夫婦情感

收藏本版
發帖
返回列表
跳至頁

首頁
12345

尾頁
   0
bandband


子爵府

積分: 11510


61#
發表於 04-8-22 18:39 |只看該作者

Re: 你地覺得我honey同佢媽咪咁樣的做法過唔過份呀???

完全同意.
沙沙 寫道:
小manman,
過份架, 咁耐無得見呢...但呢D野都係見仁見智咋喎...要睇你有幾愛佢喇.

妳時時話愛佢, 我唔見得喎. 佢唔見你又不是去同第二個女仔一齊...你嬲乜姐. 佢呀媽都不是第一次隔開你地架喇..咁勞氣做乜 要同佢老母鬥過嗎? (睇下邊個得到個仔嗎?) 既然你條仔咁孝順(禺孝)妳愛佢就應該包容佢呢D缺點. 亦要愛埋佢媽咪.(呢D叫愛屋及烏) 我唔覺得覆雜喎...你愛就去愛...佢有佢呀媽既愛法..佢呀媽都係太愛個仔姐...你忍唔到你條仔咁做...你咪同佢分手囉...咪第時結左婚有排你忍... 若妳唔捨得條仔...都沒有發的..妳個honey敢放你飛機有第一次實有第二, 三...次呢. 除非改下你既忍耐力吧喇...佢呀媽都對你唔錯喇..如果唔係點會有節目都預埋妳呀..又買禮物比妳呢...
老公VOICEMAIL 1 2 3
私人傳訊

crystaltochan


男爵府

積分: 6296


62#
發表於 04-8-22 20:38 |只看該作者

Re: 你地覺得我honey同佢媽咪咁樣的做法過唔過份呀???

finger 寫道:
如bandband 咁講, 只係呢一刻既感覺, 咁佢又講得唔係冇道理, 其實每個人觀點與角度唔同, 自己需要乜野, 自己最清楚, 小 manman, 如果我係你, 我一定飛左你男朋友, 因為我要為自己將來打算, 我自問自己接受唔到一個裙腳仔或者愚孝既男人, 就算同佢結左婚, 再來一定冇好日子過, 辛苦既只會係自己...
我都同意呢個諗法,而家既問題並不是睇唔睇激光的問題,而是從你所說的咁多件事來分析,你男友太無自己的主見,就算無呢件事發生,將來都會有其他事情做導火線,我相信你男友都會不分青紅皂白聽亞媽話的乖乖仔.所以如果你好愛佢,你就要做好忍受這一切的心理準備.不要期望太高你在他心目中的地位.
http://tn5.cn3.yahoo.com/image/3f7/b41fbbff9e4a8ee75e.jpeg
私人傳訊

小路


琥珀宮

積分: 161936

好媽媽勳章 醒目開學勳章 畀面勳章 環保接龍勳章 大廚勳章


63#
發表於 04-8-22 22:16 |只看該作者

Re: 你地覺得我honey同佢媽咪咁樣的做法過唔過份呀???

小manman，
我都覺得你有少少鑽左牛角尖，大家都唔夠成熟，我諗你要同你男友結婚都要三思呀。
小路
私人傳訊

22182218


大宅

積分: 2101


64#
發表於 04-8-22 22:55 |只看該作者

Re: 你地覺得我honey同佢媽咪咁樣的做法過唔過份呀???

小manman
你只係認同啱聽嘅說話
同你睇法唔同嗰d你又唔多接受
講真丫
如果依家以經有咁多不滿
我就真係唔會諗結婚住
始終都係一件大事
唔通第日先後悔咩

我就最怕一D無主見男人
仲要係失業大軍 第日點生活呀

如有得罪 敬講見諒

[img align=left]http://forum.bjcg.com/images/upload/2005/02/18/161709.gif[/img]
私人傳訊

lauretta


子爵府

積分: 14489

好媽媽勳章 醒目開學勳章 睛靈勳章


65#
發表於 04-8-23 07:43 |只看該作者

Re: 你地覺得我honey同佢媽咪咁樣的做法過唔過份呀???

