影視娛樂 今日: 2 | 主題: 16092

積分: 18426

2018復活節勳章

64^#

發表於 18-5-21 18:51 |只看該作者

kcm 發表於 18-5-21 16:48
二哥最後同女演員分左手, 想表達咩?

奇勳係三弟，我覺得呢，當初三弟用愛去拯救女演員某程度出於補償，當日係佢糟質宥拉令到她成個摺埋，奇勳通過自己的懺侮幫宥拉重展她的人生，對於兩人來說其實就係劇本一直講的自我認識，再用自己的力量療癒，到宥拉重新振作名成利就時，呢種“孽債情償” 的關係已扯平了

分手主因當然關乎現實問題，我亦相信奇勳係為了迎接一個更好的自己，佢重新提筆寫的劇本叫“後溪山，不是諾丁山”，睇過Notting Hill 的JM一定知道最後迎來一個什麼結局，加上宥拉嗰種超常人死纏態度，我對呢對前景極樂觀

私人傳訊

積分: 18426

2018復活節勳章

65^#

發表於 18-5-21 19:00 |只看該作者

luckybaby2003 發表於 18-5-21 17:52
各位喜愛大叔的朋友們，你地已經講曬我心中的感受。整個結局感動、感恩、又哭又温暖。編劇好好，沒有要大叔 ...

用心去領會

大叔真係睇到我好著迷，我心目中神劇又添多一套

私人傳訊

luckybaby2003

大宅

積分: 3256

66^#

發表於 18-5-21 19:12 |只看該作者

Pr0udfish 發表於 18-5-21 19:00
用心去領會

大叔真係睇到我好著迷，我心目中神劇又添多一套

係，真係神劇，念念不忘，再睇再睇。另外和尚的放下更一絕，原來自己一直廿年未放下。但正熙的反應好似交待得過簡，可能編幅關係。靈堂到上山的一段戲，嗰班波友人情味和單純麻甩全部出曬，好可愛啊！

私人傳訊

積分: 7502

67^#

發表於 18-5-21 20:49 |只看該作者

Pr0udfish 發表於 18-5-21 18:51
奇勳係三弟，我覺得呢，當初三弟用愛去拯救女演員某程度出於補償，當日係佢糟質宥拉令到她成個摺埋，奇勳 ...

JM 如何理解東勲同三弟睇過電視做過家務之後大哭一場呢？

起初我認為佢為知安而喊：聽完三弟講每個命途悲慘的小孩都有自癒能力後，想起知安的成長坎坷，心痛至極，継而痛哭。

後來我又覺得佢係為自己而喊：人到中年，同妻子（應是分居了）和兒子天各一方，雖有兄弟但算是孑然一身，悲從中來⋯⋯⋯

私人傳訊

積分: 18426

2018復活節勳章

68^#

發表於 18-5-21 23:18 |只看該作者

waterlilymonet 發表於 18-5-21 20:49
JM 如何理解東勲同三弟睇過電視做過家務之後大哭一場呢？

起初我認為佢為知安而喊：聽完三弟講每個命途悲 ...

我都認為係百感交集，思緒萬千

我亦assume 大叔老婆當時已講明長時間離開韓國，離婚與否的主動權交大叔決定

當日由三弟先查詢至安的現況，再提到無人知曉呢齣電影，所謂人人都有的自癒能力，我覺得三弟明指的係曾歷淒涼的至安，但暗指的係大叔自己，至安給他活下去的力量，但要涅槃重生還得靠自己完成救贖

大叔一直默默承擔了所有生活的苦難，表面堅強平靜，從未為自己的困頓流過一滴眼淚。到鏡頭轉換至家中，已然孑然一身，電視又播起建構房屋鏡頭，想起今時今日內力全崩，想起前半生苦行僧般的委屈生活，以為無人知曉偏偏人人知曉的自身狀態，想起三弟的話想起至安，大叔壓抑已久的情緒終要找個出口

這一場潰堤痛哭太重要了，大叔明白人生需要一個轉折點，決定打破困局，為自身籌謀幸福，離開牢獄般的公司，跟妻子協議分居，脫胎成與至安相遇那笑意盈盈，神情清朗的大叔

私人傳訊

積分: 7502

69^#

發表於 18-5-22 00:52 |只看該作者

Pr0udfish 發表於 18-5-21 23:18
我都認為係百感交集，思緒萬千

我亦assume 大叔老婆當時已講明長時間離開韓國，離婚與否的主動權交大叔決 ...

