夫婦情感 今日: 0 | 主題: 42761

積分: 4224

61^#

發表於 17-4-29 08:44 |只看該作者

maymaysheep 發表於 17-4-29 08:25
請問點可對一個你不滿的人長期笑容滿面，又不是演員，確實好難

本帖最後由 dativebond 於 17-4-29 09:02 編輯

你不滿咪講囉，唔好收收埋埋，無人叫你扮野，真誠表達你的感受，不過講野既方法要練習，唔係胡亂發洩情緒，唔係諗到乜就講乜，要認真諗下咁講有無效果，你要代入對方角度，想像咁講係咪真係有效，會唔會反而引起罵戰，或者令對方覺得你埋怨佢。講真話講感受都有好多方法，你記得目的唔係拗交，認真諗下你講野的內容有無機會令對方誤會你以為你想開戰，如果有，諗下點講會好點，唔會比呢D枝節誤了大事。

講完你要細心留意對方係咪有改變，有好既改變就要讚，要欣賞，咁對方先有動力去再做好點。唔係要對方攞番一百分先讚，係即使只攞多一分就要讚，讚賞會帶來更多良好行為。

從來講好容易，做係好難，所以係好需要練習，你越練習得多，越能令對方聽入耳，咁你講完先有價值。你既目的唔係成日諗住，我嘗試你既方法，同佢講同佢傾，拿，佢真係比我睇死，講完都無用既，完全唔理我。喂，唔理你既話你有無諗下係咪你講野方法得唔得先，你想像你就係佢，有人咁同你講野你感唔感動先。要思考和練習架，唔係有把口就講得到。

私人傳訊

積分: 6787

開心吸收勳章

62^#

發表於 17-4-29 10:21 |只看該作者

提示: 作者被禁止或刪除內容自動屏蔽

私人傳訊

積分: 4224

63^#

發表於 17-4-29 10:27 |只看該作者

hunterml 發表於 17-4-29 10:21
我係男人, 我都想 join, 老婆生完後變左另一個人.

係架，有時變得好勁架，你都變左另一個人，做左老豆。

講詳細點。

私人傳訊

積分: 6787

開心吸收勳章

64^#

發表於 17-4-29 10:28 |只看該作者

提示: 作者被禁止或刪除內容自動屏蔽

私人傳訊

積分: 4224

65^#

發表於 17-4-29 10:31 |只看該作者

hunterml 發表於 17-4-29 10:28
之前開過 post 講了.

你意思係呢D？

Screenshot_2017-04-29-10-30-48-700_bk.androidreader.JPEG

Screenshot_2017-04-29-10-30-34-769_bk.androidreader.JPEG

Screenshot_2017-04-29-10-30-41-076_bk.androidreader.JPEG

私人傳訊

積分: 6787

開心吸收勳章

66^#

發表於 17-4-29 10:36 |只看該作者

提示: 作者被禁止或刪除內容自動屏蔽

私人傳訊

積分: 4224

67^#

發表於 17-4-29 10:47 |只看該作者

hunterml 發表於 17-4-29 10:28
之前開過 post 講了.

本帖最後由 dativebond 於 17-4-29 11:10 編輯

你講既情況好典型，同我阿哥情況好似，你睇埋前面，我有提過。個男人覺得自己盡晒力付出，為老婆為頭家，但老婆都仲唔滿意，又唔感激又唔體諒，你覺得好委屈，係咪？

你唔覺得好奇怪架咩？你付出咁多，理應結果係老婆開心，係咪？但點解付出左又得唔到想要的效果？好明顯，中間有野做得未夠。我唔係叫你再努力點，其實你已經做得好好。如果用跑一百米做比喻，其實你跑左九十米架啦，咁剩番果十米係乜？就係溝通，你的付出和佢的感受有個gap，將佢連埋一齊。你問心，你既付出為乜？為左頭家安穩，為左老婆舒服點開心點，因為你愛你老婆和小朋友。清清楚楚講比佢知，你可能覺得我咁辛苦做野為乜你唔知？仲要講？係，真係要講，因為佢感受唔到你付出既野和愛佢有乜關係，感受無得拗，感受唔到咪感受唔到囉，有乜咁出奇？你要比佢知你辛苦做野最終原因係你愛佢，想佢開心，想頭家開心。

