evacalbee 發表於 16-7-1 16:42 
其實幾年前睇我都唔明，四爺咪都係心狠手辣。然後皇帝駕崩時，若曦擺明就幫咗四爺叫萬歲，假傳聖旨。雖則佢 ...
同八爺好嘅時候，若曦多少都唔甘心受命運安排，所以佢以為只要順住歷史走勢去避開就可以，但慢慢喺宮入面混得越耐，佢發覺原來佢嘅命唔係再可以自己掌握，四爺之前同佢講要早作打算，所有人命都係喺皇帝老子手上，只要唔順從，隨時人頭落地，若曦已經好彩，忤逆皇命唔嫁都只係貶去浣衣房唔駛死。四爺對若曦嘅愛係見於平日提點同照顧，冇八爺果種花前月下，四爺係個內歛嘅人，佢可以走去為佢擋雨已經係將自己處於不利位置。
我唔覺若曦玩弄感情恃寵生驕，佢之於康熙都有一種近乎父女感情，對於四爺，係，佢係持住四爺對佢遷就而試圖去解救其他同佢有感情嘅人，同時都係想修補四爺同其他兄弟嘅關係，但皇位呢個燙手山芋又點可能咁簡單可以因佢而解救，每個人嘅心思加埋一齊，若曦又點可能全部知道又一一調解。
四爺有妻妾，所不同嘅係四爺嘅嫡福晉唔同八福晉，若曦之前話要做皇后都只係試探四爺，而四爺一口拒絕，因為四福晉一直嚴守婦道，從冇過錯，可見四爺係一個重情嘅人，以張曉現代女子嘅思想係接受唔到分享人家丈夫，但後來因為日久生情，因為情義，因為被同化，加上四爺四福晉都有好多忍讓，對若曦有好多特殊優待，我覺得唔可以同最初若曦同八爺講分手果陣相提並論，後來嘅若曦都有妥協，佢一直都唔係想改變歷史，因為佢知道冇得改，但佢唔知原來自己就係推動歷史果個，冇佢提點八爺去提防四爺，所有人嘅命運都唔會一樣。
其實桐華寫呢本書都唔係冇反駁之處，佢都有不實不合理之處，不過已經叫做可以大部份自圓其說，如果以佢當時移民外國，身處異鄉去理解若曦處境，可能會容易理解得到若曦由最初事事抗拒，到後來接受現實。
花旗太太生活在花旗國，留意時差，你問我未必即時答到。
發表於 
返回列表