若然三弟真有如此用意去點醒大叔，咁佢實在是個有大智慧的人啊（睇佢吾出⋯⋯）。

姻緣際會（又或者算係陰差陽錯）之下，東勲與至安陪左對方過左人生最艱難的時刻。大叔大哭過後，應該確認左一件事，就係至安即使冇左嫲嫲都可以吾洗痴住自己找到幸福，而大叔自己都要尋找幸福（嫲嫲錦囊：自己幸福才可以使人幸福），縱孑然一人亦要重新上路，自癒之餘亦治癒他人也。

私人傳訊

積分: 18426

2018復活節勳章

70^#

發表於 18-5-22 12:51 |只看該作者

waterlilymonet 發表於 18-5-22 00:52
若然三弟真有如此用意去點醒大叔，咁佢實在是個有大智慧的人啊（睇佢吾出⋯⋯）。

姻緣際會（又或者算係 ...

說得太好，往日至安一心牽念的只有奶奶，隨著奶奶去世，至安跟身邊人建立了羈絆，有愛幸福安好地活下去

我最初覺得安排奶奶去世好殘忍，睇到尾至明白奶奶的一場葬禮至係全劇的昇華，大哥的帥氣表現不用多說，佢替這孤苦女孩喚來後溪同人，盡展現他們善良義氣的一面，各人身上都閃閃生輝，平凡而美好。善良的人有善良的人作後盾，齊步跑向大巴士的慢鏡頭，讓我哋見到至安已拋下人生枷鎖，奔向自由

至安做得到的，大叔當然也做得到

(三兄弟亦不用再念叨著給母親一場風光大葬)

私人傳訊

積分: 7502

71^#

發表於 18-5-22 15:06 |只看該作者

Pr0udfish 發表於 18-5-22 12:51
說得太好，往日至安一心牽念的只有奶奶，隨著奶奶去世，至安跟身邊人建立了羈絆，有愛幸福安好地活下去

...

葬禮完結（班大叔仲（竟然）踢埋場足球）之後，有個阿叔大叫快啲上車呀就泥會塞車喇。於是一班人逐個逐個（慢鏡）奔跑上車，最後連知安大叔都跑 —— 一瞬間眾人從過去的人生重擔中跑出來，為整套劇完成左一個好有意思的結尾。

我的大叔之首尾呼應，比照一眾爛尾的韓劇，實在令人叫好。甚至嫲嫲在最後一次和至安見面時問，花瓣掉下來時（嫲嫲生命要凋零之時）是什麼聲音啊？至安答：那好聽的聲音⋯⋯世間有什麼事的完結係比這様更好呢？

私人傳訊

積分: 18426

2018復活節勳章

72^#

發表於 18-5-22 19:35 |只看該作者

waterlilymonet 發表於 18-5-22 15:06
葬禮完結（班大叔仲（竟然）踢埋場足球）之後，有個阿叔大叫快啲上車呀就泥會塞車喇。於是一班人逐個逐個 ...

JM 有冇覺得奶奶愛賞月看落花，係導演非常浪漫的設定呀？呢個設定給困境中的人物一種溫柔的力量，我覺得如果奶奶能言說的話，一樣會以大人的身份，對至安說聲沒什麼大不了

活得如此窮苦的她，還能打開心眼，感受花月靜好，去留無痕。她察覺大叔的善良，叮囑至安抓住幸福，珍惜感恩，至安亦學懂告別過去的自己，做到寵辱不驚，窮富也安然

私人傳訊

積分: 7502

73^#

發表於 18-5-22 21:08 |只看該作者

Pr0udfish 發表於 18-5-22 19:35
JM 有冇覺得奶奶愛賞月看落花，係導演非常浪漫的設定呀？呢個設定給困境中的人物一種溫柔的力量，我覺得如 ...