另外，字裡行間都感覺到你委屈，你覺得你做咁多野佢都唔感激唔體諒。好正常，典型關係差既夫妻都有呢個通病，好怕向對方表達感激欣賞，好似做係應份咁，係我知係應份，但讚下都得卦。你想佢感激欣賞你，唔會埋怨責怪你，你問心你自己有無感激欣賞佢先？仲要真誠講出黎，佢要清清楚楚聽到，和感受到。

仲有D minor野，講sorry加個lor咪唔真誠，比唔講更差，好似佢迫你咁。女人叫你先做同無做無分別，你幾時會叫人做野？就係條友無做先會叫，所以主動好緊要，否則人地叫先做好唔抵，做完等於無做，好似開左工無糧出咁。你咪理佢之前講乜，我唔信你主動做佢會鬧你囉，溝通唔係淨係用耳仔聽，女人講野有時唔係字面意思，你要睇人眉頭眼額架，要諗下你做乜佢會開心，同埋唔只做，講比佢知你做野既動機係愛佢想佢開心舒服，女人用耳仔拍拖架。

私人傳訊

積分: 4224

68^#

發表於 17-4-29 10:48 |只看該作者

hunterml 發表於 17-4-29 10:36
係其中一樣 ...

喂，如果仲有你cap出黎啦，我唔係偵探呀。

私人傳訊

小小宇宙

別墅

積分: 832

69^#

發表於 17-4-29 11:38 |只看該作者

dativebond 發表於 17-4-28 23:49
本帖最後由 dativebond 於 17-4-29 00:08 編輯

中意打機打到老婆仔女都唔陪既叫男仔，你一係等佢變男人 ...

多謝你意見我會好好咁諗其實我係咪都比好多壓力佢改變唔到佢唯有改變自己

私人傳訊

積分: 4224

70^#

發表於 17-4-29 11:44 |只看該作者

小小宇宙發表於 17-4-29 11:38
多謝你意見我會好好咁諗其實我係咪都比好多壓力佢改變唔到佢唯有改變自己
...

本帖最後由 dativebond 於 17-4-29 11:48 編輯

又唔駛突然講到自己錯晒，啱和錯唔緊要，大家都有反省先最重要。

我只係相信你有正面諗法，先會有正面行為，對方先有可能比正面回應你，咁先有機會做到正面循環。

但事實上又未必一定得，始終你只能控制自己諗法和行為，佢最後會唔會真係比正面回應你，其實你控制唔到，就好睇你堅持到幾耐和佢夠唔夠愛你。不過凡事盡力而為，努力過盡晒力，有時都要睇緣份。但你肯踏出第一步，你已經變得更好，係有回報架。

私人傳訊

積分: 6787

開心吸收勳章

71^#

發表於 17-4-29 11:51 |只看該作者

提示: 作者被禁止或刪除內容自動屏蔽

私人傳訊

小小宇宙

別墅

積分: 832

72^#

發表於 17-4-29 12:09 |只看該作者

dativebond 發表於 17-4-29 11:44
本帖最後由 dativebond 於 17-4-29 11:48 編輯

又唔駛突然講到自己錯晒，啱和錯唔緊要，大家都有反省先 ...

唔係講到我錯哂。。可能男同女思想既角度唔同。。可能佢返工大壓力。。所以先會用呢種方法減壓
但有時過火我唔去阻止。。咁會令我地關係愈來愈差。大家無話題愈來愈疏遠
好似平時我會叫佢lunch打電話比我
佢覺得係報到咁一聲食飯就收線
而我其實想聽下佢把聲。。想佢關心下我
有無食lunch或者點樣
點知佢lunch無打黎原因係因為打機忘記左
其實證明我係佢心中幾咁唔重要
一通電話一分鐘都懶得去打

私人傳訊

積分: 4224

73^#

發表於 17-4-29 12:26 |只看該作者

hunterml 發表於 17-4-29 11:51
師兄, 你有無聽過 "唔使你氹, 唔使你錫, 用D心機去照顧D仔女!" 我唔係唔想錫及氹, 我係有 order 叫我慳返. ...

