咪, 你外母黎探你太太, 係代表佢鍚你太太, 就算佢真係留響度食埋飯先走, 都係因為佢想陪多你太太一陣, 你估成日響個女屋企, 返到自己屋企唔使做野咩? 好得閒? 返到去就可以瞓咩? 呢d你有冇諗過? 仲有, 如果坐月果段時間唔係得你外母, 邊個可以令你太太有個安心的環境去休息?? 你應該感激佢每日去你屋企多過怪佢囉

3 - 煲薑醋, 男家煲完係咪會分一半俾女家派? 女家煲完係咪會 claim 返你男家買野煲薑醋的錢? 如果兩樣都唔係, 你男家有咩資格出一句聲唔俾人煲? 你諗吓生孫男家有份, 女家有冇份先? 如果冇你外母, 你老婆響邊個個肚度出黎, 如果冇你老婆, 你個b響邊個個肚度出黎? 如果講親, 會唔會係亞媽仲親???

4 - 滿月酒, 唔好講邊個先係主人家, 男女分開攪好平常, 男家攪唔想預女家, 咪唔好預囉, 你唔預人地, 人地自己攪都唔得? 要你亞媽佢地俾錢咩? 女家自己攪你亞媽會死咩? 既然唔會, 咁女家攪唔攪又關你亞媽咩事? 佢一句唔俾你就唔做? 咁如果你亞媽話唔俾你再同你老婆瞓, 你係咪會即刻搬返去同你亞媽瞓??

樓主, 我知你都係想解決問題先上黎呢度講, 不過你要記住, 你作成一個老公/爸爸, 要學習點樣去保護太太/bb, 我知你唔想你亞媽唔開心, 但係有冇諗過係咪你一向太就佢地, 所以攪到佢地而家郁吓都用唔開心黎大你先?
你亞媽會唔會以為自己係太后? 咩都要全世界就晒佢? 你咁大個人, 自己係咪太就亞媽冇理太太感受都要問, 問得呢個問題, 唔代表你唔知, 只係你唔肯去面對!!
你係人個仔, 亦係人女婿, 你唔可以再咁群腳, 咩都同亞媽講, 打去屋企冇人聽都要知去邊, 咁你攪野之前使唔使先同亞媽講聲先? 你有選擇性咁去報告, 點解唔可以有選擇性咁唔再響你亞媽佢地面前提外家的事? 你太幫自己屋企勒, 你屋企就係屋企, 太太屋企唔係屋企咩? 公平小小好唔好? 你太太忍咗4年, 你係時候響自己屋企發吓火, 你媽一鬧, 你咪拖埋老婆同個b即刻走囉, 之後幾日唔聽佢電話, 試得一兩次你亞媽就知唔可以再玩野架啦, 你要佢收歛就要自己先行動, 咁你太太先會有安全感, 同埋唔會覺得你冇鬼用, 只係識迫佢去就你亞媽...
夾響中間好好玩咩? 做咩要迫太太去你屋企, 迫佢就你家人, 換轉佢迫你去佢屋企, 迫你就佢屋企人得唔得?

sorry.. .太長勒... 但係真係忍唔住...
私人傳訊

yucopooh


禁止訪問

積分: 4584


73#
發表於 08-7-17 18:28 |只看該作者
提示: 作者被禁止或刪除 內容自動屏蔽
私人傳訊

yucopooh


禁止訪問

積分: 4584


74#
發表於 08-7-17 18:33 |只看該作者
提示: 作者被禁止或刪除 內容自動屏蔽
私人傳訊

查小恩


別墅

積分: 708


75#
發表於 08-7-17 21:28 |只看該作者
原文章由 yucopooh 於 08-7-17 18:28 發表
係樓主呢件事入面,我睇到:
一套恐怖片
男主角:一個超級裙脚仔+李連英混合版.
女主角:後現代新抱
女配角:慈'欺'太后
故事賣點:女主角不斷被迫壓既慘况.
影評:睇完之後我感受到人性既醜惡 .特別係個男主角, ...

私人傳訊

ip1236hk


大宅

積分: 1553


76#
發表於 08-7-17 21:36 |只看該作者
男人，你老婆生完最想見o個個一定係丫媽
我生完都淨係想見自己丫媽同老公，因為佢地係我最親既人，自己任何野都唔mind比佢地睇，但我絕對唔會想日日見到我老爺同奶奶，正如你媽覺得你老婆係外人，所以我唔想比外人見到我既私人野/事，女人生完係最弱既時候，如果唔想佢產後XX，我諗你唔好阻止佢地上黎，人為你老婆可以依靠既只有佢既外家(本來想打埋你，但係睇你Ｄ post我諗可以跳過)最起碼你外母係你老婆丫媽，你老婆有Ｄ咩close既野都可以點佢媽去做，但係你媽唔得，，因為你媽呢個太上老君要專重。
煲薑醋，男人，女人生完絕對雖要薑醋黎保身而個煲野要同派比人個一煲分開煲，你媽有無咁做？仲要落足心機咁早Ｄ煲，女人生完絕對要補好Ｄ，我諗你媽唔會好似你外母咁好心機咁為個女，而且你媽係咪煲埋你外家個份先？包埋外家要派既份量？如果唔係做乜唔比人煲，而且人地煲你可以唔話比你媽知家嘛，你媽知左咪答一句你唔知囉，煲左派晒佢可以點？唔係乜野都要同你媽講下話？
滿月酒，你媽唔比人擺一係叫佢都唔好擺，分開擺又唔係叫佢比錢做乜咁多聲氣，個Ｂ你同你老婆嫁，點解你個邊擺得你老婆個邊就唔擺得？
最後講一句，如果你唔想你老婆走佬頂你地唔順，關心下佢啦，比著係我奶奶係咁，我走左佬幾世，你老婆又唔係無外家錫，走佬返外家都得，唔係一定要靠你嫁炸
私人傳訊

