我自己都係一個多汗嘅人,除左手汗腳汗,夏天行幾步或者離開冷氣地方一陣就會出汗,冬天一暖落黎又會,無可否認有d時候會覺得尷尬~例如排隊比錢(有散銀),排到我時喺手拎住嗰d散銀已經濕濕地,我個人唔熱架!但手汗隨時走出黎我都無偈
~唯有暗瓦底印一印先遞比人
;我夏天出街多數都著拖鞋或平底鞋,每每鞋籠都會濕到跣腳,想行快步都唔得!但都係無偈架,有手汗腳汗都要認命,係唔方便~但我[從來無一刻]因為咁而自卑,尷尬就會
手腳汗腺發達係與生俱來,正如有d人有臭狐一樣,又唔係乜野病,又唔係做錯d乜野,點解要自卑?自嘲就有,take it easy
!無人會介意你有手汗,介意嘅只係你自己,真係咁介意咪長期袋張tissue喺身囉,無乜大不了
~
我仔一出世就遺傳左呢樣野(佢老豆無嘅)~我點知?有次同佢著腳套(襪仔,但無咁貼腳),除番出黎嘅時候我無意識咁摸一摸佢腳底...咦,濕濕地嘅...唔係咁都有遺傳呀?自此,我就知佢同我一樣有手汗腳汗超大汗
男仔天生都係不拘小節,你將手汗腳汗放到咁大,又自卑又內疚又盛....,難聽d講,無事都比你講到有事啦!你咁樣只會令阿仔覺得[有手汗要罪疚,有手汗應該要自卑],真心奉勸你:唔好將小事化大!唔好搞到/講到自己同個仔都好似有問題咁!做乜要自尋煩惱?人生仲有大把野你煩~我仔從來唔當手腳汗係乜野一回事,佢只會知道[頭會出汗身會出汗,手腳出汗有乜咁奇?]
既來之則安之~我只係希望你明白,你對呢件事嘅態度係會影響你個仔日後嘅態度!我都係過來人,我唔當係一回事(當然都會討厭自己有手汗,但唔會自卑),我仔就自然唔當手腳汗係一回事!希望你可以釋懷,無謂將呢d無謂嘅憂慮過比個仔
人生不如意事十常八九，最緊要跌低咗識爬番起身！活在當下，珍惜所有。
其實男仔真係唔會在乎呢d野,你在意唔代表佢在意,可能佢根本唔覺得有乜野問題,但你就無時無刻提住佢,咁為乜呢?你可唔可以比佢唔當手汗腳汗係一回事呢?成件事都係你過份焦慮咋!其實你唔提佢根本亦唔會為意!
發表於 
返回列表
