所有入一線學校的學生必須紮腳三寸，二三線的學生必須紮腳四寸，寶校的學生紮腳五寸。由於間間學校想升哩，所以D腳越紮越細，幾乎到咗切足的地步。有入到一線的家長問「其實點解要紥腳讀書呢？咁樣合理嗎？」有些一線 waiting list 的家長就義憤填贋話「冇本事紮腳三寸，就紮四寸啦！阻住個地球轉」。又有人話：「當年我都係二寸金蓮 (其實係五寸)。三寸？濕濕碎。行唔到路，就要請工人揹啦！」有些自己子女已經紮咗三寸小腳的家長亦附和。當然要附和，否則點對得住當年要自己子女紮腳的痛苦，幾大都要死撐。於是漸漸讀書變成有錢人的專利，因為漸漸入一線學校的學生必須切大脾，二三線的學生必須切小脚，寶校學生要切脚掌，但唔係個個都負擔到有幾個工人服待，教育不再普及。漸漸大家都唔記得自己曾經有腳，亦冇人再問「其實點解要紥腳讀書呢？咁樣合理嗎？」
發表於 
返回列表