小manman,

先唔評論你既做法,我講你聽,我老公都係一個孝順仔,佢講過無論咩事,我同佢媽咪嘈/駁佢咀,就一定係我唔0岩,而且佢亦唔信奶奶會做錯(哈哈,我都唔信),如果奶奶有錯,我係唔應該駁咀,而係講比佢聽(我同奶奶關係好到不得了,所以唔會發生呢d情況,當日我響bk見到有媽咪同奶奶不和,我就問左佢有關婆媳糾紛呢個問題,佢就咁答我),咁我問老公,奶奶or老爺係唔係響佢心目中排第一位?佢答我係,仲問番我,我發現原來掉番轉,我既屋企人地位都係第一,有一次我老公既婆婆(早排過左身)響大陸旅行跌親,我老公上左去1week(因為婆婆行唔到,而好番d先落到黎),之後我老公晚晚收工都要去探佢,我足足有成2個月冇見我老公,但係知佢晚晚有返屋企,莫講話出街,連食飯都冇,我同女女訓左佢先番到(我地同婆婆住得遠),到我地醒左佢已經出左門口,早2個月前,婆婆cancer惡化,婆婆同上次一樣叫我同女女唔好探佢,剩係影相比佢睇就可以(上次因為婆婆怕佢d跌打酒味令我同女女聞到會覺得唔舒服,呢次就因為婆婆怕醫院有細菌令我地病),我又過d接近冇老公既日子,我同佢靠電話溝通,足足1個月,我老公事後有問我有冇怪佢唔陪我,我話比佢聽冇,因為我寧願我老公係一個孝順仔,我問老公點解咁問,佢話見我一路冇出聲怪佢(因為佢連我生日都miss左),佢好內疚放低左我同女女,好想同我say sorry,我即時心都甜晒,所有辛苦都唔記得左
好啦,講完故事,講番你個case,其實我明白會成日想見,你估我變態咩,我唔想見我老公咩,不過我寧願自己辛苦d,大方d,等佢所有屋企人都覺得我好,咁我咪賺囉,我賺多左你一樣野,就係老公之後對我既關心,我老公而家一放工就返屋企陪我地,朋友叫佢出街都唔去,因為呢2件事,佢成世都會記得自己個老婆係幾大方,幾抵錫囉,成世都記得個老婆同個女曾經有一段日子係冇老公爸爸陪,反之如果我好似你咁,我老公鬧左我9年喇,換轉如果我屋企人有事,我一樣會好似我老公咁做,試下掉轉黎睇,如果你媽媽有病要求你唔好見你honey住,你會唔會say no?我諗我做唔出,一生人得一個媽咪,daddy,佢地養育你,愛錫你,當你如珠如寶,到頭來竟然為左拍拖唔理佢?你可能因為未做人媽媽,體會唔到由有左bb果一刻就好辛苦好擔心既心情(開頭不停咁嘔,到個肚大d行動又唔方便,又要抽血驗呢d果d,又驚bb有問題,到生又唔知痛幾耐,生左出黎又成日擔心bb食唔飽著唔暖,bb病左又擔心到訓唔著,我女女第一次發燒我成晚喊添呀,到佢越來越大,你擔心既野就越來越多),總之就養兒100歲,長憂99,小妹妹,唔好再發你honey脾氣喇,大方d體諒佢多d,你會發現有好處嫁,唔好同d老人家計較喇,你應該慶幸自己有個咁孝順既honey嫁,知道冇?
私人傳訊

ABCD媽咪


伯爵府

積分: 16016

好媽媽勳章


66#
發表於 04-8-23 10:51 |只看該作者

Re: 你地覺得我honey同佢媽咪咁樣的做法過唔過份呀???

小manman

相愛..係兩個人的事
但兩個人...要牽涉到兩個家族的事
你同佢媽咪現在用緊一條強力像筋拉緊你男友
他的媽咪...健康比他係壓力
你的感受...比他又係壓力
佢係孝順仔....係無可改變的事實
而你的要求...亦係你無可改變性格事實

在未結婚前...想清楚要唔要再行落去!!
你睇下bk夫婦感情呀..心聲果到
有幾多人要上來訴苦
更有幾多人因奶奶而離婚
唔好打算改變你男友
因為...成功率比你搵過另一個更岩的你男友機會率低.
私人傳訊

可可2003


別墅

積分: 547


67#
發表於 04-8-23 12:05 |只看該作者

Re: 你地覺得我honey同佢媽咪咁樣的做法過唔過份呀???

小man man,

其他媽咪講得好 right 架, 你真係要諗清楚同你個 "過於孝順(裙腳)" o既 honey 將來呀!