嫲嫲的溫柔，當然係一班麻甩大叔以外支持住知安継續走下去的力量啦。就住呢一點，我的大叔比未生裏張格來和吳科長的交集更豐富左一個層次。張格萊和李至安的「成長」固然有似爸爸一樣的吳科長和朴東勳「陪伴」著，但係嫲嫲的眼神和手勢/手語，絶對係紛亂世界裏對至安至珍貴的存在啊。

因為JM 引述嫲嫲的「遺言」似乎同我睇的繙譯有些少不同，所以我再翻睇果段一次。嫲嫲說「귀해 갚아야 돼」指至安同大叔之間的緣份珍貴一定要報答；黠報答呢？就係幸福地生活下去「행족하게 살아. 그게 갚아 거야」

私人傳訊

積分: 18426

2018復活節勳章

74^#

發表於 18-5-22 22:11 |只看該作者

waterlilymonet 發表於 18-5-22 21:08
嫲嫲的溫柔，當然係一班麻甩大叔以外支持住知安継續走下去的力量啦。就住呢一點，我的大叔比未生裏張格來 ...

紛亂世界裏對至安珍貴的存在 <<<< 所以嫲孫三次(？)頭碰頭，就賺足我咁多次眼淚

我可以話奶奶的殘疾設定，對推動劇情都起了巧妙作用嗎？除了令至安處境更苦困，祖孫情更親密外，亦因至安自少從未聽過長輩溫婉的聲音，大叔溫柔解意的話語至會令她如此著迷，特別感受到大叔的善良

而劇中亦豈止奶奶係聽不到走不動，即使身體健全的人一樣有漫不經心從不傾聽的，有舉步維艱或腳步踉蹌的，所以愁城死局好多時都係自己劃出來的

好羨慕JM你會韓文啊，原汁原味一定比我哋睇得更明白細緻，以後請多多指教

私人傳訊

積分: 7502

75^#

發表於 18-5-22 23:00 |只看該作者

Pr0udfish 發表於 18-5-22 22:11
紛亂世界裏對至安珍貴的存在

至安何止著迷於大叔的聲音，佢連大叔的呼吸聲都好著緊，仲有大叔腳步聲⋯⋯

至安同大叔之間的設定其實都幾荒(emoji)，至安係通過竊聽去體驗到大叔的可憐與困苦（同埋善良），二人的交集又從5000萬賄款開始，到最後大家陪對方走過人生的關鍵位，然後分開継續各自努力生活下去⋯⋯作為觀眾我覺得故仔卻能令人信服，接受到人間有愛啊。

私人傳訊

積分: 7502

76^#

發表於 18-5-22 23:02 |只看該作者

waterlilymonet 發表於 18-5-22 23:00
至安何止著迷於大叔的聲音，佢連大叔的呼吸聲都好著緊，仲有大叔腳步聲⋯⋯

至安同大叔之間的設定其實都 ...

荒誔

私人傳訊

積分: 18426

2018復活節勳章

77^#

發表於 18-5-23 12:00 |只看該作者

waterlilymonet 發表於 18-5-22 23:00
至安何止著迷於大叔的聲音，佢連大叔的呼吸聲都好著緊，仲有大叔腳步聲⋯⋯

至安同大叔之間的設定其實都 ...

如果話開篇誇張荒誕，結局則是童話走向了，現實如大叔般正直大好人已難遇上，至安本身身懷007奇技，仲要湊齊以下角色，難乎其難：義氣hi-tech打機友人，心精眼明惜才成日想請食飯的會長，一呼百應前仆後繼的小區友人，不愁生意隨時可供打躉的靜希酒館，反派有個代還巨債懵丙，外加一個三幾句竊聽話就被感化放下仇恨的光日

故事設定戲劇性，但內裡細節承載的全部係真情實意，男女主角相知相伴，互相喜歡的關係寫得純粹乾淨，其他人物交織的情誼感人暖心，寫人性善良令人寬慰，寫中年實況自尊堡壘人生感悟更直擊我內心

製作方面，電影質感鏡頭清冷，配樂克制，但治愈力量神奇，總之劇的餘溫足夠令我長久沉浸其中。我會一直想念至安和大叔

私人傳訊