konnichi


大宅

積分: 1512

好媽媽勳章


77#
發表於 08-7-17 22:31 |只看該作者
我平時都好小回POST, 但今次真忍唔住, 老實說., 我覺得板主真係好過份, 所有事情都只在自己和自己媽咪的角度出發, 從來沒有為太太想過。我不明白自己的女兒生了BB, 媽咪上來探女兒, 為何是過了火呢? 你不是媽媽, 你不知道生完BB幾需要信任的人SUPPORT, 尤其係心靈上, 我生完BB, 甚至返左外家坐月, 直至放完產假, 足足兩個月, 我老公完全沒有說過半句, 他還每天放工後回我外家吃完飯才回自己家。

至於薑醋, 我們也是男家女家各自煲的, 因為會各派給自己的親友, 這不是重好咩? 如果只是男家煲, 女家派得多, 你媽媽又會不高興。如果你媽媽真的不喜歡女家煲, 你可以氹她說佢地要煲咪由佢地, 我都唔想您咁辛苦煲咁多等等, 說話是人講的, 總之, 做得人老公同仔, 就要好仔兩頭暪, 好仔兩頭氹, 做人老婆也是一樣的, 我老公做得不好時, 我也幫他氹氹媽咪, 但氹完不要和老公抱怨, 否則他就會覺得很煩, 很反感。

老公/老婆是自己選的, 不要只顧抱怨, 多在對方的角度想, 畢竟自己的媽咪和自己相處這麼多年, 一定覺得自己媽咪問題不大, 但配偶是因為自己才與自己的家人聯繫上, 你不能要求他對你的家人和你自己一樣那麼包容的, 反之, 你的家人亦一定不會像包容你一樣包容你的配偶, 所以你作為中間的橋樑更為重要。
私人傳訊

anson2007


伯爵府

積分: 17900


78#
發表於 08-7-17 23:35 |只看該作者
原文章由 yucopooh 於 08-7-17 18:28 發表
係樓主呢件事入面,我睇到:
一套恐怖片
男主角:一個超級裙脚仔+李連英混合版.
女主角:後現代新抱
女配角:慈'欺'太后
故事賣點:女主角不斷被迫壓既慘况.
影評:睇完之後我感受到人性既醜惡 .特別係個男主角, ...


我係你老婆嘅話,晨早返外家坐月,
你尼個老公都吾要,
自已同個Ｂ過世好過啦.
你吾攞返Ｄ做男人/人地老公嘅威炎出尼,對個
老婆同外家公道Ｄ,遲早你都係要返外家揾老婆啦.
私人傳訊

憐星公主


民房

積分: 25


79#
發表於 08-7-18 00:37 |只看該作者
禁又唔好話我只企在我媽個到,我都同我媽吵了好幾次都是因為她嘈我地,可能我唔想再這樣下去而變成慢慢信我媽而開始忘記了老婆的感受

=======
現在我太太總之有件事是我媽講出黎就反感

例: bb出世是否要買轉轉公仔 (在床個ｄ呢）
如果是我媽話唔好禁早用．．佢一定嘈
如果是朋友話唔好禁早用．．佢就沒事．．．．
私人傳訊

憐星公主


民房

積分: 25


80#
發表於 08-7-18 00:46 |只看該作者
原文章由 konnichi 於 08-7-17 22:31 發表
我平時都好小回POST, 但今次真忍唔住, 老實說., 我覺得板主真係好過份, 所有事情都只在自己和自己媽咪的角度出發, 從來沒有為太太想過。我不明白自己的女兒生了BB, 媽咪上來探女兒, 為何是過了火呢? 你不是媽媽, 你 ...


我在我媽時常講我老婆一些好話..反之都是...但比她們印象總是幫對方....那..我幫誰呀 /. \?

唔通在我老婆面前時常罵我媽不是...在我媽又時常罵我太太唔識做咩...但偏偏她們只會只到我只幫對方

例: 我媽去到我家...我太太唔出黎叫佢...我同我媽說她唔舒服..佢又話我幫佢

我媽遲了說一些事 如坐月唔好沖涼...我同我太太講可能佢唔記得姐...我太太又話我幫我媽....

唔通話..係呀.佢特登唔講架..那不是仲衰嗎
私人傳訊


首頁
23456

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy