樓主,
其實,我當初有第三個,真係好唔開心~
我第一5歲,阿二得9個月大,阿三而家在我肚入面,4個月大
我同老公都打算兩個就夠,所以都做足安全措施啦,點知又有意外發生......
我去睇醫生,醫生話好難講,除非我地唔造,咪唔會有囉!
當我知道時,真係好灰,好似世界未日咁,我成兩個月都唔識笑,老公日日就氹我開心,但我真係笑唔出,我望住細仔,覺得好對佢唔住,當佢14個月大時,屋企又多一個,我諗的問題有:
1. 岩岩先生完一個,而家又有,我仲未忘記果種痛楚,好辛苦,唔想再受
2. 我點樣take care佢地呀?二仔咁細個,又要同弟弟/妹妹分媽咪,如果最細果個好痴身,咁點算......
3. 錢,又夠唔夠用呢?呢兩個咁接近,讀幼稚園又交兩份學費,點頂?計埋大仔,每學期交三份書簿費,點算?
4. 我一個人帶三個小朋友出街,d人又點睇呢?有d人真係好鍾意指指點點......我聽後又點呢?小朋友聽後又點呢?
仲有好多好多野諗......
我日日對住老公同d仔黑面,老公返工好辛苦,我知佢返黎好想見到個個都開心,但我真係控制唔到自己,仲有點憎佢,點解佢要同我造呢?唔造咪冇事囉!!之後,佢錫親我,掂親我,我都唔比
我知咁唔係辦法,我成日唔開心,對頭家都好影響,自我懷疑自己有抑鬱証架!
我個大仔生日果日,我地準備同佢去長洲渡假,果朝我又發癲
我少少事就同老公嘈,發晒脾氣,老公就好好心機同我傾,佢攬住我同我講:"你唔好唔開心,無論你有咩決定,我都會尊重你,我知你壓力好大,生又痛湊又辛苦,但我會同你分擔,要唔要我都冇所謂,我只係想你開開心心,因為你對我好重要!"
(我要出街,一陣再講落去)
|
轉頭又friend過打ｂａｎｄ
)
發表於 
返回列表