呢度有好多媽咪都有講同奶奶o既惡劣關係影響到兩公婆感情, 前車可鑑. 除非你可以接受 你vs你未來奶奶, 而你永遠處於第二或更後地位啦!!! 三思呀!!
枯藤老樹昏鴉, 小橋流水人家, 夕陽西下, 斷腸人在天涯.
私人傳訊

ywpw


男爵府

積分: 6545

好媽媽勳章


68#
發表於 04-8-23 12:11 |只看該作者

Re: 你地覺得我honey同佢媽咪咁樣的做法過唔過份呀???

hi 小man man

其實我都有個朋友好似你, 但最後都係分開左, 係個男仔頂佢唔到, 佢經常為左阿媽嘈, 佢成日認為男友著緊阿媽多過佢, 小小事就話佢唔夠愛我, 唔係將佢放第一位等等.....好似要成個世界得佢&男友, 講真有d霸道, 唔好成日覺得熱戀大晒, every情侶都有, 但真係要睇時間同體諒, 你成日都話你好愛佢, 但愛一個人真係要互相體諒, 你可能覺得佢唔體諒你有幾掛住佢幾想見到佢, 但都要睇件事邊樣緊要d, 唔好成日想贏佢阿媽,鬥唔過架. 如你真的愛佢就要珍惜佢.....



請不要怪我多事



私人傳訊

小bb


複式洋房

積分: 118


69#
發表於 04-8-23 12:50 |只看該作者

Re: 你地覺得我honey同佢媽咪咁樣的做法過唔過份呀???

小manman,

你只有兩個選擇,
一係分手,一係就忍佢
俾我就會選擇分手喇

你男友跟本仲係一個小朋友
佢跟本唔可以獨立
最起碼佢唔可以經濟獨立先啦
淨係呢樣野你地就要忍佢阿媽啦
但你又唔鍾意佢咩都聽晒阿媽話
咁一係就你養埋佢囉

o係返呢件事黎睇我又覺得你男友無做錯喎
唔好成日話佢阿媽唔見佢三日唔會死
就算有乜頭暈身熱都一定係你唔岩架喇
點解要擺自己上檯咁蠢??????
再講如果o個個係你自己阿媽
佢做完手術再野蠻既要求你都會暫時應承住先啦
你記住佢係未好返晒架
出得院都唔代表好返架
咁你唔見三日真係咁緊要咩???????

依家佢一定係將佢阿媽擺第一位架喇
你唔可以迫佢將你擺第一位架喎
你可以做既係俾佢feel到你愛佢多過佢阿媽
咁或者都有d機會既.....
(我就覺得無乜可能喇)
私人傳訊

crystaltochan


男爵府

積分: 6296


70#
發表於 04-8-23 13:17 |只看該作者

Re: 你地覺得我honey同佢媽咪咁樣的做法過唔過份呀???

講真,做亞媽既梗係想做仔聽聽話話....但係乖到下下乜都要問過亞媽既,都唔知開心好定係擔心好. ?-( ?-(
http://tn5.cn3.yahoo.com/image/3f7/b41fbbff9e4a8ee75e.jpeg
私人傳訊

vickym


男爵府

積分: 8096


71#
發表於 04-8-23 17:18 |只看該作者

Re: 你地覺得我honey同佢媽咪咁樣的做法過唔過份呀???

小manman,
都有睇下你d 留言,我都想知你同你honey究竟幾大?! 佢阿媽咁你都忍唔到.咁我唸你唔好唸結婚住lor!

呢度好多mami都有俾個易地而處既case你.你都要唸唸情況發生係你身上,你都唔想你男友掉轉叫你唔好理你屋企人而去拍拖lor!

同埋睇到你男友日後會靠佢媽咪做生意咁我唸你一定頂唔到將來既情況. 更加會係阿媽前阿媽後lor!

你搵佢阿媽黎同你擺上個秤度量度?! 得罪講句, 作為你又未免唸到自己太大比重lor! 女朋友/老婆點都唔會同父母有同等份量啦! 你同你男友我睇到應該都係20歲多d仲要係未見過d咩風浪都似. 你地個唸法真係未夠成熟lor!

如有得罪多多原諒啦.
私人傳訊

小manman


翡翠宮

積分: 87619


72#
發表於 04-8-23 17:48 |只看該作者

Re: 你地覺得我honey同佢媽咪咁樣的做法過唔過份呀???

好多謝你地開解我~~~
我已經無琴日咁鑽牛角尖架喇!!!
我亦都無再為呢件事而同佢吵架喇,因為我已經睇開左喇,嘈都無用~~~
不過,琴晚我同佢嘈左一獲勁既,佢講d好hurt我的說話,我同佢講不如大家分開下,佢停左一陣,跟住竟然同我講如果我真係要咁做佢都無辦法,咁我問佢係咪即係佢都覺得大家要分開下,佢答我如果我真係認為有需要就比d時間大家靜下,跟住我問佢可唔可以無左我,佢竟然答我唔知,答唔到我,我當時真係非常傷心,我問佢係咪無打算繼續同我係埋一齊,佢話我近排d脾氣真係好西利,令佢覺得好難頂,我話我咁問佢,佢竟然會答我唔知,咁即係乜野意思,佢話如果我d脾氣唔係咁樣,佢就可以好快咁答我,佢話如果我肯改下我d脾氣,佢會覺得咁樣同我相處會舒服d..........佢話一定要佢係呢件事上二擇其一,佢選擇唔到喎,但其實佢把口唔講姐,佢的行為咪已經選擇左囉!!!
但今日佢竟然可以好似平時咁若無其事咁打電話比我,佢聽到我把聲,就問我做乜,我話無野,佢問我做乜唔開心,我都唔知點答佢呀,我地琴晚先吵架完,佢係咪問黎都多餘呀???我話"我琴晚問左你乜野問題,你點答我呀???"佢話"咁琴晚火遮眼嘛!!!"仲話依架無事架喇,件事過去左架喇,叫我都唔好記住件事,但我自問做唔到可以忘記佢咁樣hurt過我 佢仲問我食左lunch未,我話我無胃口,佢仲好似好關心我咁,叫我"一定要食少少野,一d都唔食唔得架"我都唔知佢想點???
你地話佢係咪已經唔再愛我喇???或者佢係咪已經無以前咁鍾意我喇???佢以前唔係咁架,佢以前乜都就哂我架,唔會咁話樣我架,點解佢依架好似變左另一個人咁???
私人傳訊

bsiub


男爵府

積分: 6561


73#
發表於 04-8-23 18:01 |只看該作者

Re: 你地覺得我honey同佢媽咪咁樣的做法過唔過份呀???

算把啦 !!

呢個男人根本唔o岩你
而好明顯, 你都唔o岩佢囉

冇謂 ' side ' 時間
私人傳訊

小manman


翡翠宮

積分: 87619


74#
發表於 04-8-23 18:02 |只看該作者

Re: 你地覺得我honey同佢媽咪咁樣的做法過唔過份呀???

lauretta:
好多謝你用你的親身經歷黎開解我,真係開解左我好多~~~
你真係好識體諒你老公,而且思想好成熟,仲要好忍得,我真係好佩服你~~~
我自問唔好講一半,我連你的3成都未做到呀!!!我相信如果我一早就好似你咁的做法,我就唔會同佢吵架,亦唔會咁影響大家感情,佢亦都會覺得我好抵鍚,可惜既係我做唔到好似你咁,我有一個心結就係點解要我就佢,唔可以係佢讓步呢???
仲有一點同你唔同既係,你老公的婆婆係為左你好而叫你唔好去探佢,但佢媽咪依架唔係為左我好喎!!!佢係怕我有細菌傳染比佢喎!!!你聽落都唔同喇,你老公的婆婆係為你切想,而佢媽咪為左佢自己切想,大家的出發點都唔同,如果佢媽咪係因為怕醫院多病菌而叫我唔好探,咁我都唔會咁難受呀,問題係依架佢覺得我好似生人勿近咁喎!!!如果唔係佢地咁,我都唔會咁唔開心喇!!!
私人傳訊

沙沙


禁止訪問

積分: 46216


75#
發表於 04-8-23 18:04 |只看該作者

Re: 你地覺得我honey同佢媽咪咁樣的做法過唔過份呀???

提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
私人傳訊

bsiub


男爵府

積分: 6561


76#
發表於 04-8-23 18:09 |只看該作者

Re: 你地覺得我honey同佢媽咪咁樣的做法過唔過份呀???

沙沙 寫道:
妳有脾氣, 佢都有脾氣喇....以前唔會話你...唔話你唔代表佢愛你姐...佢同你講真話...你又話人話妳...妳都幾係野架喎...


非常同意 ...
唔止幾係野咁簡單添呀
私人傳訊

yammyma


大宅

積分: 4605


77#
發表於 04-8-23 18:23 |只看該作者

Re: 你地覺得我honey同佢媽咪咁樣的做法過唔過份呀???

