吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 有3個小朋友的媽媽，無請工人的想問…… ...

自由講場今日: 1997|主題: 1359743

收藏本版

發帖

返回列表

跳至頁

樓主: 藍莓綠茶

有3個小朋友的媽媽，無請工人的想問……

[複製鏈接]

2 345 6...7

米腸

公爵府

積分: 25689

61^#

發表於 17-2-23 23:34 |只看該作者

回覆樓主:

我一湊四，6，5，3，2
早上三個番左學我就同最細去公園玩30分鐘左右，之後番屋企拖地執野，再預備午餐夜晚既晚餐（醃肉，洗菜等），十二點就同細食lunch，之後就同佢玩一陣，哄佢訓覺！我再整下未整完既野
6歲15：30放學，16：00兩個細放學！
回家叫佢地做功課，我就即係洗米，蒸肉等，蒸餸期間就教做功課（通常呢段時間最細會搞搞陣），邊個早做完就去沖涼，大約18：00食晚飯，之後我洗碗佢地就玩，之後就溫書，21：00上床訓覺（但呢排要睇親親我好媽就變左21：30先上床）

最大個果星期1，2，3，5放晏，不過影響唔大

註：我逢星期一會買定一星期餸

點評

elvina_lmk

發表於 17-2-24 08:37

rayrayus

發表於 17-2-24 06:02

私人傳訊

wy_yen

侯爵府

積分: 24365

好媽媽勳章畀面勳章

62^#

發表於 17-2-23 23:43 |只看該作者

回覆樓主:

一直都冇請過工人。。3個e家小2，k2，同2歲幾。。。
仲要返學放學都係自己揍，朝早老公帶大仔返學，我同細細仔帶2仔返幼稚園，放學就因應大仔有冇課後活動，而安排接佢先定2仔先。
夜晚e家有時自己煮簡單的，有時就過奶奶屋企食，間中都會叫外賣。

私人傳訊

wy_yen

侯爵府

積分: 24365

好媽媽勳章畀面勳章

63^#

發表於 17-2-23 23:56 |只看該作者

ayasbaby 發表於 17-2-23 17:53
點解你做得到？1歲成日都要訓，甘撞岩要接放學佢訓緊點算？

呢d時候咪揹佢上身繼續瞓

我睇左幾個。。都問呢類問題。。。究竟係o係我眼中呢d唔係問題。。定係大家都覺得好大問題呢

私人傳訊

D-chan

男爵府

積分: 6308

64^#

發表於 17-2-23 23:58 |只看該作者

藍莓綠茶發表於 17-2-23 13:40
請問有3個小朋友的媽媽。
小朋友幾大你們可以無工人，
無工人湊到3個嗎？

我朋友3件，7歲，4歲半，同就快1歲，從來都無工人，因住外國，我覺得無話5得，只係習慣。

私人傳訊

bosch

瑪瑙宮

積分: 128537

馬年勳章 2026勳章 2025中秋節勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章開心吸收勳章

65^#

發表於 17-2-24 00:59 |只看該作者

本帖最後由 bosch 於 17-2-24 06:14 編輯

藍莓綠茶發表於 17-2-23 13:40
請問有3個小朋友的媽媽。
小朋友幾大你們可以無工人，
無工人湊到3個嗎？

有工人幫手點都好d, 冇工人的話我覺得早d學湊三個仲好, 一早教定小朋友出街時既規距, 等佢地習慣去配合你, 亦習慣獨立d, 你等小朋友大左識自己走開至教仲麻煩. 你既然捱得就易話為好多, 冇制肘之下, 忙得黎煩惱少d.

我認為一定要分配好d 時間, 要限制課外活動數量. 我唔擔心拖埋細b 要周圍走, 又唔會怕要叫醒bb 出街, bb 越細帶佢周圍佢仲方便.

學校方面揀近屋企既學校. 以前我會呻做乜冇校車, 而家慣左又冇野, 行路當自己鬆腳骨, 係天氣差時出街係好難頂, 不過我d 仔好鍾意響惡劣天氣出街, 佢地覺得好玩.

大b 返學, 細既可以訓晏覺, 或放學後至訓. 好天出街玩, 一星期買幾日餸.

課外活動係一人一日去一個活動, 或者揀d 可以一齊上或同時間上既活動, 又或者去d 放工後/weekend至上既活動. 就算按排唔到同時間上活動, 都會盡量安排響同一日同一地點上興趣班.

另外我會留d weekday 下晝冇課外活動, 當大家休息或俾阿仔約朋友玩. 呢d 空閒下午可能係細女第日既課外活動時間.

我個仔約朋友玩時, 住得近既我屋企既朋友當然點約都冇所謂, 但佢地有d 朋友屋企係車船不到, 我要阿仔請人地黎我屋企玩. 天氣差的話, 我叫個仔一係請朋友黎我屋企玩, 一係唔約人. 呢d 有時即時睇情況去安排. 有時大仔去上活動班, 二仔去朋友屋企玩, 我去接大仔後順便接埋二仔, 呢d 安排幾乎日日都要執生.

小朋友病左都要出去架啦, 無辦法了. 至多幫佢地著得暖d 包得好d至出去, 必要時上少一兩次課外活動.

出街時我要兩個仔既扶住bb 車一齊行. 有時我扮唔識路叫大仔講可以點行, 等佢認路同埋唔好自己貪快行先. 去超巿就俾大二仔拎少少野, 佢地唔好無聊響條街度一係玩一係不自覺行得快.

有時出街要搭巴士火車, 小朋友要企咪企, 儘量group 埋一齊, 唔會見後面有位就叫小朋友自己過去坐. 我地返香港時我好少同仔女搭小巴, d 亡命小巴唔理d 人係咪坐定就開車, 所以一係響總站上小巴, 否則我寧願等耐d 搭巴士, 巴士開車冇咁急.

私人傳訊

nikfan

子爵府

積分: 11574

66^#

發表於 17-2-24 01:23 |只看該作者

藍莓綠茶發表於 17-2-23 13:40
請問有3個小朋友的媽媽。
小朋友幾大你們可以無工人，
無工人湊到3個嗎？

我唔係有三個小朋友，但姐姐成日發Din，我就成日唸點樣代替佢。

1，小朋友返全日
2，買洗碗碟機
3，自動吸塵機
4 ，請鐘•

私人傳訊

藍莓綠茶

伯爵府

積分: 15407

畀面勳章

67^#

發表於 17-2-24 07:28 |只看該作者

IloveJJ 發表於 17-2-23 23:18
其實生咁多小朋友，就係想佢哋有群體生活，懂得互相體諒，所以我唔會選擇分開佢哋，要親子，也要懂分享、 ...

我自己咁睇，群體生活除家人都要同其他人相處，但親子時間的質素我想盡所能提供到最好的。
佢地3個亦有3個相處時間，每日3小時加埋星期六日。
分開上下午，其實各方面更平衡。
只係大人會累些。
起碼佢地係細佬睡左時，有同媽媽一齊的時間。
細佬大些，除了同媽媽一齊亦變左有相處溝通。
其實獨自同媽媽相處時間唔多，得個幾年，上哂小學，返哂全日班，到時真係所有都同步。
所以我珍惜尼幾年，亦想佢地回憶中有同媽媽單獨的相處回憶。
唔好講3個，2個的家庭小朋友，亦需要找時間出來同父母有單獨的時間。
聽好多講座都係咁樣建議。
我未有阿3前，一直都咁做。
身邊朋友都會咁做。始終學習群體生活之餘，佢地某些心理上的需要都要顧及到