millennia 發表於 18-9-22 20:13 
但係佢唔止用奇華餅，仲用上年包裝wor
我睇過原文，投訴人話買Lady M明知貴，因為名氣，想試下佢出月餅係點，就算知道佢出開千層蛋糕唔係中式餅，諗住睇下係點，加上個包裝好靚。但收到後食完一個發現個膠兜底有奇華兩個字，有被欺騙感覺。
另一個買咗她多盒嘅女人都加入投訴行列，因為佢係買嚟送親戚，但驚老人家覺得佢送cheap嘢，又怕老人家覺得佢蠢買貴嘢其實係平嘢。因為美西呢邊奇華迷你奶黃一盒四個賣19.99美金，Lady M又係四個月餅賣58美金，即係個M字同埋個紙燈籠賣38美金，投訴人就覺得如果知道係奇華月餅，佢唔會用多38美金去買個紙燈籠，雖然係好靚。
再另一點係有人發現呢次SF pop up shop做得有問題：
1）預購嘅宣傳頁面貼今年2018年snow dome嘅相片，雖然文字上有寫pink lantern（2017年包裝），但圖片誤導消費者。
2）呢次pink lantern東岸同LA好似冇賣，感覺Lady M將上年賣剩嘅盒拎嚟來SF用，有人懷疑入面嘅月餅係臨時安排，為咗賺多D錢而臨時去奇華訂餅賣俾SF嘅客。
很續Lady M已對當事人道歉，表明月餅雖然係奇華代工但係兩間餅店共同研討之專屬口味，唔係隨便做。Lady M會於官網發佈道歉聲明，對於不愉快想要退貨嘅消費者提供免運費退貨退款服務。
P.S. 我個人覺得咁貴又唔知好唔好食，肯俾咁貴價錢，除咗衝著個包裝同名氣外，多少對個月餅品質或品味有D期望，食完覺得不外如是一件事，最多下次唔幫襯，但有代工品牌又冇預先講明，的確令消費者唔高興，Lady M應該要做好QC，據講係有關員工唔識中文，以為奇華果兩個字只係圖案，所以冇特別留意，太唔小心啦。
花旗太太生活在花旗國，留意時差，你問我未必即時答到。
發表於 
返回列表