本帖最後由 dativebond 於 17-4-29 13:32 編輯

師弟，一早講左女人講野唔係字面意思，佢真實意思你知唔知？等師兄幫你翻譯。

你老婆意思唔係叫你唔好主動做對佢好既野，無人會唔中意比人氹比人錫，用個腦諗下都知。佢真正含意係小緊你，你連照顧小朋友野都未搞得掂，唔識全部自動波做，硬係要佢提。個仔佢一個架？你係佢助手呀？個仔你有份架，仲要我提，最基本既野都未做得好，唔好諗住求其氹下我幫我揼下骨過到骨。裡面其實包含三個要求，主動做好照顧個仔的工作，唔好要佢提；繼續主動氹佢；繼續主動揼骨。全部都係要你主動做，你條友唔係唔知，你而家玩鬥氣啫。你男人黎架，仲玩小朋友鬥氣遊戲？

你肯定未搞清楚你自己係婚姻入面既定位。如果婚姻係一場辯論比賽，你極其量只係辯論員，但你老婆係裁判。我任你講得天花龍鳳，鬥氣鬥到出神入化，你最後贏定輸係你老婆決定，佢判你輸，唔係講緊場交，係你既家庭。

我理得你出面搵幾多錢，一個男人連最基本既保護頭家都做唔到，係無能。當初結婚你應承對佢好，照顧佢一生一世，幸福快樂，當中無前設架，無話老婆對你好你先對佢好。做男人大方點，改善關係由你做先，原因係乜？因為你係男人，你愛佢囉。你係男人，一家之主，頭家散左，講到尾都係你責任最大，唔係你估做男人、做一家之主好過癮？

你成日話我乜衰野都無做，我有咩錯？你乜都無做咪就係錯囉，我講緊修補夫妻關係工作，身為一家之主失職仲咁大聲？你咁樣同番工唔做野，仲叫老闆出糧比你有乜分別？你唔好好似另一個post，老婆走左佬先大叫冤枉呀大人，女人死左心就係死左心，你唔好消耗你老婆對你的愛和耐性，女人一決定走好少番到轉頭。

信下人啦，你主動修補關係，女人會感受到既，佢會對番你好，唔係要你永遠單方面付出，當夫妻關係好，你先會有真正既喜悅，女人要求其實唔高。

你唔好怪我講得咁白，你係男人，理應頂得順，希望你聽得入耳。

私人傳訊

積分: 4224

74^#

發表於 17-4-29 12:35 |只看該作者

小小宇宙發表於 17-4-29 12:09
唔係講到我錯哂。。可能男同女思想既角度唔同。。可能佢返工大壓力。。所以先會用呢種方法減壓
但有時過火 ...

本帖最後由 dativebond 於 17-4-29 12:36 編輯

男女睇野真係好唔同，佢因為打機無打俾你，就覺得自己比唔上部遊戲機，又唔好咁諗，因為呢個肯定唔係事實。

你話你想佢打比你係想佢關心下你，你想要乜就自己先做。你想佢打比你關心下你，你先打比佢關心下佢，咁做咪當益下佢，做個榜樣囉，佢慢慢會識跟應該。

至於打機，打機係表癥，係咁制止表癥同治標唔治本無分別，反而你阻住佢，佢會覺得你煩。唔好集中表癥，認真思考，和佢傾背後原因係乜？平心靜氣解決個本。

私人傳訊

Winter.Yiu

積分: 1701

75^#

發表於 17-4-29 18:59 |只看該作者

dativebond 發表於 17-4-29 04:31
仲有一樣，到夫妻關係出現第三者已經太遲，挽救機會好低，就算挽救到，都始終有條刺，點都去唔番果種信任 ...

以你嘅見解，出現咗第三者又點搞呢？

私人傳訊

積分: 4224

76^#

發表於 17-4-29 19:37 |只看該作者

Winter.Yiu 發表於 17-4-29 18:59
以你嘅見解，出現咗第三者又點搞呢？

本帖最後由 dativebond 於 17-4-29 19:40 編輯

好難搞。。。送去ICU啦！

認真，做法一樣，不過前提要雙方真係好意願挽救，不則咩方法都無用。

私人傳訊

Winter.Yiu