你男友已經俾左個答案你,"佢話我近排d脾氣真係好西利,令佢覺得好難頂,我話我咁問佢,佢竟然會答我唔知,咁即係乜野意思,佢話如果我d脾氣唔係咁樣,佢就可以好快咁答我,佢話如果我肯改下我d脾氣,佢會覺得咁樣同我相處會舒服d...."唔可以因為佢次次就你,你就可以唔理人感受,隨時發脾氣,人既容忍度會有極限,當佢覺得唔值得時,就唔再忍.點解唔企係對方既立場去諗下件事.你男友無變到,而係你認為佢乜都就哂你,你已變本加厲.
[img align=left]http://www.dchome.net/emote/icon/548.gif[/img]
私人傳訊

bandband


子爵府

積分: 11510


78#
發表於 04-8-23 19:45 |只看該作者

Re: 你地覺得我honey同佢媽咪咁樣的做法過唔過份呀???

完全同意.小manman,問題根本唔係出在你男友或者佢媽咪度,而係你自己本身出問題,你要男人吓吓都就你先氹你,根本係無可能,你男友始終都係人嚟,都有佢脾氣同感受,佢以往就哂你並唔代表係你啱哂佢錯哂,唔知你明唔明...有時,你都要俾佢有個地方有個機會去唞吓休息吓,而唔係吓吓都俾好多難題佢考去作抉擇,你男友根本唔係你既奴才,唔能夠你話去東佢就唔可以話去西,你男友唔係一隻狗,you know?

恕我直言,你真係唔好再睇再信咁多電影小說橋段上既情情塔塔既嘢,呃人架!害人不淺!倘若你真係要找個愛你係無咗你唔得既人,係有,嗰啲人就係你父母!你唔好諗嘢再係咁一廂情願咁幼稚,問心,你噚晚主動同佢講分手,你係要嚟激佢迫佢講:"無咗你唔得,我會死...",right?並唔係你心裡面真係想同佢分手,right?如果係,呢樣亦好証明你係一個極度唔成熟而行為極為幼稚既人!你男友今日願意再打番電話俾你,咁係証明佢思想成熟過你,唔同你呢個小妹妹鬥氣,你應該好慶幸你遇到個咁好器量既男友,佢以前就你,係因為愛你疼惜你,依家唔就你,我相信你心中應該有個答案,如果你真係想要番佢,真係唔該你先改改你既臭脾氣同自私幼稚既諗法!尤其先洗去嗰啲無謂既情情塔塔既想法!係真心相愛既,唔一定要日日見住先得!係就好掛住對方,但見少一日係咪真係咁怕人地會無咁愛你,如果係,你地並愛得不深!你自己諗清楚!
老公VOICEMAIL 1 2 3
私人傳訊

小manman


翡翠宮

積分: 87619


79#
發表於 04-8-23 19:50 |只看該作者

Re: 你地覺得我honey同佢媽咪咁樣的做法過唔過份呀???

bandband寫道:
"佢以前就你,係因為愛你疼惜你,依家唔就你,我相信你心中應該有個答案"

咁即係你都認為佢已經唔再愛我疼惜我喇???咁點解佢仲要揾我呢???
私人傳訊

bandband


子爵府

積分: 11510


80#
發表於 04-8-23 20:23 |只看該作者

Re: 你地覺得我honey同佢媽咪咁樣的做法過唔過份呀???

呢樣,我唔可以好肯定咁答你,你要我估,我只可以覺得,佢呢一刻只對你有感情,當你係一個小妹妹看待吧...講真,你响你男友心目中本質唔係壞,佢為乜要恨你先?佢根本唔恨你,只係對你心淡...人始終有疲累既一日,呢次就到你,唔代表一生一世都可以咁,明唔明?俾人圍毆都要搵地方唞唞氣啦,更何況係'精神虐待'???恕我咁樣講,但我真係覺得,你咁樣亂發脾氣咁樣去任性要人就哂你,你身邊既人真係好辛苦,佢唔係唔鐘意你,當初佢地就哂你,只係覺得你細路女,仲有得長大,仲有機會去改,佢地俾咗咁多機會你,你都唔醒覺唔去改善,梗有人頂唔順,要中途離場啦...你男友仲要唔要你,呢個問題,係你親自冷靜地去問佢,無論佢答是或否,我都希望你可以認認真真地去檢討自己,重新改善自己既脾氣,有時將心比己,你就會知道你應該點去待人,同埋,愛一個人並唔會要求回報,亦唔會要求對方對你最好,你想了解一下,你可以細心去睇番之前咁多位以親身經历嚟勸你既媽咪既留言...人始終需要長大去為人設想,而唔係要求強求人地事事就哂自己,你明嘛...?
老公VOICEMAIL 1 2 3
私人傳訊


首頁
12345

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy